السامي
New member
السلام لكم
من ابداعي وقصيده ارجو ان تعجبكم
سر يا قلم وأكتب تعابير محزون
من ضامر شيخ الهموم التوى به
اكتب تراي اليوم حاضر وممنون
خل المعاني لي ولك الكتابة
وهبة كريم حاكمه عقل موزون
أليا بدعت القاف محدن لقا به
أرتبه باداب وأرسم به فنون
فيه أتغزل وأمتدح واهجا به
أنا لقيت الشعر كلمة ومضمون
جابه بها معنى ثلاثين جابه
يسلى بها قلبن من الهم مشحون
أليا عثابه واشتكى ما عثابه
وش عاد لو قالوا بالأشعار مفتون
بعض البيوت تنسي القلب مابه
بعض العرب هرجه على الكبد طاعون
مزحه ورزحه مختلط في جوابه
يقول هرجة عقل من رأس مجنون
ويزيدها بأسلوب خبث وخيابه
هرجه يزيد الضغط والسكر وقولون
والله يعين المبتلى في جنابة
وأحدن كلامه يشرح الصدر موزون
تحس في نبرة كلامه حبابه
يدارى المشاعر ويترفق على هون
معطيه ربي باللسان الذرابة
ومادم سري بين الاظلاع مدفون
وسط الحشاء مافيه حي درى به
أنا غني لو قالوا الناس مديون
عندي غناة النفس عز ومهابة
تهون هالدنيا بعيني ولا أهون
والله ما تسوى جناح الذبابة
ارجي كريم بأمره الكاف والنون
لو صكت الأبواب ما صك بابه