جحاده + تشره + درايه = فيس ينتف شوشته

اجمل نكت مضحكة - اضحك على سوالف الشباب والبنات
  • ارسال إلى Twitter
  • ارسال إلى facebook
  • ارسال إلى google plus
    1. هآديه حيل
      22-11-2010, 12:40 AM

      جحاده + تشره + درايه = فيس ينتف شوشته

      جحاده + تشره + درايه = فيس ينتف شوشته


      السلام عليكم ال الرجه الكرام ..
      تسيف اصبحتم ؟؟ ....الخ الى ماهنالك من ترحيبات وسوالفن تنعاد
      طبعا هالموضوع جا نتيجه حدى طنقراتي من هالناس اللي دابلتن اتسبدنا
      يعني عندنا فئات من البشر تجيب لك العله
      طبعا اللي فات يقال انه مقدمه << تكفون سلكوا لي إذا ماجاز لكم وقولوا انه وش اسمه زين ومامثله
      نبدا بالبلية الاولى اللي هي الجحاده
      نعطي مثال بسيط واقعي .." صار لي سخصيا "
      في يوم من ايام الدراسه الله لايعيده تعطين الادراه ملف لكل طالبه عشان اخذ بياناته الشخصيه << طبعا هالشئ لازم تسويه معلمه بس لان المدرسه كانت نموذجيه عطونن اياه
      المهم واروح عند حدا هالطالبات وكانت حامل
      وأقول لها بكل ذرابه : لوسمحتي جيبي كرت العايله حقت رجلتس بدل القديمه عشان النظام يبي تسذا
      وترد وجه ملفوع : وش دراتس اني معرسه
      يعني يبي لها معادله هي وخشته من هالدبه اللي شايلته
      وارد عليه بشوية ذرابه : لانك حامل وبالسابع بعد << حاسبتن له بعد
      واقفي واخليه ..
      طيب هالجحاده ذي وشوله
      وش الفايده المرجوة يعني ؟؟ هو صحيح المفروض ان الواحد مايقول كل شئ بس بوه شغلات ماتنجحد
      عرس .., وفاة .., وزي تسذا يعني
      نجي للطامة الاخرى الا وهي التشره
      وذي تلقاه اكثر شئ عند العجيزات ..
      مثال على ذلك .. وياكثرهن
      يقولون انتس مسافره وراتس ماعلمتينا والا خايفتن ننحنتس << اي نحسدك
      هو فلانه انخطبت وانا مرت ولد عم خال مرت اخوتس وما علمتينا
      وراتس توتس تجين لمي يوم قضيتي مشاوريتس جيتي ؟؟!!>> ماقصد احد
      يقولون يا ام فلان انتس عازمتن ام فلان وحمولته وانا ياكافي وراتس ماعزمتين ؟؟ وش اللي غيرتس علينا ماكنتي تسذا ابد مير من جتس هالشغاله وانتي بازتن بعمرتس
      ايه وش اسمه تلقون هاللي يتشرهن على خلق الله ياويل اللي يناظر لهن ويفتح افمه ويتشره
      شعارهن نتشره ايه يتشرهون علينا امعصي
      عاد نجي لاخر شئ اللي هو الدرايه
      لتوضيح للي ما يعرف وش معناه : الدرايه من فعل درى اي جحد كل شئ زين عشان الناس مايحسدونه
      وهنا الضحايا الاغلب يكونون رجال هاللي يدرن ..
      مثال :رجلي مالت عليه مايعرف يجيب لي شئ لو هو بمثمون ريال مهب مثل رجل فلانه ماعمره دخل بيته الا وايده مليانه << طبعا هي ذكرت رجل فلانه عشان الناس يلهون بوه ويتركون رجله
      ابو فلان مايحب يودينا للسوق إذا بغيت شئ من السوق اوصي خواتي يجيبن لي ياعمري يانا ولا يمنع من ذرف كم دميعه عشان تظبط السالفه
      ياربيه من هالمعدة اللي لي ما أذوق شئ ابد اللي وهي قابتن علي
      ما اتهنى بشئ ابد ..

      طبعا هالامثله شئ من لاشئ واغلبها مواقف صارت لي
      ونتيجه لذلك قربت اصلع من تنتيف شوشتي ..
      وبكذا اكون قضيت من اول موضوع لي << يحلفون انه ترتجف وهي تكتب ذالتن من الماصله
      وش اسمه إذا جاز لكم امدحوه وإذا ماجاز لكم عاد الشكوى لله << عشان اكسر خاطركم

      انطلقوا يارعاكم الله
      250*300 Second
    2. **مشكلجي**
      22-11-2010, 01:21 AM

      رد: جحاده + تشره + درايه = فيس ينتف شوشته

      جحاده + تشره + درايه = فيس ينتف شوشته


      يسلمووووووووووو


      بس السالفه طويله
    3. هآديه حيل
      22-11-2010, 02:04 PM

      رد: جحاده + تشره + درايه = فيس ينتف شوشته

      جحاده + تشره + درايه = فيس ينتف شوشته


      ماطلبت راي احد اذا طويله او لا

      ومشكور على المرور
    4. علمتني الحياة
      22-11-2010, 05:23 PM

      رد: جحاده + تشره + درايه = فيس ينتف شوشته

      جحاده + تشره + درايه = فيس ينتف شوشته


      ما فهمت شي
      يسسللمو