123

حبيبي لا يهمونك يكفي اكون انا عيونك

بوح الخواطر, مشاعر وخواطر من قلبي
  • ارسال إلى Twitter
  • ارسال إلى facebook
  • ارسال إلى google plus
    1. ح ـكآية
      18-09-2010, 05:55 AM

      حبيبي لا يهمونك يكفي اكون انا عيونك

      حبيبي لا يهمونك يكفي اكون انا عيونك


      حبيبي لا يهمونك يكفي اكون انا عيونك





      طفل مسكين ,,
      أنولد أعمى ..
      طفل مسكين .. ما يدري شنو يعني بصيص النور .. !
      طفل بيعيش سنين العمر بظلمه ..
      .
      .

      ومضت الأيام .. وكبر " غريب "
      برمشة عين .. وفي وهله ..
      بسنينه الخمس .. يتسائل .. ؟!
      ينادي بصوته المبحوح : يا ماما .. منو انا ..
      سمعت الناس تتكلم .. تقول " أعمى "
      ما يدرون أسمي " غريب " .. !
      قوليلي .. أنا يا ماما أسمي " غريب " ,, مو " أعمى " .. !!
      .. تكتمها , وتبتلع " أمه " اهات مختنقه ..
      تجر الدمعه بالدمعه .. وتجي يمه وتضمه ..
      حبيبي " غريب " .. أنت " غريب " مو " أعمى "
      أهي هالناس ما تدري .. حبيبي لا يهمونك .. يكفي أكون , , أنا عيونك ..


      ... وتمر الأيام ...

      .
      .

      وبسنينه العشرين .. يتسائل .. ؟!
      ينادي بصوته المبحوح .. نفس الصوت .. ما تغير ..
      ينادي بحزنه المكتوم : عيدي لي , وصف هالدنيا يا يمه .. ؟
      شنو فيها .. ؟ شنو الألوان .. ؟
      شكل وجهك يا يمه وصفي لي ؟ وأنا وشلون أوصافي ..
      .. أنا أدري , سألتك مره ومرات ..
      ولكن كنت أتمنى , تقولي لي .. وأشوف الدنيا في حلمي ولو مره .. !
      أشوف الدنيا بالألوان .. أشوفك جنبي وأضمك .. وأرسم في العقل وصفك ..
      أبي يا يمه تعيدي لي .. وتعيدي لي .. وتعيدي لي ..
      .. تجي يمه , بجسم منحول وبشعر أبيض وظهر محني ,
      وقهر الأزمان مرسوم في تجاعيد الوجه .. لوحة .. " بعمر خمسين " .. !!!
      تقول بحب : بحكي لك .. عن الدنيا حبيبي " غريب "
      أنا عيونك .. لاخر لحظة في عمري .. أنا عيونك ..
      ياوليدي السما زرقه .. والأرض خضره .. وشعر أمك , بياض الثلج ..
      .. يقطعها بسؤاله :
      شنو يعني السما زرقه .. !
      شنو الأخضر شنو يعني بياض الثلج
      ليش أنا يا يمه .. ليش أنا , أنا المظلوم .. !!
      لوني في هالزمن أسود .. !!
      ليش ألواني .. محصورة !
      ليش ألواني .. بس أسود .. !! مو أزرق .. ولا أبيض .. ولا أخضر .. !
      ليش الناس تتهامس .. وتقول بعطف :
      ترى " أعمى " !
      .. مو قلتي لي أسمي " غريب " " مو " أعمى " !!

      - ونفس الصورة تتكرر -

      .
      .

      تجر الدمعة بالدمعة .. وتجي يمه وتضمه ..
      حبيبي "غريب" .. أنت " غريب " .. مو " أعمى "
      أهي هالناس ما تدري .. حبيبي لا يهمونك .. يكفي أكون أنا عيونك ..

      .
      .

      وتمر الأيام .. بعض أيام ..
      وصوت الطيبة يتكلم :
      " غريب " يمه .. بروح أشوي أنا مشوار , بقضي لي بعض الأشغال ..
      تبي أي شيء .. بس امر .. حبيبي " يا قبل عيني "
      يقول بصوته المعتاد :
      أبي بس نور يا يمه يا ضوى عيناي .. أشوفك منه مبتسمة وتحلالي بهالزمن دنياي ..
      .. شنو يعني بيكون الرد !
      دمع يحرق جفون العين كالعادة .. وكتم الاهات .. وتحفر في القلب حسرات ..
      .. وأنقضى المشوار ..

      وجا بكرى ,
      ورنين الهاتف من الصبح .. هز قلب الأم بخوف ..

      - أي نعم .. " أم غريب تتكلم " ..
      نعم يا وليدي عرفتك .. بشرني .. شنو صار بأمرك !
      يعني أقدر أجي عندك .. قل لي , صار الأمر مقدور ..
      روح ياوليدي .. درب الخير يا عسى دربك ..
      بنجي لك بعد الظهر على خير ..

      غريب يسمع , تسائل :

      * مين يا يمه .. شنو صاير , وشنو عندك ..
      - أبشر ياولدي بسعدك .. بتشوف السما الزرقه , بتشوف الأرض خضره , وقبل كل هذا بتشوف أمك ..
      سكت مصدوم .. !!
      أنا " الأعمى " .. بشوف النور .. !
      ومضى الوقت .. كنه دهور ..
      وبعد الظهر راحوا .. وشافت " أحمد الدكتور "
      - بلهفة قالت : ياوليدي , متى تبدأ .. ؟
      - ياخاله .. الحين الحين .. بس صلي على النبي أنت .. وما يصير إلا الخير ..
      .. مضت ساعه .. ثلاث ساعات .. وسبعه ..
      وجا " أحمد الدكتور " .. ينادي" غريب" بسك نوم .. شوف الدنيا يلا قوم ..
      تحرك " غريب " .. وحاول يفتح عيونه .. ياربي , شنو هاللون !!
      غشاوه لونها ثاني .. ! يحاول" يفتح عيونه " بعد أكثر وأكثر ..
      شنوو هذا .. !
      أكيد الحلم ,, ( تذكر أمنية عمره .. يشوف الدنيا بالألوان .. )
      نعم أحلم .. أكيد أحلم ..
      وجا له الصوت .. ما تحلم .. حقيقة وواقع اللي تشوف ..
      * منو أنت
      - أنا " أحمد الدكتور " ..
      * تقسم لي .. حقيقة وواقع أني أشوف ..
      أنا يعني مو " أعمى " لا تلعب بأحاسيسي .. !
      - أقسم لك , صرت تشوف .. بفضل أمك .. ياعزيزي ..
      * صحيح قل لي .. وين أمي .. أبي أكحل نظر عيني بشوفتها ..

      - ....

      * شنو ماتدري وين تكون ..
      أرجوك أتصل .. كلمها .. قل لها " غريب ولدك" صار يشوف ..

      ... ... ...
      .
      .


      ومضت الأيام .. بعد الأيام ..
      بسنينه الخمسين .. يتسائل .. ؟!
      * يمه الناس تتكلم , يقولون :
      هذا الولد قاسي .. ضيع شباب أمه ..
      أخذ نور عين أمه ..
      غريب هال " القاسي " بس أمره ..
      .. يمه مو قلتي أسمي " غريب " مو " أعمى " ولا " قاسي " ! ..
      ببسمة وضحكة مخفية .. تمد إيديها وتضمة
      و تقول بكل حنية :
      حبيبي " غريب " أنت " غريب " مو " قاسي " ولا " أعمى "
      أهي هالناس ماتدري .. حبيبي لا يهمونك ..
      يكفيني عيوني في عيونك..



      منقول ,,
    2. kit kat
      18-09-2010, 06:59 AM

      رد: حبيبي لا يهمونك يكفي اكون انا عيونك

      حبيبي لا يهمونك يكفي اكون انا عيونك


      اه بس تجنن
      اورع ماقرأت
      سلمتي على النقل
    3. ترآنيم عشق
      18-09-2010, 07:56 AM

      رد: حبيبي لا يهمونك يكفي اكون انا عيونك

      حبيبي لا يهمونك يكفي اكون انا عيونك


      يسلموو
    4. queen
      18-09-2010, 08:00 AM

      رد: حبيبي لا يهمونك يكفي اكون انا عيونك

      حبيبي لا يهمونك يكفي اكون انا عيونك


      اه وش كثر توجع هذه الكلمات

      إبدعتي إختي بهلوله ؟؟ بالنقل بارك الله فيك والله يحفظ لنا أمهاتنا من كل مكروه يا رب

      الله يسعدك ويرزقك كل خير يا رب

    5. سما روحي
      18-09-2010, 08:04 AM

      رد: حبيبي لا يهمونك يكفي اكون انا عيونك

      حبيبي لا يهمونك يكفي اكون انا عيونك


      كل الشكر يا بهلوله..على رووعة الانتقاء..
      تسلم ايدك ع النقل وجميل جدا اختيارك يالغلا
      كعادتك ذوقك راقي ماشاء الله
      ربي يحفظك
      تحياتي،،
    6. Cute Nada
      18-09-2010, 08:17 AM

      رد: حبيبي لا يهمونك يكفي اكون انا عيونك

      حبيبي لا يهمونك يكفي اكون انا عيونك


      يعطيك الف عافيه ع طرح الجميل خيتو!
    7. ღ» أحڷآهم ۈأتحدآهمღ«
      18-09-2010, 08:41 AM

      رد: حبيبي لا يهمونك يكفي اكون انا عيونك

      حبيبي لا يهمونك يكفي اكون انا عيونك


      مشكووووره مرا حلوا
    8. يستاهل البرد من ضيع دفاي
      18-09-2010, 09:05 AM

      رد: حبيبي لا يهمونك يكفي اكون انا عيونك

      حبيبي لا يهمونك يكفي اكون انا عيونك


      واو روعة


      يسلمو


      تقبلي مروري
    9. مغرورة الحلوين
      18-09-2010, 09:32 AM

      رد: حبيبي لا يهمونك يكفي اكون انا عيونك

      حبيبي لا يهمونك يكفي اكون انا عيونك


      هلا وغلا غناتي
      تسلمي ع هالكلام الحلو بجد إنك عسل وووووايد حلوه القصة
    10. иσ ρяôмîsεs «
      19-09-2010, 06:28 AM

      رد: حبيبي لا يهمونك يكفي اكون انا عيونك

      حبيبي لا يهمونك يكفي اكون انا عيونك


      حيل رووعه
      جد يعطيك الف عافيه ولاخلا ولاعدم
      <3
    123