بلا رقيب / لعاشقه ديرتها ، كاملة

الحلقه الحاديه عشر

((1))

(..أعصار تسونامي ..)
وعد

مثل أعصار توسنامي دخلت علينا أول مكشفت نقابها وشفت وجها عرفت أني هالكه اليوم لامحاله
يارب والله اني شهيده لو مت اليوم في سبيل نصرة المظلومين أزهقت روحي ... الكل صد صوبي بعد مأنتبهوا على نظراتها لي ..
ضحى :أنتي وش مسويه بالمدرسه ...
بكل براءه رديت انا ..
وعد :وش سويت ...؟! .. مأذكر سويت شي ...
ضحى وهي تلوح بالدفتر اللي معها :مفصوله أسبوعين وتقولي ماسويت شي ....
سويت نفسي واثقه من نفسي ..
وعد :ايه أنا ماسويت هم اللي سوو وفصلوني ..
ضحى :وعد برضاي عليك ردي بأحترام ترى كل اللي باقي من صبري حبتين ...
وعد :ياربي ... أنتي بس تحاملين علي أنا وش مسويه من الصبح وأنتي حاطتني بالراسك هم يفصلوني ويحرموني من الأمتحانات وأنتي بدال ماتوقفين بصفي جالسه تعاتبيني ...
ضحى :لا أنا ماعاد أتحمل وعد ياحيوانه لما أسألك جاوبيني بجديه...
ياربي ضحى اليوم ماهي ناويه على الخير أبد شكلها معصبه من شي ثاني وجايه تحط حرتها فيني ..
أخخخخخ بطني معورني الله لايوقفكم مكاني قدام ضحى وهي ثايره ...
وعد :يعني أنا جالسه أهزر مو أكلمك بجديه ..
ماكلمت كلامتي الا وهي هاجمه علي وطاحت فيني ظرب بالشنطتها وأنا أحاول أحمي نفسي بيدي بس مو قادره خلاص رحت وطي ..
بعدها بالساعه ...
اخخخخ يالناس بموت أحس ظلوعي مكسره وراسي داير ياربي أنا وش سويت بالدنيتي عشان ابتلي بأخت مثل هذي ماتعرف تعامل بالطمقراديه ..
>> طمقراديه ياوعد مأقول الا على الدنيا السلام ...عز الله فلحتي ...
وعد :نووواف ...
نواف :ماله داعي تصارخين شوفيني واقف فوقك ...
ونعم الأخوان أخواني أختي تطقني وأخوي يصرخ علي الله يرحمك يايمه ..>>> البنت خرفت نست أن أمها حيه ...
وعد :معك ورقه وقلم ...
نواف :لامامعي بس تبغين أجيبلك لكن قبل بسألك سؤال وش هالفلاحه اللي نزلت عليك لاوأنتي مفصوله بعد ...
شوفوا الغباء من قال أبيها عشان شي يخص الدراسه ..
وعد :ابيها عشان أكتب وصيتي ...
نواف :خيبه وعد بتنتحرين ...
أنتحر يؤ هذا بيدخلنا بالسياسه بعدين أنا مأنتحر أنا أنحر ... بس اذا بقيت مده أطول على حالتي هذي يمكن أخرج عن مبادأي وأغير معتقاداتي ..
وعد :جوعانه ...الرحمه ماني قادره أتحمل ...
نواف :وش اسوي لك ..
وعد :جيب لي شي أسد به جوعي ...
قلتها بالطريقه تخلي الواحد غصب يرحمني بس هذا قلبه صخر ..
نواف :غبيه تبغين أجيب لك عشان أعاقب معك لاحبيبتي يكفي شخص بهالبيت يكون جوعان نصيراثنين ليش ...
اناني وطول عمره حيبقى أناني وين مبدأ الأثاره والتضحيه في سبيل أعظم وأسمى رابط يجمعنا .. رابط الأخوه ...

×××××××××××××××××
 
((2))
(..دع الحذروتولى القياده ..)
ميشو

حاولت العوده لنوم بعد ان صحوت فالبدايه على صوت صراخ المزعجه وعد ولكن لم أستطع ..
فكلما أغلقت عيني بدى لي صوتها كطنين النحله يقلق نومي .. يأست من العوده للنوم فنهضت من فراشي وبدأت أستعد للخروج مع سوسو فقد أتفقنا أني نلتقي في السابعه والان الخامسه بقي الكثير على موعدنا ولكن سأحاول أن أفعل الكثير في الساعات المتبقيه ..
أنتبهت على أهتزاز جهازي المحمول يبدو أنها مكالمه ولكن من سيتصل علي في هذا الوقت فالجميع يعلم أني في هذه الساعه من النهار اغط في نوم عميق ..
لم أفكر كثير ا وتناولت محمولي .......
ميشو :مرحبا بالمزعجه ...
سوسو :مراحب حبي كيفك يابعدي ..
اهلا بالنفاق ...
ميشو :بخير .. أخبريني ماذا ورأك ...
بعد ضحكة دلال تعودتها أجابتني عن مبتغاها بحماس مخيف....
سوسو :ميشوو يحبي ورانا اليوم مغامررره فرط شكل ...
ميشو:دقات قلبي وصلت المليون فالثانيه الواحده بدون تحفيزات أسردي الموضوع ...
صدقوني تحضر لكارثه .....
سوسو :أنتي اللحين جاهزه ...
ميشو :تقريبا لماذا .....؟!
سوسو :أجل أنتظري كرميل بتجيك ....
تأتيني أين ....؟! لما أسألكم ومأدراكم ...؟!
ميشوصحت بها:تأتي اين .....؟!
سوسو :بليز ميشو لاتعقدينها بتجيك للبيت وماله داعي هاللف والدوران ترى هي تعرف البير وغطاه ...
ميشو :هكذا بدون أخذ مشورتي ..
سوسو :ميشو بليز والله الموضوع يستحق هالتضحيه يالله انزلي لها أكيد اللحين هي على وصول ...
ميشو :حسنا .. الوداع ..
يألهي لأستطيع أن أصدق أن هذه الحمقاء أعطت عنواني لشخص غريب ومن كرميل ياللكارثه ...
ارتديت عباءتي وحملت حقيبتي وأسرعت بالخروج أخشي أن تفكر تلك المعتوهه بالدخول الى المنزل ... لأعلم كيف حدث ذالك ولكنه حدث .....
 
عساف

القطوه ......؟!! ... ماني مصدق أنا كيف نسيتها عيون زرق !!! .... حسيت قلبي طلع يوم صدمت فيها لاتفكرون غلط من الخرعه مو من شي ثاني يحليلك ياقطوتنا وينك ياصقر تجي وتشوف قطوة الشارع كيف كبرت ...
حسبي الله على شيطانك يالقطوه نسيتيني ليش كنت داخل رحت للمجلس اللي كانوا العمال يشتغلون فيه وأخذت الغرض الجاي أخذه منه وطلعت .. ايه على فكره لاتنسون تسألون ضحى عن الهوشه اللي صارت بينا بالسبب الشغل فالمجلس ... وأذا ماخبرتكم قولوا لي عشان أخبركم ...؟!
طلعت بالسيارتي على بيت مبارك المكان اللي أتفقت التقي فيه مع خلف ..



ميشو

اتوقع الان عرفتم مالذي حدث لقد أصطدمت بذلك المعتوه عساف .. يألهي على نظراته وكأنه لم يرى من قبل فتاة بعيون زرقاء...
ولكن دعوني أخبركم بمالاتعرفوه جنون ماتطلبه مني هو الجنون بعينه ..
كراميل :حبيبتي ميشو يالله قولي وش قررتي ..
كما أنا محظوظه منذ متى اصبحت حبيبتها أتوقع من اللحضه التي طلبت فيها مني أن أخلع عني السواد واتولى القياده ....
ميشو :كراميل عزيزتي يوجد لديك الكثير من الذين يوافقون على تأديت هذه الخدمه لك لما أنا بالذات ...
كراميل :لأني أحبك يالله ياعمري ترى المسأله ماتستحق كل هالتفكير بعدين ليش هالتردد أنتي معي وتدرين مستحيل أحد يضرك وأنتي مع كراميل ...
أعلم ياصاحبة الحصانه ولكن .... حقا لماتردد ...؟!
ميشو :حسنا لابأس ..ولكن لاتنسي سيكون المقابل غالي ...
كراميل :الغالي مايغلى عليك يالغالي ... لاتنسين حبي بنمر على سوسو قبل ......

×××××××××××××××××
 
((3))

(..مطارده مع المجهول ..)
عساف


اوووووووف وين راح هذا اللحين من الصبح راجني وبالأخير هو اللي يتأخر ..
رجعت أتصل عليه للمره المليون ...
خلف :جيتك خلاص قفل ...
بكل برود يقولها ..
عساف :وش فيك أنت متى بتصير رجال وتحرص على مواعيدك ..
خلف :اوب زعل العم أسف يأبوك أمسكتني الوالده شوي ... بعدين مو من عادتك تحمق بالسرعه لاتكون متهاوش مع بنت مبارك وجاي تحط حرتك فيني ..
جابها على الجرح الله يسامحك ياخلف حاطني تريقه لك ...
عساف :خل عنك الهذره وتعال نركب السياره لانتأخر عن موعدنا أكثر ...
وفتحت باب سيارتي وخلف لف يركب مع الباب الثاني ...
وقطع كلام خلف اللي كان بيقوله ...
السياره السوداء اللي دخلت للبيت بالسرعه خرافيه ولفت على الدوار بجنون وقفت قدام المدخل مباشره ... وعلقت على بوري السياره ...
صديت على خلف وأنا كلي دهشه من اللي قاعد يصير ....
عساف :وش السالفه ...
بس خلف مارد علي لأن عيونه كانت متعلقه بالسياره وباللي ركبتها ...
قلت له وأنا خلاص صبري نفذ ..
عساف :خلف ......
خلف بقهر :الحقيررررره ....
وجاء جهتي وركب محلي وأنا واقف اطالعه بغباء لأني ماني عارف وش قاعد يسوي ....لين صرخ علي..
خلف :وش تحتري ماتركب بنلحق السياره ....
مأدري كيف تحركت وركبت السياره اللي كان خلف محركها كانت رجل برى والثانيه داخل وبقدرة قادر قدرت اعدل جلستي وأقفل الباب .....
ويوم تمالكت نفسي ... سألته وأنا ودي أزنطه ...
عساف :خبل أنت بغيت تذبحني بس عشان تلحق السياره ....
خلف دق اللطمه وشكل الاخلاق معه خاربه ...
خلف :شفت الحقيره كيف ركبت السياره عيني عينك ...
عساف :أي حقيره أنت عن ايش جالس تكلم ..
خلف وهو يتلفت حوله يدور السياره اللي خفت نكون فقدناها :من غيرها السافله سعاد هي من تطلقت وماهي بماشيه عدل صايره تماشي اللي سوى واللي مايسوى واللحين راكبه لي سياره مشبوهه ...
وش فيه المتخلف ذا صاير يقط خيط وخيط فيه أحد يتكلم كذا عن اخته بعدين ليش يقول عن السياره مشبوهه بس عشان مخفي ...
ماحبيت أعلق على كلامه لأنه كان مررره مولع والزياده الزحمه اللي دخلت فيها السياره اللي نطاردها
خلت فيه مساحه واسعه بينا وخلف خايف نفقدها بس السياره مررره مميزه ... وكل اللي عند الأشاره عينه عليها ياخوفي يسوون لها موكب اللحين ... ونضيع بالدوشه ...
خلف :توقع من اللي يسوق مستحيل يكون سواق ...
لامستحيل اللحين فهمت خلف وش قصده من اللي كان يقول معقوله سعاد راكبه مع واحد الصراحه معه حق السياره هذي مايركبها الا الشباب والشباب الصايع بعد ... لاشكلها الليله ماهي معديه على خير ...
ماصدق خلف فتحت الأشاره وبدت السيارات تنطلق صار يدخل بالطريقه متهوره بين السيارات عشان يقلص المسافه بينا وبين السياره السوداء ... والسياره زادت من سرعتها وصارت اكثر تهور من خلف وكأن السواق أنتبه على ملاحقتنا له ......
قلت له وأنا ماسك الكرسي بيدي الثنتين لاني أن فكيته بالطير قدام .......
عساف :خلف يامجنون هد السرعه لاتجني علينا وعليهم ...
بس خلف مطنشني وبدأ يحد السياره ....
عساف :خلف تكفى اترك السياره بحالها لايكون السواق غشيم ترى أختك فيها ...
خلف :سواق غشيم هاه محد قاله يسوق وأختي محد قال لها تركب معه ....
قلت أهديه وأطلع هالفكره اللي أنزرعت بالراسه بداها بالشك واللحين أكدها ...
عساف :وأنت اللحين تكذب الكذبه وتصدقها من قالك أن اللي معهم ماهو بالسواق أنت شفته .. أكيد هذي وحده من خوياتها وسواقها ويوم شافوا السياره اللي تلاحقهم السواق خاف بعدين اللحين السواقين أخذوا خبره بهالأمور ...
خلف :ايه سواق كثري لي منها ... اللحين بالتشوف وش بسوي أنا لعبت معه كثير واللحين جاء وقت الجد ..
ياليتك مابديت الجد ياخلف لأنك أهلكتهم ... كان الوضع مجنون كلا يزيد من عنده لين صار الموقف ماينسكت عليه وكذا دوريه صارت ورانا غير العالم اللي تلاحقنا بالسياراتها بالتشوف وش السالفه ... والصراحه بديت أقتنع برأي خلف أن اللي داخل السياره مو سواق أجنبي ولاوش هالأصرار العجيب على الهرب خصوصا أن الدعوى فيها مرور والشرطه ليش مايوقف ...
واللي زاد الطين بله مع زيادة الضغظ بسبب
الأمه اللي وراه صار صاحبنا يدخل بين السيارات بشكل عشوائي وخطير لين حلت الكارثه اللي كنت أحذر عساف منها طول الوقت ...
مع قطعه لأشاره جديده كانت فيه سياره ماشيه بحال سبيلها وصار اصطدام قوي بينهم والله ستر ماخشينا حنا معهم على أخرلحظه وقفنا وكان الفاصل بينا شعره وحد بس....
قعدت اصرخ والخرعه مطيره عقلي ...
عساف :الله يلعن ......... اللحين عجبك اللي صار جنيت على ناس أبرياء والله أن صار شي فيهم ماراح يتحملها غيرك الله يأخذ روحك .....
وجلست أدعي وأتحسب عليه ...
خلف :بس ترى ذبحتني أفتح عيونك وطالع قدامك مأحد صابه شي .. وشوف أبن اللذينا مو راضي ينزل من السياره ...
والله معه حق الشرطه محاصره السياره وقاعدي يطلبون منه ينزل بس هو مايرد ...
عساف :طيب ورى مايفتحون السياره ويشوفون اللي فيها يمكن ماتوا ...
خلف :لاوين ماهو مقربين منها وش دراهم من اللي فيها يمكن ملغمه السياره بعد ... بس لحظه تشوف اللي انا أشوفه ...
ايه اشوف وليه مأشوف العالم اللي دخلت بالسالفه فجأه يوم شافتهم الشرطه أبعدت وحاصروا المكان وماصرنا نشوف شي نزلوا اللي بالسياره وهم مسوين حوله حائط بشري ... ومثل ماجو فجأه أختفوا فجأه والكل واقف وفاتح فمه ويضرب كف بكف.......
خلف :خل ننسحب قبل مايمسكونا ...
عساف وين نبعد وهالأمه اللي ورانا بعدين وين بتروح يمدي الدوريات أخذه رقم لوحة سيارتك من بداية المطارده لاتسوي شي يحطنا موقع تهمه ...
 
ميشو

مازلت أرتجف لم اصدق الموقف اللذي كنت به جميع تلك الأمه خلفي وانا لم يكن بأستطاعتي سوى الفرار ولكن الى أين ...
سوسو :ميشو حبيبتي أمسكي أشربي العصير ذا عشان يهدي أعصابك ...
سألتها وأن أتناول الكأس منها ..
ميشو:هل حقا نجونا ...
سوسو بالتنهيده :الحمدالله كنا بنروح جزء من حديد السياره لو مالله ستر ..
صرخت بها ماهذا البرود ...
ميشو :ببركاتك عزيزتي ...
كراميل :ميشو لاتحطين اللوم على سوسو .. أنتي كنتي عارفه ان شي من هذا بيصير صح الموضوع كبر شوي وكله بسبايب السياره اللي كانت تلاحقنا اخخخ بس لو أعرف من صاحبها والله لوديه ورى الشمس ... بس الباقي كله متوقعين غير الحادث اللي ماكان على البال والرجالنا ماقصروا قاموا بالواجب ...
ميشو :وهل أنتهى الموضوع بخروجنا من تلك السياره اللعينه ..
كراميل :ايه أنتهى حبيبتي ولامتوقعه احد يقدر يحاسبني ...
كلا عزيزتي من سيحاسبك فأنتي هنا في بلاحسيب ...
ميشو :والسياره التي اصطدمنا بها ...
سوسو :عن الأسئله الغبيه ماتشوفين اللي فيها كيف طلع بدون اصابات ...
كلا لاتتحدثي عن الاصابات وتحسست الجرح الذي في جبيني وهو كل ماخرجت به من هذه المغامره بالأضافه للمبلغ الكبير الذي سيحط الليله في رصيدي في البنك ...
كراميل :كلي شوق للمره الجايه اللي بنكرر فيها المغامره ...
حسنا عزيزتي أحلمي ولكن بعيداعني ...
سوسو :وأنتي وش رأيك ميشو ..؟!
عن ماذا تتحدث هذه الجميله ..
ميشو :رأيي بماذا جميلتي ...؟!
سوسو :ميشو ياكرهي لك لاتحكيتي كذا انتي فاهمه وش قصدي ..
كراميل :اتركيها بعدين هي اللي بتجي بنفسها وتطلب مني هالشي هذا مثل الأدمان حبيبتي ...
حسنا بدأنا بالمحضور ... قفزت واقفه ...
ميشو :استميحكم العذر سأغادر ...
سوسو بأعتراض :لاوين تو الناس توها مابدت سهرتنا...
وهل تظنني فارغه لهذه الدرجه لأكمل سهرتي معها ...
ميشو :سأذهب لأكمل دراستي لم أنهي المنهج ليلة أمس ...
سوسو :يابكاشه يمديك مخلصته وراجعه عليه ثلاث مرات ...
ميشو :الحق لم أنهيه الى الان توقفي عن أدعاء أن بأستطاعتك معرفة كل شيء ... والان الى اللقاء ...
أجل الى اللقاء توقفوا أين ستذهبون لقد بقي الكثير في حلقتنا الليله كنت أقصد سوسو وكراميل فقط ...
والان تعالوا معي لنذهب الى المنزل وهناك سأبدا بالمذاكره حيث ستبدأ متعتي ومللكم ..
فأنصحكم بأشترء أدمغتكم والذهاب للتسليه ولكن أين ستجدونها بالتأكيد مع الثنائي المرح (×o_ ) حظ موفق أتمناه لكم في صحبتهن ...


××××××××××××××××××
 
((4))

(..جامعة الدول العربيه ..)

سارا


الصراحه مأنصحكم تجون بيتنا الليله كلش لأن الأوضاع متأزمه والجو يخيم عليه الحزن ... اخخ والله أصلح مقدمة أخبار فالعربيه ..
سارا :ملاك انتي وش رأيك ....؟!
ملاك :رأيي بأيش ..؟!
سارا :مو توأمي والمفروض تعرفين وش أفكر فيه ...
ملاك :حبيبتي وش فيك نسيتي ذيك أنتي اللي تقرين أفكاري مو العطس ...
سارا :العطس ولا العكس ..
ملاك :لا العطس ...
سارا :خلينا من العطس ونرجع لمحور حديثنا كنت أقول أني أصلح مقدمة أخبار فالعربيه ....
تكفون أقروا الجمله اللي قلتها مرتين فيها شي يطلع من الأسلام لأن ملاك شكلها بتذبحني ...
ملاك :غبيه انتي تروحين للعربيه ليه والجزيره موجوده ...
الحمدالله بس هذي نقطة الأختلاف بينا موشي ثاني ...انتظروا شوي بقنعها أن العربيه أفضل لي ...
سارا :لا خليني فالعربيه أحسن يابنت الحلال حتى أسمها يدل على روح الاخوه والتلاحم بين الدول العربيه ...
ملاك :تبين الصراحه تفكيرك موشي ...
يؤ سبتني طيب ليه ماكنا حلوين وكلا يبدي رأيه ...
سارا :ياتوأمي الجميل الرائع ماتغلطش عليه أحسن مأدفنك في محلك ...
ملاك :طيب بدون ماتسأليني ليه حجاوب وحتغاضى عن تهديدك الصهيوني بالاعتداء علي ... لأن ياعزيزتي العرب كلش مو مترابطين ولابينهم أي تلاحم ولا تأخي وضربك المثل فأخوتهم مثل أحترام عبد الرحمن بن مساعد للحرامي ...
اها كني بديت أفهم اللحين أنا لصرت مذيعه فالعربيه بتنفض الأشتباكات بين حماس وفتح بفلسطين وبتهدأ الأوضاع بلبنان
والجيش اللبناني بيتركون فتح الاسلام بحالهم (الاسم صح ههه)
... وبيعقلون العراقيين بيصيرون دوله وحده وقلوبهم على بعض ..بس قبل بوش تنتهي مدة عقده وماراح يجددون معه.. ويمكن ينتخبون رئيسه لجامعة الدول العربيه ...بتساعودني فالأنتخابات مو...؟؟!

ملاك :ياهووووووه اللي مأخذ عقلك يتهنى به ..
قلت بحركه مسرحيه وأيدي على قلبي ..
سارا :اه ومن غيره اللي ماخذ القلب والعقل ...
ملاك :مين عمرو موسى ..
سارا :لا جابرر ..؟!
ملاك :جابر الكاسر ...
سارا :لاجابر مجاهد ...
لاتطالعوني كذا ايه جابر اللي مأخذ قلبي أحبه وهو ولا سأل فيني ولا بيتزوج بعد اه ياقلبي كم بيتحمل أكثر ... مسحت على راسي ملاك بيدها ..
ملاك :خلاص حبيبتي لاتزعلين نفسك عشان واحد مايسوى والله هو الخسران يحمد ربه باليوم مليون مره أنك فكرتي فيه ...
سارا :طيب أنا أيش ناقصيني عن اللي بيتزوجها ...
ملاك :ياحبيبتي موناقصك شي وأنتي لاتقارنين نفسك فيها بهالطريقه ترفيعن من قدرها ...
هذي وش قاعده تهبب لاتكون عرفت من بيأخذ ... سألتها قبل مايضرب فالراسي فيوز من التشويق ..
سارا :عرفتي من بيأخذ ..
ملاك :لا بس أتوقع ...
الصراحه أدهشتني شكلها تعرف بالتوقعات ...
ملاك :ايه تبغين أتوقع لك شكلها..
هزيت راسي بحماس نعم ..
ملاك :بيأخذ وحده عورى حولا طويله قصيره بيضاء سودء برونزيه قمحيه غبيه اللسانها طويل وضعيفة شخصيه تسمع لمحمد عبده وهيفاء وهبي تحب وئل كفوري وتحلم تزوج واحد مثل راغب علامه وأتصور نفسها نانسي عجرم وحلم عمرها تسوي عملية تجميل وتصير نسخه طبق الأصل لشاكيرا ...ومره تحلمت ياسر القحطاني يخطبها ...
قلت وماني مصدقه ..
سارا :كل هذا عرفتيه عنها بالتوقع ماشاءالله عليك عيني عليك بارده...
تبون الصراحه ثلاث من توقعاتها ماصدقتها الأول انها تحلمت ان ياسر يخطبها لأني حاسه أن البنت تحلمت ان سامي الجابر هو اللي خطبها بس الرجال متزوج عادي يأخذها ثانيه ... والثانيه أنها تحب وائل كفوري البنت من اللي أعرفه عنها حسيت أنها تميل لماجد المهندس أكثر من وائل كفوري ...
والثالثه أن جابر يخطبها ...
يعني مافيش خطوبه من الأصل ...
بووووووووووووووووووووووووووووووووووووووووووووووووو وووووووووووووووووووووووووووووووووووووووووووو...
قفزت أنا وملاك من الخرعه وصقعنا فبعض ورجعنا نطيح على الأرض ...
وعد : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههه ...
سارا :وجع ياحماره وش يضحك ...
وعد وهي باقي تضحك :أشكالكم نكته تكفون بنعيدها ..
ملاك :سخيفه بعدين وش طلعك من المعتقل ...
سارا :المعتقل حلوه كثري منها توأمي العزيز ...
ملاك من عيوني ...
قالت لنا وعد وهي توجع من ظهرها ..
وعد :اخخخ لاتذكروني كنت حموت من الضيق اللي أنا فيه ماصدقت ضحى تنام عشان أطلع ...
قلت أخرعها ..
سارا :يالخبله كيف طلعتي من غرفتها أنتي حسبالك ضحى ماتشوفك يوم طلعتي لاحبيبتي هذي تنام وهي مفتحه عيونها ...
وعد وملاك بأندهاش:أحلفي ...
سارا :بأيش أحلف لكم عشان تصدقون ...
وعد :حلوه بأيش تحلفين لنا حنا مانحلف الا بالله ولاعندك شي ثاني تحلفين فيه ...
لا أستغفرالله العظيم زلة اللسان غير مقصوده ..
سارا :استغفر الله العظيم ..
وبالسرعه بديت أفكر كيف أغير الموضوع قبل مايصرون احلف وأنا زي مأنتم عارفين كذابه...
سارا :أجل صرتي عاطله مثلنا ...
شفت بريق الفرح بعيونها بس تحول لعبوس ...
وعد :اسبوعين بس .....
قالت ملاك تواسيها ..
ملاك :احمدي ربك غيرك ماهو معطل كلش ...
بس وعد ردتها عليها ياعزتالك ياتوأمي ...
وعد :وغيري معطل طول العمر ...
قلت بالسرعه خفت من عينها ...
سارا :مالنا سنتين مأدري سنه مأدري ثلاث سنوات ..
شفت وعد تقوم لاعلى وين لاتكون مفكره ترجع تنام هالحزه تو الناس ...
ملاك :على وين ..يانور العين ..؟!
وعد :بروح للمطبخ أكل حاجه تسد قوعي ..
ميشو:مرحبا ...
يمه هذي من وين طلعت لنا ميو وو ..
ملاك :ياحيا الله أحلى متشرده ميووو بالشرق الأوسط كله ...
زدت عليها ..
سارا :وأمريكا الجنوبيه وجزر القمر ...
مو أحنا نرحب وعد لازم العكس ...
وعد :لامرحبا ولامسهلا من وين جايه هالحزه يالهايته مره ثانيه اذا كنتي بتطولين بالسهره خذيني معك ..
بس ميشو تجاهلتنا كلنا وركزت على وعد ذولي توم وجيري مايتواطنون ..
ميشو :أنتي مالذي تفعلينه هنا في هذه الساعه المتأخره ..
وعد اجلست تغني وتهز خصرها ..
وعد :ارقص ...
ملاك :ياسلام أحلى عاشوا عاشت وعد أقوى عافيه ..
وأنا جلست أطبل .....
ميشو:صدق من قال الجنون فنون ..باذنكم جماعة ام مصباح ...
سارا : وشلون مأدري كيف روحين في روح ... مع السلامه توتو ...
ملاك :وماكنت اصدق بأندماجك يالأرواح ..
ونسينا انفسنا بالطق والرقص والهبال ... لين ..
ضحى :وش هالجنون على أخر الليل حسبي الله على أبليسكم أنتوا أبد ماتهجدون ...
كلا وقف على حركته ويوم رفعت عيوني لضحى أنصدمت يوم شفت مو بس ضحى لاكل البيت أبتدأ من شدن لين أكبر فرد فهالبيت بابا ضحى ...
وميشو وراهم وتطالعنا بشماته ...والله كنا طيبين ومانستحق هالنهايه يالله ..
مع السلامه ...
مع السلامه سارونا ...
 
الحلقه الثانيه عشر

((1))

<< ..عملاق.. >>


ضحى

شفته عملاق ضخم أكثر من
الواقع وأنا وخواتي ملتفين حوله بلبس الخدم وهو كان يتأمر علينا ومن طاعتنا له عرفت أنه يقدر يقص روسنا لوعصيناه ...
كان جالس وفجأه وقف وبدى يطردنا برى البيت بيتنا حاولت أوقف بوجهه بس ماقدرت رمانا بالشارع وألتمت علينا كلاب الشوراع كانوا خواتي يصرخون بالرعب وأنا أحاول أحميهم فاتحه يديني وضامتهم لي وهم متجمعين فحظني ... والكلاب تنهش فيني من كل جهه لين خارت قواي وسقطت ....... صحيت بعدها وأنا أرجع أضم خواتي بس تبين لي أني موقاعده اضم خواتي لأن اللي بين يدي كان الهوى ..... نطيت من فراشي بفزع تعوذت من الشيطان وأنا لين اللحين أرتجف والعرق كان يتصبب مني مأدري من الكابوس اللي شفته ولامن الحر اللي لقيت نفسي فيه وكاني نايمه بفرن .... لأله الا الله رددتها مع المؤذن بس لحضه من متى حطو مؤذنات حريم ... طلعت من غرفتي وشفت خواتي اللي مسطلات من النوم وقفات على أول الدرج وكل وحده ماسكه الثانيه لاتطيح وعيونهم على العرض اللي قاعد يصير تحت مريت من بينهم ونزلت تحتهم بالدرجه ...
ملاك :ولاله الا الله ... كلوووووووووووووش ...
هذا المؤذن حسبي الله عليك يأبليس ...
ضحى :وش هالجنون على أخر الليل حسبي الله على أبليسكم أنتوا أبد ماتهجدون ...
كلا وقف على حركته وكأنا نتابع عرض مسرحي ...
الغضب اللي لقيته مسيطر علي بعد ماصحيت من الكابوس ... حطيته كله فيهم .. طردتهم برى وقفلت الباب عنهم أحسن خل يباتون الباقي من الليل بالحوش ... والتفت على الباقين
ضحى :وأنتو وش جالسين تنتظرون أطلعوا كملوا نومكم...
نوف :بعد ايش خلاص طار النوم ...
هند :من زين الجو اللي كنا نايمين فيه ...
شهد اللي جلست على الدرج من القهر :قولوا لي أحد غيرنا بالسعوديه ينام بدون مكيف ...
ناقصه أحباط أنا اصلا وش بيدي أسويه .. كل اللي أقدر عليه سويتيه عشان مايحسون أنهم أقل من الناس بس للحين هالنقص موجود وبيظل موجود لأن اليد الوحده ماتصفق لازم كلهم يتعاونون معي عشان نقدر نعيش ....
ضحى :عفيه على الشاطرين ليه سكتوا كملوا تكلموا عن حالتكم المزريه وظلم أبوكم لكم ولاتنسون الأمهات وقولوا نبذه عن حياة الشقى اللي عشناها فصحة جدتي ...
شفت كلام أعتراض كثير بعيونهم مأنطقته شفاهم بس كان موجود...
ضحى :ادري أن عيشتنا موعيشه وفيه غيرنا كثير أحسن منا بس لاتنسون أن فيه اللي حالتهم أردى من حالتنا ...
شهد بالضحكه :اردى منا فين ذولا دلينا على بيتهم ..
هند :أنا اسفه ضحى بس ماني قادره أصدقك أن فيه اللي أردى من حالنا ...
مأهتميت لكلامهم الساخر اللي يحرقون فيه قلوب بعض بس ...
ضحى :الا فيه ياشهد فيه ياهند اللي يموت من الجوع مو يجوع بس لايموت موت حقيقي مأقصد فيها أي تشبيه بلاغي ... واللحين أنصحكم أبتعدوا عن الأفكار الكئيبه وأطلعوا ناموا ...
نوف :أنا موقادرانام بطلع فالحوش مع البنات ...
وطلعت ...
ضحى :وانتوا ..؟!
هند :أنا مونايمه بعد بالشوف التلفزيون ...
شهد :وأنا بعد ...
تركتهم على راحتهم ورحت لشدن ..
ضحى :يالله حبيبتي نروح نام ..
شدن :مأبي بطلع مع وعد ونواف وسارا وملاك ...
ضحى :طيب روحي لهم ... بس برى ظلام ماتخافين ...
شدن :لامأخاف .... وطلعت تركض ...
حتى انتي ياشدن لنا الله ...
عارفه أن مافيني نوم وقفت أطل مع الدريشه على الشارع اللي كان هادي لدرجة الملل ...
وجلست أسترجع أحداث يومي الطويل نقاش حاد مع المديره أنتهى بهوشه كلاميه وخصم عشرين بالميه من الراتب وبترفع فيني تقرير للتوجيه مأقول الاحسبي الله على الظالم ... طلعت بعد هالمصيبه عشان القى المصيبه الثانيه فصل وعد .. وبعد كل هالمصايب أرجع للبيت عشان القى الكل عساف بادي يبني له مستعمره فبيتنا لاوبدون ترخيص بعد انا ناقصه مشاكل من البلديه بعد ...
دخلت عليه بالمجلس وهو واقف مع العمال ...
ضحى :انت وش قاعد تسوي هنا بأذن مين جالس تشتغل ....
عساف :أنتي اللي كيف تدخلين هنا والمكان كله عمال ....
ضحى :خذ عمالك وأطلع برى ...
ماحسيت نفسي الامجروره ومحشوره فمكان ضيق بين المجلس والبيت ...
عساف والشرار يتطاير من عيونه :أنتي كيف تتكلمين معي بهالطريقه ..
نفضت يدي من يده ..
ضحى :أكلمك بالطريقه اللي تعجبني يأخي ماتفهم مانبيك فبيتنا مأحد فهالبيت يطيقك الكل يبيك تطلع منه ...
عساف :أناجالس بكيفي وماني جاي بشاوركم لو بغيت أسوي شي فهالبيت فاهمه ولاتبغيني أفهمك بالطريقتي ...
قلت وأنا منقهره منه والله لو أني رجال محط عينه فعيني الرخمه ...
ضحى :اصلا انت لورجال ماجلست عندنا وبيوت أخوانك وش كثرها .. بس اللي مثلك ماينشره عليه وعزى الله اللي رباك ماعرف يربي....
طلعت من عنده وأنا أسمع صوت ضرب أيده على الجدار لو بقيت لحضه كان يمديني فعداد الموتى بس الله ستر ...

×××××××××××××

 
((2))

<< ..نهاية كل فرحه مؤساه ..>>

وعد


واووووو وينكوا لايفوتكم الجو فله ... بعد ماطردتنا ضح ضح من البيت جلسنا فالحوش اللي جهة بيت جيرانا اللي أمهم أم كايد وعيالها كايد وقيس وجابر ومرمر و........ الخ .. لاتقولون ماعرفتوهم بعد كل هالشرح ...
نواف :والله الجلسه مالها داعي من غير منير ...
سارا :معك حق ....
ملاك :وش رايكم نعزمه ....
ترى هالفكره أنا أول من فكر فيها بس ياخساره لونطقت لحضتها حفظت حقوق السبق صدق المثل اللي قال من سبق لبق ..
سارا :بس كيف ....
لاعاد المره ذي محد راح يسبقني ...
وعد :أنا عندي الحل وأنا أم الحلول ...
ملاك:لاتكفين مانبغى واحد من حلولك الغبيه ...
بل بل وش فيها ذي علي ...
وعد :على كيفك تحكمين أن حلولي غبيه ...
سارا :حلولك قمة الغباء ...
لا عاد التوأم شكلهم متفقين علي ...
وعد :خير أن شاءالله وش ماسكين علي ...
ملاك :نسيتي يوم رحتي تطقين الجرس وطلع عليك قيس .....
بل وهذي وش دراها ماكانت معنا ...
وعد :وانتي وش دراك ماكنتي معنا ...
ملاك :مو لازم أصير معكم عشان أعرف وش صار ...
وعد :أجل كيف دريتم ...
سارا:قريناه بالحلقه العاشره ...
وعد :ويييه ومسويات فيها فاهمات أنقعلن بس ... وحلي هذا أذكى من الذكاء نفسه ...
وأشرت على وحده من الشبابيك ...
وعد :تدرون وش ذا .....؟!
سارا :جدار ...
وعد :حماره أنتي مأقصد الجدار أقصد اللي وسطه ..
ملاك :بلك وجبس ...
لا هو مايقاد وش هالغباء ...... ..
وعد :مأقصد اللي فيه أقصد اللي عليه ..
نواف :ندري قصدك الشباك وش فيه ...
اخيرا طلع فيه أحد منهم فاهم ...
وعد :هذا شباك غرفة منير ...
جلسوا مبلمين ثواني ثم صرخوا التوأم ...
سارا وملاك :نطب عليه ......
لا لا قمة الغباء هذي مشكلة اللي مامعهم غير شهادة متوسطه لا أنا خلاص قررت أكمل دراستي عشان مايصير مصيري مثلهم .......
نواف :نحذف على دريشته لين ينزل ....
سارا بتردد :لا أنا خايفه ...
اووووف بدينا بحركات البزرنه ...
وعد :ليش خايفه قولي وش فيه يخوف ...
سارا :تصوروا قي ...س صحى علينا والله يذبحنا ...
وعد :أنتي غبيه قيس بالجهه الثانيه من البيت والمكيف مشغل على راسه كيف بيسمعنا ...
ملاك :ايه وعد معها حق يالله نجمع حصى حلو عشان نرجم فيه أبليس قصدي دريشة منير ...
وبدينا نجمع حصى بمزدلفه ماتجمعون كثره وبدينا نرجم الدريشه على قولة ملاك وأغلب حصانا يطيح قبل مايوصل الدريشه وأكثر واحد حصاه يوصل نواف رماي من الدرجه الأولى ..... وفجأه صار اللي حذرتنا منه سارا طلع علينا قيس من الدريشه المرجومه وكان لابس سراول السنه وفانيلته
ومعه مسدس ....
اول ماشفنا ه وقف الحصى وتجمدنا بأماكنا بس بالسرعه أستوعبنا الوضع وطرنا داخل وسارا ماقدرت التحرك بس ملاك كانت تجرها معها ولا لو عليها تلقونها صامده بمحلها حتى الموت .. بس وربي أن المسدس كان مصوب على سارا لدرجه الأعمى يميزها ...
طررخ طرررخ طررخ طحنا على بعض اول مادخلنا البيت ... هند :وش فيكم يالمرجج ...
سارا اللي أول من وقف :كان بيذبحنا ...... ورجعت تطيح علينا شكله أغمى عليها ..
ملاك :ساررررررررررا ...
تجمعنا كلنا عليها وحاولنا نصحيها ...
ملاك بالصياح والنياح وهي تضرب خدودها :ياويلي عليك يأختي ذبحك اللي مايخاف ربه ...
وعد :هييي أنتي يالمجنونه لاترجينا مثل ذيك المره البنت من الخلعه أغمى عليها ...
بس ملاك راسها وألف سيف أن سارا ماتت حسبي الله عليها بتذبح البنت غصب ... ماحسينا الا بماء مثلج ينكب علينا كلنا لأن كلنا ملتفين على سارا ...
وعد :وووواو بارد ... حسبي الله عليك شهوده ماتشوفين غرقتينا ...
شهد اللي ماسكه سطل المويا الفاضي بيدها :وش أسوي لكم ماتركتوا لي طريق أدخل معه عشان أكب عليها ...
هند :وبترشين عليها المويا المثلج هذا البنت حتى لوكانت حيه بتموت ....
شهد :اووووف هذا ذنبي اللي بساعدها ...
وعد :وين تساعدينها شوفيها للحين مغمى عليها ...
ملاك :أختي ماتت وأنتم جالسين تهاوشون ياحسرتي عليك ياسارا رحتي وأنتي فأول شبابك حسبي الله على الظالم ....

×××××××××××××
 
((3))

<< ..اتصال من امريكا ..>>

ملاك


انا ذابحته الليله ذابحته دم أختي مايروح مويا ...
قفزت من محلي وركضت للمطبخ وسحبت الساطور ...
أول ماشافنه خواتي صارخن ...
وعد :وش بالتسوين يالمجنونه ....
ملاك :بقتله بأخذ ثأر أختي ....
فجأه هجمن علي خواتي وأخذن الساطور مني ....
شهد :حشى بالصعيد عشان تأخذين الثأر ....
كنت أتقاتل معها على الساطور يوم سمعت صوت رد الروح فيني ...
سارا :ملاك ...
أسرعت وطحت عند رجولها ...
ملاك :سارا ياعمري أنتي لسى عايشه ...
سارا :ملاك كان بيذبحني قلت لكم والله قيس بيذبحنا ...
وجلست تبكي بالطريقه تخلي حتى اللي ماعنده قلب يشفق عليها ... كثر حبي لسارا كرهي لقيس ليش يسوي فيها كذا حرام عليه والله حرام أكره اللحظه هذي اللي تكون فيها سارا تألم وأكثر ألمها خوف .. تكون بعيده عن روحها المرحه وحبها للحياه تصير فحالة يأس كبيره وتطلع منها مثل هالكلمات اللي أسمعها اللحين ...
سارا :يارب أمووت وأرتاح أنا المفروض مأعيش ياليتني أموت ياليت ...
لاسارا أرجوك كفايه والله اللي فيني يكفيني مو ناقصه أسمع دعائك على نفسك .... يارب هو اللي يموت ونرتاح منه ...
سارا :ابي أنام ..
فرحت ماصدقت سندتها عشان تقوم وأنا أقول ...
ملاك :يالله حبيبتي نروح ننام فوق ....
حسيت برجفتها الواضحه بين يدي ...
سارا :بس أخاف يجينا ...
ملاك :لاحبيبتي ماراح يجينا شوفي كل البنات فيه مستحيل نخليه يلمسك ....
طلعتها فوق وحاولت أنام بس ماقدرت لأن سارا كل شوي تفز من مكانها تدور الوحش ...
الله يعينك على مأبتلاك يالتوأمي الصراحه مأتصور نفسي محلها مسكينه أختي ماسوت بحياتها شي عشان تستق عليه هالعقاب الجائر بحقها منك ياقيس المتوحش .....
مأدري كم الساعه بس حسيت أن الصبح طلع وسارا حركتها وقفت يعني نامت قمت من مكاني ونزلت تحت لأن النوم مجافيني قلت يمكن القى وحده من خواتي أقرق معها قبل مايروحون المدرسه بس للأسف البيت كان خالي للحضه فيه صوت جاي من المطبخ ... على اخر ثانيه تراجعت قبل مأدخل بكل أندفاع عقب مالمحت اللي فيه اخخ يالقهرهذا وش يسوي هنا الوقح أكيد عرفتم من أقصد وفيه غيره يستحق هاللقب ماصار زوج عمه ذلنا على هالقرابه ومن قربه عاد ياخال أمي حك ظهري ... أنا اللي قاهرني الغبيات ذولا ورى مايقفلن الباب عقب مايطلعن بس من تعلم .... حسيته جاي بيطلع وقفت مكاني ولصقت بالجدار مر من جنبي ولا ألتفت أخخخ شكله شافني وأنا الغبيه لازم اوقف مكاني وأفكر واللي زاد ثقتي انه شافني وهو جاي يقفل الباب مالف لأخذه وراه وهو ملقيني ظهره ...
طيب درينا أنك شفتني ولاحتحرك فالراسي شعره ...
مأدري وش اللي خلاني واقفه محلي لمين طاحت علي وعد متلبسه ...
وعد :ملاك وش تسوين واقفه هنا ...
بدينا بالتحقيق ... هالوعد عليها فضول ماهو على احد ...
ملاك :شفتي عساف ...
وعد :لاوينه ...
ملاك :كان فالمطبخ ...
وعد :طيب ...
ياربي شكلها مافهمت ...
ملاك :هو كان فالمطبخ وأنا كنت واقفه هنا وجاء مر وطلع ...
وعد بالصدمه:وشافك..
ملاك :أكيد شافني بس هو كمل دربه ولا ألتفت ...
وعد :أكيد بيكمل دربه من زينك عشان يجلس يتمنظر فيك ...
اخخ يعني ماني حلوه من حلوها عاد هي ...
ملاك :ورى ماكملتي نومك والله لوالموضوع فيه روحه للمدرسه ماصحيتي هالحزه ...
وعد :افكورس يبيلها ذكاء يعني .. يالله أنابروح أخذ لي لفه بالحاره تبين شي ...
خيبه ماعندها وقت بتبداها هياته ...
ملاك :لاسلامتك الله معك ...
وعد :وش رايك تنكرين بلبس نواف وتجين معي ...
بتخربني معها صدق جليس سوء ...
ملاك :لاشكرا وش قالوا لك أنخبلت على اخر عمري ...
شكلها ماعجبها كلامي حطت كابها على راسها وطلعت ... والله شكلها تحفه لابسه جينز أزرق لونه رايح من عرفتها وهي تلبسه ورافعه أطرافه من تحت لنص ساقها وطلعت وهي حافيه صدق هيلق ......
انا شكلي بحنط فهالمكان كأن ماوراي شغله الا أوقف هنا ... لازم اخذ جولتي الصباحيه اطل على جدتي وأديها علاجها والفطور بعدها أطئس على سارا ومن ثما يبدأ شغلي الخاص ...
أخذت جولتي الصباحيه وخلصت وأنا جايه بطلع سمعت صوت التلفون كنت بطنشه بس شي داخلي قال ردي ...
ملاك :الووووووووووووووووووو ......
الطرف الثاني :وجع ماله داعي كل هالصراخ أسمعك ...
قلت بأندهاش وأنا ماني مصدقه الصوت اللي وصلني .....
ملاك :الحج متولي من أمريكا ....
:أزيك يابنتي عامله ايه وأزي خواتك ووالدتك طمنيني عليها وجدتك عامله أيه .......
ملاك :كلهم كويسين أزيك أنت ياحج وأزيهم حسن وحسنين اولادك...
:الحمدالله بنشكر ربنا .... فينها البنت وعد ...
ملاك :وعد مش موجوده عاوز منها حاقه ضروري يعني ...
:اه هي عندي وبتقول .......
قاطعته ..
ملاك :وعد وجع خلاص تعالي بعدين من وين جالسه تكلمين ...
وعد :من الدكان .. أقول ملاك نازل بيبسي جديد بنكهة الفراوله تبغين أجيب لك واحد ...
ملاك :لاوجع لاتجيبين أنا مقاطعه المنتجات الأمريكيه ..
وعد :ايه صح نسيت ... طيب وش تبغين اجيب لك هديه معي من أمريكا ...
ملاك :رجعتك بالسلامه ياحج هي أكبر هديه لنا ... وأذا مصر تجيب لي هديه جيب البيت الأبيض بس غلفه بتغليفه خضراء ......
وقبل مأسمع ردها قفلت بوجهي اخخخخخ أكيد متولي مأدري صالح لووول نسيت أسمه العامل اللي فالدكان سحب منها التلفون ....... بنت الحلال تكلم من مال أبوها فالتها ...


 
((4))

<< ..ضحى في ورطه .. >>

ضحى


تنحنحت ورجعت أعيد الدرجات مره ثانيه تحت اصرار البنات لأن الأغلبيه ماسمعوها ......
ضحى :بقول مجموعة أسماء وبعدها بقول الدرجه لأنه ماشاءالله عليكم درجاتكم مره متشابهه منال ومنى و ..و..و...و..و..و..و... صفر ,, صفيه وهديل ولمياء ثلاثة أرباع ,, جيهان نصف ,, و..و...و... و... درجه واحده فقط لاغير ,, ريم و..و..و..و..و.. خمس درجات ,, سلوى و..و..و..و.. ثلاث درجات ,,ورحاب وهي أعلى درجه سته ونصف ..... وسلامتكم ...
ماخلصت كلامي الا بدأ الأحتجاج من كل جهه وأنا مثل الأطرش فالزفه مأدري وش يقولون .......
ضحى :بسسسسس خلاص أسكتوا عشان اقدر أسمعكم وحده بس تكلم ....
وداد :أبله باقي أسماء كثيره ماعديتيها ...
ضحى :حبيبتي اللي ماعديت أسمها بس اللي مادخلت الأمتحان ......
ورجع الصراخ وزعيق من جديد ......
ضحى :بس والا والله كلكم تأخذون صفر عندي .....
وداد :أبله والله انا داخله الأمتحان ....
ضحى :أجل أكيد خطك مثل وجهك فماصححت ورقتك .... يالله عاد نرجع لدرسنا مأبي كلمة أعتراض وحده زياده .....
وعلى هالمنوال مريومي لين جاني اتصال من عساف ومثل كل مره كان مصيره التطنيش بس المره ذي كان مصر بشكل غير طبيعي ... وبمأني كنت بغرفة المعلمات وماعندي حصه فكان الجوال على العام وعشان أتخلص من نظرات المعلمات الفضوليه لتطنيشي المستمر لهالمكالمات رديت ....
ضحى :الو ...
عساف :مابغيتي تردين ...
ضحى :طيب ...
عساف :وش اللي طيب أنا قلت شي ... واضح انك موفاضيه لي أسمعيني بجي أخذك من المدرسه زين ....
خير وش يقول حضرته .... ترى انا صايره مأسمع زين هاليومين ...
ضحى :ماسمعت وش تقولون .....
عساف :الا سمعتي أقول بمر اخذك لاخلص دوامك الساعه كم تخلصين .....
طلعت من الغرفه خفت أفقد أعصابي والمكان ماهو مناسب ....
ضحى :عساف انت جنيت وش تبي تجي تأخذني ...
عساف :ابغى أتفاهم معك وبالبيت لاجيت أتكلم معك كلمه مألحق أكملها الا تبدين خواتي وخواتي قلت أجي اخذك نطلع للمطعم نتغداء ونتفاهم ....
ياربي هذا من وين طلع لي وش نتفاهم عليه شكلي بنفضح بين الناس على يده ...
قلت بالرجاء يمكن يرحمني من بلاويه ...
ضحى :عساف واللي خليك شل هالموضوع من راسك طلعه معك ماني بطالعه ...
بس من قال يرحمني هذا ذيب لاهميته ولاهمه رجاءي .......
عساف :ماتبغين خواتك يدرون أطلعي معي ولاترى ماتلومين الانفسك على اللي بيصير تحذير وحذرتك ......
خسيس نذل حقير صك كل الأبواب بوجهي مسكني مع الايد اللي توجعني ...
عساف :وش افهم من سكوتك يعني موافقه .....
ضحى :وعندي خيار ثاني يعني ....
ضحك وقال ....
عساف :للأسف لا.. تعرفين السياره اللي معي صح وانا ثنتين الاربع عند الباب ......
وقفل وأنا تقفلت بوجهي كل الأبواب .. ياربي ليش يصير معي كذا وش يبي من هالأنسان مليون مره قلت له اللي بينا مستحيل يتصلح خلاص هو اختار طريقه من سبع السنين وأنا أخترت طريقي ليش راجع اللحين ينبش بالماضي ويبغى كل شي يمشي على ميزاجه يعني هو ينسحب بالوقت اللي يحب ويرجع بالوقت اللي يحب وأنا المطلوب مني ابقى كما أنا كل شي يتغير من حولي وأنا ثابته مجمده حياتي أحتريه يرجع ..... بس لاياعساف أنا تغيرت وحياتي تغيرت وأنت مالك مكان بهالحياه وبالتشوف كيف ببعدك عنها ...... كنت مثل اللي جالسه على نار احتري بس نهاية الدوام وعيني معلقه بعقرب الساعه ...
ومع كل هذا يوم جيت اطلع تأخرت عشر دقايق ماكنت متعمده لأن المديره اطلبتني فجأه وحاولت اتخلص منها بالسرعه ..... لأول مره أحس بالخوف وصدقت أن فيه شي بالداخلي أسمه قلب لأني حسيت بدقاته ..... عند البوابه كان زحمة سيارات وزحمة بنات وأخينا بالله كان موقف قريب مره وتعرفون حركات البنات بعضهن أوقح من الشباب عيونهن مفتوحه على الأخر على الرجال ...
وعليهن حركات ترفع الضغط الصراحه مألوم الشباب اللي يتجمعون على المدراس اذا كانوا شايفين منهن مثل هالتصرفات...
ركبت بالسرعه وقفلت الباب وطبعا ركبت قدام مع أنه خاطري اركب ورى بس صدق مغفله لوسويتها وفتحت عيون الناس علي مع أني ماني سالمه اخاف وحده من المعلمات ولا البنات تعرفني ... قلت له بقهر بعد ماحرك ..
ضحى :غبي أنت فاتح الدريشه ليش ...
فسخ نظارته وطالعني ..
عساف :عشان تلقينها حجه وتقولين ماعرفتيني ...
ضحى :ماكنت بقول على الأقل مثل مأحترمت وعدي لك خل عندك شويت احساس وراع ظروفي يعني لوشايفتك وحده من خواتي وش بسوي لحظتها ....
عساف :مابتسوين شي بتقولين لهن الحقيقه .. وبتريحن نفسك وتريحين معك ....
يالناس خاطري اذبح هالبارد مأصدق أني كنت بهالسلبيه اللي تخليني أوافق على أنسان مثل هذا الله يشفيك ياجدتي ماسويتي فيني خير يوم أجبرتيني على هالزواج ......
عساف :أنزلي وصلنا ......
نزلت ماني معه وأنا مقهوره من نفسي وكأني جالسه أسوي جريمه بس اللي أسويه خطأ وأكبر خطأ بس قولوا وش أقدر اسوي غيري كذا ....
دخلنا قسم العوائل ...
سألني وحنا نجلس :وش رايك نشرب شي قبل الغداء ...
ضربت يديني اللي كانت ترتجف من التوتر ببعض ..
ضحى :مأبي شي خلصيني قول اللي عندك وطلعني من هالمكان ....
عساف :هدي وش فيك معصبه لاتصعبين الموضع على نفسك وعلي ...
وحاول يمسك يدي بس انا ماسمحت له .... وحركته هذي زادتني توتر... قلت له وأنا أرتجف من الغيض ....
ضحى :حاول تكرر الحركة هذي معي ثاني ....
ضحك وحرك يده بوجهي بأستخفاف ...
عساف :يعني وش بتسوين ..... بتكسرينها لي يابنت أبوك .....
شفت ناس وقحه قليلة ذوق ناكرة جميل بس مثله ماشفت ياعايرني بأبوي يعني بس أنا أوريك ياولد محمد ....
ضحى :بنت أبوي وأفتخرورغم كل الظروف اللي أبعدته عنا بيظل أبونا وعلى روسنا من فوق ولودارت الدواير بيبقى أبونا الباقي على الرجال يتعوزى فيهم أبوهم ويوم طاح مالقى منهم احد يسنده ....
ضربه من يده على الطاوله هزتني من الأعماق بس طرفي مارتد وماهو انت ياعساف اللي بيخوفني .......
كان يطالعني بالنظره قاسيه محرقه وانا عيني ماحولتها عن عينه وأخرتها ياعساف والله لو نجلس اليوم كله على الحركه ماراح أكون أنا المهزومه ........ تغيرت ملامح وجهه وبعد الغضب اللي كان كاسي ملامحه تحولت للبرود ثم أبتسم وكأنه مغصوب ......
عساف :ونعم بنت مبارك .... ماجبتك هنا عشان نتهاوش وش رايك نتغدى بعدين نتكلم ....
طنشته خل يسوي اللي يبي وأشوف أخرتها معه ....

×××××××××××××
 
((5))

<<..الوجه الثاني ..>>

عساف


تعايرني بنت مبارك بس أنا أوريك مأكون رجال لوماكسرت لك هالخشم اللي مأدري على أيش مرتفع أنا من زمان ساكتلها تغلط وترفع صوتها شكل الأبله تحسبني وحده من طالبتها .... حسبالها أراكض وراها عشان سواد عيونها والله ولافكرت فيها
بس من ردات حضي محسوبه علي زوجه.. فكرت استفيد من الوضع اللي لقيت نفسي فيه ولا أنا كنت ناسي أني متزوج الله لايعيدها من ساعه اللي رضيت فيها أتزوجها كانت لحضة ضعف مني
أستغلتها هي وجدتها وتدبست فيها ...
واجازتي اللي بقضيها هنا
ماتروح بلوشي لازم أترك لها شي أتذكرني فيه بوريك يأبله ضحى كيف بعلقك فيني وأمشي وأخليك بطلع من حياتك مثل ماطلبتي وللأبد بس بدون طلاق بخليها معلقه لامتزوجه ولامطلقه .......
طالعت فيها مامدت يدها على الأكل أحسن موتي جوع ولا أنتي وجه اكل زي هذا ياوجه الفقر ...
شفتها تأفف وتطالع فالساعتها .....
عساف :ضحى ....
ضحى :خير ..
عساف :تبين ترجعين للبيت ...
طالعتني بأستغراب ...
ضحى :أكيد ...
قلت وأنا أكتم ضحكتي ..
عساف :أجل يالله قومي عشان ماتأخرين ...
ماعلقت اخذت شنطتها اللي شكلها دارسه فيها الأبتدئي والثانوي والجامعه وللحين عندها ...
اول ماحركنا من عند المطعم سألتني ...
ضحى :على وين رايح ...؟!
تستهبل ذي مو قايله بوديها على البيت لاتكون فاكره اني بخطفها يعني ....
عساف :على البيت ولاتبغين نروح مكان ثاني ...
طالعتني بالنظره تقهر ترفع.. ضغطي فيها وكأني أصغر عيالها أيه موتعودت دايم تكون كبيره تأمر وتنهى وكلمتها مسموعه وتطالع اللي حولها بكبر بس مو انا اللي تطالعني بهالنظره ..
.. وتغاضت عن تعليقي ..
ضحى :نزلني عند ....... قالت اسم سوبر ماركت ومن هناك بيجي السواق يأخذني ....
أخخ يالقهر طلعتني غبي ....
عساف :واذا ماطعتك وصلتك للبيت بالنفسي ....
طالعتني بالنظره كلها تحدي ....
ضحى :ماتقدر ...
رجعت تتحدى لاتلوموني لوسويت اللحين حادث بس عشان تنفضح وتنكشف أنها كانت معي ....
صدق أني غبي بذبح نفسي بس عشان أفضحها بس أي فضيحه هذي اللي أتكلم عنها
تقدر بكل هدوء تقول الحقيقه
اللي ماعليها غبار .. وأنا بس أكون عرضت نفسي للخطر ......
نزلتها وين مابغت وطلعت على أستراحة خلف يمكن القاه هناك ولا القى احد من الشباب .... أي وجه ينسيني وجه بنت أبليس ....
أتوقع أستغربتوا كلامي صح بس ليش الأستغراب هذا أنا
ماتغيرت بس أنتم اللي ماعرفتوني زين ..... ومافهمتوا ناوياي صح ......بس ضحى كانت أفهم منكم شوفوامع كل اللي سويته معها صدتني ,,, جميع الطرق اللي تطري على البال أستعملتها عشان اكسبها بس ما نجحت,, سويت نفسي عساف الطيب اللي غيرته السنين مانفع ...هددتها بالشدن بعد مانفع ,, تحايلت عليها ومثلت أني خايف عليها ومقدر تضحيتها لخواتها بس هم اللي مو مقدرين هالتضحيه وحاولت أشككها
فيهم وأنهم مايستحقون اللي سوته عشانهم ومع كل هذا مانفع ..... واللحين شكلي بطلع لها بالوجه الثاني وجهي الحقيقي لأنها تمادت معي كثير وأنابعد سكت لهاكثير واللحين جاء الوقت اللي ماينفع فيه الاشخصية عساف اللي معها ماتقدر حتى تفتح فمها بوجودي .....

×××××××××××××
 
((6))

<< .. ميشومبارك والحب .. >>

ميشو
يألهي لأصدق مايحدث لي ماهذا النحس الذي أصبح يرافقني هذه الأيام ... الايكفي الورطه التي وضعتنا فيها سوسو مع شقيقها الأخرق خلف لتأتي الدكتوره المتحاذقه بأسئلتها العوجاء لتفقدني ماتبقى من صوابي ..... أخخخخخ كلا ... صرخت بالمجنونه التي أصطدمت بي ....
ميشو:ريدا هل فقدتي بصرك بالأضافه لأخلاقك ......
ضحكت بمجون وأجابتني ...
ريدا :لا أبشرك للحين عيوني شغاله ولاعيون زرقاء اليمامه تبين أقولك وش أشوف على بعد عشر أيام .. بس هذي حركه الفت فيها أنتباهك لأني ناديت عليك لي أنبح صوتي مالقيت الا أوقف بطريقك ....
يبدو أني بحاجه لأعادة برمجه ....
ريدا :ميشو يابعدي وش فيك ... اللي مأخذ عقلك يتهنى به .......
تظاهرت بالكدر ...
ميشو :ومن سواه فهد ....
صاحت بذهول وهي تدور حولها لتلفت أنتباه الناس لنا .....
ريدا :ياعالم يالناس هو أنا جنيت ولا اللي أسمعه صدق ميشو مبارك تحب ...!!!!
ضحكت بالداخلي على هذه المجنونه تعيش فقط من أجل الحب وتهيم بالسماع قصص الحب .....
ميشو :ريدا عزيزتي أستأذنك لأجري
مكالمه ضروريه ......
أبتسمت بغباء وسألتني ..
ريدا :من بتكلمين فهودي صح ياحبنيلك والله يابعدي طوايف طوايفي روحي يابعد روحي خذي راحتك وسلمي لي على فهد.....
و ابتعدت وهي تكرر عبارات عن الحب والعشق وكم تعشقهما وعن الحبيب الجديد فهد ......
قررت العوده للمنزل لأجري المكالمه من هناك حيث الهدوء والأستقلاليه ..
بعد أن وصلت للمنزل وأستقريت فغرفتي ذهبت للرقم المسجل باسمه فهد وضغطت على أختيار الاتصال سمعت رنين للمره واحده فقط وقطعت الأتصال ... ليعاود الأتصال علي بعدها
وهذه هي المكالمه الثانيه لنا ......
فهد :هلا والله ياحي هالصوت بالفصحى ....
ميشو :مرحبا أتصلت بي للمرات عديده أتسأل لماذا ....؟!
فهد :تسأليني لماذا... انا لي فوق الأربع أيام وكل يوم أدق عليك فوق الألف مره وأنتي ولامعبرتني .....
يارب السموات لقد تحطم قلبي عليه .....
ميشو :لقد طرحت سؤالي لماذا ...؟!
فهد :سحرتيني يالساحره من أول كلمة مرحبا منك وأنا مثل المجنون لا ليلي ليل ولانهاري نهار ....
يال الصغير المسكين كم أشفق عليه ..
ميشو :لايعجبني هذا الكلام مالذي تريدني افهم منه ...
تنهد وكأنه العاشق المتيم ...
فهد :كل هذا ومافهمتي مأبي شي بس أسمع صوتك العذب صدقيني مأبي شي أكثر من كذا تصدقين أحس عمري كله قبل مأسمع صوتك ماكنت عايش ماحسيت بالطعم الحياه الا بعد ماسمعت صوتك ......
بعد كل هذا الكلام من المفروض اين تجدوني قد ذبت أسفل الكرسي أوطرت حتى وصلت السقف لاكن أنا كنت جالسه بمكاني أبتسم بلؤم لأجيبه ...
ميشو :كم أمقت الرجل المنافق ....
أختفى صوته أين ذهب .؟! .. صمت أنتظر رده ..... عاد بعد دقيقه كامله ليسألني بمكر لعين .....
فهد :وش بعد اللي ماتحبينه بالرجال ...
حسن أليك ياعزيزي ....
ميشو :هل تريد الحق ....
فهد :أكيد ...
ميشو :أنا الرجل بحد ذاته بالنسبه لي مخلوق كريه .... أما بالنسبه للصفات اوبالأحرى التصرفات التي تعجبني من الرجال الزواج في سن مبكره ...
صمت قليلا ويبدو أنها أصابته ...
فهد :قصدك اللي تزوجون وهم الصغار طيب ومتى المفروض يتزوجون وكم عمارهم .....؟!
ميشو :في سن الثلاثين ....
صاح بي وكأني أسن قانون ......
فهد :ايشششش لشيبنا يعني .....
ميشو:وماشأني أنا بك أنا أقول مايعجبني ومالايعجبني لا أهتم أو أبه أذا كان يوافق أرائك اولا يوافقها ....
سعل بحده ثم سألني أن اكمل حديثي .......
ميشو :أحتقر الرجل الذي يتزوج أكثر من أمرأه .....
هذه المره بالتأكيد أصابته بالصميم .....
فهد :ماعليه وش بعد ...
ميشو :عدوي الرجل اللذي يعتقد بأن المرأه مكانها المنزل .....
فهد :وأنا بعد ....( خللك ساكت أحسن لك مأبي أفضحك قدام ميشو والقراء )
ميشو :لأستسيغ الرجال المدخنين والذين يسافرون بكثره للخارج ...
وسردت عليه باقي صفاته بالطريقه مهذبه وكأني أتحدث عن شخص أخر ...
ميشو :حسنا مارأيك ...
لكن لم يجبني بل صمت قليلا ثم سألني..
فهد :وش أسمك ...
كنت اتوقع مثل هالسؤال ..... وقد حضرت الأجابه مسبقا ..
ميشو :وماشأنك أنت انا حتى لم اسألك عن اسمك ..؟!
فهد:بس من عيوني أسمي ...
قاطعته ..
ميشو :فهد ....
فهد :ولايهمك أذا بغيتي أصير لك فهد ...
اجبت بالنبره حالمه أضناها الشوق ....
ميشو :وأنا لأريد سوى فهد ....








تحياتي للجميع
 
الحلقه الثالثه عشر
((1))

<<..من أجل من اضحي ..>>

ضحى ..

وصلت البيت بعد معاناه مع الحر وزحمة السير وزياده عليها التوتر اللي مصاحبني من وافقت أطلع مع عساف ... دخلت البيت وكانت الصدمه لي يوم لقيت أو بالأحرى مالقيت أحد ......
بديت أنادي :سارا ملاك وعد .....
ماجاني رد غير صدى صوتي .. جلست أكلم نفسي :يعني وين راحو ذولا ........
حسيت بحركه جايه من فوق .... وبعدها بالثواني نزلت روبي وراها مشاعل .....سالتها ..
ضحى :وينهم مولاقيه أحد ......
ميشو :لأعلم .. لم أخرج من غرفتي منذ ساعتين .....
لاعاد هذي حاجه تحط العقل بالكف يعني وين راحو ..
ميشو اللي جلست قدام التلفزيون وبحضنها روبي ... قالت لي بكل برود .....
ميشو:حسنا أي سيذهبون لابد أنهم في مكان ما في المنزل ......
يقهرني برودها خاطري أخنقها لين تصحى من الامبالاه اللي عايشه فيها ....
ضحى :اللحين خواتك مولاقيتهم فالبيت وأنتي بكل برود ...........
قطعت كلامي يوم شفت التوأم وعد نازلين من فوق ....
ضحى :وين كنتم ...
وعد :بالسطح ولاممنوع بعد ....
ضحى :الساعه ثلاث العصر وش تسون فالسطح ....
وعد :نصنع القنبله النويه ....
وطنشتني وراحت تتهاوش مع ميشو على المكان ...
سألت التوأم ....
ضحى :وين الباقيين ......
ملاك :سليب ....
لاصدقوني البيت اليوم فيه شي موطبيعي النظام كله مختل ....
سارا :ايه صح ضحى قبل مأنسى خليني عسافوه سألنا الربع طعشر مره عن موعد رجعتك من المدرسه ....
أرتبكت ليه يسألهم وش قصده من هالحركه اكيد يبي يوضح لهم شي ..
ضحى :متى صار هالكلام وش يبي ...
سارا :مأدري وش يبي هالمليق ياكرهيله ..
ملاك :ايه صح ألصبح وأنتم طالعين قفلوا الباب بالمفتاح مو كل شوي لاقيته فالبيت مره بالصاله مره بالمطبخ ...
وعد :ايه صح بعد احسن لو تطلبون منه يطلع من البيت كلش مأحبه ثقيل دم ..
ياحليلكم تكرهونه أجل أنا شقول وأنا اللي مأبتليه فيه ..
ضحى :ايه صح وعد قبل مأنسى اليوم رحت للمديرتكم وبطلع الروح قدرت أقنعها تسمح لك تدخلين الأختبارات بس بلجنه خاصه وطبعا ماتكملين اليوم الدراسي تختبرين بس وتطلعين ...
شكله مأعجبها كلامي مع أن كل اللي أسويه عشان مصلحتها ..
وعد :اوف يعني كان لازم مايحتاج ادخل هالاختبار بالنهائي أقدر اجيب الفل وأنجح ...
ضحى :يازينك ساكته بس عساك تجيبين بس اللي ينجحك .. وأختك الثانيه وش عندها مع أبله هيله ..
وعد :وعععععع ياشين مأطريتي ..
ضحى :وجعع ان شاءلله وأن أكلمك تردين علي فاحترام ..بعدين أحترمي هالمعلمه على الأقل أبلة دين ..
وعد :سوري مأقدر أحترمها وهي مو محترمتني .. وش عندها مع نوف تقول لها انها متشبهه وأن اللي تسويه حرام وتقول لاتقص شعرها ولد ..
ضحى :واختك المحترمه وش ردت ..
وعد :ماردت طنشتها وطلعت لأن الأبله كانت طاردتها وتقول لاعاد تحضرين لي وأنتي على هالشكل ..
عفيه على خواتي العاقلات اللي يقدرن اللي أسويهن عشانهن .. يستحقن وسام الأخوات المثاليات .. مأقدر اقول الا حسبي الله ونعم الوكيل ...
×××××××××××
 
((2))

<<..أهدي الأذى ..>>

ميشو

على غفله من أصحاب المنزل تسللت الا داخله .. لأعلم أي جنون أصاب سوسو لتطلب مني الحضور وقت الظهيره .. ولكنه توقيت ممتاز للتسلل الا الداخل فالمنزل يصبح في حالة خمول كامل فالأغلبيه ياخذون قيلولتهم أو يلتزمون غرفهم للراحه .. وصلت الا جناح سوسو بدون ان أصادف أي كائن بشري ..
طرقت على باب غرفتها أنتظرت دقائق لتفتح لي الباب .. أستقبلني ظلام حالك وجو بارد ببرودة القطب الجنوبي ...
سوسو:ميشو بليز أدخلي بدون تعليقات ...
وأدارت مفتاح النور ... تجولت بالنظري على منظر الغرفه المزري ... ثم أنتقلت للسوسو الذي تركت شعرها ينزل ليغطي جزء كبيرمن وجهها حدقت بس بعينيها الحمراء فأيقنت أن لديها ماسيصعقني ......
ميشو:لماذا طلبتي حضوري ..؟!
سوسو :ميشو خلف كشفني شافني يوم ركبت معكم وهو اللي كان يلحقنا ... وأبعدت الشعر عن خدها لتكشف عن علامة زرقاء على طوله ..
صحت بذهول ..
ميشو :هل هو ذالك السافل الذي كاد يتسبب بمقتلنا ...
هزت راسها بالنعم وهي غير قادره على الكلام ...
سألتها وأن أتوسل بالداخلي لله ان لاتكون قد فضحتنا ....
ميشو :لم تخبريه عنا أليس كذلك ..
بدأ بالبكاء فعرفت ماوراء هذا البكاء كم أمقت جبنها ولكني بالنفس الوقت أشفق عليها فمن بمقدوره أن يقف امام ذالك المرعب ويصمد ...
ميشو :حسنا أهدأي وأخبريني بماذا اخبرتيه ...
سوسو :والله ماكنت بقول بس خلف والله مايرحم طقني لين تكلمت مأقدر أتحمل غضبه ميشو تصوري مانعني من الطلعه من البيت .....
ميشو :لم أسألك عن كل هذا .. لم تخبريه عن كارميل اليس كذالك ..؟!
سوسو :ماقدرت غصب عني أخاف مأقدرأكذب عليه .. وانتي مايحتاج أقول أنه كان واثق انك معي ...
لايحتاج أن تخبرني كيف قال ذالك فأن أعرف وأتصوره بلكنته المتعجرفه وهو يسألها أذاكنت تلك المتشرده هي المتسببه بكل هذا ..
لم أنتبه أن أطلت الصمت حتى سألتني اذ كنت غاضبه منها ..
ميشو :بالتأكيد لاياعزيزتي فأنا غاضبه من نفسي فالغلطه غلطتي على كل حال ...
سوسو :طيب وش أسوي عشان تسامحيني ..
ميشو:لاشي ءأخبريني هل حققتي أي تقدم مع مشاري ...
تحول بريق الدموع في عينيها لبريق الحماس ...
سوسو :ميشو شكله حبني ...
ميشو :لم تأتي بجديد فكل الرجال يحبونك وسيحبونك ..
بدت خيبة الأمل على وجهها وهي تقول ..
سوسو :حسيته غير ..
ميشو :ياصغيرتي لاتبدي بهذا الغباء اذ رغبتي بالأنتصار على أحمد لاتجعلي مشاري فقط يحبك أريده أن يعشقك يصبح متيم بحبك ...
بدا الأرتباك على وجهها دلاله على انها ستقول مالا يعجبني ..
سوسو :ميشو انا ماتعودت أكلم شباب انا لو ماقلتي لي اني بهالطريقه بأنتقم من أحمد ماسويت اللي سويته ميشو تدرين خلف ليه كان يلاحقنا كان يحسب أني راكبه مع واحد وتدرين لو عرف أني أكلم واحد والله ليدفني وأنا حيه خلف ألزم ماعليه سمعت العايله .....
كفى أرجوك لاتخبريني عن شرف أخيك ونبله فأن أعلم به حتى من نفسه .... أجبتها ببيت شعر بالتأكيد لم تفقه ماحواه ..
ميشو :ستبدي لك الأيام ما كنت جاهلا
ويأتيك بالأخبار من لم تزود
سوسو:وش قصدك اتوقع تذمين بأخوي بس ماعليه أنتي ماعرفتي خلف زين واتمنى ماتعرفينه ..
ميشو :بالتأكيد لأن معرفتي به لن تزيدني أي شرف ...
ولكن أي كلمه من كلامي لن توقف سوسو عن ذكر محاسن وفضائل أخيها الطاهر ....
لأعلم لما أن صامته ولم أفضح مأكتشفته حسنا يبدو أن الصوره لم تصلها ..
ميشو:سوسو لاتخبريني بأنكي لم تريي تلك الصوره ..
وضح الأرتباك على محياها ..
سوسو :أنتي شفتيها بعد ياويلي خلف كان بيروح فيها يوم شافها ماني مصدقه كيف هند(اللي كان بيتزوجها خلف الرابعه ) تكون بهالسذاجه وتعطي صورتها لأي أحد ...
قلت بتملق ورياء ....
ميشو :ياعزيزتي الصور تنتشر بكل سهوله هذه الأيام اخبريني هل مازال مصرعلى الزواج بها ...
سوسو :أكيد لا أعوذ بالله أخوي مايتزوج من هالأشكال ومن اللي سمعته من امي ,,تعرفين بعد اللي صار بينا مستحيل أجلس معه فمكان واحد وزاده موضوع هند ,,انه مايفكر بالزواج هالأيام ...
يألهي تلفظ هذه الأشكال بطريقه مقرفه ولا كأنها تتحدث عن قريبتها ..أغفري لي ياهند فلم أقصد أيذائك ومأنتي سوء وسيله للانتقام أجل لاتحدقوا بي هكذا أنا من نشرة صورتها وفي مكانين في أحد المولات التجاريه وفي الجامعه وكما ترون لم يمضي أسبوع الا وقد أنتشرت للأسم المصاحب لها فللأسف اسم والدها معروف نوعا ما وللأسف أيضا هي جميله فلهذا وذاك كان انتشارها السريع ..
سوسو :ميشو وين وصلتي ياعسل ..
ميشو :ليس بعيدا .. هل تعلمين يجب أن أعود للمنزل سريعا ...
سوسو :ياخساره كنت أتمنى نقدر نحضر اليوم زواج ميساء أخت ريم ..
اندهشت لم تخبرني سوسو من قبل عن هذا الزفاف ..
ميشو :ولماذا لانستيطع الحضور ..
سوسو :لاني محرومه من الطلعه الا أجل غير معلوم وانتي شي أكيد بدوني ماتقدرين تحضرين ...
ميشو:بالتأكيد ومافائده ذهابي بدونك .. ولكن كنت ارغب بمشاهدة الريم وشقيقتها في هذا الزفاف ....
سوسو :يعني أنا اللي ماودي أشوفهم بس شسوي حتى الريم من ثلاث أيام فبيت اهلها ..
هل صحيح ماسمعت الريم في منزل أهلها ..يبدو أن الحظ السعيد مصاحب لي في هذه الأيام ..ميشو أيتها المجنونه هيا تحركي ماذا تنتظرين .. قفزت بالسرعه من على السرير اللذي كنا جالسين عليه ...
ميشو :اعذريني سوسو يجب على الذهاب بالسرعه للمنزل ولكن سأعود أليك بعد العشاء ...
سوسو :والله ياحبيلك ميشو .. بس شوفي وأنتي داخله أنتبهي احد يشوفك خلف متوعد فيك بيحش رجولك لوشافك داخله بيتنا .. أسمعي سيارتكم لاتجين عليها يعرفها ...
ومدت لي مبلغ ليس بالقليل أخذت منها بدون تفكير....
سوسو :هذا عشان تأخذين لك لليموزين ..لاتأخرين اوكي حبيبتي أنتظرك ..
ميشو:سأحاول الاأتأخر وحتى لو تأخرت قليلا كوني واثقه بأني سأعود ..
بالتأكيد سأعود ليس من اجلك أنتي بل من أجل
هديه صغيره يستحقها الثنائي المبهج خلف والريم ..
×××××××××××
 
((3))

<<.. موهبة ملاك ..>>

سارا

اليوم صايبني أحساس مقرف بالكائبه احس أن حياتي مالها طعم ممله اليوم مثل بكره وبكره مثل اليوم ... ويوم الاثنين 1\3\1425 مثل طعم اليوم السبت15\4\1428
ومافيه أي تغيير .. توقعون اللي مثلنا لادراسه ولاشغل وحياتهم كلها فراغ ×فراغ وبس مرابطين فالبيت ويطلعون بالسنه حسنه كيف يقدرون يواصلون حياتهم من غير مايصابون بالأحباط والتعاسه لأن اذا مالحقتوا علي بالسر هالصمود حنتحر..
سمعت بصوت وزيز بأذني .. وجلست أحكه على بالي حشره..
ملاك بهمس:وجع لاتحكين أذنك هذا أنا ..
سارا :وقع أن شاءالله وش عندك تساسريني ...
ملاك :مابي احد يسمعنا .. بطلع للحوش وألحقيني ..
وطلعت وش عندها توأمي النكد أكيد وراها بلوه ...
حسيت بخبطه على ظهري من وعد ...
وعد :ملاكوه يالتبنه ورى ماتردين علي ..
قلت لها وأن امسج محل يدها :التبنه انتي ومصيرك فبطن خروف .. انا سارا يمل الضرس ...
وعد :تستاهلين كيف بدري أنك سارا وانتي لابسه بيجامة ملاك ..
سارا :بس لوطالعتي زين بتلقين البنطلون حق بيجامتي ..
وعد :يعني وش المفروض أفهم من كذا ...
يوه أنا جالسه أسولف ونسيت الخبله ملاك فالحوش ..
سارا :اقول وعد بطلع للحوش بحش رجولك لولحقتيني ..
وعد مبسوطه :انقلعي خليني لو مره وحده احطه على المحطه اللي ابي ..
خبله المفروض من تحذيري لها تلحقني بس شكلها محسبتها زين اخخخخ غبيه ...
طلعت ركض للحوش ولقيت ملاك جالسه على الدرج وتعد العصافير اللي على الحيط جلست جبنها ..
سارا :عسى ماتأخرت عليك ...
ملاك :لا تطمني أنا اللي جايه قبل الموعد بعشر دقايق ..
سألتها بأستغراب ..؟!
سارا :والله ..
ملاك :والله ..أسمعي سارونه اللي بأقوله لك عيزاه يفضل سر بيني وبينك ...
سارا :اوكي ولايهمك من عيوني فضفضي لي اسمعك ..
طالعتني بالنظره تخوف ودليل على أن اللي وراها شي كايد ..
ملاك وطت صوتها :أنا شاكه ان ضحى وراها سالفه مع عسافوه ..
ياويلي وش قاعده تقول هالهبلا ..
ملاك :سارونه لاتطلعيني كذا انا مابنيت شكي الا على دلائل .. ولاتفهميني خطأ أنا ماشك بضح ضح انا أشك ان هالبلوه عسافوه وراه مصيبه ...
ياربي هذي جالسه تكلم بألغاز وناسيه أني بالعافيه أفهم الكلام الصريح ...
سارا :بليزملاك تكلمي بلغه مفهومه وقولي وش المصيبه اللي ورى البلوه عساف بس لاتنسين مثل ماقلت لك بلغه مفهومه ..
ملاك :وأنا وش دراني وش هالمصيبه بس اكيد شي يتعلق فينا بنات مبارك يعني مثلا شي من أملاكنا ...
مالت قالت أملاك قالت هذي شكلها جايتها ضربت شمس من الحومه بالقوايل ...
سارا :أي املاك واللي يعافيك تكلمين عن هالخرابه اللي عايشين فيها ولاجمس طاش ماطاش ترى هذا كل اللي ورانا وقدامنا ...
ملاك :هالخرابه على قولتك هو اللي ساترنا لولا الله ثم هو كان تلاقينا فالشارع ...
معها حق توامي كيف طافت علي هذي يعني لو ماسخرلنا الله هالبيت يعني أكيد بنستأجر وحنا مولاقين نأكل عشان نسكن فأجار بعد ..
سارا :طيب ملاك يعني البيت بأسم جدتي مو ..
ملاك :أكيد مو بس جدتي شقول الله يرحمها برحمته وعيالها مبارك وعمتي ...
سارا :وعمتي ماتت ومبارك حي يرزق يعني مافيه خوف من هالناحيه لحضه لايكون باروك باع البيت ..
ملاك :يسويها الئيم وهذا اللي خايفه منه ..
ياربي شهالوهقه مصيبه لوكانت شكوكنا بمحلها بس عساف وش بيكون موقعه من هذا كله ..
سارا :طيب وعساف شكو ..
ملاك :مادري يمكن باع البيت عليه .. أوأي شي توقعي أي شي منه مو ولد عم مبارك ... وفجأه بدت تقلد صوته وانا فاطسه ضحك ايه صح شكل مأحد خبركم عن موهبة ملاك فالتقليد عندها موهبه غير طبيعيه فتقليد الأصوات لدرجه ماتفرق فيها بين اذا كان هذا الصوت أصلي أوتقليد ..وتتفنن بتقليد أوصوات الرجال من الشخصيات المعروفه ... تحمست أسمعها تقلد صار لنا وقت ماسمعناها تتغنى ..
سارا:ملاك ياعمري قلدي عبد الرحمن بن مساعد ..
ملاك :
احم احم .. وش رايك ألبس شماغ ولاغتره ...
سارا بقهر :ايه بدينا بحركات لعانه يالله ياحبيلك ..
ملاك بصوت قريبا نوعا ما لصوته :

مذهله
ماهي بس قصة حسن
رغم ان الحسن فيها
بحد ذاته مشكله ...!!
مذهله ..
كل شي فيها طبيعي
ومو طبيعي
أجمل من الأخيله
طيبها .. قسوة جفاها
ضحكها .. هيبة بكاها
روحها .. حدة ذكاها
تملئك بالأسئله ..
مذهله
يابدايات المحبه ..
يانهايات الوله
هالحسن سبحان ربه ..
ظالم وما أعدله
أعذب من الأمنيات ..
عالم من الأغنيات
يا أجمل الشعر البديع ..
من اخره لين أوله
سمعنا صوت تصفيق ولفينا على الباب شارع لقينا ميشو واقفه بعباتها وتصفق وتحت يدها كيس كشخه وغريب ...
ميشو :رائع ملاك أنتي رائعه ...
طنشت كلامها ورحت لها وانا جايه بأخذ الكيس منها طقتني ..
ميشو:لما لاتكبري عن تصرفات الأطفال هذه ...
ملاك :ياحبيلك ورينا وش بالكيس لك ..
ميشو:وهل تظني بأني أملك المال الذي أشتري به من المحل الذي أسمه مكتوب على هذا الكيس .....
سارا :ولا بالأحلام .. بس لمين اكيد للعبيطه سعاد ..
كالعاده ماجاوبتني بس نظراتها لملاك كانت غريبه ....
ميشو:ملاك هل اطلب منك خدمه ..
يؤ وش تبي هذي من ملاك ميشو تطلب من أحد شي اليوم عيد .. قلت بلقافه ..
سارا :امري تدللي ....
ميشو :هل حقا كما قالت سارا ياملاك ...
ملاك :وش تبين من خظك هذي الساعه المجانيه اللي أنفذ فيها الطلبات بمجانا ..
ميشو:حسنا هيا بنا الاحجرتي لأستطيع الحديث هنا ..
اوب اوب شكل السالفه فيها أن اخخخخ يال الوناسه حلوه يال شكلي تأثرت بميشو .. بس والله شي عجيب شكلنا لأول مره بنطلع على واحد من أسرار ميشو ..
لحقنا فيها لحجرتها تصدقون توني ألاحظ حجرتها ماتشبه غرفتنا فيها شي مختلف بس مأدري وشو .. بس أكيد مو صورة ميشو اللي أخذه نصف الحيط الصوره طالعه فيها راس ميشو من فوق وشعرها وروبي اللي رافعتها بيديها الثنتين .....
ميشو :سارا لاتخبريني أنك معجبه بالصورتي ...
سارا :يال للغرور .. وياشين شوفت النفس مايمدحونها يقولون تقصر بالعمر ..
ميشو :ملاك اغلقي الباب أريد الحديث معك بجديه وبنفس الوقت بالسريه ..
وقفلت الباب وبدأكلام ميشو اللي خلانا نفتح عيونا وأذونا على الاخر عشان ماتفوتنا كلمه من اللي تقوله ..
×××××××××××
 
((4))

<<..كيد ميشو ..>>

ميشو

سماعي للملاك وهي تلقي الشعر للأمير عبدالرحمن بن مساعد أدهشني فقد برعت بتقليد طريقته بالألقاء رغم فشلها بتقليد صوته .. مع ان الصوت اللذي كان يخرج منها صوت خشن كأصوات الرجال ... وهذا اللذي شدني هنا .. عدت للتوأم العسل ..
ميشو :ملاك هل أستوعبتي طلبي ...
ملاك :ايه مايبيلها كلام بتعطيني الجهاز الكسره هذا وأجلس أنتظرك لين تعطيني نغمه فأتصل على الرقم اللي مسجل بأسم الريم .. وأقفل قبل مايرد علي أي احد ولأن الجوال الثاني بيكون مخبأ بيطول على بال مايرد علي احد بعدين أرسل الرساله اللي كتبتيها لي ..
بعدين انتظر لين يدق على الرقم هذا
أبدأ انا بالكلام وكاني حبيب الريم المسكينه اللي بتورطينها .. وأبدا بكلام غزل بالسرعه أخلي كلامي ورى بعض وأقول أني نفذت المهمه بتمام ونشرت الصوره من شان خاطر عيونها بس .. وأذا اللي بدأ الطرف الثاني وكان رجال بالكلام أسوي نفسي مخربط وأقفل بس لحضه أذا سكت وأنا قلت كلامي لتكلم وش أرد عليه وشي ثاني ليش اقول كلام المهمه والصور والكلام هذا اصلا موجود بالرساله ..ايه صح وأذا أحتاج الامر لأسمي اسمي سلطان ..

لاتبدو الدهشه من سرعة بديهتها فهذه المره الخامسه اللذي أكرر فيها المخطط على مسمعها ..
ميشو :لاتردي عليه فقط أقفلي الخط واذاعاود الأتصال والغالب هذا ماسيحدث لاتردي عليه .. وبالنسبه لتكرار الكلام الموجود بالرساله هذا أمر تكتيكي .. ولاتنسي قولي الكلام خلف بعضه وهو بالتأكيد من جراء الصدمه ولرغبته بسماع المزيد لن يقاطعك ..

ملاك :بس والله سهل بس ماراح تقولين لنا وش الغرض من كل هذا ...
ميشو :بالتأكيد لا لتدعوني أندم على طلبي المساعده منكما ..
صرخن بصوت واحد :لاخلاص توبه ...
ميشو :ارجوا منكما الألتزام بالسريه والأفضل أن تختارا مكان هاديء وبعيد عن الأعين لتقضين فيه الوقت بأنتظار أتصالي ..
سارا :أوكي ولايهمك ..
عدت لتأكيد على ملاك ..
ميشو :ملاك أرجوك لاتنسي أن تغيري صوتك ...
ملاك :ولايهمك هذا شغلي وأحلى شي انك ماطلبتي مني أقلد شخص معين ..
أرجو من الله أن تستطيع النجاح ولاتتسبب بفضحي ..
خرجت من الحجره بعد انا أخفيت الهديه بشنطتي الكبيره ولبست عباءه غير العباءه المعروف بها في منزلهم .. صعدت الى الليموزين اللذي كان ينتظرني في الخارج والذي حضرت به من السوق ....
ذكرت له عنوان منزل سوسو الذي يقع بحي راقي بعيدجدا عن حينا الفقير .. وصلت قبل العاشره بخمسة عشردقيقه لازال الوقت مبكر لتنفيذ الخطه ولكن سيارة خلف ليست موجوده .. لم لأتصل وادع سوسو تتأكد لي من الأمر ... اتصلت بها فأجابت بسرعه غير متوقعه ...
سوسو :هلا ميشو وينك تأخرتي ..
ميشو :انا بالقرب من منزلكم .. أسمعي لن أنزل حتى تخبريني بأن شقيقك الأخرق غير موجود ..
ضحكت بالطريقه غريبه ..
سوسو :أعترفي ميشو تخافين منه بس تطمني ماهو موجود على الساعه ثنعش يمكن يجي لأنه طالع البر مع ربعه من العصر ..
ميشو : يألهي بر بهذا الجو الخانق أخبريني أنك تمزحين ..
سوسو :ميشو بتجين ولاكيف أنا حتى جناحي مأقدر اطلع منه حاط لي حرس ....
أرجو الا يكون قد وضع على جناحه هو الأخر حرس ..
نزلت بالسرعه من السياره وحرصت على الا يراني احد من الخدم لأنه لايوجد سواهم بالأضافه لسعاد المحتجزه بغرفتها ..
لم يصادفني أحد حتى وصلت جناح خلف والريم الباب الخارجي كان مفتوح حاولت في باب غرفة النوم اللذي كنت أحمل مفتاح وياللدهشه وجدته مفتوح ,, تتسألون من أين لي مفتاحه قصه طويله سأختصرها لكم بأني حصلت عليه من سوسو اللتي كانت تخشى أن يجده أحد معها فتركته معي ونسته ,, دخلت الى الغرفه التي كانت أيضا أنوارها مفتوحه لو لم تخبرني سوسو أن خلف والريم غيرموجودين لشككت بالأمر..
وعلى حسب الخطه التي رسمتها لنفسي وضعت الهديه المغلفه والتي تحتوي على خاتم من الألماس دفعته من المكافأه المجزيه التي حصلت عليها من جراء تهوري مع كراميل وسوسو حينما قدت السياره بأكثر شوارع الرياض أزدحام .. وكان على الهديه بطاقه كتب فيها سلطان أعذب الكلمات لحبيبته الريم .. وضعتها في أحد دروج دولاب الريم وبأمكان اخرتحت ملابسها وضعت الجوال الذي كان أحدث موديل وايضا دفعت قيمته من المال الذي حصلت عليه من كراميل ... هذا الجوال لايحتوي الا على رقم واحد وهو رقم الجوال الذي تركته مع ملاك مسجل بأسم حبيبي وكان الجوال بالأضافه لرسائل الحب والهيام الكثيره التي ضاق بها صندوق الوارد يحتوي على الصور التي ألتقطتها بأحد الحفلات لزوجات خلف بأستثناء الريم ولزوجته القادمه هند وهي نفس الصوره التي قمت بنشرها وايضا لشقيقته حبيبتي سوسو ..
حينما كنت أهم بالخروج من الغرفه احسست بحركه قادمه من الغرفه الأخرى التي يضمها الجناح فعدت بالسرعه لأختبأ خلف الباب وأنا أنتفض يألهي أرجو ان لايكون خلف قد عاد يارب يارب أنقذني من هذه الورطه.. ومن الفتحه الضيقه بين الباب والحائط رأت عيني ولم أصدق مارأت فتلك الحركه التي كادت تتسبب لي بنوبه قلبيه لم يكن مصدرها سوى تهاني الزوجه الثالثه لخلف ولكن السؤال هنا مالذي تفعله تهاني في جناج الريم .. كانت تتوجه للغرفة نوم الذي أنا أراقبها منها لم تدخل بل مدت يدها من خلال فتحت الباب الصغيره وأغلقت الأنوار ومن ثم سمعت صوت المفتاح يقفل به الباب من الخارج .. كنت سأقع بورطه حقيقيه لولم يكن معي مفتاح أخر للغرفه .. يبدو ان هذا المفتاح يوجد له عدد لايحصى من النسخ .. انتظرت عشر دقائق حتى فتحت الباب وخرجت مباشره لجناح سوسو وقد كان الظلام يصاحبني طوال طريقي ..
اسقبلتني سوسو والتوتر بادي عليها .....
سوسو :ميشو وينك الله يأخذ أبليسك روعتيني ..
ميشو :اسف لم أقصد اقلاقك علي ولكن الوقت أخذني وأنا أتجول في منزلكم أو دعيني أقول قصركم الرائع ..
تحولت ملامحها القلقه المتوتره الا حبور زائد ..
سوسو :يقالك يعني اول مره تدخلينه ...
قلت بنفاق وأنا أحاول أن أصل الا مأريد ..
ميشو:لا لكن لأول مره أدخله وهو خالي من أصحابه ..أخبريني سوسو هل كل هذي الأملاك ماشاءالله كانت ورث من والدك ..
وبدت سوسو بسرد قصة حياتها والتي أصبحت احفظها أكثر منها ..
سوسو :لاطبعا صح أبوي كان الله مغنيه بس أغلب هذي ورث امي من جدي هذا اللي تقول أمي وطبعا كل هذا زاد بعد مامسك عمي مبارك الأملاك بعد ماتزوج أمي ..
حسنا هانحن ..
ميشو :سوسولأريد التطفل ولكن عمك مبارك أين هو من كل هذا ...
ضحكة سوسو على سذاجتي المصطنعه ..
سوسو :ياحبيلك ميشو صدق أنك على نياتك ماشفتي شي .. عمي مبارك يسكن قصر على قولتك أفخم من هذا عشر مرات ..
أصطنعت التعجب...
ميشو :حقا لم أكن أعلم .. سوسو هل والدتك موجوده ..
حدقت بي وكأني حمقاء..
سوسو :احسدك على ذكائك أمي وش تبينه تسوي فيذا والعايله كلها ترقص فقاعة ال....... ماعدا المنحوسه اللي جالسه قدامك ...
ميشو :وبالتأكيد لن تعود قبل الرابعه ..
سوسو :وهذي يبيلها ذكاء ميشو حبي وش تخططين عليه ...
ميشو :فالبدايه يجب علينا التأكد من عودة شقيقك الأحمق حتى يتسنى لنا اللهو كمانشاء ...
سوسو :بس ولاتهمتمي خلف ماراح يجي قبل ثنعش واذا جاء شي أكيد بيمرعلي عشان يتأكد أن اوامره منفذه .. وهذا اللي كنت بقوله لك من يوم دخلتي لازم نقفل الباب عشان مايفاجئنا وتكوني أنتي تخبيتي قبل مأفتح له ..
ميشو :لا بأس ولكن بالتأكيد لن تخرجي له هكذا يجب عليك تغيري ملابسك الجميله ..
قاطعتني سوسو :طيران ألبس بيجامه وأجي وأعفس شعري كني توني صاحيه من النوم .. ولازم نقفل الأنوار من اللحين لأنا ماندري متى يهف عليه ويرجع ..
ميشو سألتها قبل أن تختفي بغرفة ملابسها ..
ميشو:أخبريني منذ متى خلف يطلعك على مواعيد خروجه ورجوعه ..
جاني صوتها من بعيد وكأنها تخوض معركه لا أرتدأ ملابسها ..
سوسو :قصده يهددني أويمكن بيقص علي يقول بجي 12 وأنا أطلع وأرجع قبل أثنعش ألقاه جاي عشر ...
الحمدالله لقد مضت العشر ولم يحضر وهاهي الساعه على مشارف الحاديه عشر والنصف ..
عادت سوسو بعد أن أرتد بيجامتها اطفائنا الاضواء وبدأنا الحديث بأمور مختلفه ونحن على هذه الحال سمعنا صوت طرقات متتاليه نهضت ان على أثرها لأختبيء بغرفة الملابس .. وأتجهت سوسو لفتح الباب بعد أن شعثت شعرها بصوره أكبر ..صوت فتح الباب تلاه صوت خشن مخيف يجمد الدماء في عرقها ..
خلف :وش فيك ساعه على متفتحين الباب ..
سوسو بصوت مرتجف :كنت نايمه ...
وأتصورها تشير لبيجامتها وشعرها وكأنها طفله تخشى تعنيف والدها ...
خلف :طيب أنقلعي كملي نومك ..
تلى هذا صوت تقفيلة الباب .. خرجت من مخبأي بعد أن
عددت للمائه عند الرقم تسعه وتسعون ضغطت على زرالأتصال على ملاك وكلي امل ألا تخذلني ..
سألتني سوسو الشاحبه ..
سوسو :وش فيك لاتكوني خايفه ...
ميشو:انا ومالذي يدعوني للخوف ..
سوسو أشارت برأسها حيث كان خلف يقف ...
سوسو :المرعب المدمر خلف الاقشر ..
يال السذاجه ..
ميشو :كلا ياعزيزتي لم أخف ..
سوسو :لاتغرك الشخصيه بس تراه الليله بزياده معصب شكل الطلعه ماجت زي مايبي ...
ميشو :كلا ياعزيزتي لاتختلقي له الاعذار
هذا هو الرجل السعودي يعود من رحلته السعيده اللذي قضى بها أجمل أوقاته في لهو وسمر مع رفاقه ليصب جام غضبه على اهل بيته بسبب وبلا ..
سوسو :وأنتي وش فيك على الرجل السعودي موجايز لك ..
رغم كل ماعانت مازالت لاترضى بالحديث عنهم بسوء..
ميشو:كلاياعزيزتي وهل أجرؤ..
سوسو :يالله ميشو لاتطولينها وهي قصيره بغير ملابسي وأجيب عبايتي وأنتي أتصلي على حق الليموزين اللي كنتي جايه معه ...
وفعلت ماطلبت مني وقضينا أجمل ليالينا وخصوصا أن سوسو قد خرجت خلسه ...
×××××××××××
 
((5))

<<.. لأمنع جريمه ..>>



عساف

رجعت من البر وأن عايف نفسي صدق قرف مأدري وش مطري علينا الكشتات بهالحر .. سبحت بالحمام اللي كان ملحق بالمجلس واللي كانت حالته زفت وبحاجه للترميم .. وبعدها طلعت والروح راده فيني يازين البراد .. غيرت ملابسي وتوني جاي بحط راسي على الوساده دق جوالي اووف هذا خلف وش يبي تونا متفارقين امداه يشتاق لي ..
عساف :هلاخلف .....
خلف :عساف تعال بالسرعه ولاترى برتبك جريمه ...
وأنقطع الخط ... يالليل التبن هذا وش عنده بعد وش هالجريمه اللي بيرتكبها بعد ..
غيرت ملابسي للمره الثانيه وركبت السياره وعلى بيت خلف وأنا طول الطريق أفكر وش عنده لايكون سعاد طالعه لأنه زي مافهمت منه مانعها من الطلعه .. وهي المقصوده بالجريمه و لالحضه
للحضه يمكن المزيونه بنت خالته اللي كانت بيتزوجها وأنتشرت صورتها لايكون نازله لها صوره جديده ولامقطع فيديو أيه البنات هالأيام مايجيبون لأأهلهم الاسواد الوجه .. انا وش قاعد أسوي خل ألحق على هالخبل قبل مايرتكب جريمته ..
وقفت سيارتي تمشيت حال ودقيت على خلف أشوف وينه .. وسمعت دقت جواله العاليه شفت خياله بالظلام يرفع جواله يطالع بالرقم ..
قربت منه وجلست جنبه ..الله يستر راسه اللي منزله مايبشر بخير ...
عساف :خلف ..
خلف والشرار يتطاير من عيونه:ذابحها ذابحها الله لايعوقني بالشررر .. جلس يسب ويلعن فيها وبأهلها اللي ماعرفوا يربونها ...وبنت .. وبنت .. وبنت ....ماقدر أسكته لين هزيته ..
عساف بقهر :خلف ولعنه تكلم قلي وش السالفه ...
خلف :وش أقولك فضحتني الله يفضحها الله يلع.. الفاج..
مايبرد نار قلبي الا ذبحها ...
عساف :قلت لك وش صار ... والا أقول تعال أركب وقلي وش السالفه ...
ركب خلف وصقع الباب وراه ورمى بحجري جوال ..طالعته بأستغراب ..
عساف :وش هذا .. وش اسوي فيه ...
شفت خلف يصد عني وركى يده اللي ترتجف من القهر على الشباك..
خلف :اقرأ الرسايل اللي فيه وركز على أخر رساله وارده ..
فتحت الجوال وأنا خايف من اللي بشوفه ... وقريت أول رساله وماخلصت الا وأنا حاط راسي بين يدي من الصدمه ريم مستحيل ماتسويها بنت عمي وأعرفها ..
(( .. اسف حبيبتي أني دقيت عليك نسيت انك بزواج السنيورا أختك وأكيد ماراح تكونين فاضيه لي .. بس حماسي لسماع رأيك باللي سويته نساني تقولين وينك من أسبوع عن التهنئه أقول لك ماكنت واثق من نجاح أنتشار الصوره لين شفت صورة جميلة الجميلات هند ال .......... بجوال واحد من الشباب .. ماقلتي لي وش سوى زوجك عسى وصلته الصوره اذا ماوصلته انا حاضر أوصلها له بنفسي ... الريم يابعد قلبي تدرين كل اللي سويته من شانك لاتنسين أبي أشوفك قريب حبيبتي أشتقت لك .. كل حبي سلطانك ..))
 
الحلقه الرابعه عشر


((1))

[..خيانه ..]

عساف


قريت الرساله مره وثنين وثلاثه لين صار الشك فيها قمة الغباء الموضوع واضح ومايحتاج له كل هالتفكير وكل شي بهالجوال يدين الريم .. اللي سوته الريم ماينغفر كيف تكون على علاقه مع شخص ثاني وهي متزوجه صدق أنها حقيره خبيثه ملعو ......
قلتها وأكررها للمره المليون البنات مايجي منهم الا سواد الوجه هذي وهي متزوجه .. هذي خيانه الصراحه مألوم خلف أنا حاس أن دمي يغلي وسط عروقي .. اللحين ماني بالريم قلعتها عساها للحريقه تشيلها انا بخلف هذا اللي حالف أنه يقتلها ومسدسه بجيبه وجالس ينتظر رجعتها ..
عساف :خلف تكفى أقصر الشر لاتكلمها ولاتجيها طلقها وأفتك من وجها ماتستاهل أنك تضيع عمرك عشانها علم أهلها بالسواد وجها وأبوها وأخوانها يتولون أمرها ...
بس خلف ولاهو معي وكأني أتكلم على نفسي أنا حاس باللي داخله ويمكن بعد ماني حاس لأني ماجربت هالشعور .. معقوله تخوني ضحى بيوم وليش ضحى بالذات هذي مصيري أطلقها وأنساها ليش هي بالذات اللي أفكر بخيانتها بكل بساطه لأن ماعندك غيرها اللحين .. اوف حنا بأيش وأنا جالس أفكر بأيش ...
عساف :خلف طلبتك ....
بس خلف ولا رمشت عين ..
قمت من عنده وأنا أدور على نفسي وأصفق كف بكف
خلف بيضيع وأنا واقف أطالعه ومابيدي شي أسويه
.. من يقدر على خلف وهو غضبان مأحد يقدر يوقف بوجهه ولايغير من رايه الا لحضه فيه اللي يقدر على خلف وأبو خلف بعد زي أنه طرى على بالي ... بعدت عنه بمسافه كفيله أنها ماتوصله صوتي وأتصلت بالشخص الوحيد اللي احس أنه يقدر يغير من قرار خلف ... رنين متواصل ومحد يرد كنت خلاص بديت أفقد الأمل يوم أنفتح خط الطرف الثاني ...
عساف :اللو مباررك ألحق ... اوووف أنا عساف عساف .. ايه أسمع .. أدري أنك متبري منها اللحين من جاب طاريها ..بكلمك عن خلف .. ايه خلف أبيك تلحق عليه قبل مايضيع نفسه .. اسمع ... وقلت له السالفه كامله .. وهو صك من عندي حتى قبل مايقول مع السلامه ... كنت بأحبط لوماكانت هذي ردت فعله .. سمعت صوت رنين جوال خلف وشفته متردد يرد اولا بالأخير زفر زفره قويه ورفعه .. طول المكالمه كنت على أعصابي صح خلف يحترم مبارك كثير ويعتبره بمنزلة أبوه بس خلف بهالحاله ماتقدر تخمن وش ردت فعله والموقف اللي فيه مره صعب
اللي خانته زوجته اللي دام زواجهم سبع سنين ريم كانت أول وحده يتزوجها خلف .. كنت احس أن علاقتهم قويه وأحترامهم للبعض كبير وشي ثاني أن ريم بنت عم أبوه بأختصار بنت عمه لحمه ودمه خيانتها له شي كبير مايصدقه عقل والشي الثاني اللي سوته يوم نشرت صور خطيبته خطأ صعب يغفره ..
ماني مصدق أن ريم تسوي مثل هالشي كنت احسب الأنحراف والتصرفات المنحله هذي ماتصدر الا من بنات الشوارع ليش بنت محترمه مثل ريم تلجأ لمثل هالعلاقات اللي ماتجلب لصاحبها الا الفضايح هي لاهي صغيره ولامراهقه عشان تنخدع بكلام الشباب المعسول .. ماني قادر أفكر راسي بينفجر ..ومكالمة خلف ومبارك عيت لاتخلص .. وصوت خلف وصل لأخر الرياض .. وأخيرا أنتهت المكالمه ...
خلف وهو يقوم يوقف :أعجبك يعني اللي سويته ...
عساف :ماكان بيدي شي كنت بتضيع نفسك ... وش صار ..
خلف :ماصك من عندي لين حلفت له أني مأسوي لها شي وهو بيتصرف بطريقته .. بس هين تشوف الملع...... أذا مافضحتها ..
عساف :خلف انت مجنون أنت بتفضح نفسك قبل ماتفضحها ...
خلف :خلاص انا ماني قادر أفكر .. طلعني من هنا لأنها لو رجعت وانا موجود بذبحها الخيانه ...
ماصدقت أنه هو اللي طلب مني أنه يطلع ..
سالته وانا أطلع السياره :تبغى مكان معين ...
خلف بتعب :أي مكان ..
شفته بطرف عيني يحوس بجواله ... وتمتم (هذي ليش ماتررد )..
كنت بسأله عن من يتكلم بس خفت من عصبيته .. والله حاله أنا عمه وأخاف منه ..
سمعت يكلم وهو معصب :ساعه على ماتردين ..
وسكت وشفته يطالع بالجوال ... ومسكت ضحكه كانت بتفلت مني قفلت بوجهه .. بس أول مره أدري أن خلف يكلم بنات كنت عندي شك ويمكن أحساس أن هالأمر عادي عنده بس اول مره اسمعه يكلم وحده ..
بس هذي شكلها مره تمون عليه ولا تقفل بوجهه وشكله الموضوع عنده عادي لأنه رجع يدق عليها ولا ليه عليها يمكن على وحده ثانيه .. ياحليلك ياخلف والله طلعت منت بهين ..
خلف :أعذريني ماكان المفروض أكلمك بهالطريقه بس تعبان شوي ..
لا عاد هذي قويه خلف يعتذر ...
وكنت بهالوقت موقف بأرض فضا نزل خلف وراح يمشي بعيد وهو يكلم .. أفا أجل طلعت هذي سوالفك ياخلف لا وبعد بنت تقفل بوجهك وانت تعتذر منها مأتصور نفسي أقول هالكلام بوجهه ..

×@×@×@×@×
 
((2))

[..من اجل الأخوه ..]

ملاك

بعد ماتركتنا ميشو جلست أفكر بالي أطلبته مني .. معقوله مشاعل أختي حقيره لهدرجه ووصلت فيها الدناءه أنها تفرق بين مره وزوجها .. من الريم ووش اللي خلى ميشو تصرف معها بهالطريقه .. اللي أعرفه عن مشاعل والصوره اللي أشوفها فيها تخليني أحتار أنا اقول أنها ماراح تسوي هالشي الا عشان دافع قوي .. الكلام هذا أقوله عشانها أختي ومأبي أشوفها بالصوره سيئه بس بالحقيقه انا ماعرفت مشاعل زين عشان أحكم أنها ممكن ترتكب مثل هالغلط .. أنا مأقدر أقول أن دافعها زين لأن مافيه أي سبب بالدنيا كلها يسمح لها تسوي اللي تسويه الا شيء واحد أن ريم سوت كل هذا صدق ومشاعل موقاعده تظلمها قد ماهي قاعده تفتح عيون زوجها وتكشف الحقيقه لاغير .. بس لوكان ذا صدق من هالناس ومن وين تعرفهم مشاعل ... قطع حبل أفكاري رنين الجوال وكان الرقم
ميشو انتظرت ثواني ألتقط فيها أنفاسي قفلت عيوني وضغطت على زر الأتصال دق لين قطع بدون مايرد أحد وأرتحت ان الخطه زبطت ومارد قبل مأقفل ... فتحت على الرسائل المحفوظه وطالعت بالرساله وحسيت بالضحكه المكتومه داخلى بتنفجر لأن هذي أول مره أشوف فيها كلام ميشو بالعامي وكان فيه كذا كلمه عدلانها أنا وسارا لأنها كاتبتها بالفصحى ... ترددت قدامها بس بعدين ضغطت على زر الأرسال وماهديت لين تم ارسال الرساله .. جلست على أعصابي أنتظر أتصاله اللي يمكن يجي ويمكن لا .. أنتفضت يوم رن الجوال فجأه وكان اسم الريم يأشر على الشاشه.. أرتجفت يدي وطالعت ب سارا اللي تنتظرني أرد على المتصل مثل ماكنا متفقين مع ميشو ..
سارا :ارفعيه مو المفروض انت الحبيب المتيم كيف تترك حبيبتك تنتظرك كل هالمده .. وكررت بالسخريه ..
سارا :رد ياسلطان الولهان ...
وصوت داخلي صررررخ ردي لاتخذلين مشاعل ردي مثل ماوعدتيها .. سحبت نفس عميق وأغتصبت كحه قويه عشان ينبح صوتي وغمضت عيوني وأنا أضغط على الزر الأخضر ... سمعت صدى أنفاس الطرف الثاني واللي كانت تعبر عن مدى غضبه ..
سلطان :مساء الخير ولاأقول صباح الخير حبيبتي أشتقت لك حيل يابعد قلبي .. وش رايك بحبيبك حبيبتي بطل مو كل اللي طلبتيه منه سويته وزياده بلاه مأستحق مكافأه على اللي سويته ماراح أطلب كثير بس أشوفك بمكانا المعتاد بكره على العشاء ... وسكت شوي الريامي حبيتي وين رحتي ..
كان صوت دقات قلبي مثل الطبول مأدري ليش حطيت نفسي مكان الريم المسكينه ماحسدها على اللي بيصيرلها الليله ..
وصلني صوت الطرف الثاني صوت جمدني من حق سلطان المسكين يرتجف ويتلعثم ......
الطرف الثاني :من أنت ...؟!
سلطان :هاه أنا اسف شكلي غلطان ..
وقفلت بالسرعه .. ماحسيت بالغلطه اللي سويتها لين صرخت فيني سارا ..
سارا :ملاك يالغبيه مشاعل ماقالت كذا قالت قفلي الخط بوجهه ...
ملاك :طيب وش بيصير الكلام اللي قلته عادي ماراح يغير شي ...
سارا :صح مأدري بس يمكن ميشو لها غرض من السكوت اللي طلبته منك ...
ملاك :لا انا عارفه ليه مشاعل قالت لي أسكت ومأرد تحسبني غبيه وماراح أقدر أتصرف ...
سألتني سارا السؤال اللي سألته نفسي مليون مره وللحين ماقدرت القى له جواب ...
سارا :وش غرض ميشو من كل هذا ..
ملاك :تفكرين باللي أفكر فيه ..؟!
سارا :قصدك أنا ميشو شريره ..
ملاك :هذا مو شر هذا شغل الابالسه والشياطين ...
سارا :لاتقولين أنك ندمتي على الخدمه اللي سويتيها لها ...
لاماندمت ولا أقدر أندم على خدمه سويتها لأختي حتى لو فيها شر حتى لو بضر أشخاص ثانين وش يعني أهم شي أكون ساعدت أختي يمكن بهالطريقه أقدر أكسب مشاعل وأتغلب على الحواجز اللي حطتها هي بينا بالأخير حنا خوات ومالنا غير بعض .. تذكرت أني ماجاوبت سارا على سؤالها ...
ملاك :لاماني نادمه ولو بتطلب مني مره ثانيه أي خدمه بنفذها لها ....
سارا بأستهبال :حتى لوخارج الساعه المجانيه ..
ملاك :ايه حتى لوخارج الساعه المجانيه ..
ياحبيلها ساروانه شكلها بدت تغار من ميشو ..
سارا :أقول بس حطي الجوال على الصامت وشيليه بالدولابها وأمشي ننزل تحت أكيد أفتقدونا اللحين ..

×@×@×@×@×
 
((3))

[..فقدت الأمل..]

سارا
نزلنا ركيض من فوق وتفاجئنا بوجود ..
أنا وملاك :منيرررر .....
وعد :هوووو لايفوتكم أفراج ..
ملاك :واخيرأ مبروك خطاك السووء ..
سارا :الف الف الف حمدالله على السلامه ..
منير :احم احم الله يسلمكم ماتشوفون شر ان شاءالله ..
ياحليله منير شكله متغير كلش كلش اخخ مايستاهل اللي الحبس اللي كان فيه ..
وعد :ايه صح تعال منير صدق اخوك أسماعيل جكوه مع الأرهابين اللي قتلوا العائله الفرنسيه ...
منير بأستغراب :لا من قال أسماعيل توني قبل امس شايفه بالمسجد ..
ملاك :شلون لا والأشاعه هذي منتشره بالحاره كلها ..
أي حاره صدق انا نصابين أصلا انا وملاك مصدر هالأشاعه .. رحمته منير جالس يحلف أن اخوه بريء لايكون حسباله حنا الأستخبارات ..
منير :ياربيه والله أخوي مو أرهابي ..
ملاك :طيب طيب خلاص صدقناك ..
بس الرجال شكله من صدق زعل .. بس كالعاده مايعرف له غير نواف ..
نواف :خلك منهن يارجال ذولي حريم ماوراهن الا وجع الراس ..
منير :الصراحه خواتك ذولي مايقدرن وأنا اللي جاي وجايبلهن خير بمليون ريال ..
منير عنده خبرلنا يافرحنا يافرحنا أكيد خبر عن جابر ...
سارا :وش تحتري للحين ساكت هات قول غرد أطربنا ..
ملاك بحماس :نسمعك ..
قعد يسوي حركات وكأنه بيلقي خطاب سياسي ..
وعد :مرمر ياشينك ...
شهد :اوووووف بس الواحد مايقدر يتابع التلفزيون بالراحه لازم هالقلق ...
شوفوا السخيفه مالت عليها بس موناقصين منحرفين حنا بعد يجلسون يتأمرون علينا بس خلوني ساكته .. والله لوضحى موجوده مافتحت فمها ...
منير:هييي شهوده وش فيك معصبه ..
شهد :وععععع شهوده منك طالعه بايخه ...
منير بخبث :بس من غيري حلوه صح وخصوصا من واحد أسمه يبدأ بحرف الفاء ..
شهد بقهر :انثبر أنت مالك دخل بعدين لاتسوي فيها بتهددين ترى كل هاللي جالسين هنا يدرون ...
هذولا شعندهم وش شهوده وحرف الفاء ..
لايكون عارف ان شهد تكلم خيبه هذا وش دراه .. ومن غيرها السوسه وعد ..
ملاك :بس ياشينكم وانتي مرره فرحانه بعمرك .. انت انجب وياويلك لو سمعتك تكلم بهالموضوع مره ثانيه ويالله قول وش عندك ..
منير :مع أن الجو خرب والخبر ماصار له طعم بس أمري لله بقوله ... الخايب جابر بيملك يوم الجمعه ..
وش يعني بيملك يعني خلاص مافيه أمل جابر بيتزوج غيري لامستحيل كيف ...
ملاك:سارا ياعمري ولايهمك هو الخسران وين يلقى مثلك ...
طالعني منير بالطريقه غريبه والتفت على ملاك ...
منير :هذي من صدقها تحبه وعععع الحمدالله والشكر وش لاقيه فيه أنا أحلى منه .. والله لو تزوجك بتضيعين حياتك معه هذا واحد غبي فارغ ماعنده سالفه بس تجلسين معه تكرهين عمرك..ليغرك مظهره الخارجي هو من داخل أتفه منه مافيه ..مع أني اكره قيس اكثر منه بس لجينا للجد قيس أفضل منه بألف مره ..
مستحيل هذا وش قاعد يقول أكيد يتكلم عن واحد ثاني غير جابر ...
تمالكت نفسي وحبست دموعي مأبي أبكي مأبغى أكون ضعيفه انا من زمان كنت عارفه انه مستحيل يفكر فيني .. ليش اللي مثلنا فيه أحد يطالع فيهم ..
سارا :ومن بيأخذ ..
منير :بنت وحده من قرايب أمي .. يالله عاد لاتقلبونها نكد ... أنا جاي مشتاق لكم حيل ...
ملاك :تشتاق لك العافيه يمل العافيه ...
منير :والله مأدري هذي دعوه لي اوعلي بس يالله نمشيها الا صدق أمكم قصدي أبوكم ضحى وينها ...
سارا :الحكومه نايمه ليه عاوز منه حاقه يعني احنا نحل مكانها ...
منير :لاثانكس مش عايزين منك انتي خصوصا حاقه ولا أحد يحب جابرررر وعععععع ..
تبون الصراحه كلام منير بدأ يأثر فيني مادام اخوه قال عنه وعع يعني وعع ..
وفجأه دخلت علينا ميشو وكانت تلهث وشكلها رايحه فيها ..
ميشو :ملاك تعالي أريدك .....
وبعد ماطلعت ميشو ومعها ملاك .. علق منير ..
منير :احلى حركات ميشو من متى تعطيكم وجه خبري فيها تدخل وتطلع بدون ماتعبركم ...
والله فاضي هذا يهذر وأنا خاطري ألحقهم أبي أعرف ميشو وش عندها .. أحسن شي أصرفه بعدين ترى الوقت مره متأخر النور شوي ويطلع ..
سارا :اقول منير موكنك مرره تأخرت اخوانك يدرون أنك عندنا ..
منير :لا أعوذ بالله بس وش ورانا بكره الخميس ...
ايه هذا شكله راعي طويله ألحق على توأمي العزيز قبل ماتقضي عليها المتشرده..
فتحت باب حجرة ميشو بالدفاشه خلتهم يتطامرون ...
ملاك :سارا ولعن .. ماتعرفين تفتحين الباب بهدؤ ..
سارا قلت وأنا أجلس بينهم ..
سارا :متى العزا ..
ميشو بالدهشه :عزا من ..؟!
سارا :عزا المنحوسه ريم ..
ميشو :لأعلم سأسئل وأرد عليك ..
ملاك :ياسخفكم والله ضميري بدأ يأنبني ..
أحلى عندها ضميرملاك الصراحه معلومه جديده
بس وين هالضمير لصار الموضوع فيه مقابل مادي ..
سارا:ايه صح ميشو ماسمعتي اخر الأخبار ...
ميشو :لاتعجبني الأخبار ..
قلت بأنكسار والله كل ماتذكرت أني كل هالسنين قضيتها أنتظره أتحطم من داخل حتى لو ماكنت احبه بمعنى الكلمه ..
سارا :جابر خطب وبيملك يوم الجمعه ..
الصراحه انصدمت من حركة ميشو تصوروا بدال ماتطالع فيني كانت تطالع بملاك .. وأخذت يدها بين يديها ..
ميشو :لاتحزني هو الخاسر ..
قلت بتعجب هذي وش قاعده تقول ...
سارا :هييي على فكره انا ساررا ..
أرتبكوا ثنتينهم ...
وقالت لي ميشو وبعيونها نظره غريبه ..
ميشو :هل حقا ترغبين بالزواج ....
كنت بقول لها أذا صارت تشتغل خطابه ..
بس ملاكي سبقتني ..
ملاك :احلى مشاعل من متى صرتي تشتغلي خطابه ..
كانت تنقل نظره بينا بعدين تكلمت بجديه ..
ميشو :اريد جواب صريح على سؤالي من ترغب بالزواج ...
ملاك :انا بالنسبه لي مأبي ..
شوفوا الخبله هذي وش قاعده تقول فيه أحد يرفض عرض مثل هذا ..
سارا :أنا أكيد أفكورررس ياليت والله اطلع من هالفقر هذا .. بس لحضه بقول لك مواصفا ت فارس احلامي ..
ملاك :فاضيه بعد بتحط مواصفات احمدي ربك على العريس اللي بتجيبه لك الخطابه ميشو الفين وسبعه ..
ايه وش فيها ذي قاعده تحطم فيني .. والله أني أهبل من زينها عاد هي ولا كنا توأم هههههههه ..
لاتضحكون انا بس أضحك ..!!
بس هذي من صدقه بتجيب لي عريس انت شكو أسألكم هي اللي عندها الجواب ..
سارا :ميشومن جدك عندك عريس لي ..
ميشو :لم أتلفظ بهذا ولكن سأبحث لك ..
سارا :ايه بس لاتنسين أبيه وسيم ومليونير ..
ميشو : وايهم بالأولويه ..
أحترت اهم شي يكون وسيم ولامليونير .. لا أنا متصور نفسي متزوجه واحد بشع يعني أهم شي يكون وسيم ..
سارا :طبعا الأولويه للوسامه ..
هزت راسها وكأنها خلاص فهمت لأبيه .. ياي ياليتها تكون صادقه واتزوج وأبعد عن هالمكان .. بس فيه شي مكدرني كيف ببتعد عن خواتي لاخلاص شكلي بغير رايي .. لاخلوني أول أشوف عريس الغفله بعدين أقرر ..
×@×@×@×@×

 
عودة
أعلى