العنصرية في السعودية وعادات اجتماعية ودينية جميلة

Dona Ahmmad

Active member
العنصريه......!:

بمفهومي تميز بشر عن بشر بحسب اللون اوالعرق

اولطبقه الاجتماعيه اوالجنس

وانا اشوف ان معظم العرب وخصوصا الخليجين وبالاخص السعودين عنصرين: بدون زعل انا ماقلت الكل

بتقولون كيف يعني!

انا اقولكم بالله كم مره تتكرر عليك هذي الكلمات

‏(تكارنه،عبيد،لحوج،سودانيين،مصاريه،......الخ)

ياخي اكثر شي يقهرني كلمة(عبيد) ياخي كلنا عبيد الله وشو له التكبر؟!

ترى مردنا في النهايه قبر وكلنا بياكلن الدود ماراح يقول هذا سعودي ولا غيره!

وقال تعالى(اكرمك عند الله اتقاكم)

ياما في تكروني يجيب عشره من السعودين ولا الخليجين ولا البيض بشك عام

ياخي تبي تتكبر روح تكبر بشي انت سويته مو شي طلعت من بطن امك وهو فيك

ونقطه تقهرني دايما حتى في المنتدى

سوداني ولا سودانيه ياخي انا مدري وش سو لكم ع فكره انا عاشرت سودانين ماشالله عليهم شعب ولا اروع اخلاق وكرم وكل شي

بس اسمحولي اذا انتم من النوع اللي يهمه الشكل فا أنتم(مريضين نفسيا) بكل صراحه ولازم تتعالجو
 
تابع القضيه الاولى:العنصريه.....الاستهزاء

الاستهزاء على الجنسيات الثانيه:

مثلا اذا كنت طفشان افتح قناة السودان سلامات وش فيه تلفيزون السودان ياخي بكيفهم عاجبهم محد ضربك على يدك وقالك افتحه!

ليه ماتفتح القناة الاولى ؟! ترى نفس الشي مافي فرق!

مثال ثاني(مصري مصري يامسخره امك راجل وابوك مره)

وربي لو اعرف من مطلعها لاقطع كشته!

بعدين وش فيها اذا الانوثه كستها رجوله انا ماشوفها غلط دامها ماتتعدى حدود الدين!

هذا كله كوم واغنية(نورت مصر) شي ثاني صراحه عيب ع شباب وكر العصفور وقاحه لابعد حد!


ولا هذا شي وانو بعض الحريم مايتغطون من الاجانب>>>مع اني ماحب هذي الكلمه

طيب اللحين الهندي مو رجال ولا ماملى عيونكم؟!

اتقو الله بس ترى مردنا قبر وبعده ياجنه يانار
 
تابع القضيه الاولى: العنصريه....اكبر تخلف

اكبر تخلف

لما يجيك سعودي يتكبر على سعودي!

مثلا دايم يستهبل ع اهل الحجاز سلامات على وش تشوف نفسك تراه سعودي زيك

ويكفيهم فخر انهم في الاراضي المقدسه! ارفع راسك انت حجأزي

ولا القصيمين ياحليلهم فديتهم بس مدري ليش بعض الناس ينقهر

ولا يوم يجيك الاستهبال على الحاره اللي انت ساكن فيها

وش فيها الحين المنفوحه!

كذا بكتفي في العنصريه

والباقي عليكم فكرو فيها وعينو وعانو للتخلص من الافه ذي

وشكرا




و منه ارفع راسك انت قصيمي
 
خلصت الاجازه....والعواقب جايه

خلاص جات المدارس والجامعات والدوامات:

وبكذا راح نرجع للحوادث وزحمة الطرق والمطاقات من صباح الله خيير

عزيزي المداوم سواء كنت طالب او موظف سنعطيك موجز عن ماسيحدث خلال الاسبوع :

1‏ اذا كنت انت من تسوق السياره ننصحك بارتداء سماعات وشغل القرأن=لانك راح تسمع معزوفه من الشتائم والكلام البذيء والجارح واللعن والقذف وقد تصل لحد التفل

2‏ اذا كنت طالب/ة ننصحكم بالتادب في الطريق وعدم رفع الصوت او التصرف بشكل غير لائق=لان سيارات الهيئه وسيعه

3اذا كنت شرطي مرور ننصحك بشراء احتياطيك من كريمات العضلات لانها ستنفذ من السوق عند الساعه8 صباحا

4‏ اذا كنت معلم ننصحك بشراء كفرات ضد الطلاب!
 
تنبيه......

بكل اختصار الكلام اللي اكتبه وجهة نظري انا

وانا ماكتبته الا وانا مقتنعه فيه!

لذلك لاداعي لان تحرج نفسك وتناقشني في اللي اكتبه انا بكتبه واللي عجبه عجبه واللي ماعجبه يطق راسه بالجدار

وسلامتكم^_^
 
بالصرآحه كتيير احلى......

راح اتكلم عن التفرقه العنصريه بين العوائل

يعني انا عائلتي كذا(............) ياي من قدك تمشي معك الامور تمام وتشوف الناس من طرف خشمك وماتتزوج من عائلة كذا(...........)! مع انهم متأدبين وقمه ولاعشره زيك يجبون شعره من شعرهم!

يعني الى متى التخلف ها الحركات هذي يمكن ايام الجاهليه بس بعد مانزل الاسلام محى التفاهات هذي!


انت ماتدري من انا انا فلان ال(........) ارحمنا ياشيخ!
 
فاصل :اضحك تضحك لك الدنيا^_^

قال صلى الله عليه وسلم(ابتسامتك في وجه اخيك صدقه)

لاتكف عن الابتسام حتى عندما تكون حزينا فأنت لاتعلم من يعشق ابتسامتك
 
عودة
أعلى