يذوب الليل بعين الغريب وينطفي ناره

الشعر, قصيدة , شعراء, القصايد ارسال إلى Twitter ارسال إلى facebook
  1. فاقده لذاتي
    18-12-2010, 01:20 AM

    يذوب الليل بعين الغريب وينطفي ناره

    يذوب الليل بعين الغريب وينطفي ناره


    يذوب الليل ب عيون الغريب ..... وتنطفي ناره ..
    .......................... ويطيح الحلم من عالي سماه وينكسر نوره ..



    يسولف ل الدروب اللي شكت من طول مشواره ..
    .......................... عن طعون القريب و دمعتين واه مكسوره ..



    عن المنفى .. عن ذنوب الزمان .. وقبح أعذاره ..
    .......................... عن الامال والهقوه .... وروح فيه مقبوره ..



    عن اللي يشكي الغربه وهو عايش وسط داره ..
    .......................... عن اللي شاف ب عيونه أخوه يخون دستوره ..



    عن المجهول والواقع .... عن اللي بيح أسراره ..
    .......................... عن اللي مع حبيبه شاف غيره ماخذن دوره ..



    يسولف عن كثير أشياء .... ضيع ل أجلها ثاره ..
    .......................... وطيح برجه العاجي ... وقلعة حلمه وسوره ..



    يكابر .. والالم ينطق .. قبل تسأل عن اخباره ..
    .......................... يحاول يبتسم والضيق يكمل باقي الصوره ..



    ب ذنب الغير يتحاسب وحاله شبه منهاره ..
    ........................... ويردد كل ماضاقت عليه الأرض مشكوره ..



    يطيح الليل من عين الغريب .... وتنطفي ناره ..
    .......................... و يموت الحلم في عالي سماه و ينكسر نوره ..
  2. علاوي82
    18-12-2010, 02:34 PM

    رد: يذوب الليل بعين الغريب وينطفي ناره

    يذوب الليل بعين الغريب وينطفي ناره


    قصيده رائعه بجد
    تسلم روحك غلاتي على جمال ذائقتك
    مودتي
  3. طير القوافي
    18-12-2010, 07:43 PM

    رد: يذوب الليل بعين الغريب وينطفي ناره

    يذوب الليل بعين الغريب وينطفي ناره



    يسولف عن كثير أشياء .... ضيع ل أجلها ثاره ..
    .......................... وطيح برجه العاجي ... وقلعة حلمه وسوره ..



    يكابر .. والالم ينطق .. قبل تسأل عن اخباره ..
    .......................... يحاول يبتسم والضيق يكمل باقي الصوره ..



    صح لسانك
    قصيدة رائعه
    ابدعتي كثير
    تقبلي وجودي
    طير القوافي