زوج إختي الرجل الغريب

queen

Well-known member
السلام عليكم ورحمة الله وبركاته

القصة حقيقة أبطال أحداثها يعيشون من حولنا
بمكان ما

راح أدخل بلسان صاحبة القصة

تقول تزوجت قبل إختي اللي تكبرني بعام وأنا عمري 23 سنة وبعدي بكم شهر تزوجت إختي من قريب زوجي رجل في 32 سنة وما عنده عيال مطلق زوجته وراتبه أقل من زوجي معروف أنه شخص حكر وعصبي وزوجته الأولى هربت منه لبيت أهلها ما تحملت العيش معه لسوء معاملته لها
المهم أنا كنت مع أهلي بمنطة ولما تزوجت جيت لمنطقة ثانية ومسافة مرة بعيدة ..
وفرحت أنه فيه أحد من أهلي بيسكن معاي بنفس المنطقة وشأت الصدف أن أنا وإختي ندرس بنفس المدرسة بس هي بمدينة وأنا بمدينة ثانية يعني قراب حوالي نص ساعة بالسيارة
لما جيت بولد بإبني البكر رحت لمنطقتنا عند أهلي وظلت إختي مع زوجها وكنت أقول لزوجي أي تبيه قولي أخلي إختي تضبط لك البيت وأنت بالشغل ظليت حوالي الشهرين ورجعت وبيت جنة أحلى مما تركته عليه ...
المهم بعد 7 شهور إختي قرب موعد ولادتها وقلت لها روحي عند أمي قالت لا ما أقدر وطيلة ماهي حامل وحنا نعطيها أسامي للمولود وهي تقول أن شاء الله بقول لزوجي وأخذ رأييه وعصبت عليها
خصوصا أن لبسها بالمدرسة ومكياجها عادي ولا كأنها متزوجة ولا مدرسة ولا تطلع ولا تحضر مناسبات وأنا أكيد مرتاحة مع زوجي إبو عيالي وأتحسر عليها وعلى لباسها وحرمانها من لذة العيش الكريمة المهم ولدت إختي وظلت في بيتها مع زوجها ..
وهذا عصبني والمسكينة جات أمي تنفسها وهي تقول لا مو منه هذا مني وحنا جرنا على الرجل كلام نساوين :k: والحق يقال من نزورهم مرة محترم معانا ومن أدخل بيتها وضعها غير مرة غير مكياج ولبس ولا أجمل وعطور
وقلت لها يوم أنك تعرفين تتزينين ليه بالمدرسة مو ذاك الزود ولا بالمناسبات ولا إذا جيتي عندنا
ما ردت علي وكل ما سألنها عن زوجها ترد تقول الحمدلله مرتاحه وي فديته أبو عبدالله
سمت ولدها عبدالله طبعا هذا إختيار زوجها هي خاطرها من يوم يوم تسمي ولدها زياد ما أعرف كيف كسرت الحلم ..
المهم مرت السنين وصرت حامل بالرابع وكانت أمي مسوية عملية بالقلب ما أقدر أروح أولد عندها بالبيت ولا فيه أحد يقدر يجي عندي ينفسني جلست أبكي وبالمستفى جلست أقول ضعت أنا ضعت
وكذا من حالة النفسية بعد الولادة وأمي مريضة وكذا ...
أول يوم أختي تهديني وتقول لي ذكري الله بس ما قالت لي أنها راح تجي عندي وهنا صارت المفارقة العجيبة بحياتي وتعرفت عدل من يكون زوج إختي ..



بس تعبت التكملة بكرة بإذن




 
‏ஜالإمبراطورهஜ و{انثى من الخيال}

الله يعافيكم تسلمون ع التفاعل

********************
اليوم الثاني جات لزيارتي بالمستشفى وخبرتني أنها راح تظل معاي بالبيت لمدة 8 أيام إلى 12 يوم
طبعا هالثلاث أيام عيالي كانوا عندها يعني كانت تراعي 6 أطفال .. وهي تعمل وتجي لعندي وما تقصر معاي طبعا فرحت وقلت لها غريبة زوجك وافق قالت ربي يحفظه ويحميه دايم طيب وما يرفض لي طلب
كتمتها بنفسي وقلت هين هو معزرك تعزير حتى المدرسة لما تروحين من غير مكياج ولا زينة ..
المهم ما حبيت أجرحها وقلت لها جزاه الله كل خير والله أني كنت شايلة هم ما يعلم فيه إلا رب العباد
طلعت من المستشفى لبيت إلا هو زي الفل طبعا كنت أنا وعيالي وإختي وعيالها وشغالتي وشغالتها
زوجي لما قلت لها أخذ له شنطة ثياب ونقل للعيش في بيت أهله أول يوم دخلت فيه البيت كان فيه حلويات وفطاير والثلاجة مليانة ومرتبة ق2 على غير العادة قلت وأخيرا تسنع زوجي وما حب يفشلني ....
المهم دقيت عليه عشان أشكره وأتطمن عليه بدل ما هو يتطمن علي ...:l:
المفاجأة انه رد ها وش تبين بعد .!!
قلت له سلامتك ..
تسلم حبيبي ما قصرت والله انك بيضت وجهي قدام إختي وأنا شايلة هم كبير
رد علي ..
هي إنت وش قاعدة تخربطين يعني تعايريني ..!!
قالت له أنت ما شريت أغراض للبيت ولا للعيال ألعاب ..!!
ردي علي .. بإسلوبه اللي يرفع الضغط ..
أقول قفي بس شكل النفاس مأثر بمخك تعرفين أن ما في مخباي ولا ريال ..
زين إذا بكرة لقيت أحد يسلفني أعب السيارة بنزين ..
قفلت وكتمت المي وتصرفت كأن كل شيء عادي
إلا وإختي قالت إترحي الحين وخلي البيبي عندي وأصلا هو نايم وأنا بأخذ الصغار وبطبخ العشاء قلت لها تعب عليك كذا خدامتي تعرف تطبخ خليها هي تسوي العشاء ..
ما رضت وأصرت هي تسوي لنا العشاء وقالت ولا يهمك خلاص أنا أعرف أتصرف
تعشيانا وسبحت العيال وخلتهيم يستعدون للنوم وأنا أراقب بس .. جوالها كان خربان ما يتكلم غير سبيكر لحسن حظي ..

قبل كل صلاة زوجها يدق عليها يذكرها ونفس الشيء هي كأنهم في سباق ... سبحان الله وأول ليلة أتصل وسلم عليها وسألها إذا محتاجة شيء ..
رديت عليها
تسلم والله ما قصرت معاي ربي لا يحرمني منك قالها والعيال أخبارهم أن شاء الله مبسوطين
ايه ما عليهم
وأخذ يكلم عياله واحد واحد وكل واحد يعطيه حقه بالمكالمة والسؤال والسوالف ولا يمل منهم وكله حنان على عياله قلت يمكن لأنهم عياله وأول مرة ينامون بعيد عنه وبعدها جلس يسولف مع إختي
وكان مرة حنون وإسلوبه مرة حلو ... )=
حزنت اني حرمتهم من بعض ... وسألها بكرة راح تروحين الشغل قالت له لا أخذ إجازة ثلاثة أيام إضطراري .. رد عليها عساك ع القوة وربي يوفقك .
المهم قفلوا مع بعض وعرفت أنه هو اللي شاري كل شيء من فلوسه مو إختي ..
خجلت مرة وأنا اللي كنت متناقصته من بين كل الرجال وشايفه عيوبه بس ..
الفجر دق جوال إختي وطلع زوجها يوقظها للصلاة وتذكرت حالي مع خايب الرجا ..
وكيف كان كلامهم طبعا إختي كانت مستحية لأني أسمع المكالمة (أسرار عائلية ما راح أقول كل شيء رغم أني أتذكر كل كلمة بحذافيرها لأنها صحت فيني أشياء وأشياء )
قفلت وهي مبسوطة وصلت وجهزتي لي الفطور وللعيال لأن ولد الكبير يدرس بالصف الثاني وولدها هي بالصف الأول
نزلتهم والأطفال الباقين بالبيت وزعت عليهم ألون وخلتهم يلعبون مع الألعاب نسيت أقول لكم أني أول ما تزوجت أختي ما كان عندها بالبيت تلفزيون ورحت شريت لها وطبعا هي رفضت تأخذه مني كهدية وظنيت أنها خايفة من زوجها المتشدد والهمجي بنظري .. يا الله وش كثر كنت ظالمته هالرجل ..!!
بدى الحياة معهم غير بكل ما فيها طبعا زوجي بعد هذيك المكالمة اللي خبركم ما عاد سمعت صوته كان زوج إختي كل عصر يجي يأخذ العيال كلهم الستة لوحدة يمشيهم ويرجعهم قريب المغرب 8 أيام لم تنقطع هذه العادة الخصلة وكان عند الباب ولا مرة دخل البيت على الرغم أن زوجته موجودة .. شفتوا كيف هو أخلاق وكان الزيارة عندي عامرة ما شاء الله .. وكانت إختي تقوم بالواجب على أكمل وجه طبعا لما بدأت تداوم أول يوم دق عليها زوجها وقال لها أوصلك رغم أن المدرسة مرة قريبة من بيتي يعني تقدر تروح لها مشي قالت له إذا ما فيها كلافة عليك ... يا ليت ..
وبالفعل جاء ووصلها .. بعدها العيال أبدا ما لتفتوا على التلفزيون طول الوقت يرسمون ويلون ويلعبون ويسمعون شريط شغلته لهم الخدامة على أساس أني نايمة والله ما قدرت أنام بعد ..
كان المسجل اللي يشتغل فيه ................. شيء عجاب ..

تفاجات فيه تصدقون وش كان في هذي الأشرطة ؟؟!!

كانت إختي لما يطلعون مشاور مع زوجها وعيالهم يقرأون القران وأناشيد ويسجلون أصواتهم

ولما يروحون الشغل يشغلون هذي الأشرطة للعيال .. تصدقون ..

والعاملة (الخدامة ) كانت إختي ما تحرمها شيء كل شيء تشتريه لها حتى سلاسل ذهب تصدقون ..

فكرة انا راتبي مثل إختي 7 ألالف وزوجي 13 ألف ومع هذا الراتب يطير قبل ما يوصل لنا

وهم ما شاء الله عليهم هي 7 وزوجها 8 يعني فيه 5 ألالف زيادة عندنا ومع هذا عيالي مو فرحانين
لما خلص اليوم الثامن وقررت ترجع بكيت بحرقة وعيال أكثر مني يبون خالتهم ويرفضوني لأني عمري ما جلست معاهم ولا لعبت معاهم مثل ما خالتهم كانت تسوي ولا عمره أبوهم طلع معاهم ولعبهم مثل ما كانت زوج خالتهم يسوي وش كثر حنا كنا فاقدين الحياة ...

أول مارجع زوجي بدأت أغير من إسلوبي واحاول أحتويه لعل وعسى يتغير بالبداية وياطولها إحتجت صبر أيوب كان يتريق علي ومو مصدق بس تعلمت أن زوج إختي كان نعم الرجل مو مثل ما كنا فاهمين
طبعا إختي عاشت مع زوجها شيء من منغصات الحياة ولكنها هي وهو صابرين ومتعاونين وفعلا بينهم مودة ورحمة ربي يتمم عليهم يا رب

.

العبرة من القصة الحياة السعيدة من الخارج ربما تكون تعيسة جدا من الداخل
والعكس صحيح ..

دمتم بخير



 
قصه رائعه غاليتي كوين
وفعلا الحياة السعيدة من الخارج ربما تكون تعيسة جدا من الداخل
والعكس صحيح ..
بارك الله فيك
 
اساس الحياه المعامله و الصبر كل طرف على الاخر
و إلا مو كل الأزواج كاملين
الله يعطيك ألف عافيه قصه جدا جميله

نعم ما فيه أحد كامل
ومن بغى العسل يتحمل قرص النحل ..!!
موفقة إختي ويعطيك العافية

قصه رائعه غاليتي كوين
وفعلا الحياة السعيدة من الخارج ربما تكون تعيسة جدا من الداخل
والعكس صحيح ..
بارك الله فيك

تسلمين والله يبارك فيك تسرني متابعتك

الله يعطيك العافيه يا كوين

قصة رائعه
الله يعافيك
تسلمين

 
يعطيك العافية
جدا رائعة القصة ..
على قولتهم " المظاهر خداعة " ^_^
وكل شي بالعمل والصبر نقدر نوصله ..
والمثالية مو شرط لكل شي ..
أهم فيما هالدنيا الدين والأخلاق
لازانت زانت لك حياتك
---> قاعدة أتفلسف :k:

عوافي كوين
خالص مودتي ~
 
[FONT=DecoType Naskh Variants


[COLOR="red"]queen

شكرا جزيلا لك


:

:

:

لا أظنك تنتظرين المزيد من الثناء العاطر
بعدما تقدم من الشكر الذي تستحقين..

دعيني أقول لك بعض النقد حول هذه القصة..!

إذا أنا كتبت قصة , فلابد بأني أريد إيصالها للقارئ
بأسهل الطرق..
ولا شك بأن أسهل الطرق هي اللغة العربية المبينة
بعيدا عن اللهجة المحلية.. ربما ذلك لاختلاف المناطق.. أو الدول..!
ولذلك - من وجهة نظري - بأن الكتابة بالفصحى تعطي القصة
جمال أكبر وفهم أعمق..

أكرر شكري..

>> لعلمك ما دخلت هذا المنتدى إلا من أجل هذا الموضوع..!
كنت أبحث عن طلبات رمضان :i:.. فشدني هذا الموضوع ولكن
وجدتني أخرج من المولد بلا حمص.. تحياتي..



:
:
:

أبو إيلاف


هذه لك
i-1.gif


[/FONT]
.[/COLOR]
 
عودة
أعلى