1234567891011 ...

رواية دموع الرجال / للكاتبه صرخة وفا / كامله

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. *مزون شمر*
    26-10-2010, 12:35 AM

    رواية دموع الرجال / للكاتبه صرخة وفا / كامله

    رواية دموع الرجال / للكاتبه صرخة وفا / كامله


    السلام عليكم ...

    دموع رجال معاريس
    للكاتبة صرخة وفا

    الجزء الاول..............................


    ياربي ماأصدق اليوم ملكتي ...اه بس يادنيا.احين شبسوي الله يهديك يايبه يعني لازم تحطني بهذي المواقف قايلك مابيها بس ماطعتني الله يعيني.........
    ام محمد:هلا بالمعرس..
    محمد:اي معرس يمه كلها خطوبه.
    ام محمد:حتى يسمونك معرس.
    بومحمد:هاياوليدي زهبت عمرك شرات مارمستك.
    محمد:انشاء الله ابوي ..عن اذنكم.
    طلع محمد ....كان يغالب الماساه الي بداخله ويبين انه عادي.....وبداخله بركان....يغلي .....تذكر نجود اصلا هي دوم في باله زبس اليوم غير بيرتبط بغيرها من بعد 5سنين متمني يكون اليوم هي اللي ياخذها لاكن كيف وهي تحت التراب...........
    شال عمره ...ودمعته اللي بغت تطيح بيروح للمقبره......فتح باب غرفته ونزل من الدرج الي صعد منه شافته امه
    ام محدم:محمد
    محمدالي وجهه مقلوبه:هل امايه
    بومحمد:وين ساير ابويه
    محمد:مشوار قريب...
    واختفى من الانظار......
    ام محمد:شفت ياجاسم ولدي.من يوم قلت له بتملك له على مروه وهو جيف اه ه ه ياخوفي على وليدي
    بومحمد:لا تخافين يام محمد انشاء الله..........مروه قدها وبتقر ترجع لنا محمد
    ام محمد:بس انت من قلت له وهو متغير حالته زادت وكل بسبايب نجود
    بومحمد:استغفري ربج يامره شهالرمسه ترا البنيه ماتت والله يرحمها وقومي انت زهبي روحج لملكه ولدج ولاتحاتين
    ام محمد تمسح دموعها:انشاء الله
    بومحمد:انا رايح عند ابوي بشوف شعنده داق يباني وان يا محمد رمسين
    .................................................. ..........
    ام سراب:هاه سراب شو صار عل اختج خلصت من شغلها
    سراب وهي واقفه على الدرج:توها مخلصه من المطبخ وراحت تتزهب للملجه...
    ام سراب عصبت:بس انا ماقلت الها تسير
    سراب:يمه حرام عليج الي تسوينه فيها.......شو بتقولين لبويه يوم القيامه يوم بيي يسالج عنها تراها يتيمه
    ام سراب:انا ماقلت شئ بس هي مو عايشه عنا اكل ومرعى وقله صنعه
    سراب:وهو بيت ابوها لاتنسين
    ام سرابتغير الموضوع:احينه سراب مني متضايجه بموضوع عرسها يعني الحينه عادي عندج تعرس وانتي اخته الكبيره للحينه ماعرستي
    سراب حز بخاطره تفكير امها:يمه هاي اختي بعدين لو اتم ماعرست مابياثر بي ولاتنسين كيف راح تتزوج بالغصيبه بتزوجينها
    وقامت سراب الي مقهوره من امها ومن ظلمها لاختها.
    ............................................
    خمس مضت يانجود والدمع همال
    خمس مضت مابين دمع وونيني
    قضيتها مابين الاحزان رحال
    قضيته ياعمر محمد حزيني
    قضيتها مابين هم وغربال
    هم يروح وهم عقبه يجيني
    رحتي وراحت عقبك احلام وامال
    من عقب موتك والزمن مبتليني
    من عقب ماكنا سوا مثل الاطفال
    نضحك ونلعب مع بعض ياضنيني
    مايوم نتعب من نظرنا ولو طال
    كل يناظر صاحبه في حنيني
    ولا ابطيت عنك تنشديني عن الحال
    نشده حبيب غاب خله سنيني
    واليوم شلتك يابعد كل الازوال
    شلتك لقبر حال بينك وبيني
    ورجيت ابوي وقلت للعم والخال
    قلت اتكوني مع عشيري دفيني
    جنب العشير اللي تركني للاهوال
    تكفون ياللي ماتحسون ففيني
    وماهمني لاقلتوا لحبي خبال
    ابي معه دايم يديه بيديني
    وشالوا الجسد والقلب وياك مازال
    قلبي معك بالقدر عيا يبيني
    واليوم قبرك صار مركا ومقيال
    وسادتي يانجود رمل وطيني
    واليوم راح هلال يانجود وهلال
    ومحمد على ذكراك حبه متيني
    عفت الحياه وعفت عمري والاموال
    بين البشر عايش وكني سجيني
    وارجي من الله نجتمع ياهوى البال
    في جنه الفردوس يانور عيني

    اه ......كان محمد..واقف على قبرها ويذكر اخر ايامها يوم عرف اها تحبه وقرر من تخلص دراستها بيخطبها لاكن اكتشفوا على ايامها الاخيره ان فيها السرطان وقالت لاهلها مايعلمون احد .............ويوم ماتت استخف وجلس عند قبرها يصارخ ويصارخ ويصارخ والكل عرف بحبه لها....
    نزلت دمعه محمد وهو يتذكر كيف كانت بنت خاله نجود...
    لا يامحمد انت الحين على وجهه زواج واللبنت الي بتاخذها .يمكن تتعب معاك..
    لازم تحاول تتناسى نجود على الاقل في حضورها
    بس انا ماعرف عن مروه شئ غير انهابنت زوج عمتي..وتشبه نجود..
    دق جواله بهذي اللحظه شاف الرقم وابتسم..
    محمد:هلا بعمتي..........
    عبير:هلا والله فيك حمود شخبارك شلونك وكيفك كلها نفس الشئ بس معليه المعرس
    محمد بضحكه مافيها حياه:والله اخباري ماشفتي العربيه غريبه ولالوني اسمراني واهبل وكيفي والله للحين ماكيفت
    عبير بضحكتها الرنانه:هههههههههههههههههههههههههههههههه......ززين شالنفسيه حمود عسى بس زينه
    محمد:اصغر عيالج حمود
    عبير:لاتنسى اني عميمه
    محمد:عبيروووووه
    عبير:هاه
    محمد:شبغيتي
    عبير بجديه:محمد انا بغيت ارمسك واباك تسمعني انت الحينه بادي حياه يديده فلازم تنسى نجود
    محمد بحزن:والله بحاول ...زياعبير بحاول....
    عبير:بعدينه البنات يبالهم حب وحنان عاد انته تعرلاف هيه فقدت حنان ابوها ..................وياليت تكون انته الي تفتعل الحب عشان يتحول لحب
    محمد:انشاء الله
    عبير:ووووووووووووووبس
    محمد:هههه يلا تامرين بشئ ثاني بسير اتعدل لحرمتي
    عبير:هيه اباك تسير السوق تشتري هديه لمروه
    محمد:انشاء الله
    عبير:صدقني بتحبها البنيه من شفتها حبيتها
    محمد:طييييييييييييب
    عبير:يلامع السلامه هذا بوهلا ل يباني
    محمد:سلمي عليه
    عبيركيوصل
    محمد سكر من جواله وجلس فتره بسيطه وبعدها رجع
    .................................................. ....
    بوهلال :عبروه

    عبير وهي جاييه:هلا بوهلال ياعلني مخلا من هالصوت يالغالي
    بوهلال:اي جذبي علي بهالكلمتين
    عبير:وي انا اجذب عليك اجذب على هلالوه ولاجذب عليك
    بوهلال :المهم خلينا في المهم
    عبير بابتسامه:سم
    بو هلال:شو مسويه بولد لختج
    عبيرباستنكار:انا
    بو هلال:لانا
    عبيرتذكرت الموقف بس ماعترفن:تراني موفاهمه شئ وبعديه منو اللي متفيجه له انا خلني بملجه حمود
    بوهلال:وجهاد
    عبير:جهاد شو سويت له
    بوهلال:يعني بتخبريني انج امس ماخبصتي الريال وحطيتي له وهو نايم العاب ناريه
    عبير ضحكت:وموا الي خبرك
    بو هلال:منو بعد غيره هلال
    عبير:احس عسب يعرفون جيف يحترمون عمتهم ههه بس فاتك الموقف تقول جنه في حرب
    بو هلال:هه انتي ماتتوبين يعني احين مهما فلت لج هالحركات لاتسوينها حرام عليج هاي حركات بزران
    عبيرحز بخاطرها:انشاء الله
    بو هلال:ماقلتوا لي جهزتوا لملجه محمد
    عبير بفرحه:هيه كل شئ زاهب حتى الاغراض راحت بيت ابويه من الصبح
    .......................................
    اروى:هاه مروه شو قلتي
    مروه:مدريياروى مدري "ودمعت عينها"
    اروى:مروه انتي عروس شو تلبسين بدله عاديه ولازمنج تتكشخين
    مروه:اروى خلاص انتي شفتيني طول يومي بالمطبخ شو تبيني اسوي
    اروىبابتسامه:سمعي كلامي ويلا سيري طلعي الفستا الي يابه يدي لهاي المناسبه.....وحقت الكوفير يايه بالطريج
    مروه:امري لله"وسرحت"
    اروى:انا ادري انج بتاخذين محمد غصب عنج بس ابيج تعرفين انج تستاهلينه الغلا
    مروه بشرود:اروى انا سمعت انه يحب بنت خاله
    اروى باستغراب:ومنوا هاي الي سمعتي منه هالرمسه شوفي انا بقولج ايها ولد خال مستحيل يحب وحده قبل الزواج لاني ذيج المره سامعتنهم يقولون جي
    مروه بصياح:بس انا مابيه
    اروى حضنتها:خلاص حبيبتي ادري انج ماتبينه بس شنسوي ..ملبيدنا حيله
    مروه زاد صياحها وهي تتذكر ضعفها
    فجاءه انفنح الباب..
    سراب:شبلاكم شو صايرلكم
    وقربت منهم....
    اروى:سراب ماييت الكوفيرا
    سراب:الاتحت
    اروى:بسرعه خليها تيي
    ................................................
  2. *مزون شمر*
    26-10-2010, 12:36 AM

    رد: رواية دموع الرجال / للكاتبه صرخة وفا

    رواية دموع الرجال / للكاتبه صرخة وفا / كامله


    عيسى :السلام عليكم
    الكل:وعليكم السلام
    عيسى يدنق على ابوه وامه
    بوهلال:هاه عيسى مامريت على يدك
    عيسى:الاتوي يت من عنده
    بوهلال:ايه خبرته عن الطلعه
    ام هلال:اي طلعه
    بوهلال:انشاء الله بعد ملجه محمد بعدد يومين بنسير البر
    ام هلال:هيه هذا الراي السنع
    عيسى:رمسته قال لي تم الا ابويه وين عمتي عبير
    بو هلال:مع البنات
    عيسى: اما يدي مفول عليها ويقول بس خلني اجوفها بستلمها على الي سوته بجهاد
    جاهم صوت عبير:والله انتشر الخبر على انحاء ائلتنا الكريمه
    لفوا كلهم علىها شافوها مفوله
    عيسى:منو قالج تسوين جي محد ..........خلج
    عبير طالعته بقهر:هذا يزاه الي يمزح معاكم "وتكم عليه(كشت)"مالت عليكم من عيال
    بو هلال:هههههه عصبت عبروه
    عبير بضيق:الله يعيني عللى ابويهاحينه بيفتح ويايه محاضره
    بوهلال:عيب يابنت هاي ابوج
    عبير سكتت ولاتكلمت وتشوف عيسى الي فيه الضحكه ماهتمت
    ام هلال:هاه عبير البنات شو صار عليهم
    عبير:منال خلصت باقي احلام بوه ذكرتوني انا يايه اييب ماي وراده وللحينه ماسويت شئ
    ونطت ركض على فوق
    .................................................. .............................
    عند ذعار الي جالس بغرفته ويكلم مجاهد
    ذعار/وبعدين شوصار
    مجاهد:بس خصموا عليه وقالوا لازانك تدوام باجر ويلاه عن الدلع لانهم ماعرفوا يتصرفون من دونك
    ذعار:انشاءالله اصلا انا عارف مترومون تسةن شئ بلاي
    مجاهد:ياواثق
    مجاهد:ذعار انت ويايه
    ذعار :هاه اي ويك بس يالس اجوف هاي الي دشت غرفتي ويالسه تحوس
    غرام:احوس بعينك ابك تعطيني السيدي اليديد لراشد
    ذعار:لشو
    غرام:فيه زفه نباه للعروس
    ذعار:بس يدي خذا زفه مني اليوم "ورد للجوال"اقول مجاهد شو رايك تمرني البيت
    .................................................. ....
    الساعه9ليلا
    كانت عارفه ان الحفله كبيره وانها بتواجه جمهور كبير بس ماكانت فرحانه كانت زعلانه وقاعده تمسح دموعها وهي بروحها خواتها امهم غصبتهم ينزلون للضيوف وهي بقت بروحها كانت ترجف مو من برد من خوف من مستقبل مجهول ومن ماضي مؤلم كانت تنتظر اي نسمه هوا بارده تهفها وتطيح رجفتها ماكانت بسيطه قويه انفتح الباب ورفعت راسها شافتهام محمد
    انبهرت ام محمد بجمالهاكانت ملكه جالسه في كرسيها
    مروه كانت لابسه فستان بدرجات السكري والذهبي ومسويه تسريحه على جنب اخفت طول شعرها ومكياج كانت مرررررررررره مبهره
    ام محمد:بسم الله ماشاء الله
    كانت ام محمد بعد متعدله اليوم ملكه ولدها بعد شلون
    قامت مروه حبت راس خالتها
    ام محمد لاحظت لمعه الحزن في وجهها
    ام محمد:مبروك يابنيت وهاج الدفتر وقعي
    مروه ببحه:الله يبارك فيج خالتي
    وقعت
    خذت ام محمد الدفتر وجات بتروح
    مروه:وين؟؟!!
    ام محمد:؟؟؟؟؟؟؟؟؟؟؟؟؟؟
    مروه نزلت راسها:خالتي يلسي ويايه شويه
    ام محمد ابتسمت:بسير اودي الدفتر وببيي
    طلعت ام محمد وعطتهم الدفتر ورجعت لمروه توها تلاحظ انها ترجف مسكت يدينها طاحت موع مروه
    ام محمد:لشو يابنتي هاي الدموع
    مروه تمسح دموعها لايخرب مكياجها:خالتي خايفه مدري ليه ابا امي وايويه
    ام محمدضمتها:ياقلبي انتي وانا شو لا تخافين دامي معاج
    مروه جلست قتره بحضن ام محمد لين جات ام سراب
    وتفاجاءت من وجود ام محمد وانبهرت من جمال مروه
    ام سراب:عيني عليج بارده يامروه ماشاء الله عليج
    ام محمد:توج تشوفينها ام سراب
    ام سراب بارتباكككنت ..انا ايه كنت استقبل المعازيم
    ام محمدتناظر مروه:ماشاء الله عليج
    ام محمد:وين كنتي خاشتنها عنا
    ام سراب:والله ماخشيتها ولاشئ بس هييه ماتحب تطلع
    ام محمد :الله يخليها لمحمد
    ام سراب:على طاري محمد ترا زفته بتبدي ويبونج
    ام محمد:طب نادي وحده من البنات تيلس وياها
    ام سراب:هيه هاي عبير يايه ورايه
    طلعوا الحريم برا عشان ماتفوتهم الزفه
    عبير:هلا والله بعروستنا مبروك الف مبروك
    مروه بخجل:الله يبارك فيج
    عبير :زين ماتطير من هالجمال ياحمود
    مروه ضربتها:اقول صخي
    عبير:انت باجيه
    مروه:هاه...لاء
    عبير:اي لاء ياحافظ....شوفي الدموع وموسمه بس اشوف خليني ارتب المكياج مالج
    .................................................. ..........ز
    دخل محمد وراه عمامه وعيال عمامه وخواله وعيالهم طبعا محمد مايعرف من عيال عمامه غير هلال وعلاقته فيهم موذاك الزود اما عبير هي بير اسراره
    كان يمشي مشي ملوك الين وصل للكوشه شاف وعمته ام سراب جاين عند وسلمو عليه
    وبعد فتره طلعوا العيال .وقرب من هلال ولد عمه
    هلال:محمدانت بيدك تبني حياتكم ياتكون او ماتكون يعني ياحلو لاتخاف من الحريم تراهم مرررررره مايخوفون
    محمدابتسم:انشاء الله اومر ثانيه استاذ هلال
    هلال بتفكير:والله الله يسلمك من كل شر مابوه شي اذا طرا عبالي برمسك
    محمد:طب فارج لو سمحت
    هلال:يه طرده معتبره
    :سميها يالحلو مثلات ماتبا
    مشى هلال:لنا الله
    ابتدت زفه مروه الي كانت تمشي باريحيه بس يوم سمعت الزف دق قلبه ومن مايسمع (هب السعد)مايدق قلبه
    عند محمدوقف لها وغرقت عينه لاكنه شال الدموع لانه تذكر نجود وهي تتكلم مره انها ماتبي تنزف الا عليها
    وصلت مروه وسلم عليها وجلس جمبها وبالياله طلعت
    محمد:مبروك عليج
    مروه:الله يبارك فيك
    محمد سكت ماكان عنده شئ يقوله الا شاف عبير جايه وقف لها ووقف مروه
    عبير:مبروك بو جسوم
    محمد:الله يبارك فيج ام محمد
    عبير:مبروك عروستنا
    مروه:توج مباركتلي بس ماردج الله يبارك فيج
    عبير:قفطتيني
    في الجانب الاخركانو البنات جالسين يطالعون فيه هذا محمد ماتوقعناه كذا
    منال:والله انه خطير
    ماريه:خطير شويه عليه تدرون عاد توي اعرف انه فيه شباب حلوين بالعايله
    احلام:وش فيهم عيالنا مافيهم شئ كلهم شحلاتهم
    ماريه:ماقلنا شئ اف بدا محامي دفاع الشباب
    جاتهم نسرين
    نسرين:بنات هذا الحينه ولدخالي جاسم
    غرام:هيه هو
    نسرين:وماخذته الا هذي ياكرهي لها
    كلهم سكتوا ولاتكلموا
    عند محمد جابت عبير وام محمد الكيكه والعصير والدبله
    مسك محمد يد عبير
    عبير:شو تبى
    محمد:عمتي وينها

    نهاية البارت
  3. *مزون شمر*
    26-10-2010, 12:37 AM

    رد: رواية دموع الرجال / للكاتبه صرخة وفا

    رواية دموع الرجال / للكاتبه صرخة وفا / كامله


    الجزء الثاني
    عبير عارفه طبيعه العلاقه بين مروه وام سراب
    عبير:بعدين بقولك يلا الكيكه قصها
    مسكوا السكينوكانت كل لحظه ماتفوت المصوره ةكلوا بعض ولاحظ محمد رجفه يدينها
    وجات لحظه العصير كانت مروه ماسكه كوب العصير وقربته منه00وهو بعد قرب كوب العصير منها وكان فيه الضحكه على شكلها لانها كانتتتمتم وهي تطالعه وين موديه العصير كان شكلها بزر وطفولي بس بلحظه ارتجفت يدها واندقل الكوب وقطر على ثوبه ارتبكت مروه ونزلي الكاس والدمعه رجعت طلعت على عيونها
    مروه بأسف:والله مدري ماكنت اقصد00
    محمد كان بخاطره يضحك :عادي تحصل بارقي العوايل"وقرب منها وهمس"بعدينه بحتفظ فيه ذكرى ماراح اقطه
    استحت مروه ونزلت راسه وهي تسمع كلام اللي حولها"حصل خير000الاثوب00"ومن هاي الكلمات
    لبسها الدبله حس ببروده يدها فمسكها ولبسته عي الدبله وهي تطالع فيه كانت تبين بزر بشكلها على الرغم من المكياج اي حاطته ابتسم لها وخذا العقد ودارت وجهها لعنه ونزلت راسها وبهذي اللحظه شمت ريحه عطره نفسها اي نفسها هذي ريحه ابوي هذي
    محمد بعد عنها عشان ترفع راسها ويوم رفعته شاف المعه واحتار معها
    مروه ماستسلمت للدمعه لاء اخفتها وهي تناظر الجمع الغفير الي متجمع في بيت اليد
    وعلى هذي اللحظات كانت تتذكر ابوها ماكان يحب الاهذالعطر وكانت دايم تحظنه وتقول "باباكل يوم حط منه واحضني لان ريحتك حلوه"كان عمرها بذاك الوقت 10سنين واحين غرشهخ لعطر محتفظه فيه من8 سنمين من فقدت ابوها وامها بحادث
    تنبهت على عبير ققولهم يطلعون قاموا مسك محمد يد مروه وطلعوا على المجلس جلست مروه باخر المجلس وبعيد عنه تتبسمم بخاطره انا ماخذلي بزر
    محمد:شخبارج مروه
    مروه:الحمدلله بخير
    سكتوا فتره صمت كان محمد فيها يفكر وش يقول وهي شطحت بفكره لامها وابوها مرت ثلث ساعه الا دخلت عبير عليهم
    عبير:عسى ماقطعتكم بس ابويه يباك قاللي نادي محمد
    قام محمد وطلعت عبير وهي تقول:سلم على راحتك انا سايره"وغمزت له"
    ابتسم محمد الي كان ماسك كيسه العقد وراح جلس جمبها
    محمد عطاها الكيس:انا ساير مروخه وهاي هديه بسيط مني اتمنى تعجبج
    مروه:انشاء الله
    طلع محمد وراح عند جده اللي كان ينتظره
    بومحمد:تعال ياوليدي محمد يدك يباك
    الجد:تعال ايلس يامحمد
    جلس محمد جمب جده:هلايدي
    الجد:محمد انت الوحيد الي رضيت انهم يسمونك على اسمي وانت غالي عندي وظنتي تعرف ليش صدج ان ابوك كان عايش ببلده ثانيه لاكنه اعز عيالي وان اقولها احين انا افتخر فيه وبمراجله"ورص على هذي الكلمه وهو يطالع بومحمد"
    وانا الي رمست ابوك يزوجك من مروه تدري لييه؟
    محمد بلهفه:لييييه؟
    الجد:مره جاسم "بومحمد"مع ولد عمه الي هو جابر"بو مروه"عند صديق لهم فكان هذا الصديق عنده اختين واخو صغير فجاءه اكتشفوا ان عنده لوكيميا وبهذي اللحظه كنت انت توك ياي يامحمد وكانفي موقف من ابوك وبو سراب الصراحه رجولي رمسوني في ووافقت ان قرروا يخطبون البنتين وفعلا تم هذا كله وانت تتذكر زين بو سراب شلون توفى وتربت بنته عند ام سراب اما ام حمد "لف على بومحمد"للحينه بذمه ابوك
    محمد:شو ؟يعني ابوي متزوج على امي!!!!!!!!!!!!!!!
    بومحمد:هيه وعندك اخوان يامحمد حمد وضاري وحصه ونوره ومتعب
    محمد:ابويه انت تعرف شنو تزوجت على امي
    الجد:امك يامحمد بتتفهم الموقف ونحن مابغينا نخرب عليك فرحتك
    محمد:اي فرحه واللي يسلمك يدي
    بومحمد:محمد نحنا مارمساناك عسب تقول لنا جي انا رمستك لاني اخاف ييني شئ لاسمح الله ماباهم يتغربون لان مالهم الا نحنا واباك تحفظ الامانه مروه ماباك تنكدها باي شئ
    محمد:يومي قبل يومك ابويه ومايصير فالك لا طيب
    الجد:وان بعد ماوصيك علها ترراها امانه
    محمد:انشاء الله
    الجد:مايلست مع عموتك وعيالهم
    محمد:يدي ماعرف منهم الا هلال
    الجد:معليه انشاءالله بتعرفهم اكثر واوووه مارمستكم يوم الاحد بنروح البر كلنايمكن نيلس اسبوع
    محمد:اشوف يدي اذا قدرت
    الجد:وين اصرفها هاي اذا قدرت
    محمدابتسم:انشاء الله يدي بسير وياكم
    ابتسم بومحمد هو يبي ولده يعرف من عيال اخوه لانه متاكد انه بيقدر ينسى نجود
    ..........................................
    اليوم السبت والكل يتجهز لهذي الرحله الي ينتظرونها على احر من الجمر
    ببيت ام مجاهد.
    ماريه:وايمستانسه حدي عيل جي من دون محد يدري قرروا ياحلوه هالمفاجاءه
    ياسمين:يالاول خلي ريلج يرضى تسيرين
    ماره:انشاء الله بيرضي لييه تتفاولين عليه
    ياسمين:لانج دايم جي من بتقولي بسير معكم قام غلس عليج
    ماريه:فديته مايصبر عني
    ياسمين:اي ماشاء الله مايصبر
    ماريه:ههههه شفيج عليه تراه وايد طيب
    ياسمين:طيب درينا ان اهوا وووووووووووايد طيب
    ........................................
    .................
  4. *مزون شمر*
    26-10-2010, 12:37 AM

    رد: رواية دموع الرجال / للكاتبه صرخة وفا

    رواية دموع الرجال / للكاتبه صرخة وفا / كامله


    ذعار:بودي امايه لبيت عمي بومحمد وبرد لكم
    حمدان:ايييييييييييهطيب اشوى شويه بنتنفس
    عيسى:من زمان ماخلانا روحنا
    ذعار:اقول شبب عن هالرمسات لالحين اهون وماييب ويايه الدراجه مالتي
    حمدان:لالا والي يلاحم لك لبوك وامك ذعور حبيبي نحن نحبكم نموت فيكم
    ذعار:ايه جيه اصطلب خلك ريال ولا هاه على لساني
    ام ذعار داخله:يلا ذعار ابويه نبا نسير
    شل ذعار امه ووداها معها وهي طول الطريق تقنع فيه ينزل يسلم على محمد ولاكنه مب طايع
    ام ذعار:وليه ياذعار ليه هاي ولد عمك ليخ ماتتقرب منه
    ذعار:امايه شو اتقرب منه هاي واحد مغرور بزاي
    ام ذعار:شو مغروروبزاي شي نتا شايف علي شي
    ذعار:امايه نكلمه بيوم ملجته يكلمنا من طرف خشمه وكن محد غيره مملج
    ام ذعار بحزن:ولد عمك ياوليدي موجي لاكنه تغير من خمس سنين لازم توقف يمه ولاتخلونه
    ذعار:انشاء الله امايه شوفي عمي اكاهوا هناك يلا خلينا ننزل نسير له
    نزلوا ام ذعار وابوذعار وسلمو على بومحمد
    ذعار: عمي وينه محمد؟؟؟؟؟؟
    بومحمد:سير له الميلس
    قرب ذعار من المجلس وشاف محمد لاكن على ايش شافه........
    شافه عدال الباب ودمعه وحيده على خده ومسند راسه على الجدار
    ذعار:محمد
    محمد مسح الدمعه ورفع راسه
    محمد بخنفه هلا الشيخ حياك تفضل
    ذعار:شكلك ماعرفتني؟
    محمد بحيا:لا والله الشيخ المعلوم انك من عيال عمومتي بس منو ماعرف
    ذعار:انا ذعار ولد عمك
    محمد:هه حياك اقرب
    ذعار:انا ياي عسب اقولك تيي ويايه بسير احوط
    محمد ماعنده ربع لانه كان يدرس برا
    محمد:يلا مابردك ولد عمي
    ذعار:عارفنك ولد عمي ماتروم تردني طالع على عمي جاسم
    محمد:ياواثق
    ذعار:بكر بوذعار وماتباني اصير واثق
    طلعوا على السياره الا جوال محمد يدق رد
    محمد:هلا بالقاطعه الي ماتسال
    عبير بزعل:مين الي مايسال حمو انا ولا انتى ماسوت علينا مقلب سويناه
    محمد:اوووووووووه ذكرتيني خلاص انا زعلان مع السلامه
    عبير بسرعه وبصوت عالي:حمود لاتسده بويهي دخيلتك حمو
    محمد يتعير:خير شوتبين بعين بطيتي لي اذوني مينونه
    عبير:هييييييييييه تراني عمتك
    محمد:ادريبج انج عمتي
    عبير: والله والله اسفه
    محمد:على شو اسفه انتي خليتي البنت تيي تركب ويايه وانما مدري لاوتجذب حمو د قايل يبا مروه هو الي بيوصلها
    عبير:حمود والله انا نيتي زينه كنت ابقربكم من بعض
    محمد:جذي عاد وبيوم الملكه تدرين لولا انج عمتي ماسامحتج بس اخ
    عبير :فديتك حمود انت وهالراس ياعلك تسلم لي ولمرتك مروه
    محمد:ههههههه مشكوره
    عبير:ويلومني بحبي لك الا ماقلت لي وين انتا؟
    محمد:طالع
    عبير:حمود وطالع لالا هذي تنحط بموسوع جنيس
    محمد:هههههههه
    عبير:ويامنو عاد؟
    محمد:ويا ذعار ولد عمي تبين ترمسينه
    عبر:لا شبابه مسود الويهه راعي المقالب قوله عمتك مب راضيعه عنك بعدين قولي وين سايرين
    محمد:حشا صرتي زوجتي مو عمتي
    عبير:شو بدنا نساوي لزوم نوصل معلومات00وانت مسود الويههه ماتكلم مرتك
    محمد بتنهيده:انشاء الله بس عاد انتي عموه ادرى بالظروف خليني اتعود على الوضع اول
    عبير بخبث:هاي هي عندي تبا ترمسه حمادي
    محمد:عبروه
    عبير:وي توك شحلاتك عموه عموه والحين جلبت علي ماعلينا بس هي مسيجينه تعبانه وتلفانه من الوله ذابحنها انتى بجمالك اىي خلاص توبه مرووه خلاص اي"كانت مروه تضربها بالمخده"
    محمد:هههههههههههههههه يزاج اكثر بعد
    سمع صوت مروه:تراها جذوب دومها جي لاتصدقها هاي وحده جذابه
    عبيرك لاوالله حلفي انتي وانا الحين جذوب سمعتها حرمتك حمود
    محمد:هييييه سمعته واقولج يزاج اكثر بعد
    عبير:مالت عليك انت وياها المهم الي انا داقه عشانه"وهي تشوف مروه تطلع من الغرفه"
    محمد:شو؟؟؟
    عبير:اباك باجر تي بيت عمتك وانت الي تشل مروه معاك البر
    محمد:لييييه ردينا ياعبير
    عبير:محمد انتا للحين تذكر رمستي وياك يوم الملجه عمتك ماتباها وياها وتتحجج باعذار تقنع ابويه فدخيلك ارمسه وهي ماراح ترمس بشئ لانك انت الي مسؤوا ل عنها الحينه
    محمد:هي وينها الحينه؟؟
    عبير:فديتها تعبانه
    محمد يقاطعها :تعبانه شبلاها رمسي عبير
    عبير:انت اسمع الرمسه زيييييين يه جوف هي مزجمه شوي بس الله يهدي عمتك قايله لها تسوي العشاء يلا باي انا بسير اطلعها من المطبخ ماتباني اوصل سلامات
    محمد:الا وصلي وانا اذا قدرت اتصلت
    عبير:مع السلامه الغالي
    محمد:مع السلامه
    سكر محمد ولف على ذعار
    محمد:تسلم علك وتقولك مسود الوييه هب راضيه عنك
    نقع ذعار من الضحك وهو يتذكر وش سوالها
    محمد:ههه شو مسوي لها انتى
    ذعار:امس رحت بيتن يدي شفتها نايمه على الكنبه ويبت ماي بارد وسبحتها في بسسسسسسسسس
    ههههههه
    محمد:حرام ماتستاهل
    ذعاركعبروه غبروه ماتستاهل شكلاتك ماجربت مقالبها انته
    محمد:مجربنها مقالبها
    ذعار:هه زين ماينيت يلا وصلنا
    شاف محمد المكان مو هو لاء ليش ياذعار تيبني هنا انا موناقص
    نزل ذعار وتبعه محمد وهو يقاوم رغبه في انه يصيح وينحاش
    محمد بخنقه:ليييييه بتنا هني؟؟
    ذعار يطالع وجهه الي تغير:شفتك متضايق فقلت بنسيرلا البحر احسن شئ
    محمد ينزل عينه من الغروب:احسن مكان بس مواقف صعبه وايد كانت فيه مابا اذكرها
    اصعب مواقف هالزما ن ..........يوم تجي نفس المكان
    يوم توادع من تحب.....وعينك تنادي بالحنان
    تبدا تفكر بالحيات..........واحلى ليلي الذكريات
    كيف ابتدت لحظه غلاه........كيف انتهت بيد الممات
    لالالالالالالالالالالالايالوداع لالاتجينا باندفاع
    هنا ذعار عرف وفهم بس امه وش تقصد محمد مهمووووووووم بس من ايش
    محمد تذكرها كان يسمع صوتها طاح محمد على ركبته وهو يطالع بالبحر خلاص هده الهم كل الي حوله مايفهونه على بالهم نساها
    محمد وكان الصدمه رجعت له من جديد.....
    محمد:هنا ماتت هنا سارت وخلتني ذعار كانت تقولهم تقول للبنات خوالي احبه بس هب عارف ليه انا يبتها هني مره ثانيه كنت عارف ليه انا يبتها هني مره ثانيه كنت عارف انها تعبانه بس هي ترجتني جبتها مع امها هني جلست تطالعني تبتسم ل طول الوقت تسطحت تبا ترتاح لاكنها ارتاحت من هاي الدنيا خمس سنين احسهاويايه ماحسيت انها بعدت عني الا يوم يلست يم وحده غيرها "لف لذعار"ذعار دفنتها بيدي موانا انسانان ماحس يوم انها تييني بالحلم تباركلي يوم ابوه يقول مابا ايي ملكتك لانك تذكرني بها انا شو ماحس انا حبيتها مثل ماهم حبوها ويمكن اكثر شردت رحت السعوديه بس هم كل ما شافوني عذبوني انا شو من دون قلب ولا يقولون كل مانشوفك نذكر المرحومه ابا اموووووووت
    ذعار تقرب منه وجلس على ركبه:محمد ترحم عليها مايجوز اللي تسويه بعرك ورمستك هاي لاعاد تعيدها انت احين بادي حياة يديده انسى الماضي ونحنا عيال اليوم وانت قلتها بنفسك باركت لك يعني هي فرحانه لك
    مروه صج ماعرفها بس شوف كلن يرمس عنها كلن معجب بها صحيح مايرمسونها بس اذا ارمستهم جوف شسوون بيديك تبني سعادتك بيدك يامحمد
    محمد:ماباها هالسعاده احس اني يالس العب عروحي مدام ان الدنيا ماتباني لييه انا اباها؟؟
    ذعار:محمد انا عارف انك ماتقدر تنساها ولاراح تروم انا اباك تخلي كل ماتطريها تطري ذكرى حلوه ببالك صدقني انتى بس عط نفسك فرصه راح تعرف معنى كلامي
    محمد:.................
    ذعار:لو الله مب عارف انه هاي في خير لك ماصار شيدريك محمد يمكن انته تقول هالرمسه الحينه وبعده تتحسف عليها
    محمد:بتصدقني لوقلت لك انا خايف من الباجر خايف اني اطالع نفسي ومافهمها اخاف من هاي الرمسه ذعار مب عارف ليه انا قطعت علاقاتي بكل ربعي مب عارف ليه حاط اني انا منتهي بعدها مالي اخ ولاصديق ولام ولاب احسهم كلهم راحوا تدري كل مارحت لحد قال لاتحبها طب انتوا ساعدوني عسب ماحبها قبل ماطلع امس خذتني امي تدري شو تقولي انت لازم تودر خرابيطك اللي قبل وسالفه حب وماحب ويوم كلمته بادب قامت تدعي على البنت مارديت الا اليوم ماكنت ابي ارمسها دخلت الميلس ياني لبويه وكلمني وقال لازم اروح استسمح من امايه عادي انا بروح استسمح منها بس منو الغلطان يعني نجود لاوهي حيه ولا وهي ميته ريحتني وهي حيه كنت ابي قربها قالوالي بعد ماتخلص دراستها وهي ميته برمسات الناس عنها
    ذعار:حمودانت كيد مو اول مره تسمع هاي الرمسه بس اباك هالمره تحطه بعبالك زين الي صدق نحبه ونغليه وانا حاس بمعاناتك بس بسالك لو انت الي صارلك كل هذا لاسمح الله ونجود هي الي عاشت وسوت الي انتا سويته شو بتساوي بترضى انها تعذ روحها عسب انك رحت وبترضى انها تتزوج وقلبها وعقلها وروحها عند شخص ميت اكي لاء لانك تحبها
    محجمد:بس
    ذعار:لاتيلس تبس بس لي حمود هاي الكلام الي لازم تحطنه فبالك انا ماقولك لاتحبها اوجي لاء انا اقول عيش حياتك الحي ابقى من الميت عط النس كل شئ عندك عسب الناس تعطيك
    بعد فتره صمت طووووووووووووووويله
    محد:مشكور ذعار
    ذعار:ولو نحن عيال عم
    محمد:يوم شفت البحر طلعت الي بدخلي كنت دايم اشرد منه خمس سنين ماسرت البحر بس اتوقع هاي السيره بتغير اشياء وايد بحياتي
    ذعار:انشاء الله"وبعد فتره"ماقلت لي بتسير ويانا البر
    محمد:انشاء اللع يدي لزم علي لازم اسير
    ذعار:عسب يدك يعني بتسير
    محمد:لامو جي بس يدي هو الي قاللي
    ذعار:زين عيل بتشوف اشياء ماشفتها بحياتك
    ..................................................
  5. *مزون شمر*
    26-10-2010, 12:38 AM

    رد: رواية دموع الرجال / للكاتبه صرخة وفا

    رواية دموع الرجال / للكاتبه صرخة وفا / كامله


    حمد: امايه شو نحن هب عياله
    ام حمد:شوهارمسه حمد عيب استح عويهك
    حمد :امايه يعني انا احين يوم قلت رمسه عصبتوا عليه امايه انتي ياليه هني منت حاسه بالنار الي فيني
    ام حمد:تصبر ياوليدي كلها ايام معدوده وكل شئ بينحل
    حمد بصرخه:امايه اي بينحل هاي ابو هاي مايسال عن عياله الا بالشهر مره وادرنهم في ديره وهو في ديره غير ترى انا طفرت اشوف الناس تتكلم عن شهامته وعن كل شئ طب كان خلى شهامته لعياله مو للناس انا رايح له الليله ووبنشوف شو بيصير
    ام حمد تركض ورا حمد الي طالع:حمد حمد حمد ياوليدي حممممممممممممممممد
    جلست باستسلام على حافه الارضيه ودموعها على خدها
    داخل كان التلفون يدق وبدق وبدق
    حصه:الو
    بو محمد:السلام عليمك
    حصه بفرح:وعليكم السلام هلا بالغالي الي رواحشنا شعلومك ابويه شو مسوي وشخبار عمتيه وشخبار اخويه
    بومحمد:ههههه كلنا بخير انتي شعلومج حصيص اندوج بخير
    حصه:واله انا من سمعت صوت بابي بخير والا قبل كنت بموت من الوله
    بو محمد حزن عل ى حالهم: حتى مشتاق لكم وعشان جي اباج الحينه تطيرين تزهبين لج شنط للبر
    حصه:بنروح البر
    بومحمد هيه ياعين ابوج
    حصه بصراخ:هيياه نوروه بنوح البر
    بومحمد:حصه الله يهداج عن الصريخ وعطيني امج ارمسها
    حصه: تامر امر بومحمد ياجسوم انت كم عندنا جسوم نحن واحد
    بومحمد:اشوفج طيحتي الكلافه حصيص
    حصه:من فرحتي والله ابويه هاك اميه شوفها يالسه على الاطلال تبجي ناس غايبين
    بو محمد:عطييني اياها
    ام حمد خذت السماعه:الو
    بومحمد:السلام عليكم
    ام محمد:وعليكم السلام
    بو محمد:ياحلاه هالصوت وراعيته
    ام حمد:تسلم جاسم شحالك
    بومحمد:والله دامني سمعت صوتج بخير شحالج انتي
    ام حمد:بخير
    بو محمد:عندي لج بشاره
    ام حمد:شو هي؟
    بومحمد:تزهبوا بكره بمركم انا وامحمد بنروح البر
    ام حمد باستغراب:ليش انتى قلت لها!!!!!!!!!!!!!
    بو محمد:هيه يلست انا وياها المغرب والفله الي عدال بيتها خذيناه لاحلى ام حمد بالنيا
    ام حمد بصياح:من صجك جاسم تتكلم
    بومحمد:لا ام حمد احنا وش قلتا مانبا صيح من اليوم ورايحام حمد:غصب عني من الفرحه
    بو محمد:شحال البنات:بخير يسالون عنك
    بو محمد:ومتعب وضاري:الحمد الله بخير متعب على البايستيشن وضاري ويا ربعا
    بومحمد:وحمد
    ام حمد:توه طالع ياينك
    بو محمد:شو في
    ام حمد:على نفس العاده عصب من رمسه قالها ريال
    بومحمد:خلاص انا بجوفه تامريني بشئ الغاليه
    ام حمد:مايامر عليك عدو سلامتك وسلامه الي وياك
    بومحمد:انشاء الله يلا مع السلامه
    سكرت ام حمد وطلعت على بناتها وقالت لهم وطاروا من الفرحه واخيرا وجا ضاري معهم وربشهم هو الثاني



    نهاية البارت الثاني
  6. *مزون شمر*
    26-10-2010, 10:48 AM

    رد: رواية دموع الرجال / للكاتبه صرخة وفا

    رواية دموع الرجال / للكاتبه صرخة وفا / كامله


    الجزء الثالث
    حمدان:اف هذا ذعاروه محد يقوله سو شئ شفتوا شلونخلا امايه وشرد ولا مايرد على جواله
    عيسى:قوم خليبنا نييب امك والله انها غامضتني احينه الساعه 10 وبكره بنسير من الصبح
    طلعوا الشباب على بيت ام محمد وخذوا ام ذعار ورجعوا للعبهم وطقتهم ودقوا على ذعار
    ذعاتر:ياهلا
    ماجد:هاي سوا تسويها فامك يالشين
    ذعار:شو سويت انتى وويهك
    ماجد:لاطعنها ببيت عمي والمسيجينه يالسه تتصل عليك ماترد انتى وينك
    ذعار:توي منزل حمود بيتهم
    ماجد:اي حمود
    ذعار:ولد عمي
    ماجد:احلف ركبت مع هاي المغرور تعال بسرعه قول لنا شو صار
    ذعار:ياينكم بسي مارح ارمسكم عن شئ بيي برقد بكره ورانا طلعه بريه جميله
    ماجد:مالت عليك يلا مع السلامه
    .................................................
    محمددخل البيت ولازم اروح لامايه يومين ماشفتها ولا شافتني
    كان البيت كله ظلمه شاف باب غرفه امه مفتوح طل براسه
    محمد:سلام على احلى ام بالدنيا
    ام محمد:يافديتك حمود تعال
    جاها محمد ودنق على راسها وتسطح"انبطح"على الكنبه وحط راسه على رجولها
    ام محمد تمسح على شعر ولدها الطويل:حمود يمه فديتك جذي تسوي بامك يومين ماتشوفها زعلان مني حمود
    محمدخذ يدها وباسها:لزعل من الدنيا كلها ولا ازعل منج
    ام محمد:عيل وينكت فيه
    محمد:/احوط امايه كلمتي مروه
    ام محمد مستغربه منه:لاليش؟
    محمد:تعبانه شوي تبين نرمسها
    ام محمد:وين نرمسها شوف الساعه جم ياوليدي بعدين عيب استح على ويهك
    محمد:شو استح على ويهك هاي امايه هاي مرتي حرمتي
    ام محمد:ولو باجر ورانا طريج واكيد انها نايمه فديتهامحمد:اوه امايه ذكرتيني الله يذكرج بالشهاده
    ونقز من عند امه وراح يكلم عمته ام سراب بانه هو الي بياخذ مروه للبر
    ام محمد حست بتغير محمد ورجوع روحه تدريجيا حمده ربها
    محمد نزل لتحت يوعان يبي ياكل له شئ وسمع صوت الباب منو هذا الي بيجي في اخر اليل
    راح محمد عند الباب وفتحه شاف شاب واقف بتوتر على الباب
    محمد:هلا الشيخ
    حمد:هلا محمد شخبارك
    محمد: انا حمد لله بخير
    "محمد بخاطره لايكون هذا واحد من عيال عمي"
    حمد:ابوي موجود"كان مبين انه طلعها بعد صراع"
    *ايه موجود هلا بحمد هلا بوليدي الغالي
    حمد جا وحب راس ابوه:اشحالك ابويه
    بو محمد:دامك انتى بخير دومي بخير
    ومحمد يطالع مفهي
    حمد:ابويه انا..............
    بو محمد:تعال حمد سلم على اخوك الكبير محمد
    حمد سلم على محمد ووقفوا جمب بعض بو محمد شافهم كانوا يشبهون بعض بشكل كبير ومبين انهم اخوان
    بو محمد وهو يدخل:تعالوا ويايه ثنيناتكم
    محمد:امشه لالحين ايينا يمطنا من كششنا هههه
    كانوا محمد وحمد مربين شعر وتقريبا نفس بعض ودخلوا داخل بومحمد قالهم القرارالجديد فرح حمد لانهم من متى يستنى هذا القرار
    .................................................. ....................
    من اذان الفجر راح بو محمد يجيب مرته هو وحمد وام محمد
    واول ماوصلوا عند باب البيت دقوا الجرس وانفتح الباب
    ضاري:هلا والله بشيبتي هلا والله بالشيخ جاسم
    بو محمد:هلا فيك شحالك ضاري
    ضاري:بس شفتك صرت باحسن حال
    سلم ضاري على مرت ابوه وعلى اخوه حمد وبعد مادخلوا
    ضاري يصارخ:امايه امايه يام حمد
    ام حمد بخوف :شو؟شنو صاير ضاري
    ضاري:ابويه روحي استقبليه
    بو محمد:اقول ضاري شرايك تسير تعاون اخوك وتشلون الاغراض
    ضاري:على هالخشم جم عندي انا بو محمد واحد
    طلع ضاري وراح ورا اخوه
    ام حمد:هلا بام محمد شحالج
    ام محمد: بخير ياعلج للخير شحال عييلج
    ودخلوا على داخل وابو محمد مبتسم حتى ماسلمت عليه ام حمد وين قبل تاخذه بالاحضان وتتبجى طلع لاعند عياله
    .................................................. ............
  7. *مزون شمر*
    26-10-2010, 10:48 AM

    رد: رواية دموع الرجال / للكاتبه صرخة وفا

    رواية دموع الرجال / للكاتبه صرخة وفا / كامله


    كل العوايل مشت بتوقيت واحد الا محمد الي راح يقضي كم شغله وبياخذ مروه ويلحقهم
    في سياره بو ذعار
    كان معاه ماجد وغرام وام ذعار
    غرام:عاد مجودي حبيبي بتخليني اسير وياك يوم انك بتحوط بسيارتك
    ماجد:حلفي والشباب الي ويايه
    غرام:بعد ماتخلص منهم يلا عاد اعرفك ماراح ترفض لي طلب
    ماجد:هاي مشكلتنا نحن عيال بو ذعار نقطه ضعفنا هاي البزايا
    غرام:شتسوين ماتصبرون عني فديتني
    بو ذعار:اقول يام ذعار شو صار على مرت بو محمد
    ام ذعار :رمسناها بالاول مارضت واحتجت وسوت جي سوالف بس كلها فتره وردت لنا قالت انا ابسير لها اونه طاح الحطب وهي مسامحتنه وماتبا تحرمه من عياله وحرمته
    بو ذعار:الحمد لله
    غرام لماجد:شو صاير عن شو يرمسون؟
    ماجد:مادريتي عندج بنات عم ثانين ولا يقولو لج بيون وياج البربعد
    غرام:بصير انا صديقتهم
    ماجد:هههههه متحمسه
    ....................................
    في سياره ذعار
    كان فيها حمدن وشروق وشوق الصغيره بنتها
    شوق:ماما لا تثيحين"لاتصيحين"
    ذعار:شروق بسج عاد كل هذا عشان مجاهد بيي
    شروق:اونتوا هب حاسيين فيني انا ماجوفه كفايه انه يرمسني عسب يسال عن بنته
    حمدان:عيل شو يعني تبين تحرمينه من بنته
    شروق:انا ماقلت جي
    ذعار:شروق هالشئ لانتي لج يد فيه ولاهو
    شروق:احينه بعد سنتين بشوفه ذعار انتوا يمكن نسيتوه ونسيتوا الي صار بس انا مانسيته
    ذعار:منو قالج نحن نسينا شئ بس نحن عارفين اه هاشئ انتي طالبتنه وصار برضاج انتي
    حمدان:وبعدين ليه هالدموع مو انتي اتلي قايله حق مجاهد نحن مبتعدين مرتاحين وهذا انتوا عايشين حياتكم ولاكان شئ صاير شئ ويوم جاوقت تلتقون قمت تتبجبجين
    شروق بخاطره تقول
    "بلاك ماتدري ياخوي ان اختك اعرفت انها رجعت البيت بلا روحها واخر شئ اكتشفت ان حبها نساها حبهخا طليقها نساها"
    .................................................. .......
    بسياره مجاهد
    كانوا كلهم فيها مجاهد وجهاد وام مجاهد ياسمين نسرين
    بس الي كان يسوق كان جهاد لان مجاهد طاح على الدرج ويده اتكسرت
    ام مجاهد:هاه ابويه مجاهد بنتك بتي ويانا ولا باجر
    مجاهد بتعب:والله مادري امايه احسين اذا وقفنا عدال المحطات شفتها
    جهاد:شقا ماتدري
    مجاهد:وانا شو دراني حنا ماشفناهم وماحد كلمني وسالته
    ياسمين:طب ارمسهم تخبرهم
    مجاهد دق على ذعار
    مجاهد:هلا ذعار شحالك
    ذغار:بخير شو تبا داق ماعندك سواقه تعابلها
    مجاهد:بل خذيتني بشراع وميداف بعدين انا هب داق عسب سواد عيونك
    ذعار:ومن هاي للي له عيون سود غيري
    مجاهد:والله هاي اللي ملكت قلبي وعقلي وروحي حلوه وتخبل واسمها يبدا بحرف الشين
    ذعار تبلعم وماعرف يتكلم هذا شاعد يخربط لايكون ناسي اني اخوها
    مجاهد:هيييييييييييييييييييييه وين رحت يابو الشباب وين بنتي عطني ارمسها
    ذعار:اي بنتك قلت لي تبي شوق
    مجاهدكهيه
    ذعار:شواقه حياتي تبين بابا
    شوق خذت السماعه
    شوق:بابا حبيبي
    حمدان:هههه والله تعرف ترمس
    مجاهد:هلا بحب بابا
    شوق:بابا ماما تثيح"تصيح"
    شوق فتحت عيونها على وسعهن
    سكت مجاهد
    شوق:بابا المثك "ارمسك"
    مجاهد:ها حبيبي اذا وصلنا يتج حياتي طيب
    شوق:وناثه"وناسه"
    مجاهد:باي بابا
    شوق:باي
    عم الصمت حولين الكل
    جهاد:شو فيك
    مجحاهد:مافيني سير بسرعه عسب نلحقهم
    .................................................. ....................ززز

    محمد كلم عمته وقالت له انهم مشوا ومابقى الا مروه لانه هو الي بيجيبها فتحت له الباب الخدامه ووهو كان وياه ورده حمره
    الخدامه تطالعه وتطالع الورده الحمرا:نعم سنو يبقى
    محمد:شنو؟اقول وين مروه
    الخدامه:ماما مروه نوم بئدين انته شنو يبقى في ماما مروه هاه
    محمد:اها قلتي نوم طب دليني حيرتها
    الخدمه فكت عيونها:لاوالله منو انتي عشان انا ودي
    محمد:انا محمد>>>>والله صبره طويل
    الخدمه تطالعه من فوق لتحت:انتى مهمد زوج مال مروه
    محمد:هيييه
    الخدامه:والله هلووووووو
    محمد:وديني لمروه
    خذته لها
    وقف عند باب الحجره وهو ماسك الورده وطق الباب ولاصوت وطق مره ثانيه سمع صوتها المبحوح
    مروه:سراب فديتج خلاص عرفت انكم سرتوا
    محمد ضحك عليه وفتح الباب وشافها متكوره على نفسها قرب منها وحرك الورده على خشمها
    مروه:اممممممم
    محمد فيه الضحكه على شكلها وقعد يزيد الحركه الين ماقامت على طولها وحطت يدها على خصرها
    مروه:سرابوه بس خلا......."وانصدمت من الي جالس جمبه بالفراش"
    محمد يجلسها "جر يدها":صباح الخير"ومد لها الورده"
    مروه مفوله:انتى شو تسوي هني
    محمد:حلوه هاي شو تسوي هاي واحد ياي لمرته يعني لشو ياي
    مروه:اها طب ليه مارمستني قبل
    محمد:والله خذيت الاذن من عمتي
    مروه:وليه انتا ياي حق عمتك
    محمد:لاوالله انا ياي اخذ حرمتي
    مروه:احلف وعوين انشاء الله
    محمد:والله وبعدينه مارمستج عمتي اني ياي بشلج ياي البر
    مروه:لاء
    محمد:طب يلا بسرعه تزهبي وانا بنطرج تحت
    مروه:انشاء الله
    ..................................
  8. *مزون شمر*
    26-10-2010, 10:49 AM

    رد: رواية دموع الرجال / للكاتبه صرخة وفا

    رواية دموع الرجال / للكاتبه صرخة وفا / كامله


    وصلو للبر وكانوا اخر الواصلين ام مجاهد وعيالها وانصدم الكل بيد مجاهد
    شوق:بابا من ضرباك
    مجاهد:محد ضرباني انا طاحيت
    شوق:ياورك
    مجاهد:شفتج حبيبي راح الالم
    شوق تحضن ابوها اللي شلاها بيده اللي مب مكسوره ومشى لهم وسلم عليهم وجلسوا شوي
    شوق:بابا ابا اثير بلا"ابا اسير برا"
    مجاهد:قومي حبيبي
    وشالها مجاهد وجلس معها على الارض ويلعب معها الين حس بعمره تعب
    مجاهد:يلا حبيبي خلينا نسير لهم
    شوق:ابا العب
    مجاهد:حبيبي بعدين بيي انا وانتي هني انالا تعبت حبي
    شوق:يلا
    شلاها مجاهد وهو يمشي شاف اخر وحده كان يتوقع يشوفها لمعت دمعه بعينه ونزل راسه
    شروق مسحت دموعها الي سالت وهي تطالعه يده المجبره
    مجاهد:شحالج شروق
    شروق:بخير
    غريبه كيف ينساني وطعن قلبي المسكين
    والاغرب ماخذ قلبي معاه بدنيته زينه
    بعد ماغاب عن عيني تواجهنا عقب سنتين
    وقفت ودمعتي سالت واشوف الدمع في عينه
    حبيبي قرب وشوف الحزن باين على الجفنين
    وشوف شصار بالدنيا عليها شوفنا شينه
    حزينه وناسه تسال حبيبك يالمعذب ويين
    اجاوبهم يجي باجر يجيني يوفي بدينه
    شوق:بابا ليه تثيح منو ذعلاك
    مجاهد:محد زعلاني حبيبي يلا سير عند ماما
    شوق:مابا الوح ابا ايلس ويالك
    مجاهد خذها ودخل الخيمه الرجال وشاف ذعار يطالعه
    ذعار:مجاهدشو اللي حادنك تشل هالبزايا
    شوق:انتى بزاي
    ذعار:لانتي
    شوق بصراخ لانتتتتتتتتتتتتتتتتتتتتتى
    ذعار:حشا بطت لي اذني
    شوق تطلع لسانها:احثن
    ذعار:هاي الي ماعندها مذهب
    ت\دخل حمدان :خلاص خلها بحالها "لف على مجاهد"شو فيك مجاهدج
    مجاهدكام مغمض عيونه ومسند راسه وبنته بحضنه
    مجاهد:.................
    حمدان:مجاهد
    مجاهد فتح عيونه:هلا"وباس بنته"
    حمدان شو فيك
    مجاهد:ماشي
    ذعار:انا بسير هات بوديها لامها
    مجاهد:لاسير انا اباها
    طلع ذعارلف حمدان عليه
    حمدان:ليه انتوا جذي
    مجاهد:منو؟
    حمدان::انتى وشروق على الاقل عسب بنتكم
    مجاهد تنهد:انا اباها بس انتى شوفها شو سوت وهي ماتباني ليه اغصب روحي عليها
    حمدان:كل واحد يقول الثاني مايباه
    مجاهد نزل راسه
    حمدان:انت ارجع تقدم لها والله ماراح ترفضك
    مجاهد يصيرؤ خير
    حمدان:الا ماقلت لي من شو يدك انكسرت
    مجاهد:طحت من الدري
    ............................

    نهاية البارت
  9. *مزون شمر*
    26-10-2010, 10:50 AM

    رد: رواية دموع الرجال / للكاتبه صرخة وفا

    رواية دموع الرجال / للكاتبه صرخة وفا / كامله


    الجزء الرابع
    ضاري:شوتبين انتي
    حصه:برتقال
    ضاري:وانتي؟
    نوره:نفسها
    نزل ضاري يجيب لهم الي يبونه طبعا البنات ركبوا معه والباقي مع بو محمد
    بنفس اللحظه وبنفس المحطه وقفت سياره محمد
    محمد:هاه مروه شو تاكلين
    مروه:مابا شئ
    محمد:شو ماتبين شئ انتي على لحم بطنج طب انتي شو تحبين؟
    بهذي اللحظه دق جوالها شافته
    مروه:نعم خير شوتبين
    سراب:بل شو فيج
    مروه:هاي سواه تسوونها فيني سرابوه
    سراب:شوسوينا
    مروه تطالع محمد\:بعدين اقولج انتي وهالويه
    مط محمد الجوال منها:السلام عليكم
    سراب ابتسمت:هلا وعليكم السلام
    محمد:شحالج سراب
    سراب:بخير
    محمد:اقول سراب اختج هاي شو تحب تاكل
    سراب:تحب كورسن اممممممممممم و عصير برتقال
    محمد:هيه مشكوره هاي اختج اونها ماتبى تاكل
    سراب:مستحيه يمكن والا مرةه تحب الاكل
    محمد:اها تحب الاكل طب هاج اختج اشوفها بطلت عيونها
    عطى محمد مروه الجوال وراح يجيب الفطور
    مروه:سرابوه مع السلامه
    سكرت مروه مهي منقهره من اختها
    محمد دخل وبدخلته دعم في شخص وطاحت الاغراض منه نزل محمديشل الاغراض وذاك الرجال جلس يطالعه ويبتسم
    شكله ماعرفني
    محمد:السموحه منك الريال كنت مسرع
    الريال:اشحالك محمد
    محمد طالعه اكيد يمزح شكله يعرفني يانه اخوي ضاري الي مابعد شفته او واحد من عيال عمي
    محمد:والله شكلي غبي كل ماشفت احد سالته منو؟
    الريال:انا طلال ولدعمك بو هلال
    محمديواجهه:حياك الله اسمح للي بس للحينهماحفظت اشكالكم بس انشاء الله الاسبوع الياي بنداوم بالشركه وبنحفظكم
    طلال:انشاء الله الامع منو ياي
    محمد:مع الاهل وانتى
    طلال:لانا سبشل هلي رايحين من زمان بس الصراحه تمشكلت فيهم طلال وانتى ياي ييب وياك جي وطلال ييب جي حومواجبدي
    محمد:ههههه
    *شحالك حمود
    محمد لف:هلا الشيخ منو من عيال عمي
    الريال:وييه خييبه ماعرفتني
    طلال:انتى مومن عيال عمومتي
    الريال:وي شكلكم ماسمعتوا عن ضاري
    محمد يواجهه:هلا والله بضاري
    ضاري:هلا فيك اخوي العود شحالك
    محمد:بخير وشحالكط انتى ويامنو ياي ابويه وياك
    ضاري:ابويه سبقني وانا ياي ويا حصه ونوره انتوا ويامنوا
    طلال:نحن شفنا بعض هني
    ضاري:اها عيل خل نمشي مع بعض
    محمد:خلاص انتوا سبقوني وانا ياي بعدكم
    راحوا ضاري وطلال الي خذوا على بعض
    ضاري:هاي حصوه
    حصه طالعته:وعليكم السلام شوفيك تاخرت نوروه خمدت
    ضاري:ماشي بس شفت حمود وطلال ولد عمي هاي هو ويايه بيسلم عليج
    طلال شحالج حصه
    حصه:حمد لله شحالك انته
    طلال:حمدلله بخير
    ضاري:نوره نوره
    نوره:هممم
    ضاري:يلاقومي شوهالنوم
    نوره:..........
    كان طلال يطالعها يبتسم كان بخاطره يخرعها بس سبقه ضاري
    ضاري:اقول حصوه مافي غرشه ماي خليني اسبحهها
    نوره نقزت:افففف وانتى ماعندك الاتقويمه الخرعه
    ضاري:شو اسوي بج قومي سلمي على ولد عمج
    نوره:هلا السلام شحالك
    طلال:وعليكم السلام بخير شحالج انتي
    نوره:بخير
    طلال:يلا ضاري واناسيارتي شوف حمود ياي
    ضاري:يله
    محمد:شاف مروه بتفتح باب السياره راح لها
    محمد:مروه شو فيج
    مروه حاطه يد على واليد الثانيه متمسكه بالباب:برجع
    محمد مسكها وقفها على جمب طلعت الي في بطنها حست بدوخه مسكها محمد بيدينه ومشاها لين السياره
    ضاري جاي:سلامات
    محمد:لابس مروه شوي تعبانه بسير وياها المستشفى
    ضاري:سلامتها ماتشوف شر نسبقك
    محمد:هيه
    .................................
  10. *مزون شمر*
    26-10-2010, 10:50 AM

    رد: رواية دموع الرجال / للكاتبه صرخة وفا

    رواية دموع الرجال / للكاتبه صرخة وفا / كامله


    سراب:ههههههههههه مسكينه
    احلام:منو
    سراب:مروه اختي
    ياسمين:شنو فيها
    سراب:ياخي ماتستلطفها وتسالين عنها شو هاي
    اروى:سراب
    سراب بنرفزه:نعم
    اروى:شو هارمسه
    سراب:والله هاي الرمسه الصح تكرهها
    ياسمين:هيه اكرهها منو تكون عسب احبها
    اروى:خلاص شوفوا الكل قام يطالعنكم
    سراب:خلوني اسير برا احسن احس بخنقه
    ......................................ززز
    طلعت سراب وهي تمشي شافت العيال جالسين على الارض يسولفون طالعت فيهم وابتسمت بحزن يوم مرت عينها على هلال ولد خالها متى ياهلال تجي متى
    ..............................
    محمد غطى مروه بجكيته الي كانت نايمه من طلعوا من المستشفى وهي نايمه دق جواله
    محمد:الو
    ضاري:هلا محمدشخبارها مروه
    محمد:الحمدلله زينه هذا نحنه جيين انتوا وصلتوا
    ضاري:هذا نحنه تونا داخلين
    محمد:اها كلهم عندك
    ضاري:هييه
    محم:خلاص اذا وصلت وضيعت بدق لك
    ضاري:خلاص ترى ابويه يبا يرمسك دق له
    محمد:هيه توني مرمسه
    ضاري:اها يلا مابطول عليك
    محمد:يلا مع السلامه
    ..........................
    حمد:ضاري
    ضاري:هلا حمد
    حم\:شورايك بالي صار
    ضاري:كل شئ صار بسرعه عسب جي هب عارف كيف افكر
    حمد\:احس اني مومصدق
    ضاري:وانا اكثر عنك بس ماقلت لي شورايك باخونا العود
    حمد:بصراحه حسيته مصدوم
    ضاري:انا قلت شو رايك فيه ماقلت شو حسيت شعوره
    حمد:خخخخخخخ طيب فيه حنيه وانشاء الله ربي يعينه على حياته اليديده ويطلع من الحزن
    ضاري:احسه يبتسم للناس ومب عارف انه ابتسامته لبعض الاشخاص لها معاني وايد
    حمد:جيف؟؟؟؟
    ضاري:يعن اليوم يوم اني شفته كان يبتسم للناس ومب عارف انه ابتسامته كان فيها نوع ن الالم
    حمد:تتوقع ليه يعني واحد توه مملك ليه حزين
    ضاري:يمكن بعده مانسى نجود بعدين انته شفت الضغط عليه جيف
    حمد:تحسه مايبا بنت خلتك
    ضاري:مو مايباها لاهو رافض الزواج كمبداء
    يعني واحد ماتت الي يحبها وخمس سنين ماحد عرف يطلعه من الحزن صعبه يتاقلم مع الحياه اليديده
    حمد:طب تتوقع انه راح يتاقلم
    ضاري:هذا يعتمد عليه اذا هو كافح وجاهد عشان ينسى الماضي بيتاقلم واحتمال كبير يحب مروه اما اذا خلى نفسه محبط بمحبط اتوقع يعني والله لايقوله مارح تتاقلم
    *شو عندكم يالسين هني ولاعندكم اسرار
    حمد:هههه لاشو اسرار بس يالسين جي
    ضاري:حياك مجاهد
    مجاهد جللس وبحضنه بنته:شو رايكم بها الملاك
    ضاري:بصراحه انا قلت بجبر بخواطركم وبتزوجها
    مجاهد:احلف طايحه بجبودنا على بلك
    ضاري:قلت جي عسب ماتطيح بجبودكم اخلصكم منها
    مجاهد:اسف ماظمن لبنتي مستقبل وياك
    ضاري:اسف هاي وين بتصرفها عن يدي
    مجاهد بحزن:هييييييه والله وين بصرفها
    .................................................. .......................
    كانوا الحريم سوالف وضحك
    حصه:نوروه
    نوره:هلا حصوه
    حصه:شوفي يدتي كيق تطالعنا
    نوره:هييييييييه من مساعه وهي تطالعنا جي
    اليده:اقول بنات جاسم منو فيكم حصوه
    الكل ضحك على الجده من بدايتها حصوه
    حصه:انا يدوه
    اليده:هييييييييه ماشاء الله عليج ادب وجمال على يدتج


    نهاية البارت
1234567891011 ...