قصيدة عذب السجايا- مساعد الرشيدي

ديوان الشاعر مساعد الرشيدي
  • ارسال إلى Twitter
  • ارسال إلى facebook
  • ارسال إلى google plus
    1. ح ـكآية
      13-11-2010, 11:06 PM

      قصيدة عذب السجايا- مساعد الرشيدي

      قصيدة عذب السجايا- مساعد الرشيدي


      مساكم الله بالخير

      حبيت انقل لكم قصيدة
      عذب السجايا
      وهي من احدى روائع الشاعر مساعد الرشيدي


      عذب السجايا وعوده بأول الكنه*متى تزين السوالف واخذ علومه


      واسامحه عن خطاه الجرح والونه* واعاتبه لو يصد شوي والومه


      واذكره باول المسفار حتى إنه*لا من تذكر زمان اول نسى نومه


      يوم إنه اقبل خدين الروح يومنه*واقبلت اراعيه والقومه هي القومه


      من يومها والحشا ما عاد له خنه*إلا لصوته وميعاده وملزومه


      عفري هنف للضلوع وجا لهن حنه*واستانست له فياض القلب ورجومه


      لبى جبينه لا ارتج الغطا كنه*برق يصب الرفيف بكبد ديمومه


      ما اقول شفته وشفت البيض يتلنه*اقول شفته وشفت الشمس منجومه


      ما اقول كن الجديل الليل لاكنه*ليل خرعه الظلام وضيع نجومه


      يا قبلة الله هكا العنقود لامنه*قام يتهجا شذا عطره ويشمومه


      فيه انتهى النور لا والله بدا منه*فجر نعس بالوريد ونام بهدومه


      ورد تفرعن حماره قلت اباكنه*الى متى والحنايا منه مفطومه


      فز وتطرق رطيبه قلت ما عنه*بالم شيحه وريحانه وقيصومه


      صد وتلعثم هديله في برد سنه*يا قوم ذا النور يوم انكت يا قومه


      الله عطانيه والله يعطي الجنه*واليا استجد الهوى كل ومقسومه
    2. دلعي معذبهم ♡
      27-05-2011, 11:39 PM

      رد: قصيدة عذب السجايا- مساعد الرشيدي

      قصيدة عذب السجايا- مساعد الرشيدي


      يديك العافية ي الغغلا ^^
    3. طير القوافي
      20-11-2011, 08:54 PM

      رد: قصيدة عذب السجايا- مساعد الرشيدي

      قصيدة عذب السجايا- مساعد الرشيدي


      يا قبلة الله هكا العنقود لامنه*قام يتهجا شذا عطره ويشمومه


      ياسلام عليه
      هجيني روعه
    4. المريسي
      09-09-2015, 03:22 PM

      رد: قصيدة عذب السجايا- مساعد الرشيدي

      قصيدة عذب السجايا- مساعد الرشيدي


      شكرا عالكلمات

      تحياتي