123456

ديوان الشاعر الامير / خالد بن سعود الكبير

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    17-09-2010, 04:05 PM

    قصيدة - حلو الملام

    ديوان الشاعر الامير / خالد بن سعود الكبير


    يا شقيق البدر في ليلة تمام
    يا جبين الشمس في عز الضحى

    يا هديل أعذب ترانيم الحمام
    يا أريج الورد لا منه صحا

    لو سكت شوي عن بعض الكلام
    صورتك في خاطري ما تنمحى

    والكلام أحيان يحرجه الغرام
    والغزل من كثر ما همت إستحى

    كيف أبسلا عنك يا حلو الملام
    وأنت قلبي طاحنه طحن الرحى

    أنت يا روحي غرامي والمرام
    ما إنتحى والله خفوقي ما نتحى

    منزلك في القلب في أمن وسلام
    لابق ما بين جذعه واللحا

    اعشقك عشق العطاشا للغمام
    والذي طرز جماله بالسحا
  2. *مزون شمر*
    19-09-2010, 04:56 PM

    قصيدة - يارخيـم الصوت

    ديوان الشاعر الامير / خالد بن سعود الكبير


    يارخيم الصوت غرد لاتصيح
    إطرب بلحن المحبه كل روح

    اغنم الدنيا وعش فيها مريح
    لاتخلي زهرة ايامك تروح

    ريح البال المشقى تستريح
    من هواجيس على الخاطر تلوح

    انهب الفرحه ترى عمرك شحيح
    والسعاده ماتجي مع كل ضوح

    ليت لي مثلك جناحين واسيح
    وليت لي مثلك تغاريد وأبوح

    البلا أني كل مافزيت أطيح
    والبلا أني كل ماغنيت أنوح
  3. *مزون شمر*
    19-09-2010, 05:01 PM

    قصيدة - سحــابة صيف

    ديوان الشاعر الامير / خالد بن سعود الكبير


    الصاحب اللي بدا بالحيف
    خبث على البال تسليمه

    بيني وبينه سحابة صيف
    والخوف لا تنقلب ديمه

    كم كلمة صابها تحريف
    كبرت وهي ما لها قيمه

    يازين ماللحكم تخفيف
    ماترحم القلب من ضيمه

    ظلمتني ياغزال الريف
    والظلم معلوم تحريمه

    والجور والزود والتطفيف
    ماهوب لاهل العقل شيمه

    ياكيف لحن الهوى ياكيف
    ننسى ونجفى ترانيمه

    الحب مايقبل التسويف
    والروح في بابك مقيمه

    والعين ترسم خيالك طيف
    مع كل نظرة وتسجيمه
  4. *مزون شمر*
    19-09-2010, 05:05 PM

    قصيدة - يـــا زين

    ديوان الشاعر الامير / خالد بن سعود الكبير



    يا زين وينك يوم الأحلام ثره
    يوم الهوى يلعب بخفاق شاعرك

    يومك بعيني اجمل البيض طره
    والروح ترعى بالموده مشاعرك

    بعض الغلا ما منه غير المضره
    لي صار خلك بالهوى ما يشاطرك

    اليوم لا تعتب علي وتشره
    كاني بليا قصد حسيت خاطرك

    سامح جريح نفسه اليوم حره
    عاذر ولا له شف ينهى ويامرك

    القلب ما يوخذ على حين غره
    ما ينخدع لو غرق الدمع ناظرك

    أنا نسيت الود يا صاح مره
    ماضيك ما خلى بقايا لحاضرك

    النهر جف ولا بقى إلا مجره
    ابطا وهو يخطي سحابك وماطرك
  5. *مزون شمر*
    19-09-2010, 05:07 PM

    قصيدة - يانزيل الروح

    ديوان الشاعر الامير / خالد بن سعود الكبير


    حمام ياشادي الواحه
    هيضتني يانزيل الدوح

    الروح ماهيب مرتاحه
    من حالها والجروح جروح

    لاشافت الطير بجناحه
    يكفخ وجو الفضاء مفتوح

    قامت بالاشواق نواحه
    لاشك عيا يسر النوح

    صحيح مافي الهوى راحه
    لاصرت عن غايتك مطروح

    والحب بلواه فضاحه
    راعيه لو يجحده مفضوح

    شكواه ماتشفي جراحه
    والروح خطر عليها تروح

    دايم بالاسرار بواحه
    لو كان مافي الحكي مصلوح
  6. *مزون شمر*
    19-09-2010, 05:10 PM

    قصيدة - لولا جمــالك

    ديوان الشاعر الامير / خالد بن سعود الكبير


    لولا جمالك مالفت النظر فيك
    ولولا حسن طبعك زهدت بجمالك

    وكاد زينك يبهر إللي يراعيك
    لكن جمال الروح جوهر كمالك

    ياورد لونك في عيوني محليك
    ولولا شذى عطرك عشقنا بدالك

    لاتحسب إني ياهوى القلب مغليك
    لجل البها والحسن ولا دلالك

    انا عشقت الروح أسمى معانيك
    وإلا الجسد ريفه ربيع وهالك

    صحيح ربي من بها الحور معطيك
    محض الجمال اللي يليق بمثالك

    وأعطاك تاج الحسن حق وتمليك
    والزين لقلوب المحبين مالك

    لاشك حسن الخلق عندي معليك
    حطك على عرش الضمايرلحالك
  7. *مزون شمر*
    19-09-2010, 05:13 PM

    قصيدة - عقد الأسرار

    ديوان الشاعر الامير / خالد بن سعود الكبير


    افتر ثغر الصبح ضاحك ومسرور
    وانسل خيط الليل من عقد الاسرار

    واستودع العصفور بالعش عصفور
    وانهل دمع الطل من جفن الازهار

    وانطر نور الصبح والصبح مامور
    مايرحم العشاق لو صار ماصار

    ياشرق ليتك ما تعجلت بالنور
    ليت الزمن مادار والطير ما طار

    ليت الظلام اللي تغشى على الدور
    ماشق جلبابه من الغبن وانهار

    اقفى وهو مقهور والحب مخطور
    والكل منا تشتعل مهجته نار

    يامل قلب في هوى الليل مسحور
    يرتاع لاصاحت عصافير الاسحار

    طارت وطار القلب والقلب معذور
    لو طار من فرقى الليالي والاقمار
  8. *مزون شمر*
    19-09-2010, 05:17 PM

    قصيدة - سلآم

    ديوان الشاعر الامير / خالد بن سعود الكبير


    سلام ياللي عليه الدمع مسفوحي
    طول غيابه وحال الياس من دونه

    خبري به العام يوم الوصل مسموحي
    يوم الهوى سنته لناس مسنونه

    واليوم عني وزين الروح مطروحي
    حسبي على اللي على بابه يردونه

    ليلة فراقه بعيني عيت تروحي
    دايم على البال تخطر دمعة عيونه

    هو نور عيني حبيبي هو بعد روحي
    وشلون ابقضي حياتي سالي بدونه

    لي قلت ابنساه احس بنزعة الروحي
    وان جيت ابلقاه عيولا يخلونه

    يفوح صدري على شوف الغضي فوحي
    نار الهوى تشتعل بالجوف مكنونه

    باقي على الود لوني فيه مذبوحي
    لاخان عهدي وانا والله ماخونه
  9. *مزون شمر*
    19-09-2010, 05:21 PM

    قصيدة - روحي الوجـــله

    ديوان الشاعر الامير / خالد بن سعود الكبير


    يازين خل العتاب شوي
    ترى الوعد لحظته عجله

    خل اتمتع بنور الضي
    من نور و جناتك الخجله

    ياشوق مافي يديني شي
    حاسب على روحي الوجله

    لاتحسب اني بظل وفي
    خلك زمانه عقل رجله

    كم لي وكبدي تمنى المي
    ضامي ورجلي على دجله

    قلبي طويته بحبك طي
    وشوفك انا ميت لجله

    والله مالك بعيني زي
    ونفسي على موعدك هجله
  10. *مزون شمر*
    19-09-2010, 06:07 PM

    قصيدة - زحلــــــه

    ديوان الشاعر الامير / خالد بن سعود الكبير


    مرت علينا ياولد مايست قد
    ملهوفت السرجوف عيطا وجمله

    فيها الجمال اللي تعدى عن الحد
    لي مدة ماشفت مثله وشكله

    خلتني اقصد غصب ملعونة الجد
    وانا احسبني ناسي الشعر واهله

    مرت وانا لانيب شفق ولا وجد
    والنفس لاعطشه ولاهيب سهله

    لاشك شفت الموت يدرج على الخد
    والزين يذبح لاخذا الناس ختله

    ياجارة الوادي طربنا ولابد
    مايطرب اللي زار وديان زحله

    قبلي امير الشعر ياناعم الخد
    غنى طرب واليوم غنيت مثله

    يارند ياتفاح ياورد ياغند
    ياللي نهبت العقل في حين غفله

    لولا الجمال اللي خبرناه في نجد
    لعطيك تاج الزين واليد عجله
123456