وكر حر تحت بومه

queen

Well-known member
وكر حر تحت بومه

السلام عليكم ورحمة الله وبركاته

أسعد الله أوقاتكم

أبيات شعرية جميلة قرأتها وأحببت أن أشاركم إيها لعل وعسى تنال
ذائقتكم الشعرية



وكر حر تحت بومه







يقولون ماللعبد بد عن المقسوم . .. ... وأنا أقول صح ويقنع العبد مقسومه



عسى الله يعين اللي توافد عليه إهموم . .. ... هموم تخلي طبلة الراس منجومه


ترى والله انه مايكدر عليك النوم . .. ... سوى كلمة من بعض الاصحاب مسمومه


إلياجت من الغالين وإلا الرخوم رخوم . .. ... ولا أمحق من الغالي إليا شانت علومه


ضعاف الروابع تبتلش والقروم تشوم . .. ...ولاهي بلاشيمة من الشيم مليومه


ولا أزين من القاع الخلى والوجيه سلوم . .. ... ولا رفقة بعد طول الايام ملغومه


ولا ألذمن عشرة شريف من أقصى القوم . .. ... .. . يبادلك فعل الطيب معناه وسلومه


ولا شفت في جو الصداقه غبش وغيوم . .. ... .. . عطيت الدروب اللي مع الارض مرسومه


ولا مثل عز النفس لو مامعك مطعوم . .. ... .. . وعن أهل الشماته خل الاسرار مكتومه


معي لو سمحت شوي عقب عداك اللوم . .. ... .. . أبعطيك عن بعض الرجاجيل معلومه


ترى اللاش لو وقف معك في حياته يوم . .. ... .. . تشوف الردى متبين فيه منيومه


وأنا أقول لو إن في وجيه الرخوم وسوم . .. ... .. . عرفنا نميز قيمة النذل بوسومه


علشان نجلس مع رجال الوفى ونقوم . .. ... .. . ونبعد من اللي عند الاجواد مذمومه


وأنا أسمع مع أهل التجربة في الحياة علوم . .. ... .. . بعضها صحيح وبعض الاخبار موهومه



يقولون وكر الحر ما يعتليه البوم . .. ... .. . وأنا شوف عيني وكر حر تحت بومه


دمتم سالمين


.
 
التعديل الأخير بواسطة المشرف:
رد: وكر حر تحت بومه

كوين
*.,
*.,



تعودنا الجمال والذوق في كلماتك
وهاأنت تتحفنا بهذه الرائعه
كلمات ومعاني جميله جدا وفكر ذواق

شكرا بحجم الكون لروعة اختياراتك وتألقك الدائم

دمت بقلب نابض


فيض
 
رد: وكر حر تحت بومه

كلمات جزله ولها معاني عظيمه
دائما مبدعه وتنتقين الافضل والاجمل
يعطيك العافيه​
 
رد: وكر حر تحت بومه

وأنا أقول لو إن في وجيه الرخوم وسوم . .. ... .. . عرفنا نميز قيمة النذل بوسومه



علشان نجلس مع رجال الوفى ونقوم . .. ... .. . ونبعد من اللي عند الاجواد مذمومه



أبيات غايه في الجمال والروووعه
تسلم الايادي غلاتي ع عذوبة ذائقتك
كل المنى
 
رد: وكر حر تحت بومه

كوين
*.,
*.,



تعودنا الجمال والذوق في كلماتك
وهاأنت تتحفنا بهذه الرائعه
كلمات ومعاني جميله جدا وفكر ذواق
شكرا بحجم الكون لروعة اختياراتك وتألقك الدائم

دمت بقلب نابض



كلمات جزله ولها معاني عظيمه​


دائما مبدعه وتنتقين الافضل والاجمل

يعطيك العافيه



وأنا أقول لو إن في وجيه الرخوم وسوم . .. ... .. . عرفنا نميز قيمة النذل بوسومه



علشان نجلس مع رجال الوفى ونقوم . .. ... .. . ونبعد من اللي عند الاجواد مذمومه


أبيات غايه في الجمال والروعه
تسلم الايادي غلاتي ع عذوبة ذائقتك
كل المنى

فيوض & جاكي & علاوي 82

الله يسلمكم ويعافيكم من كل مكروه
الله يسعدكم يارب
أسعدني تواجدكم الأكثر من رائع

x.png



.


 
عودة
أعلى