قصيدة كيف السبيل - مطلق النومسي

ديوان الشاعر مطلق النومسي
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      10-12-2010, 09:02 AM

      قصيدة كيف السبيل - مطلق النومسي

      قصيدة كيف السبيل - مطلق النومسي


      يا سيدي يا عبدي الحر الأصيل
      صمتك يرتبني حكي لعلني


      أقدر أفصل لك من الحكي الطويل
      فلا تقاطعني رجاءا خلني


      ودي أفضفض ما بقلبي لو قليل
      وأجيك عقدة مبهمة وتحلني


      الوقت لو حاول يخليني ذليل
      أموت جوع ولا الزمان يذلني


      مزامل همي وصار أقرب زميل
      والهم من سن المهد محتلني


      صحيح همي شي شبه المستحيل
      وصحيح يضميني عبث ويعلني


      لكن قناعاتي ورا الصبر الجميل
      تحلف على ربط الحزن ويفلني


      يا سيدي ما فات خله حلم ليل
      وعن ما يذكرني همومي شلني


      بعدك كذا علة وأنا مبطي عليل
      والناس وظروف الزمان تعلني


      قربك سبيلي دامني عابر سبيل
      تعال وإجمعني سحاب وهلني


      تعال لبس راسي التاج الجليل
      وعلى معاليق الضماير ولني


      تعال شرق بي قبل راسي يميل
      تعال يا بحر الغروب وبلني


      أيوه تعال أقرب هنيا حيل حيل
      سلال بعدك يا مليكي سلني


      وإذا لقيت إن ( الغلا ) دمه ثقيل ؟
      زر (غب) تزدد (حب) قبل تملني


      وإن كان جيتك ضايق ودمعي يسيل
      خذني على صدرك شوي وسلني


      بعدك عذاب ولا يبي طبعا دليل
      وإن كان تطلبني دلايل خلني


      أستشهد بشطر من الشعر الأصيل
      كيف السبيل إلى وصالك دلني؟
    2. εηđмa̶j Ω̴̩Łν̵яώa7
      25-09-2011, 09:26 AM

      رد: قصيدة كيف السبيل - مطلق النومسي

      قصيدة كيف السبيل - مطلق النومسي


      يعطيك العافيةة خيتو :) ‘
    3. المريسي
      09-09-2015, 03:36 PM

      رد: قصيدة كيف السبيل - مطلق النومسي

      قصيدة كيف السبيل - مطلق النومسي


      شكرا عالكلمات

      تحياتي