للخرابيط عنوان =مخي فاصل

اجمل نكت مضحكة - اضحك على سوالف الشباب والبنات
  • ارسال إلى Twitter
  • ارسال إلى facebook
  • ارسال إلى google plus
    1. حلاتي بشقاوتي
      26-12-2010, 05:04 PM

      للخرابيط عنوان =مخي فاااصل

      للخرابيط عنوان =مخي فاصل


      بسم الله الرحمن الرحيم

      سلام عليكم ياقدعان وقدعات>>

      طيبين وطيبات ,, داجين وداجات .. هاجين وهاجات .. طلاب وطالبات

      بدون مقدمات وروحات وجيات بالحقيقه و الواقع والبحر فيه .. قواقع

      عاد انا اليوم غايبه وحسيت اني تفشانه

      وماخليت جدار بالبيت ما ناطحته

      واحس من كثر ماناطحت جدران طلعت براسي فكرة خربوطه

      ودورت احد اخربط عليه .. واطلق عليه صواريخ ارض ارض

      قلت لنفسي .. مابدهاش مافي غير قسم الدجه

      ودي اجي في ذا اخربط عليكم شوي واتميلح>>

      كنا جالسين انا وجدتي

      نبذه عن جدتي:



      جدتي انسانه لهامكانتها المرموقه بالمجتمع
      راعية مؤتمرات ولقائات صحفيه

      تعبت من كثر ما أدوج في هالإجتماعات والمعارض الرسمية

      والمؤتمرات الصحفية معاها

      كودي أتعلم الحكي المزبرق الرسمي

      مثل هالعالم والناس .. بس ماعندك احدمخي فاصل

      حتى أهلي يحسبوني صكيت على لورا بوش بهالمؤتمرات
      ما دروا إني أحضر حتى أصفق .. واشرب عصير حبحب


      دايما تجتمع بناس مرموقين ولهم مكانه اجتماعيه
      وجدتي هي الوحيده اللي من عائلتنا الكريمه معطيتني وجه
      علشان كذا .. لازم تتحمل سيل الفشايل اللي يجيها مني

      بقوول لكم اول فشيله >>>>

      ..في احد الايام بعد مادهنتها بفكس وكريم ابو اسد

      جلسنا نرتشف فناجلنا من حليب الزنجبيل اللذي سويتهو انا>>ابووك ياللغه

      المكان : حوش بيتنا

      الزمان : الساعه 7 العصر بعد العشاء قبل اذان المغرب وقت السحر بعد شروق الشمس>>

      المناسبه: اصابة جدتي بالتخريفه المبكره وقدومها للعيش معنا>>

      تجاذبنا اناوجدتي اطراف الحديث

      المهم اني وانا بوسط حديثي المبارك مع جدتي>>دق تلفون البيت

      وكانت وحده لها مكانتها الاجتماعيه المرموقه

      داقة تبي تاخذ وصف بيتنا حتى تزور جدتي ..

      ومن سوء حظها .. إني أنا اللي رديت عليها ..>> ياقرادةحظها
      شكلها سوت اثم بذاك اليوم >وعاقبها الله فيني

      قاعدة أقول لها ( وانا رافعة الكلافة كني أسولف مع وحده من صاحباتي من زود الميانة )
      واقوول لها وينك ماتنشافين ياكافي ما كننا ربع ..

      قالت لي : الحقيقة نادرا ما ألقى وقت عندي تحضير وتدريس و الله يعين ..

      أجيكم اناواثقة من نفسي .. واقول لها إنتي من تدرسين الحين ؟ قالت .. أدرس مستوى ثالث ..

      (ويازيني ساكته ) : قلت ثالث وشو ..ثالث إبتدائي ؟؟؟

      زين ما صكت السماعة بوجهي من الفشيلة !!

      وليتها سكتت ومشتها إلا قالت : استغفر الله لألألألألألألألألأ.. ثالث جامعة ..!!

      .. طيب أنا وقتها وش عرفني إنهم يسمون الأترام بالجامعة مستويات ..!!

      على بالي إنسانه مثقفة و راقية أجل " برستيجها " ما يسمح لها تقول والله أدرس " صف " ثالث كنها وحدة عادية حالها حالنا ..

      هذي الفشيله الاولى لجدتي

      اها اما الفشيله الثانيه

      ****************


      رحت بزياره مع جدتي اطال الله بعقلها لعائله مرمووقه

      وكانوا يسولفون وانا ماغير ابلع بذاك الحلى

      وكان في وحده من الحريم تسولف عن زواج بنت جيران منيرة

      اللي تصير مرة أخو هيله أم محمد رجل منيرة اللي اخذ خلود ( حلوها عاد ) ..!!

      المهم البنت هذي مازفوها طلعت من القصر للسيارة على طول ..

      وأجيكم أدودل بدلوي في الموضوع تقولون أحد حالف علي أدودل به :

      " يوه يا شين كذا ما شافوها الناس تدرون أصلا أنا في زواجي أبسوي زفة " ..

      كل النظرات اللي كانت حاقرتني طول الجلسه .. إلتفتت ناحيتي وعظام يدي إنعفطت من نظرات جدتي ..

      قالت وحدة من العجايز : لا يابنيتي موب زين تفيضين على الناس ينظلونتس بعدين ( وش ينظلوني عليه الله يعافيتك ) ..

      قلت لها : أزين أجل أسافر مع زوجي ننبسط وإذا رجعنا سوينا زوارة..

      قالت جدتي ( عقب مازرق وجهها ) : واخزياه البنات ماعد يستحن ماخبرنا البنت تحتسي بالعرس ألين ما تعرس ..

      روحي بس إزهمي على أبوتس شوفيه وراه أبطى علينا ..>> جدتي تبغى تخرج عمرها من الفضيحه

      وبعد هذي الفشيله صارت جدتي إذا بغت تزور أحد .. تلبس وتشخص وتدخل علي في الغرفة تلقاني ملبدة على سريري على غير العادة ..

      تقوم توزي عباتها ورا ظهرها وتطلع من البيت تلبسها في الحوش وتسوي كل ذا حتى ما أدري عنها لما تطلع ..

      وعاد ياشين الواحد لاسواه واحد رزه بعدين فشله


      _______> منقووول ____ من مخي


      ايه هذا وشسمه بتقيموني ولا اسوي فيكم زي ماسويت بجدتي>>

      خخخخخخخخخخخخخخخخخخ>>>>رهيب ذا الفيس احس انه محشش

      كونوا بخير
      250*300 Second
    2. حوسة مشآعر
      26-12-2010, 05:53 PM

      رد: للخرابيط عنوان =مخي فاااصل

      للخرابيط عنوان =مخي فاصل


      هههههههههههههههههههههههههههههههههههههههههههههههههههه بجد انك زاحفه وفله كمان وكثيري من فصلات المخ مادام انها تضحك هالكثر وتقبلي مروري
    3. امل وكلي الم
      26-12-2010, 06:44 PM

      رد: للخرابيط عنوان =مخي فاصل

      للخرابيط عنوان =مخي فاصل


      الله يعطيك الف عافيه
      ويسلمك يا خيتي
      وتقبلي مروري
    4. أميرة بوجودي
      26-12-2010, 06:51 PM

      رد: للخرابيط عنوان =مخي فاااصل

      للخرابيط عنوان =مخي فاصل


      هههههههههههههههههههههههههههههههههه

      الله يخلي لك جدتك

      يسلمو تقبلي مروري
    5. حلاتي بشقاوتي
      26-12-2010, 07:12 PM

      رد: للخرابيط عنوان =مخي فاصل

      للخرابيط عنوان =مخي فاصل


      المشاركة الأصلية كتبت بواسطة لنو الدلوعه
      هههههههههههههههههههههههههههههههههههههههههههههههههههه بجد انك زاحفه وفله كمان وكثيري من فصلات المخ مادام انها تضحك هالكثر وتقبلي مروري















      ههههههههههههههههههههههههههههههههههههههههههههههههههههههههاي
      مشكورعلى ردك