12

الكويت

الشعر, قصيدة , شعراء, القصايد ارسال إلى Twitter ارسال إلى facebook
  1. سلطان الشمال
    18-10-2010, 01:51 PM

    الكويـــــــــــت

    الكويت


    نامي .. وحنا نسهرك .. لاتضيقين
    العيد باكر يحتفل بك ل حالك

    نامي .. واذا كف الغدر صار كفين
    نكسر يدين اللي بشره نوالك !

    من يجرحك منبوذ من ملة الدين
    خاين وماشي في طريق المهالك !

    شيطان اظنه لو لحق بالشياطين
    ( عابث ) ولايقدر ينقص كمالك !

    ندفن شرور الشرذمه والمعادين
    مايجرحون أرضك وحنا عيالك ..!!

    انتي فداك الروح ياقرة العين
    وقلوب شعبك كلها لك .. فدالك !

    دم الشهيد اللي روى هيبة الطين
    للحين نشرب عزته من رمالك

    روح الأسير تفوح بارضك وتبقين
    دار حضنتي شيمته في ظلالك

    اسمك " كويت " وموطنك نعرفه زين
    طيبة جنوبك من كرامة شمالك

    والخير ياأم الخير واضح من سنين
    ياما عطيتي .. الكرم راس مالك !

    شوفي بناتك صيتهم بالميادين
    والأرض تفخر في شجاعة رجالك !

    هبي على وجه العدو لاتضيقين
    والله لو يطمع عدوك ماطالك

    فلي جديلك عيد " خم25سه وعشرين "
    رفرف يغني في غلاك ودلالك

    شعبك يعيش بفرحة العيد عيدين
    نصر وبطولات اهتفت باحتفالك

    نامي ..
    وحنا نسهرك .. لاتحاتين
    نقطع يمين المعتدي لا نوالك !

    العيد باكر يحتفل فيك .. والحين
    زيدي فخر يادار حنا عيالك




    فديتك والله يالكويت


    منقووول الشاعرة خلود البراري
  2. الجريح.
    18-10-2010, 01:57 PM

    رد: الكويـــــــــــت

    الكويت



    اسمك " كويت " وموطنك نعرفه زين
    طيبة جنوبك من كرامة شمالك

    والخير ياأم الخير واضح من سنين
    ياما عطيتي .. الكرم راس مالك !



    سلمت اناملك في خطها
    ولا فض فوك
    قصيدت ترتقي هامات العلا
    ذوق جزل بكل معاني الجزاله

    اخيك الجريح.
    من مواضيع الجريح. : (::) خذني معك يا طير لحظة تونا
  3. طير القوافي
    18-10-2010, 01:59 PM

    رد: الكويـــــــــــت

    الكويت



    دم الشهيد اللي روى هيبة الطين
    للحين نشرب عزته من رمالك

    روح الأسير تفوح بارضك وتبقين
    دار حضنتي شيمته في ظلالك


    الله الله

    صح لسانك ولسان الشاعره
    قصيده جزله ورائعه
    ابدعت اخوي الغالي ومو غريب عليك الابداع
    ماشاء الله عليك ذوق شاعري وحساس

    مودتي
    طير القوافي
  4. المالكي
    18-10-2010, 02:00 PM

    رد: الكويـــــــــــت

    الكويت


    والله احلى ابيات اسمعها
  5. queen
    18-10-2010, 02:03 PM

    رد: الكويـــــــــــت

    الكويت


    المشاركة الأصلية كتبت بواسطة
    انتي فداك الروح ياقرة العين
    وقلوب شعبك كلها لك .. فدالك !

    دم الشهيد اللي روى هيبة الطين
    للحين نشرب عزته من رمالك

    روح الأسير تفوح بارضك وتبقين
    دار حضنتي شيمته في ظلالك

    اسمك " كويت " وموطنك نعرفه زين
    طيبة جنوبك من كرامة شمالك

    والخير ياأم الخير واضح من سنين
    ياما عطيتي .. الكرم راس مالك !

    صح لسانها ولسانك إخوي سلطان الشمال
    مافيه أجمل من الكتابة عن الوطن
    إختيار مبدع إستمتعت بقراءة هذه الأبيات
    دمت كما أحببت


  6. ميموا الحلوة
    18-10-2010, 02:45 PM

    رد: الكويـــــــــــت

    الكويت


    يسلموا مره روعة
  7. عانقتني حسرتي
    18-10-2010, 07:26 PM

    رد: الكويـــــــــــت

    الكويت


    صح لسانك ولسان الشاعره

    قصيده رائعه

    تحياتي
  8. new moon
    19-10-2010, 08:21 PM

    رد: الكويـــــــــــت

    الكويت


    فديت ترابج يا الكويت ،

    عساك عالقوة يا سلطان ،، ابيات ولا اروع ، صح لسانك ولسان شاعرها
  9. لعيوونها
    20-10-2010, 01:17 AM

    رد: الكويـــــــــــت

    الكويت


    ذكرتني بقول سلطان الهاجري

    قال الكويت الحبيبه روحت يافهد
    ولاغيرك احدن يبشرني بعقلانها

    تقبل مروري والقصيده جميله
  10. @@@فراولة@@@
    20-10-2010, 02:12 AM

    رد: الكويـــــــــــت

    الكويت


    واو
    سلمت اناملك الرقيقة ياسلطان
    كلمات في قمة الابداع والرررررررررررررررروعة
    سلمت يمناك الدهبية ياسلطان الشمال
    ننتضر جديدك
    فراولة
12