123

ديوان الشاعر / سداح العتيبي

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. طير القوافي
    24-09-2010, 10:18 AM

    ديوان الشاعر / سداح العتيبي

    ديوان الشاعر / سداح العتيبي


    ديوان الشاعر المبدع والمتالق بكل جداره
    الا وهو الشاعر / سداح العتيبي

    لا اعلم عنه سوا قصائده التي تحيي وتبث الاحاسيس الينا وهي كافيه عن المعرفه ..




    تحصن مير ماعندي مناعه
    يستر الله من دواي ومن طبيبي
    خاطري مشحون من كثر إلتياعه
    يجحد العله وأنا جرحي عطيبي
    منكسر ما بين حبسه وإندفاعه
    و واقف بين المنادي والمجيبي
    وأنت يا اللي بيني وبينك طماعه
    لا تسلمني ظنوني وأتغدي بي
    فرد جروحي ليا جاتك جماعه
    ولا تخليها تجمع لين أطيبي ؟
    لا تجاملني وحبك عن قناعه
    ما غصبتك بالمحبه تنتحي بي
    فيك روعه للغرام .. ومنك راعه
    وأصدق العشاق مقطوع النصيبي !
    سم وأسلم وأبشر وسمع وطاعه
    ضارب سمعي على صوتك صليبي
    راح قلبي مثل أخوك من الرضاعه
    ورحت عني لا بعيد ولا قريبي
    ما لحقني شك غير من القطاعه
    يا الله أقطع ف الهوى شكي وريبي
    لا تقول الحب يبغا له شجاعه
    وأنت يا طيبك .. وأنا يا طيب طيبي !
    حافظ تاريخ ميلادك وداعه
    والزمان يدور والعمر يعدي بي
    كل عام وكل يوم وكل ساعه
    وأنت طيب ومتعافي يا حبيبي
    وألا أنا عمري يخلف الله ضياعه
    كل ما عيد شبابي .. عاد شيبي
    سيدي كل بطبعه وإنطباعه
    كان ما طريت جيبك طر جيبي ؟
    وأعتبرني شاعر وراعي بضاعه
    يابس عرقي على الغصن الرطيبي
    وأن سمعت اللي يطيب إلك إستماعه
    قول صح لسان سداح العتيبي
  2. طير القوافي
    24-09-2010, 10:19 AM

    رد: ديوان الشاعر / سداح العتيبي

    ديوان الشاعر / سداح العتيبي



    لين جناب الود يا لين العود
    وألطف وأساليب المحبه عديده
    خل القسا لاهب تستاقه النود
    وأحذر بعد ما ساقته تستعيده
    بإسم الوفا والحب والطيب والجود
    الصح عيده والخطا لا تعيده
    عليك حل الحبل والحبل معقود
    تعقدت روس الحبال الجويده
    وراك ساكت والسما بروق ورعود
    والليل موحش والهبايب شديده
    مدري حداك الصمت وأصبحت محدود
    وألا أن صوتك فيه نبره جديده
    تنقل كلام شفاك بعيونك السود
    وفي كل نظره منك .. جمله مفيده
    كم قلت لك مأمون والسد مسدود
    والشك زايل والهقاوي بعيده
    خوفي من اهل الرقص والنقص والزود
    وبثي يا إذاعه وأنشري يا جريده ‍
    قلبي لهد كبدي وعبرت ملهود
    وأنته حجر قلبك وكبدك حديده !!
    خليتني بالشعر حاوي ومردود
    وعلقتني في باب بيت القصيده
    وتعبت أغني فيك يا باشة الخود
    مما بدالي .. ما بقا لي شريده
    جوارحي لرضاك مقتادها قود
    تقول حاكمني بشرع وعقيده
    لاشك حكم العشق ماعنه منشود
    وحكومة العشاق ماهي رشيده
    أنت اعتبر ما صار ماهوب مقصود
    وأنا أعتبر ما صار فرصه سعيده



  3. طير القوافي
    24-09-2010, 10:20 AM

    رد: ديوان الشاعر / سداح العتيبي

    ديوان الشاعر / سداح العتيبي


    اما هذي القصيدة عن حريق الجهراء



    يقول سداح:



    درب السعادة عليه الحزن قاطع طريق





    إليا بدا من وراها .. حال من دونها



    /



    تقول بين الفرح والحزن عهد وثيق



    سبحان من سير الدنيا بقانونها



    /



    أثر الصدور الوسيعه يا سعد ما تضيق



    إلا من الناس صاحيها ومجنونها



    /



    حاولت وأزريت لا أفل الحجاج الطليق



    ( في خاطري ضيقة تمشي على هونها )



    /



    يون قلبي مع الجهراء بما لا يطيق



    أسبوع ودموعها تفوح بعيونها



    /



    الحادثه كارثه والجرح جرح عميق



    أعمق من اللي على الشاشه تشوفونها



    /



    يا ديرة مرتبط معها بعشق عتيق



    أحب أهلها وأحب اللي يحبونها



    /



    يا أم اليتامى عليك الظلم دايم يويق



    وصكات بقعا عليك تعد طبلونها



    /



    العارض اللي حصل لك ما يسر الصديق



    جريمة تدمي التاريخ بطعونها



    /



    لكن يا باحثين مسببات الحريق



    المجرمه لو تعذر لا تخلونها



    /



    نامت وعيت حكومتنا الرشيده تفيق



    عسى اليتامى بصيحتهم يصحونها !!


  4. طير القوافي
    24-09-2010, 10:22 AM

    رد: ديوان الشاعر / سداح العتيبي

    ديوان الشاعر / سداح العتيبي



    العام 00 انا مبتلش في عقدة الساني
    واليوم 00 انا شاعرن ما ينهدم بيته

    ؛



    مافيه داعي تهل الدمع من شاني
    بكره يقولون ليه يالحب بكيته

    انا تمنيت تذكرني وتنساني
    وانته ياليتك تمنى اللي تمنيته

    رسايلك جات بين اسمي وعنواني
    وتعلقت بين ضيعته ودليته ؟؟

    بعض البشر لو يدورني ما يلقاني
    وبعض البشر لو يجاذب سيرتي جيته

    لا تنشغل خلني يا سيد خلاني
    استسمحك وقتي اللي معك قضيته ؟

    قولي ( ؟ )الحلم خليته وخلاني
    او قول بالعكس خلاني وخليته ؟؟

    ياسيفي ودرعي وخيلي وميداني
    البيرق المنكسر لرضاك رزيته ؟

    اموت من ضيقتي مير الله احياني
    وجوارحي نوب لا حيه ولا ميته

    رغم اني اعاني من الوقت ما اعاني
    مسحت صبري على جرحي وداويته

    فرشت لك قلبي وشلتك وسط وجداني
    وارتحت في قلبي المفروش واذيته

    في ذمتك لا تراودني على اجناني
    وصلت حد الجنان ولا تعديته

    وان قلت وش جاك مدري منك وشجاني
    مغير مديت لك كفي وعضيته ؟؟

    ماعاد مع راسي الا روس جنحاني
    والريح لاهب مع طاريك هبيته

    اسمح لي اجر صوتي واسحب الحاني
    والشعر لا ضقت غناني وغنيته ؟

    العام 00 انا مبتلش في عقدة الساني
    واليوم 00 انا شاعرن ما ينهدم بيته

    ومافيه داعي تهل الدمع من شاني
    بكره يقولون ليه يالحب بكيته

  5. طير القوافي
    24-09-2010, 10:25 AM

    رد: ديوان الشاعر / سداح العتيبي

    ديوان الشاعر / سداح العتيبي



    أعذروني عن غياب زلته مدموحه
    ___________________________ وأسمحوا لي لين أراجع سيرتي وسجلي


    غبت كلي والدوافع كلها مشروحه
    ___________________________ أفتحوا كشف الغياب وسجلوني كلي


    هكذا طعم المحبه .. حلوه ومملوحه
    ___________________________ وهكذا الفرقا ممله .. والوصال مسلي


    العلم مرفوع يا اللي ترفعون اللوحه
    ___________________________ الشحيح يصد عني والكريم يهلي


    دام باقي في ضميري نافذه مفتوحه
    ___________________________ عبرها ينفذ شعوري لين يبرد غلي


    قلبي المجروح مدري كبدي المجروحه
    ___________________________ جر عمرك يا النسم بين الضلوع وقلي


    دمعتي تبحث خفاي وضحكتي مذبوحه
    ___________________________ هينه والصبر طبعي والقناعه دلي


    ما بقا للشعر واهس والهجوس تشوحه
    ___________________________ بين منقود الرفيق وبين شرهة خلي !


    أنقرض نسل القصيد وراح راحت روحه
    ___________________________ وأكثر الشعار ولت والزمان مولي



    يفزع الطحطوح وألا تفزع الطحطوحه
    ___________________________ الدعاوي حطها وأشتالها بامجلي


    كل ما هب النسيم أستنزلت منفوحه
    ___________________________ والعليا يا ماشاء الله حظها متعلي


    طاوله وأربع كراسي وأمسيه وأصبوحه
    ___________________________ والله الله .. مير حلي يا حلاوه حلي !


    الشاعر / سداح العتيبي

  6. طير القوافي
    24-09-2010, 10:27 AM

    رد: ديوان الشاعر / سداح العتيبي

    ديوان الشاعر / سداح العتيبي



    إليكم بعض نوادر (سداح)






    يا داعي الشعر ما للغطرسه داعي
    قصايدي كلها بالختم مختومه
    لا فاضوا المبدعين وغاض الإبداعي
    بالناس معطيه وبالناس محرومه
    تشكيلة عامره من كل الأنواعي
    فيهم على القيمه وفيهم على القومه !
    الحمد والشكر لله ثم لذراعي
    ما جيت من بينهم يمناي محزومه
    لو ترقص الموهبه وتطق الأصباعي
    قلدتها من عقود الماس منظومه
    عز الله أن الزمن ماكر وخداعي
    ثوب الرياء يلبسه وينفذ كمومه
    لا طال عمر الضعيف قصير الباعي
    مراجله بين حنجرته وبلعومه
    أغلب نجوم الورق طاحت على القاعي
    وأغلب نجوم السماء فالليل منجومه
    يا قاضي العدل وين الناقد الواعي
    مفقود.. هو مات وإلا ضاعت علومه
    أنا ما قلت الرعيه ما لها راعي
    إلا بعد شفتها ماهيب ماسومه
    عسى مزاجيتي ما تخلف أطباعي
    وعيني لها نظرة بالعقل محكومه
    وقع يا طير السعد وأعزف على إيقاعي
    جناحك المنكسر ما يكسر الحومه
    تون يوم الفضاء عصاك ما طاعي
    وأنته ما ترضى الهوان .. وزومتك زومه !
    أبتقاسم معك توزيع الأوجاعي
    يا حر كبدك ما بين الحر والبومه
    لا تشرح أوضاعك.. ولا شارح أوضاعي
    كل عطاه الولي رزقه ومقسومه




  7. طير القوافي
    24-09-2010, 10:28 AM

    رد: ديوان الشاعر / سداح العتيبي

    ديوان الشاعر / سداح العتيبي



    (كبود الرجال)

    يا وسع صدري مير صدري لا ومره الله يضيق
    ............... حزم ضلوعه وأظهر اللي راكنه ف أركونها


    واللي ما يظهرها الزفير .. يتلها تل الشهيق
    ............... لابد مع جر النسم ما ينكشف مكنونها


    صابر وأنا بين الرجا والياس والجرح العميق
    ............... ما تنومن شهب الليال إليا تغير لونها


    يوم أحتمى الميقاف وجا للغيض فيض ونشف ريق
    ............... وقامت تجر المخطيه بين العباد لحونها


    خليتني يا حادي ركابي على حيد الطريق
    ............... والمعرفه هانت وشانت واختلف قانونها


    ناتج علاقتنا على ماقيل علمن ما يليق
    ............... بضاعة بادت قبل لا ينفتش كرتونها


    منته ب أخوي من الرضاع ولاني أخوك الشقيق
    ............... واللي تحطك سدها بكره تجي من دونها !


    غيبت من بعض العلوم الحامضه وأزريت أفيق
    ............... ما يذبح كبود الرجال ألا وساع طعونها


    أختار ف الثنتين .. وأنته لا عدو ولا صديق
    ............... والأوله يا صعبها .. والثانيه ياهونها

    وأعرف ترا ما الله محمل عبده بما لايطيق
    ............... والناس حسب حظوظها وفوقها وظنونها


    شكرك على جنحانك إليا طرت يالحر الطليق
    ............... لو يمك فروخ النعام مبحلقات عيونها


    أول علومي كنت أجر الصوت للغصن الوريق
    ............... واخر علومي بشروا ليلى عقل مجنونها ؟
  8. طير القوافي
    24-09-2010, 10:29 AM

    رد: ديوان الشاعر / سداح العتيبي

    ديوان الشاعر / سداح العتيبي



    (Youtube)

    للمعرفه والعلم طالب ومطلوب
    وللعولمة طفره وسرعه مخيفه
    وللتقنية حاسب وللذنب حاسوب
    وللشر وازع بالنفوس الضعيفه
    وللناس طمعة روس وأحساس وقلوب
    وللراس مخ وللجوارح وظيفه
    قام التطور بينهم ينفض الثوب
    ويومي على روس الجبال المنيفه
    على ما قالوا كل ممنوع مرغوب
    و مدور الممنوع يلقى حليفه
    يا مولعين اللايت في سايت ( يوتيوب )
    عليكم أوزار الخلايق لفيفه
    ما يمنعه حاجب ولا فيه محجوب
    واللي معه مقطع فضيحه يضيفه
    العرض وافر والحياء منه مسلوب
    بين العلوم المحزنه والطريفه
    بالصوت والصوره من بلاي لستوب
    من خش به جت له على كيف كيفه !!
    جلسة شباب أشناب مع خمر وحبوب
    والبنت ترقص بالثياب الخفيفه
    والمطرب المشهور بأحضان رعبوب
    والكبتن الطيار ويا المضيفه
    فضايح في وقت ماهوب معيوب
    العيب فينا والبصاير كفيفه
    يا أمة الإسلام والعز منهوب
    يضحك علينا الذل ويسل سيفه
    وحنا نجي ونروح ونقول مكتوب
    ونعمل على هدم البيوت الشريفه
    متى نعود لخالق الخلق ونتوب
    ونعامل الله بالقلوب النظيفه !



  9. طير القوافي
    24-09-2010, 10:29 AM

    رد: ديوان الشاعر / سداح العتيبي

    ديوان الشاعر / سداح العتيبي



    (موجه تطور)
    يا صبح نورك عليه إثبات
    شمسك على الكون شعاله
    والليل لو يستر الغرات
    يبدي من اسراره لحاله
    البارحه والهجوس أفوات
    مابين رجلي وخياله
    شالن في صدري ثلاث اصوات
    ونوم العوافي برن حاله
    عقلت قلبي عن السجات
    وعودت أسريه بعقاله
    وروابعه عقب راحت جات
    تحط حمله وتشتاله
    وأمسيت أجر النسم بسكات
    وكبرت على القاله القاله
    يا طول صبري على الميلات
    وقت العنا فاض مكياله
    حنا في وقت من الاوقات
    يضفي على الخلق سلاله
    زادت دشوش الفضائيات
    وانا الفضا مالي وماله
    جاء مع عرب سات .. نايل سات
    يرسل وزانه ويبراله
    موجة تطور على الشاشات
    ريموتها يكبس الاله
    والمجد من بدها بالذات
    يا جعل ما يقطع ارساله
    ما تعرض ألا عبر وايات
    وصلوا على محمد واله
    والسله الباقيه هيهات
    ماهيب لله وإنا له
    قمصان نوم وعلوم وشات
    بث فال الله ولا فاله
    ارسل سلامك وهاك وهات
    وكل محضر بجواله
    عسل وصل والحنونه جات
    دجال يضحك لدجاله
    ناس بلاها حياها مات
    شباب الاسلام يرثاله
    الفن مع كاشف العورات
    يصلح لشرواه وامثاله
    يا الله لاتقطع الهقوات
    وتبلغ العود فعياله


  10. طير القوافي
    24-09-2010, 10:30 AM

    رد: ديوان الشاعر / سداح العتيبي

    ديوان الشاعر / سداح العتيبي


    (خامس أحبابي)


    القلب في سوق الهوى لجلك يغيض ويمتلي
    ماهوب راع مساومه أما أشتره وإلا بعه
    يوم الشعور مداوله .. وش قلت لك وش قلت لي
    راجع حديث العاطفه وأقتص دربه وأتبعه
    وألا بلاش أنسى مافات ومات .. وأسمع ما يلي
    لا تترك الملتاع واقف لك على راس أصبعه !
    لا تكسر شداد الجمل .. لين اكل لسان الطلي
    وإليا نهض حظي وحظك شق صدري وأجبعه
    من قال لك ( ما الحب الا للحبيب الأولي )
    يا خامس أحبابي معك نسيت حب الأربعه !
    أضحك معي .. وأضحك معك لكن لا تضحك علي
    طبعي علشانك تعبت أعوبله وأطوبعه
    شتتني وأنا عليك .. أميح ميحات الدلي
    ودخلتني فالزوبعه وأنا ما أعرف الزوبعه
    وغنيت لك قافين والمعنى على وجه جلي
    أختر حداها وأحفظه وأفتح ضلوعك وأطبعه
    أقولها .. وأن ما تلقيتك .. تلقيت الخلي
    يا منبع الحب الحقيقي علني من منبعه
123