اخر مراسيلي

آخر مراسيلي

يا من عشانك فتحت اخر مراسيلي
ماعاد اشوفك .. تمرينه مثل دايم !
العام .. قدام خطواتي وقفتي لي
وانا من اول عن دروب الهوى شايم

واليوم كن اقرب اوجاعي تغني لي
عن الجفا عنك.. عن تنهيدة الهايم

في ذمتك يا بعد هالناس قولي لي
الى متى مبعدين .. وجونا غايم !

عين انتظارك تلاطفها مناديلي
اجل وش يقول من في دمعها عايم !

لو شوفك بحلم ليلي .. اه يا ليلي
كان امنية عمري : اني دائما نايم

ماني بمجهول حتى اخفي تفاصيلي
تدرين ليه انكسر لك طيري الحايم

في سوق غيرك ما انشد وش محاصيلي؟
والله لا بايع ولا شاري ولا سايم

صبرت .. لكن مدري ويش باقي لي
واليوم ماعاد في صبري ( Over Time )

عن العتب صمت في رجوى مقابيلي
لا تجرحين الصيام ويفطر الصايم

كانك خذيتي بعضك ولا رجعتي لي
ما دايم الا الله الواحد هو الدايم

عيني ذبحها السهر لين اتعبت حيلي
لو تشتكي منه .. والله مالها لايم


قصيده للشاعر: مشعان البراق

اتمنى تعجبكم
 
رد: آخر مراسيلي

صح لسانه وتسلم يمناك إختي على النقل المبدع

سلمت لنا ذائقتك الشعرية الرائعة

دمتي بخير
 
رد: آخر مراسيلي

في ذمتك يا بعد هالناس قولي لي
الى متى مبعدين .. وجونا غايم !

عين انتظارك تلاطفها مناديلي
اجل وش يقول من في دمعها عايم !

أعجبني هالبيتين حيل
ابيات جميلة صح لسانه وسلمت يمينك
على النقل الرائع والذي يدل على ذوق أروع

تقبلي مروري
 
رد: آخر مراسيلي


ماني بمجهول حتى اخفي تفاصيلي
تدرين ليه انكسر لك طيري الحايم

في سوق غيرك ما انشد وش محاصيلي؟
والله لا بايع ولا شاري ولا سايم


صح لسانك ولسان الشاعر
لاهنتي
 
عودة
أعلى