حس بلوعات الليالي

حس بلوعات الليالي والأحزان
وحس بعدها بالهوى لابغيت
وش يهمك لويقولون زعلان
لوفيك ذرة من الغلا ماجفيت
ياللي تقول الخطأ زلت لسان
ليه أنتهى ذاك الغلا وأنتهيت
خطاي وينه مدري الذنب وش كان
في زحمة الأيام ليه أختفيت
وقفت في وجه الزمن قدر الإمكان
وأنت صد فيك الخيال وغفيت
جيت وقلت الجرح يوم أقبلت هان
وأنت على الجرح القديم أرتكيت
قلت لي إن الحب لابد ينصان
واليوم ماكنك دقايق هويت
شافوك حساد الهوى شوف
الأعيان يومك على رجم القصايد رقيت
مابان شي ولابقى شي يبان
أنت اللي كنت غافل مادريت
أمس لك طاري بقلبي ولك شان
واليوم أحس بغلطتي لاطريت
وإن قدر المولى وعشت بحرمان
ومن حر لوعات الجفا بكيت
تذكر قلبن له شهور شفقان
وشف بحقه ياكثر ماخطيت
كل القصايد اللي أرسلها علشان
تهزك الذكرى من عقب مانسيت
 
الخافي

لحن رائع بكل ماتحمل الكلمة من معاني

معزوفة اجدتِ عزفها بإتقان

كنت بحق رقيق

تسلم يدك

تحياتي لك
 
أخي الفاضل الخافي


0

هنيأ لنا بوجود بيننا في عالم الخواطر ،،


حروفك مدرسه نتعلم منها فنون العشق



رائع حرفك بكل ما تحمل من معنى ،



سننتضر حتى نرشف المزيد من رحيق قلمك



دمت مبدعا



لك خالص ودي وأحترامي

البرنسيسهG
 

كل القصايد اللي أرسلها علشان
تهزك الذكرى من عقب مانسيت
0
0
أخوي الخافي

معاني بغاية الروعة وألأتقان

لوحة جميلة بأحساسها العذب

شكرا لك من أجلها ولها

وسلمت يمينك
 
عودة
أعلى