1234567891011 ...

بلا رقيب / لعاشقه ديرتها ، كاملة

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. Loli.
    05-11-2010, 02:47 PM

    بلا رقيب / لعاشقه ديرتها ، كاملة

    بلا رقيب / لعاشقه ديرتها ، كاملة


    بعد ماخلصت حط كل البارت انت لي
    من الاول ل النهايه

    حبيت اضع لكم قصه حلوه
    اسمها بلا رقيب حيل حلوه اقروها لاتفوتها ..

    بلا رقيب حلوه بعد انت لي طبعا :)


    يلا قراءة ممتعه لكم
  2. Loli.
    05-11-2010, 02:48 PM

    رد: بلا رقيب / لعاشقه ديرتها ، كاملة

    بلا رقيب / لعاشقه ديرتها ، كاملة


    ×o× بلارقيب ×o×
    حينما يختلط الواقع بالخيال
    شخصيات أبعد ماتكون الا الواقعيه واقعها خيال وخيالها واقع ...
    ,,, شخصيات متمرده ليس فقط على من حولها بل على الدنيا بالذاتها
    فقر _ضياع _تشرد _تسول _انحراف _مخدرات والكثير الكثير تحتويه بلارقيب ...
    في بلارقيب ستشاهدون
    كوميديا فكاهيه
    سخريه لاذعه
    حب ورومانسيه
    كره وانتقام
    واقع مر
    شر وخير
    قلوب ميته
    أبطال القصه قيل عنهم في المجتمع :
    (تكملة عدد_ عاله_ وصفر على الشمال )لأحد يشعربهم ...
    هل كنا سنرضى بهذا التصنيف بالتأكيد لاحتى هم لم يرضوا فكانت الانتفاضه قلبوا الموازيين على المجتمع الظالم كله صنعوا المستحيل ليذكروا الناس بهم
    ولم يوجد من يوقف تمردهم ويضع حد لاتجاوزاتهم ... ولاكن هل فات الاوان ..!!!

    تبدأ القصه عندما :

    (..عبق الماضي ..)
    1984


    مبارك:يمه ليه ماتفهمين .؟!
    خديجه هذي مابيها النفس طابت منها عفتها ...
    أم مبارك :ياويلدي اذكر ربك هذي خديجه اللي اخذتها غصب عن أبوك وعنا كلنا ...
    مبارك:ملكتي على صباح بكره ,,وخديجه بطلقها
    والله يخليج يمه لاتعورني راسج معي ...
    -------------------------------------
    1986
    مبارك
    بتزوج يعني بتزوج انا رجال وشوري بيدي انا موجاي اشاورج انا جاي اقولج تخلين بنات صباح عندج لأني مسافر الدمام ...
    أم مبارك:حرام عليك خل البنات مع امهم لاتيتمهم مثل خواتهم ...
    مبارك:بناتي مايعيشن الافبيتي ومريم بتكون لهن أم ..
    --------------------------------
    1988
    مبارك: انا اتزوج ابي ولد لأني مليت من البنات ليه ماتفهموني ابي ولد ...
    -----------------------------
    1990
    مبارك:أيه بتزوج بعد احد يقدر يمنعني ..!!
    والبنات موقاصرهم شي أكلين شاربين متعلمين شتبون زود ...
    --------------------------


    1991
    مبارك
    تبيني أخلي مرة المرحوم يأخذها غريب وعياله من يربيهم حشى مايصير هذا وأنا راسي يشم الهواء .....
    --------------------------
    مبارك
    بطلقها نوره شرطها على زواجي منها اطلق ..؟!
    مبارك
    نوره ماهي ملزومه تربي بنات ماهن بناتها وهن عندج وماعليهن شر ...
    اصلا هن غلطتي فهادنيا مخربات علي عيشتي ليتهن ماجن ...
    -------------------------------
    مبارك :أنا خلاص ماعاد ابغى اسمع عنهن شي بنساهن انا متبري من هن لاخر يوم في عمري...
    أم مبارك :ذولي بناتك كيف تبرأ من هن .؟؟!!
    مبارك :بناتي اللي جبتهن بوقت طيشي واللحين ماعاد ابيهن ... خليهن عندج ربيهن ...


    ---------------------------------
    بداية النهايه ...
    لا أنا مالي ابو .؟!
    أنتي ماتربيتي في وحده تقول عن أبوها كذا ..
    أيه فيها أنا .. انا مو متربيه ..
    --------------------------------------
    ابي اعيش الحريه محد يقولي لا ...اصلا من يقدر يقولها لي ..
    _أنا اقولها لك ...؟؟!
    لاحبيبتي ذاك أول اللحين أنا حره محد يقدر يقولي تلت تلاته كام ...


    -------------------------------------
    ابي بابا مابيكم ابي بابا ....
    حبيبتي انسي أبوك رماك مثل مارمانا قبلك ...
    كانوا يناظرونها بخوف بنت الاربعت عش كانت اطول منهم والشر يتطاير من عيونها ..ليهم تركهم أبوهم معها ...
    نادت بصوت عالي :بنات تعالوا شوفوا ابوكم شجاب درزينه جديده دمى نلعب فيها ..
    دخلوا خواتها بفرحه بالالعاب الجديده ...
    وين الالعاب ..
    ماقلت العاب قلت دمى أو خوات جدد ...
    شلون يعني من وين جم ذول ...
    رفعت كتوفها وقالت :مادري ..
    طالعن هم التوأم بالشقاوه ...
    طلعت الحلاوه من فمها وقالت لاصغرهم رافعي ريلج وطالعي فالحيط ..انفجرت الصغيره صياح وراح تركض لخدامه اللي كانت تحمل بين يديها طفل رضيع ...


    -----------------------------
    جدتي تعالي معي الابله تقول لازم اتجيبين امك وامي هذي من وين اجيبها اقولها ابوي مطلق أمي وماتفهم ...
    ------------------------
    ضحى امي شسمها الابله تسألني عن اسمها وأنا ماعرف وش اسمها والبنات يضحكون علي ...
    امكم اسمها صبحى مادري ورده والله نسيت اسألي جدتي .!!
    -------------------------------
    ضحى وش فيها جدتي بتموت ..اصلا كله من عمي ماجد هو اللي ذبحها ...
    لا اصلا جدتي بتموت والسبب مبارك ....
    مبارك من مبارك ..؟؟؟!!!!
    -----------------------
    ببراءة طفوله سألت:هذي بنت عمتي حرام صغيره ليه ابوها تركها عندنا ...
    أيه حبيبتي ابوها رماها عندنا مثل مسوى فينا ابوي كلهم عيال عم يعني مارحنا بعيد ؟.؟
    ------------------------------
    انا موبنت افهموا انا مووو بنت انا ولد قوي ومحد يقدر ياذيني ...
    لاحبيبتي انتي بنت لوكنتي ولد ماكان هذا مصيرنا ...
    -----------------------------
    هذه كانت بعض الحورات والاحداث التي حصلت فالماضي البعيد أما فالحاضر القريب فهذا مايحدث:
    2006
    في جامعة الملك سعود حدثت هذه الحورات بين طالبتين وفي اوقات مختلفه ....
    بثينه : ومن شفتي مسوي هالحركه ....
    غيداء :ومن توقعين ..!!!
    بثينه :لاتقولين ميشو ...
    غيداء :ومن بيكون غيرها ميشو مبارك ...
    --------------------------------------------------
    ب موقف اخر ...
    بثينه بصرخه :لابنات ماراح تصدقون اللي بقوله لكم ...
    غيداء :من الاخر قولي ميشو مبارك شمسويه المره هذي ..
    بثينه :واشمه ...
    غيداء :واشمه وين ...
    بثينه :بظهرها ...
    غيداء :كيف شفتيه ..؟؟!!
    بثينه :يعني ماتعرفين بلايز بنت مبارك كيف ...
    ------------------------------------------------
    غيداء :الا ماقلتي لي بثينه وش أخبار ميشو ...
    بثينه :لاتقولين أنك ماتدرين ...
    غيداء :لاوشو لاتقولين تزوجت ...
    بثينه :مالت عليك لان شاءالله وش تزوجت بعد افصلوها ....
    غيداء :افصلوها ليش ...
    بثينه :والله مادري بس اكيد شكوى ...
    -----------------------------------
    بثينه :شفتي ميشو كيف تلبس قميصها ..
    غيداء :شكلها بتصير موضه ...
    وحده من البنات :والله هذا اللي كان ناقصني اعكس ازرة قميصي عشان اقلد ميشو والله لصير مضحكه ...
    غيداء:أنتي اتصيرين مضحكه بس ميشو قدوه والله لو تلبس خيشه ليقلدونها ..
    بثينه :هذي بايعتها ....
    غيداء :يقولون لقيطه …
    ----------------------------
    من الشارع ( شر وخير)
    (...لله يامحسنين عطني ممأعطاك الله ,,,الله يخلي لك عيالك,,الله يرحم والديك ,,الله يرزقك ويكثر مالك,,,أرمله برقبتها سبع عيال وعلي مية ألف الديون فرج عني الله يفرجها عليك من واسع ابوابه ...)


    - انا كم مره قلت لك لاتجين تشحدين قدام فرعنا دوري أي فرع ثاني ومارسي هوايتك عنده ...
    _ لامأقدر انا منتدبه هنا بعدين هذا اقرب فرع لبيتنا …
    -----------


    --------------------------------------------

    وفي احد المدارس الثانويه .. "سخريه لاذعه "
    المعلمه :
    ارجعي للمكانك ياحلوه المسأله ذي مانتي من مستواها ولاراح تاصلين لها ورينا كيف فلوس أبوك بترفعك لمستواها ...
    _مولازم افهمها كفايه انتي فاهمتها ..


    :يالله يالشاطره مكانك بس وبعدين ابوك ذا اللي فرحانتن فيه تلقينه مامعه حتى شهادة ابتدئي ..

    _أنتي على ايش شايفه حالك لافلوس لاسم ولاحتى شكل ولالبس تدرين إن لبسك هذا الخدامه عندنا ماتلبسه ...

    -----------------------------
    في البيت "كوميديا فكاهيه"
    يابنات ياهبلات الحقووووووووووووووووووووووووووووووووووووووووووووو وووووووووووووا
    علي ...
    _وش بك يابنت خضتينا عسى مانخطبتي بس ...
    :حماره انتي وش هالافكار بعدين من بيخطبني مافيه أحد من مستوانا غير كايد السكران وهذا مستحيل اقبل فيه لأن من ملكياتك الخاصه ...
    :وأنتن عندكن أمل انكت تزوجن اصلا من بيفكر ياخذ وحده لاوراها حسيب ولارقيب ...
    :زين اللحين خربتوا علي فرحتي بتحقق حلمي ...
    :أي حلم ....
    قلت برومانسيه مولايقه علي كلش ولاعربجيه مثلي وش عرفهابالحركات هذي :اخيرا تحقق حلمي وبعيش السعاده اللي كنت اتمناها طول عمري لوحتى ليوم واحد ....
    :أي حلم اللي بتحقق .....
    ---------------------------
    "قلوب ميته"
    _مادري ليش متحملينها للين اللحين مارميناها بالدار العجزه حنا ناقصين حمل ماحنا بصايرين احسن من عيالهاللي من طاحت ماسألوا عنها ,,أنا مستحيل انسى اللي كانت تسويه فينا وحنا صغار وتعذيبها لنا وكنا حنا اللي ابعدنا عنها ولدها ليل ونار تدعي علينا وعلى امهاتنا ...
    ----------------------------------------
    "واقع مر"
    _ قولي عن اللي تبين فاسده ماعليه فاسده ليه وش كان المتوقع من وحده طلعت على الدنيا لاتريبه ولاهتمام تربية مع خواتي المراهقات والمسؤال عني أكبر مني بخمس سنوات لاتطالبني بشي انا ماتربيت عليه .. ليش أنا لقيت أحد اذا غلطت يقول اوقفي حدك الاهالخط ماتجاوزينه يعلمني الصح من الخطأ..
    -------------------
    ********>> هذا وأكثر في بلارقيب ...


    ابطال قصتي ليس عليهم رقيب (ارضي ) سوى قلمي ....
  3. Loli.
    05-11-2010, 02:55 PM

    رد: بلا رقيب / لعاشقه ديرتها ، كاملة

    بلا رقيب / لعاشقه ديرتها ، كاملة



    ooالحلقه الاولىoo


    كانت الأنطلاقه :
    12\1\2007



    ((1))
    <<ظلم ولاكن >>


    ضحى



    سارعي للمجد والعلياء
    مجدي للخالق السماء
    وارفعي الخافق الأخضر
    يحمل النور المسطر
    رددي الله أكبر
    ياموطني ..
    موطني
    عشتي فخر المسلمين
    عاش المليك
    للعلم والوطن
    عاش عاش .
    ..( وعاشقه تردد معك عاش عاش )
    شكلي اندمجت مره وعشت الجو لأني قلت الكلمتين الاخيرات بصوت عالي جاني هالاحساس لما شفت المعلمات كلهم يطالعوني ....
    انتبهت على المديره مشت صف ثانيه علمي اللي أنا عندهم مشيت وراهم للصف ...لول نسيت اعرفكم بنفسي أنا ضحى 24 سنه معلمة احشي رؤوس الطلاب بالمعلومات والارقام والمعادلات تسألون وش ادرس ..؟! ملكة المواد الرياضيات ....ههههههههههههههههههه ادري محد يحبها غيري ولاتدرون حتى أنا مأحبها بس تخصصت فيها لأني محتاجه للوظيفه .... أكمل لكم شرح سبب حاجتي للوظيفه بالوقت اللي اصوب فيه الواجب للطالبات
    ....
    اخيرا البنات انتظموا فاماكنهم ....
    قلت اصبح عليهم بالمصري عبط ..!!!
    ضحى :صباح الخير عاملين ايه النهار دا ...
    وحده من الطالبات :واضح عليه يومنا نكد ...
    سألتها وانا عارفه الجواب
    ضحى :ليه ياكافي ...
    طالبه ثانيه :الصراحه صرنا نكره يوم الاربعاء حصتين الرياضيات والمصيبه وحده منهم الاولى والثانيه بعد الاستراحه ..
    انبسطت من قلب الصراحه عندي حاله غريبه انبسط اذا شفت البنات مقهورين ويكون يوم سعدي اذا شفت نظرت الاكتئاب على وجيهم مثل اللي أشوفها اللحين أحسهم بنات ترف ماعاشو الي انا عشته يوم كنت بعمرهم الدنيا دايم مبتسمه لهم خل اعذبهم شوي دام الامر بيدي ... قلت عشان اغير الموضوع
    ضحى :هاه كلكم مسوين الواجب ...
    وحده من البنات :أبله والله الواجب كثير وصعب وماقدرت اسويه كله ...
    ضحى :مو مشكلتي انك ماعرفتي تحليه قومي واقفه اشوف ...
    البنت :أبله الرحمه ...
    ضحى :اوقفي بدون كلمه زياده ... وطلبت من وحده من البنات تصوب الواجب ... بس كالعاده البنات يقومون الوحده ورى الثانيه ولايعرفوا يحلوه بكل بساطه لأني اعطيهم اسأله تعجيزيه المتخصصين بالماده بصعوبه يحلونها كيف هالفروخ يحلوها ... جت للاداره شكاوي كثير ضدي بس أنا ياجبل مايهزك ريح دام الله عطاني الموهبه والسلطه ليش مأستغلها هذي أسئلة الواجب اما بالنسبه للأسئلة امتحانات اعمال السنه والنصف فن محد يقدر عليها بنت أبوها اللي تجيب عندي نصف العلامه لاتقوالوا ظالمه لأني بيني وبينكم فعلا ظالمه ولاتفاجئو لأنكم بتشوفوا العجب معي ...
    مو موضوعنا نرجع لسبب حاجتي للوظيفه السبب يلخص فكلمتين أنا من عائله حالتها الماديه تحت الصفر وأنا المعيل الوحيد لعائلتي ...
    يوووه وش سوو المتخلفين ذولا كيف قدروا يحلونها.. تخصرت لهم وسألت باستهزيء ...
    ضحى :خير ان شاءالله من عبقرية زمانها ذي اللي حلت المسائله ..؟!
    منى بفخر: انا اللي حليتها ...
    ضحى بسخريه واضحه:ياحظ امك فيك اللحين من طلب منك تحلينها ...
    منى :أنتي كنتي تقومين البنات بترتيب يوم جاء دوري قمت من نفسي ...
    ضحى :أنصحك من اللحين لاتذكرين للأمتحان الشهر ...
    منى بغصه :أبله حرام عليك ...
    ×××××××××××××××××××××××

  4. Loli.
    05-11-2010, 02:56 PM

    رد: بلا رقيب / لعاشقه ديرتها ، كاملة

    بلا رقيب / لعاشقه ديرتها ، كاملة



    ((2))
    << الثنائي اكس و أو >>

    سارا


    الاسم :سارا
    العمر :21سنه
    الوظيفه :عاطله عن العمل ...
    هههههههههههههههههههههه ادري محد سألني بس أنا كذا مسويه فيها حركه ..!!
    على فكره لي أخت تؤام اسمها ملاك ونفس بطاقتي الشخصيه ... أدري بعد محد سألني بس حبيت اخرب عليها واعرفكم أنا عليها .. لوووول تللقونها اللحين محترقه بمحلها خخخخخخ ....
    وش كنت جالسه اسوي قبل ماتجوني ايه صح كنت رايحه للمطبخ بسوي لي نسكافيه ...
    توني بدخل المطبخ رجعت اطل مع الشباك لأني حسيت حركه بالحوش ...
    شفت ورى النخل اللي بحوشنا خيال أحد حاولت اركز اشوف منو يمكن تكون وحده من خواتي مارحت المدرسه بس مو واضح ...
    قلت بنفسي يابنت اطلعي وشوفي من بس يوم جيت بطلع باب بيتنا كان مقفل من داخل يعني أكيد مو وحده من خواتي الي برى ولاكيف الباب مقفل ....
    رحت اركض لغرفتنا وشفت ملاك توها طالعه من الحمام سابحه ...
    قلت وأنا اقفز وادور على نفسي من الحماس ..
    سارا :ملووووك تعالي فيه احد طاب بحوشنا ...
    ملاك بعدم اهتمام :وش اسوي ليه ..؟!!
    سارا :ياهبلا امشي خل نشوف مين يمكن مجرم مطلوب نقبض عليه ونأخذ المكافأه ...
    ملاك رمت الفوطه اللي تجفف فيها شعرها :تهقين ...
    سارا :مو وقت تهقين بعدين نكملها ...
    جريتها من يدها ونزلنا الدرج الطويل ركض ويوم وصلنا باب البيت مابقول كنا نلهث من التعب لأنا رياضيات بس كنا تعابنين ...
    كنت متردده طلبت من ملاك هي تطلع قبلي ...
    سارا :ملاك يالله ورينا شجاعتك ...
    ملاك :لاياروح امك .... انتي اللي منزلتني من فوق واللحين تبني أنا اتقدمك ...
    سارا بقهر :خلاص لاتذلينا ماينطلب منك شي ...
    طلعت وأنا ركبي تصاقع فبعض من الخوف صدق اللي قال الذله بنت حلال ...
    يوم قربنا من المكان اللي شفت الخيال فيه ترددت اتقدم ولاأرجع بس مستحيل اطلع نفسي مضحكه قدام ملاكوه من يفكني من لسانها بعدين ... وأنا غرقانه بافكاري
    ماسمعت الا ملاك تقول بصرخه :منيررررررررر هذا انت يالنتفه ...
    منير وكل هالخوف اللي صايبني وأم الركب اللي جتني وأخرتها منيروووه ...قلت وأنا واصله حدي منه ..
    سارا :منير ورى مارحت للمدرسه والله لروح أعلم أمك عليك يالفاشل ..
    منير :لاتكفين سارونه خلي عنك حركات النذاله انا منير حبيبكم صاحبكم تسوون فيني كذا ...
    ملاك :تستاهل ليه تدخل بيتنا تقل حرامي ...
    سارا :لايكون تحسب بيتنا سبيل لاحبيبي هذي ملكيه خاصيه ...
    مسكين شفته كيف خايف مألومه وراه اخوان مايرحمون اصلا حنا مستحيل نخبر عليه بس لازم انتلاعب فيه ولامانكون التوأم اكس أو ...
    لفيت يدي على خصر ملاكوه وقربتهامني وهي حطت يدها على كتفي وقلت له وأنا اتلاعب بحواجبي ...
    سارا :ياربي تصدق كسرت خاطري خلاص ماراح افضحك .. بس كل شي بثمنه والا وش رايك ملاكي ...
    ملاك :أكيد سارونه منير سيد العارفين وياما لعب معنا لعبة كل شي بثمنه ...
    منير بقهر :خلاص فهمت وشو الثمن اللي تبينه ليدي ...
    جيت بتلكم بس ملاكي سبقتني ..
    ملاك بخبث وهي ماسك ضحكتها :جب لي موبايل جبوري ..
    منير بصرخة رعب :ايييييييييييش ...
    والله شكله يحزن والظاهر بتجيه جلطه منا ياقلبي عليه والله حنا وحشات .. بس قررت مارحمه ...
    سارا :اللي سمعته نبي موبايل أخوك جابر ..
    منير :طيب وش تبون فيه ..
    ملاك :مأعتقد هذا من شؤوانك ....
    الصراحه أعجبتني كلمتها بس وش معناها ...
    سارا :حلوه شؤونك بس وش معناها ....؟!!!
    ملاك :مأدري بس اللي اعتقده ... وسكتت ماتدري وش تقول أكيد أدور نصبه ترقع فيها جهلها بمعنى الكلمه ...
    ملاك :تبين الصراحه مادري .. منير انت وش توقع معناها ...
    منير :واذا علمتكم ماتخلوني اجيب موبايل جابر ..
    ملاك :لاحبيبي قص على غيرنا والموبايل جايبه جايبه ..
    منير :حرام عليكم مالقيتو الا جابر أجيب لكم موبايل عنتر بن شداد وماجيب حق جابر ..
    ماقلت لكم مسكين بس كيف بيجيب موبايل عنتر هم ذاك الوقت عندهم موبايلات .؟؟!!
    ملاك :يوه ذبحتني الشمس خل ندش داخل ...
    منير تعال داخل اذا بتشوف الاكاديميه ..
    سارا :ياربيه فاتت علينا دروسهم ...
    ودخلا نركض كلش ولا الاكاديميه تفوتنا وشذى بنت بلادي العراق الجريح ..!!!!
    ××××××××××××××××××××××


    ((3))
    <<بنات مبارك >>


    شهد



    انا اللحين جالسه بالفصل والهبلا قصدي الابله تشرح وطبعاوأكيدا انتم ماتدرون أنا بأي مرحله ولابأي صف ولاحتى أسمي فأنا بتنازل وقولكم أنا :شهوده العسل 19سنه باولى ثانوي ادري اني كبيره على هالصف بس انا كذا مابي انجح واحب اخبركم أني انا وخواتي اشواق وهند بنفس الصف وبنفس الفصل ...
    وكلنا جالسين جنب بعض واللحين انا وهند جالسين نأكل حب والحساسه اشواق نايمه لأنها فاليل ماتقدر تنام بالحر والله ارأف بحالها بعض الاحيان ...
    ماحسيت الا على هند تشهق وبعدها تكح بقوه انهبلت عليها شكلها بتموت لدرجة ان اشواق صحت على كحتها ...

  5. Loli.
    05-11-2010, 02:56 PM

    رد: بلا رقيب / لعاشقه ديرتها ، كاملة

    بلا رقيب / لعاشقه ديرتها ، كاملة


    جلست اضربها على ضهرها بخفه لأنها الظاهر شرقت بالحب ياعيني عليها أكيد أحد صكها عين ..
    بدت تهدأ وشكلها طلعت الحبه اللي غصت فيها ... قالت المعلمه تطلع اذا تبي والحبيبه ماصدقت ماشفت الاغبارها الحماره ماقالت أطلع اختي معي ....
    شوي وشوف وعد على الباب وتقول لأبله انها تبغي تكلمني برى الابله بطلوع الروح رضت ...
    اول ماخطت رجلي برى الفصل صرخت فيني وعد :صادوني ...
    الله ياخذ روحها ندى حرشت علي ...
    ياربي وش اسويلها هذي جريتها معي ودخلنا دورة المياه ولافكرت استأذن من الهبلا ..
    وعد :بليز شهد ساعديني والله المره ذي فيها فصل وضحى ماراح ترحمني ..!!
    شهد :وش تبغيني أسويلك حتى أنا لو قلت أنهم لي بيفصلوني الانذرات عندي فول ونوف نفس الحاله مابقي غير هند وشوق ...
    وعد :شهد انا بعرضك كلمهيم ...
    ياربي منها هالورع دايم تطيح نفسها بمشاكل أكبر منها وأنا لازم أساعدها الله بلاني فيها أخت ...
    شهد :كم عددهم ..؟!!
    وعد بخوف :خمسه ...
    خمسه ياويلي من هالمجنونه خمس مره وحده ذي قلبها ميت من زمان ...
    وعد :وش أسوي ...
    شهد :اللحين هم استدعوك ...
    وعد:لايوم دخلوا يفتشون جيت ركض لفصلكم ...
    شهد :طيب قولي أنهم مو لك لشوق اوكي ...
    وعد :لا مأقدر شوق بتذبحني ذي خوافه وبتخبر علي ضحي ...
    شهد :طيب ياغبيه المفروض يوم دريتي عن نيتهم بالتفتيش حطيته بشنطة بنت مثل كل مره ...
    وعد :وش أحطهم بشنطه خمسه أقولك ..
    شهد :طيب لو وزعتيهم بالشناط البنات ..
    وعد :اصلا طبو علينا مره وحده محد درى أنهم بيفتشون ..
    سكت .. وسكتت هي بعد وشكلها صدق خايفه ...
    فكرت بكل الاعذار اللي دايم تضبط معنا بس خلاص مكشوفه ...
    قلت بأخر عذر يمكن ينجح معنا ...
    شهد : مافيه الا حل واحد كلنا نوقف يد وحده وتصر كل وحده منا أنه لها ...
    وعد :وتهقين تزبط معنا ...
    قلت لها وأنا علي يقين بقوتنا اذا أجتمعنا ..
    شهد :وليه لا ...
    وسمعنا صوت جرس الاستراحه ..
    وعد:جاك الموت ياتارك الصلاه ..
    شهد :خليك من حركات التندم هذي وروحي لمبناكم نادي نوف وأنا بنده على هند وشوق وزي مأتفقنا ...
    بعد عشر دقايق أجتمعنا بمكانا المعتاد على السلم اللي يودي لسطح ...
    كنا أنا وهند وشوق نتناقش بالموضوع لما جونا نوف و وعد ...
    نوف :اس اس اسلاموا عليكوا ...
    هند :هلا تفضلوا الدار داركم ...
    وعد :رايقين وأنا مستقبلي قاب قوسين أو ادنى بيتحطم ...
    شوق :تستاهلين وخبزا خبزتيه يالرفلا وكليه ...
    قلت لها وأنا ملانه من أمثلتها اللي كلها عن الاكل ماتحسين فينا وحنا شوي ونموت من الجوع ...
    شهد :يأختي خلي أمثالك لك وزي مأتفقنا كل حده تقول أنهم لها وتاركتهن مع وعد ...
    وعد :حتى أنا ...؟!!
    هند :ايه حتى أنتي ولا بتورطينا يمكن يكتبونا كلنا تعهدات وذيك الحزه أنتي بتطلعين منها مثل الشعره من العجين ...
    نوف :بيكتبونا كلنا تعهدات طيب وش استفدنا ...
    شهد : حنا نقول يمكن ... وصح هم يقدرون يكتبونا كلنا تعهدات بس مايقدرون يفصلونا كلنا ...فهمتي اللحين !!!!
    وأنا اتكلم شفت ندى الحروش جايه لمنا بنت اللذينا ولها وجه بس ماقربت كلمتنا من بعيد :وعد الاداره طالبينك ..
    قلت لها بحقد ..
    شهد :طلبوك بنار جهنم قولي أمين يالصعيديه أنقلعي عن وجهي لأرتكب فيك جريمه ....
    وماشفت الاغبارها بعد جايه لحد عندنا شين وقواة عين ...
    والله هالمثل ينطبق علينا لأنا رحنا للأداره كلنا ولا كأنا مسوين شي ...
    أول مادخلنا الاداره رحبت فينا أبله عطوف مديرة المتوسط ...
    أبله عواطف وهي تسوي نظارتها:ياحي الله من جانا بنات مبارك مشرفينا حتى بنات الثانوي خير ان شاءالله ...
    هند بتريقه :اشتقنا لشيفتك ...
    أبله عواطف :وش قلت الحياء هذي لاتحسبين أنك لبستي المريول الرمادي خلاص مالي حكم عليك ....
    وبعدين معها ذي مابتوقف حكي قلت لها بتكبر ...
    شهد :سمعت أنكم طالبين وعد خير ان شاءالله ...
    أبله عطوف :ومن وين بيجي الخير لمدرستنا ووحده من بنات مبارك فيها...20 سنه لي فالتدرس و15 سنه منهن قضيتهن بالمدرسه ذي ماعمري مرن علي خوات بعددكم ولابحياتي كلها شفت خوات يورثن لبعض قلة الحيا والانحراف مثل ماتورثونها لبعض ...
    شفتو مغثه أكثر من كذا ولاحنا منحرفين انشاءالله تنحرف رقبتها ثمانين درجه عن محلها ...
    شهد :والخلاصه ..
    أبله عواطف :والله دام أنتي القدوه مأتوقع أن خواتك بينتصحن ...
    ورمت علي الكيس اللي فيه افلام وعدوه ...
    ابله عواطف :اللحين مراهقة الثالث طعش تشوف هالافلام ... حنا الكبارعجزنا نشوف مشهد واحد منها أنتي كيف ترضين لأختك تابع مثل هالاشياء ....
    شهد :من قالك انتابعها حنا نبيعها بس ...!!! .. واذا تابعتها وش فيها أنا كنت اتابع وأن عمري سبع سنين فيها شي (لامافيها ..!!!)
    ابله عواطف: أنتي أبد ماتحترمين أحد وش قواة العين هذي ... انا خلاص غسلت يدي أنكم تنصلحون بس لي كلام ثاني مع أختك وباستهزاء أبله ضحى ..!!!
    قلت لها بشماته :تغارني منها صح .. ياقلبي عليك شوف وحرقت جوف .. وطلعت من الاداره بسرعه قبل ماتسوي فيني ولحقوني خواتي وهم يضحكون تستاهل الحقود أم القرود ..
    دخلت الصف ماكان عندنا معلمه شفت البنات يتكلمون بس يوم شافونا سكتوا ...
    قلت لهند بهمس :شفتي موقايله لك يحشون فينا من ورانا بس مأنتي مصدقه عسى لسناتهم لشوي .. على فكره انا وخواتي مالنا صديقات لأن كل البنات من يوم كنا صغار أهلم يبعدونهم عنا يخافون نخربهم ولا كأنا اطفال مثلهم كرهونا بأنفسنا لما كنت صغيره كنت استغرب لما اسمع البنات يتكلمون عن أمهاتهم وأنا ماعندي ام طيب ليش ..؟؟!!! ماكنت أدري بس اللحين أقدر أخبركم لأن أمي وأمهات كل خواتي رمونا وتخلوا عنا بعد ماطلقهن أبوي وكلن راحت فطريقها واللي أعرفه عن امي أنها تزوجت بعد أبوي وعايشه مع زوجها واولادها .. أما بالنسبه لأبوي فلاتسألوني عنه وأنا اصلا ماراح أجاوبكم ..
    يوه هذا جرس الطلعه يالله تشاوووووووو اشوفكم فيبت العز بيتنا زي مايسمنه خواتي ...
    ×××××××××××××××××××××××


    ((4))
    <<بيت العز يابيتنا >>


    ملاك

    مرحبا وعلى فكره أنا ملاك مو سارا ولاتقولن مافيه فرق الافيه فرق وفرق كبير اللي هو : أنا ملاك وهي سارا شفتوا فيه فرق ... سمعت ازعاج بالحوش عرفت أنهم خواتي رجعوا من المدرسه مادري وش حادهم على الشقى لاوراهم لأب ولا أم يقولون لهم ادرسوا بس وراهم ضحى اللي عن الف أب وأم الصراحه مأدري كيف شايله هالحمل الثقيل لحالها ..لو أنه أنا أنتحرت من أول يوم توليت فيه المهمه ...
    سارا :ملاكوه وصمخ اكلمك ليه ماتردين ..
    يوه نسيت هالمغثه أنها معي ...
    ملاك :وش تبين ..؟!
    سارا :ياخبله كأنت أسألك عطيتي جدتي علاجها ...؟!
    ياربي أنا كيف نسيت اللحين ساراوه ماراح ترحمني بلسانه وشي اكيد بتخبر علي ضحى ...فأحسن شي أغيرالموضع وبعدين تغافلها وروح اعطي جدتي عشاها ...
    ملاك :اعيه عطيتيها .. وقلت لها بخبث :روحي الحقي شوفي جبور هذا موعد رجعته من الدوام ...!!
    سارا وهي تقفز من مكانها وطير لدريشه :والله يذكرك بالشهاده ذكرتين ...
    تسللت من عندها ومريت على المطبخ وأخذت غداء جدتي وعلاجها ورقيتهم لها فوق طبعا جدتي ماتقدر تخدم نفسها مشلوله بوقت الصبح أنا وسارا نساعدها واذا رجعت ضحى من المدرسه تكفل فيها ويساعدونها خواتي شهد وشوق بالمسئوليه أما ميشو فشايل يدها من مسئوليات البيت كله مو بس جدتي وخواتي الباقيات صغار مو قد المسئوليه ...
    بعد ماعطيت جدتي الغداء وبعده العلاج طلعت من عندها لأنها رجعت تنام ... وأنا طالعه شفت شدن طالعت من غرفة ضحى لأنها تنام معها ...
    ملاك :قمتي يالدبا ...
    ناظرتني وهي شوي وتصيح ...
    شدن :أنا مو دبا أنتي الدبا ...
    ملاك :طيب لاتصحين ...
    شدن بقهر :كولي تبن ...
    ياويلي شكلها عصبت وشي طبيعي بتخبري علي ضحى ...
    ملاك:شدن حبيبي أنا امزح معك أنتي ماتعرفين المزح ...
    شدن: لا مأعرفه وين روبي ...
    ملاك :لاتقربين من روبي ياويلك من ميشو ...
    شدن :والله ماراح اسوي فيها شي بس بلعب معها ...
    جيت انزل مع الدرج وانا احذرها انها ماتسوي شي بروبي ولاصدق ميشو بتذبحها كلش ولاروبي عندها ...
    نزلت تحت وشفت سارا مبرطمه ياويلي منها أكيد كشفت لعبتي عليها الغبيه الساعه كانت 12 وجابر مايرجع من دوامه الا الساعه 2 .... بس الغبيه من قال تكشفين لأنها أول ماشافتني قالت ...
    سارا :ملاك ماجاء أكيد ماراح يرجع للبيت راح للأستراحه ...
    ملاك :ياحرام مالك نصيب تشوفينه ...
    وبعدها ماتكلمنا بالموضوع لأن شدن جات وحطت التلفزيون على mbc3وجلسنا نتابع معها وماحسينا بالوقت لين سمعنا صوت ضحى وهي داخله مع باب الشارع وتهاوش خواتي الباقيات اللي مالهم حس ...
    دخلت ضحى وشكلها فاوج عصبيتها وطلعت على طول فوق بدون سلام ولاكلام اصلا هي ماتعبرني وأنا وسارا ولا تعتبرنا بشر ودايم مطنشتنا وتحترم شدن اكثر منا مع أنا بالعكس نحترمها ونعتبرها رجال البيت ههههههههههههههههههههههههههههههههههه

  6. Loli.
    05-11-2010, 02:57 PM

    رد: بلا رقيب / لعاشقه ديرتها ، كاملة

    بلا رقيب / لعاشقه ديرتها ، كاملة


    ...وأكيد بعد ماشافت شدن معنا تحت وتطمنت عليها بتروح تطمن على جدتي لأنها ابد ماتثق فيني انا وسارا ...
    انتبهت على صراخ بس المره ذي وسارا لا شدن ...مأدري وش فيني اليوم اسرح كثير ..؟!!
    ملاك :خير وش تبين ..؟!!
    شدن وهي حاطه اصبعها بثمها :وين روبي ..؟!!
    صرخت عليها طفشتنا روبي روبي ...
    ملاك :هس أنتي ترى ذبحتين بروبي قلت لك مأدري وينه ...؟!
    سمعت سارا تهمس لي: جاك الموت ياتارك الصلاه ...
    مافهمت وش قصدها لين التفت وشفت ضحى جالسه على المكتبها اللي بأخر الصاله من جهة السلم ..ياويلي متى نزلت ذي ماشفته ..؟!!
    ضحى بصراخ:مليون مره قلت شدن ماتصرخين عليها مالكوا دخله فيها خواتك صرخين عليهن براحتك بس شدن لا فاهمه ...
    ونادت شدن تجي تجلس عندها ...
    اوووووووف هذي ماتعرف تلكم بس تصراخ ...تدرون ليش ماترضى على شدن لأنها موأختنا بنت المرحومه عمتي وأبوها يصير ولد عمي أبوي بعد ماتوفت عمتي رمى بنته على جدتي وسافر ولين يومنا هذا مارجع واكلام هذا يوم كانت جدتي بصحتها قبل ماتنشل وتطيح كل المسئوليه على بابا ضحى هههههههههههههههههههههههههههههههههههههههههههههههههه ههه ....
    لووووووووووول ماقلت لكم اليوم بس اسرح كثير .. عاد المره هذي اللي كانت تنادي بابا ضحى وقالت لي انادي منير يتغدى معنا لأنها شافته جالس عند باب بيتهم ...
    طلعت فالحوش والشمس كانت قويه بشكل ياربي كيف متحملها أكيد أخوانه طاردينه .. بس ليش ماجاء عندنا ..فتح الباب وصفرت له بقوه بس ماجاء ورجعت أصفر له لين جاء ...
    كان منزل راسه يوم دخل مع الباب ..
    ملاك بأستهبال :ياحرام مطرود ..!!
    بس منير ماتحمل الكلمه وجاء بيطلع ... مسكته قبل مايطلع وشفنت كيف دموعه تنزل على وجهه اللي كان معلم عليه أثر الضرب ... الحقيرين .. مابينت أنه اني انتبهت لدموعه وقلت له وأنا أدخل للبيت ...
    ملاك :تعال الحق الغدى ضحى المره ذي اللي عازمتك ...
    أول مادخلت شفت خواتي كلهم بالصاله قلت لهم بصوت قصير قبل مايدخل منير ..
    ملاك :طاقينه الحقيرين يبكي ...
    شفت الشفقه بعيون خواتي والغضب بعيون نواف اللي يحب منير ومايرضى عليه ...
    ضحى بسخريه :مولازم تبينون له أنكم دارين وشيلو نظرات الشفقه هذي من عيونكم اشفقو بالأول على انفسكم ....
    ×××××××××××××××××××××××××××


    ((5))
    <<أخواتي والذئاب >>

    ضحى


    هذا هم أخواتي دايم كذا قلوبهم طيبه رقيقه وهذا اللي مأحب فيهم أبغاهم يرضون بحياتهم وينسون الفكره المسيطره عليهم انهم ولاياء بدون رجال ..13 سنه عشناها بدون رجال من تركنا أبوي وقبلها حياتي كلها ماحسيت بوجود أبوي .. و6سنوات عشتها أنا رجال البيت يعني ماعاد تفرق لوقضيت عمري كله بدون رجال تعودت بكل موقف المفروض يكون فيها رجال اقوي نفسي وصير رجال غصبا عن الكل تعودت اراكض للمستشفيات باخر الليل وانا شايله بين يدي وحده من خواتي الصغار وأنا مادخلت العشرين سنه كنت ام وأب لهم ... عمرهم ماكانوا فموقف يحتاج لرجال وخذلتهم فيه تعلمت اعتمد على نفسي وخليت خواتي بالمقابل يعتمدون علي وينسون فكرة أنهم بحاجه لرجال بس يوم كبروا بدت هالفكره ترجع لهم ...خواتي صنفين صنف رقيق مايقدر يكمل حياته بدون سند اللي هم شوق وهند وشهد ووعد بعكس نوف وسارا وملاك اللي عن الف رجال اما بالنسبه للي ماتنسمى مشاعل فهذي محد يعرف لها بس اللي أنا متأكد منه انها تكره مثل مأنا اكرهم واللي متأكده منه أكثر أنها بقوة رجال وهذا اللي أبيه ...
    اما باقي خواتي فبأذن له بعلمهم كيف يعتمدون على انفسهم ويكملون باقي حياتهم بدون ذيابه ...
    أيه الذيابه الرجال فقاموسي ذائب ...
    قمت من على الغدا خلاص انسدت نفسي من هالافكار جلست على مكتبي اصحح دفاتر البنات اللي بديت فيها كنت حاطه مكتبي بالصلاه عشان اقدر اشوف كل اللي يصير فالبيت وخواتي ممنوع يطلعون لفوق قبل موعد النوم عشان مايسببون ازعاج لجدتي وحتى المذاكره يذاكرون هنا هذا اذا ذاكروا ...
    وهم من أنفسهم مايطلعون فوق لأن البيت كله مافيه الا مكيفين اللي بغرفة جدتي وهذا اللي بالصاله وحتى هذا بعد صلاة المغرب خلاص ماعاد تشغله ومن زين الحلايا مكيف صحراوي وجوده مثل قلته ...
    وعد :ضحى بنطلع مع منيرنلعب كوره ...
    ضحى :مو وقت كوره اجلسوا شوفوا التلفزيون اذا ودكم واذاكروا والعصر لبردة الشمس العبوا كوره وبالحوش موبالشارع ... تأففوا وعد ونوف ومنير وجلسوا يتابعون فلم ...
    وأنا جلست اصحح الدفاتر اللي بيدي وعيني على التلفزيون اخاف الفلم مايناسب اعمارهم ...
    مع أنهم محللين لأنفسهم كل شي ...
    وأنا منغمسه بالتصحيح شفت ملاك وسارا داخلين ومعهم الطبل حقهم استغربت ليكونون بيطقون على راسي هناوالله لأذبحهم ...
    ضحى بسخريه :وش عندهم الزقرت طربانين ..
    سارا بحركه تضحك :لاتخافين مو طاقين هنا بروح نخرب نومة قيس عشان مايتعودها يطق منير ...
    ضحى :هي انت وياها خربوا على اللي تبون بس صوتكم مأبغى اسمعه ...بعدين هو مشغل مكيفه ماراح يسمعكم ...
    منير اللي نط بالسالفه :لاهو ينام بالمشب عشان عيال أختي منيره مايزعجونه ...
    وطلعوا وهم يطقون ويغنون ناويلك على نيه ... بس مغيرين بكلامتها :
    ناويلك على نيه
    بس انت اصبر شويه
    اذا ماطفشك مني
    وعقلك يصير بيديا
    والله لأجنن راسك
    وانشر بالحاره أخبارك
    واسكن منير بدارك
    واعلمك السنع بيديه
    ودي اسمع انا اسف
    غصب يقولها لسانك
    واشوف الخوف بعيونك
    بالروحه والجايه
    بس أنت اصبر اشويه
    والله انه غبيات لو سمع قيس كلمات اغنيتهن بيدري ان منير هو اللي دازهن .. رحت الحقهن قبل مايطيحن الولد بمصيبه ...
    نديتهن وانا على الباب لأني ماكانت لابسه شبشب والارض حاره ...
    ضحى :سارا وياسارا ...
    سارا :اهبو تونا ماغنينا امداك تسمعين صجتنا ...
    ضحى :ماسمعت اصواتكم بس الاغنيه اللي تو قلتوها لاتغنونها لانه بيدري ان منير هو اللي دازكم ...
    صرخت سارا وراحت تركض تسكت خواتها ...
    الزمن يعيد نفسه.... نفس الحركه هذي كنا نسويها على أيام أبوي فذاك الوقت كان متزوج انسانه لاتطاق كنا تبث سمومها علينا بس انا ومشاعل كنا واقفين بوجها كنت انا اكبرهم عمري 13 سنه
    فالأيام كنا بشهر رمضان كنا نحتري لين أبوي يطلع لسهرته وجدتي تروح تصلي الترويح وتبدى ليالينا الملاح كنا نكد عليها عيشتها الليل كله نطبل ونغني لين تكره نفسها ولرجع ابوي تشتك عليه بس من يسمعها ...والطبل كنا نخبيه بالسطح عشان ماننكشف فيه... اه صدق أيام وهذا هو الزمن يعيد نفسه نفس الطبل ونفس اغنيتنا المفضله اللي كنانرددها كثير اسمعها بصوت خواتي سارا وملاك وأنا جالسه هنا على مكتبي ..!!!
    مقادير ياقلب العنا مقادير وش ذنبي أنا ...؟؟!!!
    صدق مقادير أجل وش ذنبنا أن وخواتي نعيش حياة الحرمان وشكلنا بنجلس طول عمرنا نردد اغنية اليتامى اللي اسمعها كل يوم بالاذاعه بصوت وعد ...
    الايالرب ساعدني ترى درب التعاسه طال تعبت وتعبت اقدامي دروب الهم تمشيها
    عرفت الحزن من صغري عرفت أني فقير الحال غريب وكل هالدنيا علي ضاقت اراضيها
    فقدت امي فقدت ابوي ولالي عزوتن ورجال قهر ابكي قهر اشكي حياتي صرت مأبيها
    يتيم وقسمتي اعيش بليا عم وبلياخال يتيم وقصتي قصه من أولها لتاليها

  7. Loli.
    05-11-2010, 02:58 PM

    رد: بلا رقيب / لعاشقه ديرتها ، كاملة

    بلا رقيب / لعاشقه ديرتها ، كاملة


    شربت اليأس واصبحت فحياتي فاقد الامال وعندي الموت ارحم لي من الدنيا وبلاويها
    تعبت اصبر تعبت اسهر وحظي بين ربعي مال اعاني من ردى حظي وروحي من يسليها
    احس المجتمع يرفض وجودي واطلب الترحال ونظرات البشر تقتل طموحي وأنكوي فيها
    احس اني بلاقيمه شكيت الذل والاهمال وحيد ودنيتي قفره علي تظلم لياليها ..
    انا والله محتاجا لكم ياطيبين الفال ابي حبا يعوظني عن أيامي ومأسيها ..
    تعالوا بددو خوفي وخلوا عطفكم شلال ابروي ظامي جروحا بشوفتكم وداويها ..
    تعالوا ومسحوا دمعا على خدود اليتامى سال تعالوا وسألوا كل اليتامى عن امانيها ...

    ×××××××××××××××××××××××××


    ((6))
    <<عيال الجيران >>


    سارا



    أحس بمتعه ماله مثيل الله يامحلا طعم الانتقام اكره هالقيس مو عشان منير بس عشان اللي كان يسويه فيني وأنا صغيره ياني اخذت منه علقات لين قلت بس يستاهل كل اللي بيجيه مني :
    سارا :وش رايكم بأغني البرتقاله ...
    منير :لاوش البرتقال بنغني الاماكن ...
    ملاك :لا البرتقاله ولا الأمكان وش الفنان اللي يسمع له قيس وبنغني أغنيته وبنخربها يصوتنا بنكره بالاغنيه ...
    شدن :لا أنا بغني بابا فين ..؟؟!!
    والله تكسر خاطري هالبنت اه ياقلبي عليها والله لايقه بابا فين على الوضع بس قلت لها ...
    سارا :خلاص انتي تغني بابافين بس بعد مانغني لفنانه المفضل ....
    منير :خالد عبدالرحمن وخاصه اغنيته الجديده عود الليل ...
    صدق بدوي وش غرفني بأغاني خالد القديمه صح ولاتناسب مزاجي بس مأعرف اضبط اغانيه وماودي سوي نفسي مطنزه لقيسوه ...
    سارا :لا وش عرفني فيها هذي ..
    منير :طيب أي اغنيه لعبدالمجيد ..
    سارا :ايوه عبد المجيد..هذا اللي أعرف اضبط اغانيه ...
    وبديت اغني اغنيتي المفضله :
    ما بين بعينك على كثر ما جاك لا وحسافة ليتنيما عطيتك
    تخطي و اعذرك و اتحمل خطاياك هويت غلطاتك كثر ما هويتك
    ضحيت بالدنياعلى شان دنياك خليت كل اللي يبيني و جيتك
    كنت بعيوني وين ما طالع القاك حتى ولوغمضت عيني لقيتك
    من كثر ماحبك واقدرك واهواك ماذكر اني في حياتي عصيتك
    ولافاد كلي اللي اسويه وياك اتعبت قلبي ليتك تحس ليتك
    والحين روح ارجوك ساعدنيانساك ولا تجي حتى لو اني بغيتك
    وان مر في بالي بقايا لذكرياك بحاول انساها مثلما نسيتك
    كنت عايشه جو مصدقه عمري وماصحيت الا على صوت قيس يسب ويلعن بس حنا طنشنا وكملنا طق
    لو أن الشمس احرقتنا والظل اللي كنا فيه مايكفي بس شعور أنك حارم الانسان النوم شعور خطير ..
    بعد ماخلصت تركت المجال لشدونه تغني بابا فين وحنا معها نردد لا والمطافيق وعد ونواف ومنير وملاك يرقصون ..عايشين جوه مع الاغنيه المجنونه وأنا صابني الحماس وجلست اطبل بكل قوتي ...
    وهند وشهد يصفقون بس شوق اللي كانت ناقصتنا لأنها ماتحمل حرارة الشمس ...
    وحنا نغني سمعنا صوت جابر شكله توه راجع من دوامه ويتكلم مع قيس ...
    جابر :وش فيهم جيران الفلس ثارت جنونهم ...
    قيس بصوته المبحوح :الله لايبارك فيهم اكيد فرخ أبليس معهم ماخلوني أنام ...
    جابر :الكل .... وش عنده بعد هذا مايستحي على وجهه نسى انا اخوانه ...
    قيس :ضربته عشان ماراح للمدرسه ...
    جابر :يستاهل اللي يكسر راسه بعد ...
    مأدري كيف دروى ان منير معنا مع انه ماكان يغني ... وبدت اصواتنا تعلى وغطت على اصواتهم ...
    بس كنت اسمع كلمات سب واختفت تدريجيا شكلهم دخلوا للبيت .. وبعد خمس دقايق جاتنا ضحى ودخلتنا للبيت اتقول أم كايد اتصلت تقول صجيناهم ماقيلوا أكيد عيالها دازينها ...
    ماكنا بندخل بس كنا عطشانين والحر ذبحنا وهم اصلا دخلوا للبيت يعني قعدتنا مالها معنى ....
    سألتنا ضحى وهي كاتمه ضحكتها :وش سويتوا فيهم أسمع اصواتهم يوم ام كايد كلمت وشكلهم مره مقهورين ...
    ملاك :ماسوينا شي بس طلعنا بعض مواهبنا عليهم ...
    نواف :منير لاتروح لبيتكم اليوم نام معنا أكيد بيجلدونك ...
    شفت الخوف بعيون منير بس هو طلع يعرف الاصول بعد وأن جلسته معنا اصلا غلط على قولت اخوانه مع اني ماشوف فيها شي ...
    ضحى :وش اخبار أختك منيره مارجعها زوجها ...
    منير :لامارجعها عمى بعينه مع انها طيبه وليتها ماترجع له اصلا أنا ماروح للبيت الاعشانها وعشان أمي ولاتركت البيت من زمان وجيت اعيش معكم ..
    هذا اللي قبل شوي قلنا عنه انه يعرف الاصول سحبت كلمتي ...






    نهاية الحلقه الأولى
  8. Loli.
    05-11-2010, 03:19 PM

    رد: بلا رقيب / لعاشقه ديرتها ، كاملة

    بلا رقيب / لعاشقه ديرتها ، كاملة


    الحلقه الثانيه



    ((1))
    << في بيتنا هزه >>



    ضحى



    صحيت على صوت انفجار قوي ناظرت بساعة المنبه اللي يوم شغاله ويومين عطلانه كانت سبعه المغرب نزلت من سريري بسرعه بشوف وش السالفه وأنا بطلع مع باب الغرفه سمعت صوت انفجار ثاني حسيت الارض من تحت رجولي تتحرك,,, لا هذا أكيد شي كايد كنت اركض وأنا انزل مع الدرج صقعت بهند اللي طالعه .. سألتها وأنا امسكها لتطيح ...
    ضحى :وش صار ..؟!
    هند :مأدري توني صاحيه وأفرش اسناني ماحسيت الابصوت أنفجار وبلعت المعجون من الرعبه ....
    وكملت :شكله الفرن ..!!
    ونزلت ركض وأنا اركض وراها مثل الهبلا .. اول ماوصلنا المطبخ طلعت منه شوق ...
    شوق برعب :زلزال ...!!!
    هند :يعني مو الفرن ... اجل الصخانه ..؟؟!
    وراحت تركض لفوق وحنا وراها بس تذكرت شي خلاني أمسكها مع قميصها واوقفها عن الركض وصرخت عليه تستغبي علي ذي ...
    ضحى :غبيه أنتي أي صخان وحنا فالصيف جالسه من الصبح تطامرين من محل لثاني وأنا بغباء احلقك ...
    هند: يعني هذا ذنبي أني كنت أحاول أختصر عليكم الوقت وعرف وش سبب الانفجرات هذي ...
    شوق برعب :ياويلي لايكون تفجير ارهابي ...
    الصراحه مت من الضحك عليها أفكارها اغباء من الغباء نفسه تذكرني يالطالبات اللي ادرسهم ...
    سمعتها تسألتني .. شوق :ليش تضحكين ..؟!
    ضحى بسخريه واضحه :اضحك على غبائي كيف ماتوقعت انه تفجير تدرين عند أماكن استراتجيه يفجرون فيها مثل دكان ابوبكر مغسلة يعقوب ومحطة صالح ...
    وقطع كلامي تفجير بعد لفت أنتباهي لمصدر الصوت وماكان بذاك القوه وشكل اللي قبله ماكانوا بذيك القوه بس لأنهم جو فجأه ... طلعت للحوش ولفيت على البيت وشفت اللي ماتوقعته ...
    ضحى :هذا انتم ..!!!
    سارا بصدمه :صحيتي ...
    صحيتي ياويلي ودي اذبحها على هالبرود اللحين كل هالخرعه وبالاخير يطلعون هم ...قلت وأنا أخذ منها كيس المتفجرات اللي بيدها :أنتوا متى بتوبون عن هالتصرفات وأخرتها معكم يعني ...وبعدين
    من وين جبتوها هذي غاليه ...
    منير :أنا جبتها من بيتنا ...
    ضحى:ماشاءالله وبيتكم صار مخزن للبيع المفتجرات ... وكملت بأستهزاء :والله مأدري لو بكره يطلعون بيتكم بالأخبار لأنهم مخبأ للتصنيع اليورانيم ..!!!
    ودخلت عنهم وان اسمع احتجاجاتهم المكتومه ... والا هذا اللي ماتوقعته أني اصحي بهالطريقه المفزعه من النوم ...
    دخلت للمطبخ وجلست اسوي قهوة المغربيه دخلت علي شدن :ماما أبي حلاوه ...
    وبعدين معها هذي مليون مره قلت لها أنا مو ماما بس مصره كله من مشاعل هي اللي تدزها علي ...
    وعطيتها حلاون من اللي رافعتها لها ...
    ضحى :روحي العبي بالصاله ...
    شدن بدلع :لا بجلس معك ...
    ضحى :حتى انا بطلع وبتجلسين معي بس برى ...
    شدن :ماما متى بدرس ...
    ياربي وبعدين معها هذي ماتشوفني الا وتسألني هالسؤال ..!!!
    ضحى :بعدين ياماما بعدين لاكبرتي ...
    شدن :بس أنا كبيره أكبر كثر من كذا ...
    قلت لها وأن اشيل الصينيه وطلع فيها للصاله ...
    ضحى :روحي نادي خواتك من برى ...
    شدن :هم فالصاله ..
    سكت عنها ماكملت مناوشه واصلا أول ماشفت خواتي المحترمات نسيت موضوعها وطحت فيهم تهزيء بس ياليتها تنفع ...
    بعد القهوه جلست على مكتبي وبديت احضر دروس بكره .. والباقين كانوا يتابعون مسلسل مدبلج بس أيش شي ماينشاف وشيف والمشكله كل الموجودين مراهقين وأطفال والخبلات ذولي ولاطرى عليهن يفكرن يحترمن انفسهن متسدحات لي تحت التفلزيون ويتفرجن يوم ماشفت ان عندهن نيه يحترمن حالهن .. قمت وبدون سابق أنذار فصلت الفيش ومأنتبهت الاعيون الكل علي حتى شدن ...
    سارا :خير ان شاءالله ليه طفيتيه لاتكونين تبينا نذاكر ...
    ضحى :لاحبيتي مأبيك تذكرين ابيك تحترمين حالك اللحين ممكن تقولين كيف تابعين هالاشياء والاطفال ذولي عندك ...
    وعد بأعتراض :من الاطفال لايكون تقصديني ترى أناعمري 13 سنه يعني كبيره ...
    ضحى بطنازه :لابسم الله عليك كبيره ... أحد تكلم عنك أنتي ...
    منير : عادي اصلا عيال منيره الصغار يتابعون كل شي ...
    سارا بلقافه :وجابر ...
    قلت لها والشرار يتطاير من عيوني هذي متى بتستحي على وجها ..
    ضحى :وانتي وش دخلك بالرجال ...!!
    سارا :أخاف على أخلاقه بعدين من بترضى فيه ...
    كنت بردعليه بس صوت التفلون قطع كلامي رحت لمكتبي ورديت عليه ... كانت أم كايد تسأل عن منير لأن الليل دخل وهو مارجع للبيتهم ...
    بعد ماقفلت منها قلت لمنير والعيون كلها علي ..
    ضحى :أمك تسأل عنك ..؟!!
    منير: لاماني برايح لين يطلعون جابر وقيس ...
    ضحى :لا منير عيب أمك متصله تسأل عنك ..
    منير :اصلا هي ماسألت عني الا تبيني اجيب لهم خبز ولبن للعشاء اعرفهم مايسألون عني الا يبون يرسلوني خل ترسل عيالها المترززين عندها ...
    سارا :والله لو اني منك ماروح ان شاءالله يموتون جوع ...
    شفتو اللعانه بتخلي الولد يتمرد على أهله ...
    ضحى :أجل بتخلينا نموت جوع اليوم ومأنتي جايبه لنا خبز ... ترى اليوم دورك أنتي و وعد ..
    وعد بأعتراض :لا أنا قبل أمس ...
    ضحى :ماتبغين مصروف لاتروحين ...
    هزت راسها بانصياع ....
    ضحى :طيب وش تحترون روح اللحين ...
    ×××××××××××××××××××××××××××
  9. Loli.
    05-11-2010, 03:19 PM

    رد: بلا رقيب / لعاشقه ديرتها ، كاملة

    بلا رقيب / لعاشقه ديرتها ، كاملة


    ((2))

    << صدق تحبينه ..!!>>


    سارا


    لبست عباتي بروح اجيب خبز من عند الخباز على أوامر الست ضحى مع أنا نقدر نتصل ونخلي السواق يجيب لنا بس على قولت ضحى زيادة مصاريف ... وبعدين وش ورانا نأخذلنا لفه بالحاره ونغير جو وطلع معنا منير .. قضينا الوقت بسوالف والضحك واستهبال ويوم وقفنا عند الخباز منير راح يشتري لنا الخبز ..
    وحنا واقفين سمعت وعد تغني ناويللك على نيه وتضحك ويوم طالعت وين نتطالع شفت جابر.. قلت لوعد بصوت مسموع
    سارا :وانا اشوف دقات قلبي زادت فجأه ....
    وعد ويدها على قلبها:قلبي اه ياقلبي ...
    كتمت ضحكتي يوم شفته صد لجهه الثانيه وشكله مغتاض منا ...
    وعد بصوت عالي :سارا أنتي من صدقك تحبينه ..
    لا مستحيل ياويلي يالفضحيه هذي وش قالت احس وجهي طاح بالارض والناس كلها تطالعني حسبي الله عليها ترى أحس مو الناس تطالعني صدق...
    وجابر جالس يطالعنا بالصدمه مع أنها ماقالت اسمه بس الكلمه لحالها قويه لا وقدامه ...
    جانا منير بعد ماشترى الخبز ... وشكل جابر انصدم بالكلمه وماعبر منير الحمدالله ولاكان مابيأكله الا مرمر ...
    رجعنا لبيتنا بالسلام .. بعد العشاء جلسنا نتابع فلم ومرمر معنا كان ينتظر لين أخوانه يطلعون للأستراحه اللي يسهرون فيها وطلع لبيتهم .. والبنات ناموا على الساعه وحده لأن عندهم دومات ...الساعه ثلاث دخلت علينا ميشو ...
    ملاك :لا بعد لوتأخرتي شوي ...
    ميشو ضحكت بمجاغه واشرت بيدها يعني أنها مسطله بتنام مالها خلق ... أختي مشاعل هذي حالتها غريبه ماتنام لين يمر 24 ساعه الوقت اللي صحت فيه واذا نامت على الكثير 6ساعات أيه صح ماتدرون عنها شي خل اعرفكم عليهم اختي مشاعل عمرها 22سنه تدرس بالجامعه أي قسم مأدري بس شي أتوقع له دخل بالانجليزي عندنا فالبيت مانسميها الا القطوه عليها عيون ماتقولون ال عيون اقطوه مافيه فرق بينها وبين روبي قطوتها ..دايم بلبسها و بتصرفاتها تحسونها متشرده واللقبين ذولي معها من كانت صغيره أذكر كأن أحد يناديها بالالقاب ذولي ولصقن فيها لليومنا هذا ..ولاتسألوني من الشخص اللي كان يناديها كذا لأني مأدري ..؟!! .. وقتها أنا كنت صغيره يعني عندي عذر بجهلي لهالموضوع بس لو سألتوها هي أكيد بتجاوبكم ... ولاشي اللي صدق بيصدمكم لون عيونها ازرق ... من وين جابته مأدري بس الاكيد أن امها سعوديه وانتوا حزروا عاد من وين جابته..؟؟!!.. مع ان لون العيون اللي منتشر بين خواتي البني والعسلي ماعدى ميشو عيونها زرق ونوف عيونها سود ...
    لا نص الفلم فاتني كله منكم ...
    ××××××××××××××××××××
  10. Loli.
    05-11-2010, 03:20 PM

    رد: بلا رقيب / لعاشقه ديرتها ، كاملة

    بلا رقيب / لعاشقه ديرتها ، كاملة


    ((3))
    <<..ماضينا يلاحقنا .. >>


    ضحى
    فزيت من نومي بعد الكابوس اللي شفته وأنا مرعوبه لفت نظري النور اللي جاي من الشباك لا مستحيل معقوله طلع النهار الساعه كم والمنبه الزفت هذا ليه مادق مايبغى لها ذكاء اكيد مافيه بطاريه ...
    طالعت بالساعة يدي اللي كانت بجنبي على الطاوله لامستحيل ست ونص ...
    بعدها بعشر دقايق كنت بغرفة سارا وملاك ...
    :سارا اصحي خلصيني ,,اوف بلوه مو راضيه تصحى شوف البنت غطت راسهاوانقلبت على الجنب الثاني ولاماعبرتني ..
    صرخت بأعلى صوت اقدر عليه :سارا وصمخ انشاءالله ..
    فتحت عيونها الكبار وبكسل قالت :خير انشاءالله اتوقع اني تاركه الدراسه من اربع سنوات ولاكل هذا كان حلم ..
    ياربي من هالانسانه حتى وهي نايمه فايقه ...
    مو وقت رواقتك اللحين اسمع وش بقولك انا متأخره على المدرسه وبروح مع اسواق يعني اذا صحوا خواتك خليهن يارجعن يكملن نومتهن مافيه مدرسه ...
    هزت راسها بلاهه ورجعت راسها على المخده ...
    نومت جدي ...

    ركبت السياره واعصابي مشدوده لأن اليوم الثلاثاء وأن الثلاثاء والاربعاء عندي انتداب بمدرسه بشمال الرياض وبيتنا بجنوبه يعني يبغى لي وقت على بال ماصل ومع هالزحمه والسواق اللي كنه يمشي على بيض يارب عديها على خير انا ماضمن نفسي لو المديره حاولت تخصم مني الله يصبرني على هالانسانه مادري وش هوله حاطه دوبها ودوبي كل شي عندها المركز والمال والجاه وحاسدتني قال ايش املك الشخصيه اللي تحلم فيهاطول عمرهاتحسب هالشخصيه جاتني بالفطره مادرت انه من هول ماقاسيته من عمري 17سنه وأنا شايل حمل ماشالوه طوال الشوارب الله يكفيني شرها بس ,,انا بس لو تضبط معي فكرت الدروس الخصوصيه بس الناس ماتقتنع فيني لاني سعوديه يبغون اجنبيات مع إن شرحي لايعلى عليه بس الشكوى لله ...
    تنهدت بمراره كل هالتوتر مل امه داعي احسن شي بحالتي هذي الاسترخاء ..قلت لسفر يشغل الاماكن ... أحب اسمعها على الصبح استغفر لله ياربي مع ان المفروض هذا مايصير بس الشكوى لله ...

    -------------

1234567891011 ...