قصيده خاينه .. ونهايه ,

الشعر, قصيدة , شعراء, القصايد ارسال إلى Twitter ارسال إلى facebook
  1. Loli.
    15-11-2010, 08:39 PM

    قصيده خاينه .. ونهايه ,

    قصيده خاينه .. ونهايه ,


    خيانه. . . وانتهت اخر سوالف عشقي المجنون
    سوالف عشق. . .ياما الناس قالتها وعادتها
    حكوا عني وحكوا عنها وعن حب ملا هالكون
    صاروا يحلفون بحبنا. . .وصدقي. . .وطيبتها


    وكم واحد تمنى لو خذا من لون حبي لون
    وكم وحده تمنت لو تشابهنا حكايتها


    انا وياها كنا حلم. . .بالمعنى وبالمضمون
    لكل اثنين. . .قصة حبهم تعلن بدايتها


    وفي ليله صرخ فيها الوفا من ظهره المطعون
    بدايتها جروحي. . .والوفا مات بنهايتها
    في ذيك الليله . . .كان اهون على احيا بدون عيون
    ولا اشوف اللي شفته من حبيبة قلبي ساعتها
    بعيني شفتها وياه. . .تضحك له. . .وهو مفتون
    سعادتها في قربه. . .تشبه فقربي سعادتها


    وهو طاير من الفرحه. . .ولا يدري بأنها تخون
    ويمكن يدري وساكت . . .ولا تهمه حقيقتها


    بعيني شفتها. . .ماهو حكي واشي وخيال ظنون
    بعيني. . .ليت عيني عمرها مايوم حبتها
    وقفت ولسان حالي يقول ليه؟ ومن متى؟ وشلون؟
    عساي القى سبب واحد يبرر لي خيانتها


    وادور للجريمه ثغره بكل مذهب وقانون
    ولكني عجزت القى عذر يغفر جريمتها


    قبل هالليله. . .كنت اسمع كثير من البشر يشكون
    من سيوف الغدر. . .واضحك وانا أتباهى فبراءتها


    انا ما كان عندي شك ولو واحد من المليون
    في صدق اللي تقوله عن غلاي وعن محبتها
    خيانتها عطت حجه لكل اللي يبي يخونون
    ومن هالليله. . .كل خاين بيتعذر بقصتها


    مادام اوفى البشر خانت. . .حرام الباقي ينلامون
    وكلمات الوفا لا عاد احد يطري لي سيرتها
    خيانه. . .وانتهت اخر قصايد عشقي المجنون
    وضاع الحلم. . .في ليله. . .الوفا مات بنهايتها


    حبيتها حيل قصيده وكسر خاطري حيل رجال :(
    نقلتها لكم من شدة روعتها


  2. « яόħч тεнвεķ »
    15-11-2010, 08:42 PM

    رد: قصيده خاينه .. ونهايه ,

    قصيده خاينه .. ونهايه ,


    كلمات رائعه بس حزينه
    إختيار مميز وطرح رائع خيتو
    سلمت وسلمت يداك وبإنتظار جديدك ..

  3. ســــانـــــدى بـــل
    15-11-2010, 11:21 PM

    رد: قصيده خاينه .. ونهايه ,

    قصيده خاينه .. ونهايه ,


    ذات العيون المتلالئه

    كلمات عطره

    وعذبة المعانى

    نقل واختيار موفق

    دمتى مميزه


    رعاك الله...
  4. عانقتني حسرتي
    17-11-2010, 03:10 AM

    رد: قصيده خاينه .. ونهايه ,

    قصيده خاينه .. ونهايه ,


    كلمات رائع ونقلك لها هو الاروع

    تحياتي
  5. ᵽ¡ҋʞ ║•
    30-07-2011, 08:22 PM

    رد: قصيده خاينه .. ونهايه ,

    قصيده خاينه .. ونهايه ,



    إختيار موفق خيتو ‘

    لاعدمناك :) *
  6. البرنس
    30-07-2011, 11:43 PM

    رد: قصيده خاينه .. ونهايه ,

    قصيده خاينه .. ونهايه ,


    الله يعطيك العافية
    قصيدة مؤثر