قصيده كانت مؤثره وهذا الرد لصاحبها,,

عانقتني حسرتي

Well-known member
قصيده كانت مؤثره وهذا الرد لصاحبها,,

هذه القصيده كتبها نايف اليوسف وهو مسجون في امريكا
كتبها في رمضان قبل العام الماضي

وارسلها لوالدته وهو يشكي حاله وحزنه وشوقه لها

أسأل الله أن يفك أسرره وان يقر عين امه بشوفته

اليكم القصيده

زاد السنه في ديرة الغرب مسجون
سجن الغثاء والمهزله والأذيه

سجانهم قلبه من الكرهه مشحون
عنده حياتي او مماتي سويه

هذا رمضان أقبل وانا فيه محزون
ياربي هون مشكلاتي عليه

وسط السجن مابه وجيهن يصومون
مسلم ومن حولي وجييه أجنبيه

دايم حزين وضايق الصدر مغبون
مليت من جو السجن والاسيه

يمه كفايه وقت الافطار تبكون
تبكون نايف مالكم مقدريه

ودي يمه بينكم بس وشلون
ودي بتمره من يدينك هنيه

يمه فطوري خالي الطعم واللون
مشتاق للمرقوق والمحلبيه

مشتاق للمسجد مع اللي يصلون
اصلي الاوقات صبح وعشيه

ودي مع اللي في ليلة القدر يدعون
ينفك قيد اللي حياته شقيه

يالله يا رحمن ياخالق الكون
تغفر لعبدك كل ذنب وخطيه

وصيتي تكفون لامت مدفون
في دار ابو متعب ديار الحميه


===========================================
حينما سمعت هذه الكلمات بكى قلبي على حاله

وحال الاسرى من المسلمين ونزف قلمي بهذه الابيات

اتمنى ان تنال اعجابكم

==========================================


يا نايف كلامك قطع قلب البنيه
وحست بحالك وانت من الظلم محزون

ياناس نايف مايبي دمعه هديه
يبي دعاكم كل ماقمتم تصلون

حسيت بحاله وحال الاسرى البقيه
ودعيت ربي يصبرهم بالهون

إحنا بدار بكره تصبح فنيه
ومايبقى فيها غير حاكم الكون

تصبر يانايف ودعوتي لك وفيه
في وقت السحرر لين مالناس يصحون

محدن ترى مرتاح في هالدنيا الرديه
غير اللي لعبادة ربهم يصونون

يا أم نايف خلي دعوتك لنايف سجيه
لأن ربي مايرد دعوة الام الحنون

حسبي الله على هذولي الاجنبيه
اللي افعالهم مثل افعال فررعون

يحسبون الناس كلهم إرهابيه
وهم اللي في ظلم المسلمين يطغون

ياجعلهم في وسط نار حميه
تحرقهم مثل ماحرقوا قلب مسجون

ومن مسك يانايف جعلهم بهالصليه
تحرق اجسادهم لين من عذابك يذوقون

وعساك من اللي في الجنه الهنيه
وتقر عينك بأمك وترتاح الاجفون

وان شاء الله ترجع وتعيش بدار الحميه
وانت عايش ومرتاح وعلى الكل تمون

بس انت اصبر واحتسب عند رب البريه
ينجيك مثل مانجى رسوله ذا النون

هذا كلامي الوفي وانا بنت حربيه
فجرت قصيدي يوم سمعت قهر محزون

وسلامتك

بقلمي
 
رد: قصيده كانت مؤثره وهذا الرد لصاحبها,,

تسلمين على هالكلمات الاكثر من رائعه..
صراحه القصيده مره تحزن الله يصبره هالمسكين
ويفك اسره والمسلمين اجمعين ويردهم لديارهم سالمين..اميين
 
رد: قصيده كانت مؤثره وهذا الرد لصاحبها,,

قصيده حزينه جدن ورد اجمل
عانقتني شاعره بكل ماتحمله الكلمه من معنى
كلمات خرجت من صميم احتماء قلب الاخوه
صح لسانك ولسان الشاعر الي لله يفك اسره
ويفك اسرى المسلمين المسجونين
تقبلي مروري وتحياتي
 
رد: قصيده كانت مؤثره وهذا الرد لصاحبها,,

تسلمين على هالكلمات الاكثر من رائعه..
صراحه القصيده مره تحزن الله يصبره هالمسكين
ويفك اسره والمسلمين اجمعين ويردهم لديارهم سالمين..اميين


ربي يسسسسلمك من كل شرر

اسعدني مرورك
 
رد: قصيده كانت مؤثره وهذا الرد لصاحبها,,

قصيده حزينه جدن ورد اجمل
عانفتني شاعره بكل ماتحمله الكلمه من معنى
كلمات خرجت من صميم احتماء قلب الاخوه
صح لسانك ولسان الشاعر الي لله يفك اسره
ويفك اسرى المسلمين المسجونين
تقبلي مروري وتحياتي

صح بدنك يالصقرر

نورت الصفحه بوجودك

لك مني كل الشكرر
 
رد: قصيده كانت مؤثره وهذا الرد لصاحبها,,

رديه جميله
والله يفرج كل المسلمين من ايادي الغرب
وقصيدتين تحكي وقائع نعيشها ونسمعها

صح لسانه والله يفرج عنه
وصح لسانكي على الرديه

مودتي
طير القوافي
 
رد: قصيده كانت مؤثره وهذا الرد لصاحبها,,

القصيدة رائعة وجميلة

سلمت يداك


ياجعلهم في وسط نار حميه
تحرقهم مثل ماحرقوا قلب مسجون

"امييييييييين"
 
رد: قصيده كانت مؤثره وهذا الرد لصاحبها,,

رديه جميله
والله يفرج كل المسلمين من ايادي الغرب
وقصيدتين تحكي وقائع نعيشها ونسمعها

صح لسانه والله يفرج عنه
وصح لسانكي على الرديه

مودتي
طير القوافي

مرورك هو الاجمل

وصح بدنك

لك مني كل الشكر
 
رد: قصيده كانت مؤثره وهذا الرد لصاحبها,,

وعانقتي روعة الحرف
دوما مبدعه ومتالقه عزيزتي,,
الله يفك أسره وكل أسير
دمت بتألق وخير
 
رد: قصيده كانت مؤثره وهذا الرد لصاحبها,,

الله يفك اسره

وتسلم يمينك وصح السانك

والله يعطيك الف عافيه .. ونعم فيك

لاهنتي
 
عودة
أعلى