ديوان الشاعر عبدالكريم الجباري

سلطان الشمال

Well-known member
ديوان الشاعر عبدالكريم الجباري

imagephpu10152dateline1234414256-1.jpg



قال الفراق
قال الفراق ؟...وقلت ....وش عاد ....يعني
مناك يالله لو سمحت اقطع الصوت
واشوى.....!..بحزة قلتها ..ماسمعني
وش ..عاد يعني......!!مادريت انه الموت
وقال الغرام..؟..وقلتله مانفعني
هذاك لو اني حظيظن ومبخوت
وقال العناد...؟..وقلتله مامنعني
مكثر من اعناد(ن) على لعب بيلوت
وقال الغرور...؟..وقلتله ....مارفعني
ماظنتي بأن الكبر يعمر بيوت
قال التواضع....؟...قلت بالله .....طعني
خلك عليه بذمتي تقطف التوت
قال التسرع....؟...قلتله ماتبعني
ماينفعك لاصيحوا فاتك الفوت
وقال الصحيح..؟؟...وقلت طبع(ن) .طبعني
ماهو لباسن تلبسه لبسة الكوت
وقال الشعر.....؟....قلت الشعر ماوسعني
يكفيك بندر والفراوي وبخوت
بالله كف.....عن السؤال ودعني
يعني خلاص الصمت لولو وياقوت
قال الفراق......؟..وقلت وش عاد...يعني
بكل برود ومادريت انه الموت
 
رد: ديوان الشاعر عبدالكريم الجباري

ياهلا يامرحبابك
ياهلا يامرحبابك يالله حي الغالي
بس قلي ودي افهم وين هي هالغيبه
يمكن احسن لو تقول السالفه طوالي
الحكي ياما شبعت امن البشر تلعيبه
الغلط لوقلت مني؟ذبحتك حلالي
ماذخرت بشوف عيني والغلا تدريبه
لاغديت ولارحلت ولانقطع جوالي
شنهو عذرك والله انه خيبتك ياخيبه
يوم تنشد كيف حالي ؟ماعرفت احوالي
صحتي احمد ربي والعقل ياطيبه
منبسط والحمد لله معرسين اعيالي
واصغر اعيالي نجح مدري شنو ترتيبه
واجد اعلومن بعد تدري بها حسبالي
اووو ياعيب الشوم والله مننا ياعيبه
يا أخي لك عين والله جاي تمر اقبالي؟
العذر لو ني مكانك استحي لاجيبه
لو اداري ماي وجهي واحفظه اشوالي
كان قالوا ننتظر لين العذر ياتيبه
جيت من صوبي مطفي ماظربت العالي
ياهلا يامرحبا تستاهل الترحيبه
تدري ويش الي ذبحني ؟الوفاشسوالي
اي مدام الي يخون مالقا تعذيبه
يرحم الله ليلتن ماروحت من بالي
يوم يدك في يديني والشعر توميبه
مشيتك مشيت دلع يوم الدلع موالي
وانصدم فيك المياعه فوق هذي هيبه
يوم اناديك الغلا وانتا رصيد اموالي
من يكون انته رصيده مايفلس جيبه
ذاك مبطي في عيوني ما اشوفه تالي
تبت من طعن الهوى شفت الهوى ماليبه
روح في فالك وانا برضو بروح بفالي
سمح الله دربك الي ناوي (ن) تمشيبه
مرحبا مع السلامه ياهلا بالغالي
مرحبا يامرحبا تستاهل الترحيبه
 
رد: ديوان الشاعر عبدالكريم الجباري

البنت من رجالها والخيل من خيالها
والضبعة العرجا تحوم تبي عشا لعيالها
هذا من الشعر القديم ماقالها عبدالكريم
امثال من قول البدو مدري من اللي قالها
الفطن يفهم مقصدي ومالي ومالك يالردي
لاضاقت الدنيا على سلمى تهز اجبالها
ماضيق لو غيري يضيق وماهو موقف لي طريق
وعيال شمر لابتي صكت على رجالها
عبده مع الصايح جميع والشمريه ماتضيع
شمر لاضاق الزمن كلن يقول انا لها
وانا غريري يابعدي حفيد ابن حاتم عدي
عيال عديه العدوات كلن يعرف افعالها
يابنت قومي والعبي ابي اتفاخر بانسبي
من غبنها بعض النفوس يصيبها سلالها
تفاخري بي يامره الذل مافيه اثمره
كما سربة من ذلها كلن شرب فنجالها
صرنا طنايا من طنا ماهو طرب ولا غنى
اشد لحظات الزعل فال الله ولا فالها
مافيه نجدي وجزري الشمري هو شمري
باي ديره فيها نزل زم الحمول وشالها
فيني حميه واسلمي واهل اللحيسه محزمي
لاعدت بيوت العرب متشيدا منزالها
ولاصرت عبدي ضيغمي سنعوس دمي ولحمي
عبده سناعيس الفخر تعجز تعد ابطالها
وان قلت سنجاري فخر اهل المراجل والسطر
شيوخ شمر منهم الي يضل اضلالها
عرب وليدك عربه وكاس المراجل شربه
وخل العلوم مفرقه من دقها واجلالها
مايزعل الناس المديح خصن اذا مدحك صحيح
والعفن تلقى المرجله تقصر عليه احبالها
واعرف لو طال الزمن الطيب يبقى له ثمن
واعرف ترى نفسك تبي تجزى بنوع اعمالها
وانا ولاني مستضيق ولا موقف لي طريق
وعيال شمر لابتي صكت على رجالها
 
رد: ديوان الشاعر عبدالكريم الجباري

44-1.jpg



رضيت بدبرة المولى
رضيت بدبرة المولى وانا في عيشتي راضي
يقولون العرب صمتك ذهب لو الحكي فضه
اعيش بصفحه الحاضر واجدد صفحه الماضي
وانا مثل الشجاع الي يجول ولاصدق حضه
احاول قد ما اقدر واعرف ان العمر قاضي
واعالجلي ذراعن لوتعداه الكسر رضه
فهيم ولاكنن منهو يفهم حضرت القاضي
ابعد لو ذكرت الي يقولون العمر مضه
حكيت وما حكيت الا بأدب واحسن الفاضي
ولاكن الذهب صمتي ولوكان الحكي فضه
 
رد: ديوان الشاعر عبدالكريم الجباري

اما على ضو القمر
اما على ضو القمر والا بلاش امن النجوم
الذنب مو ذنبي انا كلن على تربايته
عزيز نفس وعزتي ماهي على حب الخشوم
اجبر خفوقي ينثبر ايلين ياصل غايته
لاطحت انا كبوه فرس اطيح لاكني اقوم
الموت من طاح وخثع كسر واهو فبدايته
ياهيه قولوا للقضي تراه غالي ومحشوم
لايفهم المقصود قلبي جا يسلم رايته
لاواللذي خلا غلاته في خفوقي كوم كوم
ماجيتله كني طفل يبكي على لهايته
جيته كريم وبنصحه ياهيه بس يكفيك نوم
رحتني واليا متى واقول هذي فايته
اصد ماودي الومه وانصدم بأنه يلوم
غريب اي والله غريب ولاعرفنا مايته
المشكله بأني احبه جعل تفداه الرخوم
ودي اعالج خافقه واعرف وشنهي حكايته
حبة غلا قبل الزعل والثانيه عند اللزوم
شهرين يبقى عالدوى لما نشوف انهايته
ياهيه قولوا للقضي عن شي (ن) فبالي يحوم
واكيد ماشال الكتاب الا يعرف اقرايته
واكيد لله الدوام وغير ذاته مايدوم
والله عرف بالعقل سبحانه منزل ايته
عزيز نفس وعزتي ماهي على حب الخشوم
الذنب مو ذنبي انا كلن على تربايته
 
رد: ديوان الشاعر عبدالكريم الجباري

11206606349-1.gif



لا قلت خلني تكفى تخليني


لا قلت لك خلني تكفا تخليني 000 النفس ظاقت وتعرف من مضيقها
ماني بحاجة علوومك لو تسليني 000 بعد عن العين واحسن لو تفارقها
لا ظقت انا حتى روحي ماتدانيني 000 ولا يهدا البال غربها وشرقها
لو كان غيرك حرام انه يحاكيني 000 لو كان كل الدروب البيض يطرقها
تدري وش الي ذبحني والبلا فيني 000 بعرف عروق الغلا وشلون تسرقها
يمكن تكون الخيانه من شرايني 000 ولاحظوظك يجوز الله موفقها
ما قلت لاحدن سوا امي يابعد عيني 000 وشلون خليتني لعيونك انطقها
ياروح روحي ياقلبي يابساتيني 000 يابسمه العين ليه العين ترهقها
والله من زود حبك صنت رجليني 000 ما شفتني يوم اسوق الرجل وافهقها
انا بصفك واضيع وانشدك ويني 000وشلون لا رحت جدراني اصفقها
ماتدري اني شريتك يوم تشريني 000 عشان حبك ابيع الخلق واحرقها
 
رد: ديوان الشاعر عبدالكريم الجباري

ناظر مقامك
يوم اتكلم يالخبل قلي اشجبت؟
غمض عيونك ياعيون الحرامي
دمحت لك الفين مره ولاتبت
مدري نسيت او مايهمك كلامي
شفت البشر واخذت منها وجربت
ناظر مقامك قبل اناظر مقامي
عالجت ضعفك يوم اعرفك ولاطبت
ترج ع خلافي يوم ادزك امامي
هذاك اول يم مثلك تغصبت
واليوم تحرم ضحكتي مع سلامي
راجعت نفسي مع ضميري وانبت
وشلون الومك بستحي من ملامي
دامي رفعتك رفعتن للسما خبت
ودامي ودامي ويش تنفع ودامي
ياشيب حظك دامك اعلى الردى شبت
فارق وانا بالطيب بروي عظامي
وجهك يذكرني غثا ليله السبت
لاشفت وجهك باتذكر دوامي
 
رد: ديوان الشاعر عبدالكريم الجباري

0-1.jpg



ياخليف مابه باليدين استطاعه .. القلب يشفق والمعاليق ياخليف
يشفق على حائل وشوف الجماعه .. شفقت بنئ شمر على الطيب والضيف
في راكب الي عزمها له طماعه .. تصنيفها من جيدات التصانيف
من وارد الساير جديد اختراعه .. صناعه ندرك فعوله ولا شيف
طول المسافه كنها ربعه ساعه .. ماكننا في ماقد الحر والصيف
تمشي ووجهتها ديار الشجاعه .. اهل السخى ربعي على الرمح والسيف
وتاصل لخو وضحه بسمع(ن) وطاعه .. ابو هلا ماهي تصنع ولا زيف
طلقن احجاجه والكرم من طباعه .. للضيف والله ماحسب للتكاليف
وله مجلس(ن) باهل النشاما بضاعه .. تداوروبه من خيار السواليف
لاغاب واحد مانوا بالقطاعه .. لاروحو عنه يجونك مناكيف
اهل الفخر واهل السطر والبتاعه .. شرابة الطيبه وشرابة الكيف
عسى السحاب الي كثير نفاعه .. يسقى حيا دار لاهلها مواقيف
ينبت بها عشب(ن) بشوفه متاعه .. مثل الخزامى والنفل والجفاجيف
واختامها معاد فيها طماعه .. توصل لاخو وضحه من الكيف للكيف
 
رد: ديوان الشاعر عبدالكريم الجباري

5_1234612309-1.gif



البارحة يا حمود مانمت انا الليل ... من حر ما بالقلب زود سهرها
زود سهر عيني وتعبت بالحيل ... عجزت اميز زينها من قشرها
يا حمود قلبي طاح بالعدل والميل ... ولامن صديق ينقذن من خطرها
الليلة اللي مرت تبيد الحيل ... عزات للمثلي تخزه بنظرها
صبت دموعي صب بيب المناهيل ... اوصب سيل دارج من مطرها
على زمان قلل الذيب والخيل ... واهل الكرم والجاه راحو بثرها
الوقت هو الوقت مار البلا الجيل ... سبحان رب الكون غير بشرها
غير عقول الناس صارت مشاكيل ... والكل منهم حاسبين لشهرها
يمشون وسط السوق مشي المخابيل ... ولا فكرو بعاداتنا اللي نخبرها
دجو وعجو بالغنا والتماثيل ... وتمسكو بعادات غايب قمرها
وديارهم يا حمود مابه محاصيل ... جنب ركابك عنها واحتقرها
ما يكرمون الضيف بالسمن والهيل ... حذرا تجي لبيوتهم وتخطرها
يا حمود شف ذباحه الكبش والحيل ... من يرفعون الراس لا جا خطرها
ياشوق من قرنه على المتن به ميل ... يالليث يالضرغام حذرا تخسرها
حذرا من المنقود عند الرجاجيل ... خلك كما غواص لولو بحرها
خلك هديب الشام يصبر على الشيل ... وحشو الزلق يا حمود حمله يعسرها
دوك الرساله خل عنك التعليل ... لعبد الكريم الزيد وصل خبرها
عبد الكريم الاسلمي عدل الميل ... بالعقل والحكمة يطلع ثمرها
الليث ولد الليث عوق الرجاجيل ... كم حايل بيمناه دمه نثرها
راعي الفعول الي عليها التماثيل ... رجله على درب المراجل نذرها
حزام القريب مقرب البعد بالنيل ... حيثه ينال الطيبه ويقتدرها
للمدح يستاهل ولا هي اقاويل ... شوف المعاني فيه تصدق دررها
منباع طيب ان بدل الناس تبديل ... ما غرته دنياه وضاع بسفرها
ثم انشده عن بنت ما شفت له جيل ... ولا دوجت بالسوق ولاحد نظرها
اسمه يباع ويشترى وبه محاصيل ... وزعاج البدوان لاجا خبرها
خفوق زوله ذلل النبت تذليل ... بسم الولي المعبود ربي صخرها
محرم عليها جيزته بالرجاجيل ... وبكتاب والي العرش ربي ذكرها
 
رد: ديوان الشاعر عبدالكريم الجباري

0-2.jpg


يالله يامنشي علينا الهماليل ... الي ذنوب التايبين تغفرها
انت الوحيد الي منزه عن الميل ... ياعالمن سر الامور وقدرها
رحمال في يومن نشوف التهاويل ... في حزتن كل النفوس تحشرها
في حزتن ماينفع الحط والشيل ... ولاينفع التاجر كنوزن تجرها
يالله يامن عدل الخلق تعديل ... نفوسنا يالله نبيك تعذرها
ومن بعد ذكرك زان بدع التماثيل ... اقطف جميل الورد و انقا زهرها
قم يانديبي فصل الخط تفصيل ... يمك لخو وضحه تزايد فخرها
حر تمركز فوق روس الشخاليل ... كريم سبلا لاتزايد دهرها
حرن ولد حرن وربعه مداهيل ... اعيال عدين منخلق من حقرها
اهل الفعول السابقه والمقابيل ... من دور حاتم لين تفني بشرها
ملفاك بيتن مدهلن لرجاجيل ... داره بعطران الشوارب عمرها
تلقى دلالن عند صف المعاميل ... وكرامتن حق الطراقي نحرها
من صلب عودن ما حسب للمحاصيل ... رجله على درب المراجل امرها
هرجن وكاد ولايبيله دو اليل ... عن ديرته ياكم قومن قهرها
ياخال يوم انك تشكى من الجيل ... صادق وكل اكبود ربعك قهرها
مرات اقول ان الليالي تساهيل ... ومرات اقول الجيل هذا دمرها
مريض قلب وواضحن بالتحاليل ... ازوال ناسن تخدعك في صورها
جيلن يدور كثرت القال والقيل ... فاشل وقمات الشهامه حدرها
وقتن يجمل خايب الفعل والذيل ... والا الحرار تموت محدن ذكرها
ياخال وش نفعل ومابيدنا حيل ... والكل منا حاجته ما ذخرها
وقتن علينا قفل الحل تقفيل ... ربعك من الدنيا بتاخذ حذرها
مابين نقاص العقل و المهابيل ... احدن تقبلها والاخر نكرها
قد قالها قبلي من الناس حلحيل ... فبيات شعرن تطربك في عبرها
لو كنت تسكن في مصر والبرازيل ... اخير من ناسن تشيل بصدرها
والي خلق هالبحر الاحمر مع النيل ... لاخير في من لاحياته صبرها
جينا على الدنيا وحنا مراسيل ... في طاعه نبشر بشي بثرها
نشدتني عن بنت في تالي الليل ... قد خالطت بدوانها مع حضرها
تضوى علينا مثل ضوي القناديل ... مجموعتن رب الكواكب صخرها
شبيهة الجوزا ومعكوسه اسهيل ... والكل منا في عيونه نظرها
 
رد: ديوان الشاعر عبدالكريم الجباري

582373074-1.gif



اليتيمه
خالد وضيدان كلن قال انا راعي اليتيمه
مادرو بان اليتيمه قطعة مني وفيني
بند من بند الحقوق يقول ذي سرقه عظيمه
واللذي ماهو مصدق لاقرأ نصي يجيني
هيه ياخالد وياضيدان يامال الغنيمه
واحدن شعره سمعته واحدن شفته بعيني
الفشق والفرد زاهب والخصم يلقى خصيمه
عاصبن راسي وراسي شر لعيونك ضنيني
يابعد من زاقت اعيونه على صورة حليمه
ويابعد من شال في قلبه علي ولايبيني
ياليتيمه من عرفتك ماعرفت الا الحشيمه
ومن فقدتك يايتيمه مافقدت الا يميني
لو بقول اني نسيتك اوووه ياكبر الظليمه
لو اقول اني تسيتك كني انسى والديني
ولو بقول البعد عادي بعتبر هذي جريمه
شاعت بكل البقاع وبصمه العار بسنيني
ياليتيمه مالقيت الطب لجروحن اليمه
ماظلمتي غير نفسك قبل انك تظلميني
ياليتيمه خافي الله صرت لجروحي وليمه
خافي الله ياغلاي الله عليك اتسامحيني
لو انا ماكنت مخطي والبلا بهل النميمه
جبت لك ميه عذر يمكن تجين وتعذريني
الله اكبر يا زماني كان لي قدرن وقيمه
كان لي .....! واليوم هذا خافقك مايشتهيني
كان لي...!والعالم صرت انا موضه قديمه
كانها فعلا كذا....؟ ياخي تعالي جدديني
والله اني مازرعت الا نواياي السليمه
وماحصدت الا العذاب وفوق هذا تجرحيني
ياليتيمه.... ياليتيمه ....ياليتيمه... ياليتيمه
ياليتيمه راح صوتي راح صوتي واسمعيني
لو بقول اني نسيتك اوووووه ياكبر الجريمه
بس لبيلي طلب لو مت بالله سامحيني
تمت الاضافة بواسطة : أجوديه
 
رد: ديوان الشاعر عبدالكريم الجباري

x.png



لفاني حلم ياصعب تعبيره * وحيرني عسى في الأمر خيره
سواد بالسماء والبرق قبله *ومن قو الهوى تسمع صفيره
طرالي شي واحد قلت يمكن*سنا شعرا يطالب بتحضيره
انا لي مزنه لاقلت وينك * أشوف بعينها دهشه وحيره
باخليها تصب بكل وادي * لين السيل يرعبك بهذيره
وخليها تفرع في شغايا * ومشي كل سيل مع محيره
وأذا راحت لأجا وسلمى * أرددها قبل مفرق سميره
مادام أن جدنا حاتم سكنها * حقلنا الفخر في كل ديره
أذا هالنور به شخص يغطه * فلا يقدر على شمس الظهيره
تسمع للشعر والخافي أعظم * وشوف الوسم تعرف من بعيره
أنا ماني ببو زيد الهلالي * ولا كابرت مثل أبن المغيره
ابن عدي الغريري لوسمحتو * سفير من عرب شبه الجزيره
أنا بلسان أخو مريم باجدد * وفانا مع محبتنا الكبيره
تحيه سيدي صباح الأحمد * الى الشعب الأماراتي وأميره
من لسان الصباحي للفلاحي * تحيه ورد يزها في عبيره
أذا في كل دوله له سفاره * ففي لسان الشعر أنا سفيره
أنا مايسمع الأصقه كلامي * ولا راعتني العين الضريره
أنا يفهم كلامي كل عاقل * واقول الشعر لعقول بصيره
أذا صار الشعر مافيه حكمه * فهذي تعتبر حاجه خطيره
أبي لامت وش الي يتخلد * أذا كانت لكل أنسان ديره
بعد موتتك تلقى شي واحد * ياذكرن بالفخر والا المعيره
وكل أنسان له طيحه وزله * ولابد الرجل يحكم ضميره
أحد غض البصر خوفن من الله * وأحد عينه على بيت القصيره
ترى الي به حيا يلقى وقاره * ومن مابه حيا يلقى الحقيره
أحد يصبح غني في ذل نفسه * غني لاكن معه نفس فقيره
يعيش الأدمي ماهو محصل * سوى المكتوب له بأمره يستديره
وترى الرجال لو كبت من معه * غدى مثل المعلم بالقصيره
نعم لو غزلك راسه ضعيف * وش الرجال من دون العشيره
خلقنا الله من شعوب وقبايل * وكل حافظ بلوه وبيره
وكل أنسان له حق يتفاخر * ولاكن لا يهضم حقوق غيره
ترى لو تختلف فينا العوايد * بنا فزعه بنا شيمه و غيره
ولاكن كل شي وله وقته * زمان الجد الأول طار طيره
مثل فزعاتنا أول في البنادق * وزرق رماح وسيوفن شطيره
لاكن اليوم صارت بالرسايل * تدز الرقم برساله قصيره
وانا ماجيت أجرب فعل ربعي * له في مضرب الفزعات سيره
طنايا لورضينا مارضينا * تصير الأوله مثل الأخيره
طنايا وافخر بكل الطنايا * سوى في نجد والا في الجزيره
وسبع تنعام في كل القبايل * وكل يشرب الماء من غديره
ولامني طلعت بوجه أبيض * كسبت أصداء ووجيه سفيره
 
رد: ديوان الشاعر عبدالكريم الجباري

default-1.jpg


هوى الغربي
حسبي الله ياهوى الغربي على ذعذاعك
جدد اجروحن قديمه كنت انا ناسيها
اه يامحلا هواك ولو تخف اطماعك
جيت تحرثني وانا الي علتي كاميها
من ربيع العام الاول ماعرفت اوجاعك
جيتني فاتح يديك وجبتلي طاريها
ليه؟تكفا! ياهوى الغربي ياشين اطباعك
ليه ماتدري عن الي هدها يغليها
ايه مغليها وربي مانويت اخداعك
يوم راحت صارحتني والحزن معميها
قالت اطيع الزمن لو الزمن ماطاعك
قلت وش فاد الزمن...؟ ..هالسالفه كبيها
قالت انت اصبر حبيبي وانتبه!بسماعك
جمعتن تغضب الاهي والملا مابيها
ادري انك لو قدرت اتجيبها بذراعك
لاكن انك عارف اولها مع تاليها
والله اني عاذرتك ولاعني ما لاعك
وش نسوي والحظوظ السود وش حاديها
العقل والدين وسلومن مشت في قاعك
ياحبيبي بالامانه وشتبي...؟.....نمحيها
قلت لا وقالت اصلا هي ثلاث ارباعك
باعها كل الثلاثه والربع شاريها
الحصيل اهو الحصيل ولو حصد زراعك
والزروع الي ازرعوها كلنا نجنيها
المهم اني عشقتك لو قضى مرباعك
والطيوف الي تجيني الله محييها
ياحبيبي ودي امشي والعذر لوداعك
بس تكفا وص في نفسك وانا بوصيها
قمت اردد عزتيلي لو يغيب اشعاعك
واستدارت دون نظره واشرت بيديها
عزتيلك يالجباري لو لبست اقناعك
دنيتك وش هو طعمها لو جفا غاليها
مركبك وين يغديبك لو فقدت اشراعك
بنشدك وشلون بالله ليلتك تمضيها
اه ياقلب الجباري وين هو فزاعك
واه من جور الليالي لو قضى حاليها
حسبي الله ياهوى الغربي على ذعذاعك
جدد اجروحن قديمه كنت انا ناسيها
 
رد: ديوان الشاعر عبدالكريم الجباري

default-1.jpg



افا
الطير لاكسرت جنحانه يطير؟
هذا السؤال اللي يدوج بالخفا
ما همني ما بعد هذا وش يصير
الي حصل في صفحة الماضي كفا
ما بين خوف الله وتأنيب الضمير
ما خاب اي شخص لوجه الله عفا
انا السفير اللي يدور له سفير
وانا الوفي اللي زمانه ما وفا
شفت الزمن لبسني الثوب الحرير
وثوبه يبنجني لطعنات القفا
ما عاد ابي ثوبه وابي ثوب الفقير
اللي احس بلبسته ستر ودفا
اسهل ما بالدنيا برستيج الامير
بس المصيبة لو بعد ناره طفا
من عاش وقته لايجار ولا يجير
محدن بداريبه مشى والا لفا
والكلمة اللي حدها حد الشطير
لا قال شخصن تحسب حسابه افا
ياكبرها كبراه في عين الكبير
ويا صغرها للي بمرجلته هفا
الحمل ما شاله سوى ظهر البعير
اللي تبين في مواطيه الحفا
البارحة تقريب في حزة عصير
كنه خفوقي قطعن في دار السفا
طرا علي الحب الاول والاخير
اللي معلقني على جسر الجفا
وش هو سبب هالصد والدنيا بخير
ليته مأكد صددته والا نفا
ماني بناقص هم تكفا يالعشير
جفنك ينام وجفن غير ما غفا
ابك انت غير وغير أي والله غير
لوهو صفا جوي بدونك ما صفا
لاكن خذ الشرهة وأنا اخبرك كبير
ما هي تجيني منك يالغالي افا
 
رد: ديوان الشاعر عبدالكريم الجباري

default-1.jpg


القبايل
اجر البيت جرات الربابه
واعبي جربته واملى زهابه
ويسالني وانا اعطيه النصايح
ومالك يالسؤال إلا الاجابه
إلا منه توقف عند غيري
ماهو همي ولا بحسب حسابه
والا مني كتبته ما اتصنع
من الخفاق لو محدن درابه
وانا بكتب عن اللي ما حسبها
على روس الملا يقرا كتابه
يمدح لابته واظن حقه
ومدحه جايبه بحساب لابه
يضر الغير في مدحه وطرقه
يبها مدح ثم صارت طلابه
ياخوي امدح بلا ذكر الوقايع
ترى فعول العرب فيها تشابه
اذا لك وقعة ن عنده وقيعه
واظن السيف يشهدلك جرابه
تحسب انك غلبتم ما انغلتم
اذانك ذيب به غيرك ذيابه
وكلن ماخذن حقه غصيبه
تحدر بالفعل والا رقابه
ومحد يخفاه علمن من حديكم
بصلح الوقت والا في خرابه
يا اخوي اذكر فعول الطيب والا
ترى جنسك فلا يكثر شبابه
تكلم فالكرم والجود يكفي
وعن الشيمه وساسك وانتسابه
وعن الخوه مع اكرامك لضيفك
وعن جارك تزيدبك الحبابه
يا اخوي المرجله ماهيب سهله
ولاهي هقوة ن كلن هقابه
ياخوي المرجله ماهي في بشتك
نواميس الرجل ماهي ثيابه
ياخوي المرجله بيبان واجد
ولا كلن يعد افعول بابه
تعد الناس فعلك وتحكيبه
ياشين اللي فعل فعلن حكابه
ياخوي ان كان في لابتك شاعر
ترى الشعار قولك ما تهابه
يجيك الفين شاعر من ترده
يهلونك مثل هل السحابه
بعيد الشر فال الله وفاله
تراه مقرود والله من بدابه
قبايلنا شرف من فضل ربي
لهم حشمه وشيمات ومهابه
شماليها جنوبيها وغيره
رجلهم يكرم ويحشم جنابه
تبي تعرف الموده و المعزه
وصيحيح القول ومن الزور مابه
تغرب في ديار اهل النجاسه
مع الكفار عمرك في نهابه
فاذا شفت العرب تشفق عليهم
تحس ان بينكم دم وقرابه
فمابالك اذا شفت القبيلي
تحس اخوك لو مابوك جابه
 
رد: ديوان الشاعر عبدالكريم الجباري

default-1.jpg


سفير الشعر
لفاني حلم ياصعب تعبيره
وحيرني عسى فالامر خيره
سوادن بالسما والبرق قبله
ومن قو الهوى تسمع صفيره
طرالي شي واحد قلت يمكن
سنا شعرن يطالب بتحضيره
وانا لي مزنة لاقلت وينك
اشوف بعينها دهشه وحيره
بخليها تصب بكل وادي
ألين السيل يرعبك بهديره
واخليها تفرع في شغايا
وامشي كل سيلن مع محيره
واذا راحت لاجا والا لسلمى
ارددها قبل مفرق سميره
مادام ان جدنا حاتم سكنها
يحقلنا الفخر في كل ديره
واذا هالنور به شخصن يغطه
فلا يقدر على شمس الظهيره
تسمع للشعر والخافي اعظم
وشوف الوسم تعرف من بعيره
انا ماني ببو زيد الهلالي
ولا كابرت مثل ابن المغيره
ابن عدي الغريري لو سمحتوا
سفير من عرب شبه الجزيره
انا بلسان اخو مريم بجدد
وفانا مع محبتنا الكبيره
تحية سيدي صباح الاحمد
الى شعب الاماراتي واميره
من لسان الصباحي للفلاحي
تحية ورد يزها في عبيره
اذا في كل دوله له سفاره
ففي لسان الشعر انا سفيره
انا ما يسمع الاصقه كلامي
ولا راعتني العين الضريره
انا يفهم كلامي كل عاقل
واقول الشعر لعقولن بصيره
اذا صار الشعر مافيه حكمه
فهذي تعتبر حاجه خطيره
ابي لامت وش اللي يتخلد
اذا كانت لكل انسان ديره
بعد موتتك تلقى شي واحد
يا ذكرن بالفخر والا المعيره
وكل انسان له طيحه وزله
ولابد الرجل يحكم ضميره
احد غض البصر خوفن من الله
واحد عينه على بيت القصيره
ترى اللي به حيا يلقى وقاره
ومن مابه حيا يلقى الحقيره
احد يصبح غني في ذل نفسه
غني لكن معه نفسن فقيره
يعيش الادمي ماهو محصل
سوى المكتوب له بامره يستديره
وترى الرجال لو كب الجماعه
غدى مثل المعلم بالقصيره
نعم لو غزلك راسه ضعيف
وش الرجال من دون العشيره
خلقنا الله من شعوب وقبايل
وكلن حافظن دلوه وبيره
وكل انسان له حق يتفاخر
ولكن لا يهضم حقوق غيره
ترى لو تختلف فينا العوايد
بنا فزعه بنا شيمه وغيره
ولكن كل شي وله وقته
زمان الجد الاول طار طيره
مثل فزعاتنا اول في البنادق
وزرق رماح وسيوفن شطيره
لكن اليوم صارت بالرسايل
تدز الرقم برساله قصيره
وانا ماجيت اجرب فعل ربعي
لهم في مضرب الفزعات سيره
طنايا لو رضينا مارضينا
تصير الاوله مثل الاخيره
طنايا وافخر بكل الطنايا
سوى في نجد والا فالجزيره
وسبع تنعام في كل القبايل
وكلن يشرب الما من غديره
ولامني طلعت بوجهن ابيض
كسبت اصداء ووجيهن سفيره
 
رد: ديوان الشاعر عبدالكريم الجباري

default-1.jpg



شرابت الهوى
يقول الي تغنى في كلامه
عرفت ان الليالي شبه خامه
تروح وتنطوي والعلم يبقى
اذا كان الردى والا الشهامه
ابقصد واعسف القاف وبغني
ولا مريت من جرف لعدامه
انا اصعد من طويله لي طويله
وعلى شعري مواثيق وعلامه
ولا طقيتها في كل حاكم
ادور حاجة البطن وطعامه
انا غنيت للطيب وطيبه
واكرم من تحق اله الكرامه
على الجبلان وجهت القوافي
لعنه الله من زت الملامه
هذولي لابة الجبلان والله
لهم قدر الجباري واحترامه
هل الردات مرويت الهنادي
عوايدهم يفكون الجهامه
يسفون الهوى زود الطناخه
يبون التاج هاوين الزعامه
الا منه نخاهم من نخاهم
يذبون الطواقي والعمامه
والا من قال ابن لامي مشينا
تحزم كل رجلن في حزامه
يجون الموت مايدرون وشو
يبون امن الجمل عالي سنامه
نعرف فعولهم والناس تدري
واظن النور جلاين ظلامه
وعليك بديرة الصمان تشهد
وتشهد نجد مع وادي تهامه
وتشهد ديرة العارض كلامي
عن الي مر في قاع الثمامه
ويشهدلي نهر دجله والاردن
من بلاد الشريف لحد شامه
واذا جت للكرم ادخل على الله
تسر الظيف في سفحت يدامه
ترحب من قبل عرف الطراقي
مع حلو النبا زود ابتسامه
انا خاويت منهم كم واحد
وهاض القلب ثم وثق كلامه
عرفت عيال بتال العناني
ياجعل النار ماتلمس عظامه
وشفت المرجله ربي يقاهم
من عيون الحسود ومن سهامه
يعل الي حمل فيهم يخلد
على الفردوس في يوم القيامه
يقوله شمري جاب الحقايق
على الجبلان قد وجه سلامه
 
رد: ديوان الشاعر عبدالكريم الجباري

default-1.jpg



الجيب والقرناس
الجيب والقرناس وخوة هل الطيب
تسوى مجالست الحضر فالمدينه
ماسبهم واعرف انا مابهم عيب
بس الهوى ياهل الهوى حد لينه
عزبه وخيمه والصحاري مضاريب
والتيس من قبل الضحى صالخينه
ومعلقينه من كراعه على الجيب
والبن الاشقر تونا حامسينه
شبت حطب ماهي بشبة عياسيب
ارطا وعرفج يمنا حاطبينه
واليا سنت شب الجروم اللواهيب
قام المقهوي قرب الماء بدينه
ركب دلال مجلدات المقاظيب
بغداد من سوق الحفر جالبينه
بيضن تلالا يطعمن المشاريب
تبعد عن انفوس العباد الغبينه
واليا احتمى ماهن يشيل المراكيب
يحط كيفن بالنجر طاحنينه
فنجال ونص وردهن يمه قريب
وجاب البريج وسكره في بطينه
وحطه على صفه هذيك المهاذيب
والبن فاح وركده في سكينه
وجاب الدلال الي يعرف المواجيب
ثنتين غير الي بهن عاملينه
مجنون كيف ورتب الامر ترتيب
حط البهاروريح هيله يازينه
ثم زلهن لين استوى باخر السيب
وحطه بناره ربنا لاتهينه
وقال اقدعوا تمر حلو توه امجيب
اخلاص من دار الحسا محظرينه
ثم صب فنجاله ومابه عذاريب
والله على الفنجال تسلم يمينه
مجربن ماهوب يحتاج تجريب
اي والله انا كلنا مجربينه
مافيه ظيف وكل ابونا معازيب
والشاي خدر والورق حاكرينه
وعقب السوالف والقهاوي مطاليب
كل يناظر للمواتر بعينه
نبي نهيف فوق روس المراقيب
وانفرع القرناس لاجل السمينه
اليا خطفها خطفتن بالمخاليب
تبري النفوس الضيقات الحزينه
واليا انتهى المقناص جبنا مكاسيب
والحر الاشقر عقبها مبرقعينه
ونمشي ونلقا يمنا فطر شيب
ومفرود يطرد من ورى امه تنينه
وسط النفود ولانمر الشخانيب
نخاف من ظرب الحصى فالمكينه
ووساع صدر ونطقنا بالتراحيب
واعقولنا هي العقول الرزينه
ياليت لي دورن بغوج الاطانيب
وانسى حضارات الخراب وسنينه
اخير من طرد البنات الرعابيب
واحدن تسمع من عذابه ونينه
ممشاي صح وخوتي للاشانيب
رجل يصد اعن المراجل ياشينه
 
رد: ديوان الشاعر عبدالكريم الجباري

default-1.jpg



الناس البليده
بين جرات السبيب وبين تنويع القصايد
قلت اعبر ماجرى في خاطري باصدق قصيده
لو نشدت الحرف عند البعض به ناقص وزايد
يايقصر في عطا صافي البحر والا يزيده
صفقيله يالمجله وانشريله يالجرايد
عقبها هاجم خلف هذال في وسط الجريده
راحت الساحه تفاهه بين عيد وبين عايد
دايم نفس الكلام الي يقولونه يعيده
يارجال العرف والا ياوسيعين البنايد
انتهض راس المعنا واحتمى راس الحديده
طير ابن برمان لو تثني عليه الناس صايد
لاكنن فرقه على باقي الحرار الي يصيده
لاسلم راعيه منه ولابعد جاب الفوايد
هي كذا العالم كثير اشكال وانواعن عديده
يحسبون الطيب هين مادروا بالطيب كايد
والرجال الي تبين من يجيب الطيب بيده
من بغى يرقا بفعله مايعرض للنقايد
النقيده لارقا في لابته والا عظيده
الوفي تلقاه عند اهل الوفا واهل العوايد
والردي لو هو مسك باعلى المناصب ماتفيده
ولو سمعت القول سند بالسند تلقى سنايد
لاتطيح بحفرة الجهيل والنظره بعيده
مايبين لك خوي ياكود في وقت الشدايد
اما خيبب لك ضنونك والا يطلعلك وليده
مانقول الا الصحيح ومانجيب الا الجدايد
والليالي دايره وانفهم الناس البليده
 
رد: ديوان الشاعر عبدالكريم الجباري

default-1.jpg



تجربه حب
الحب كنه لعب حظ ويانصيب
مرات حظ اوفر ومره تكسبه
والي فشل بالتجربه ماهوب عيب
من الاساس نقول هذي تجربه
العيب لا واجهتلك اصدق حبيب
شاريك من بد العباد وتعقبه
والعيب لاوقفت من دون القليب
لانتا عطيت الماء ولانك تشربه
والعيب لاناظرتلك ايات طيب
لافاعلن مثله وتبغى تنسبه
واكبر خطا لاجات من يد الطبيب
زله وزلات الطبيب محسبه
واكبر خطا لاخون السان الأديب
والا السفيه ان جات محدن ناشبه
واكبر خطا من قال بنساب العريب
لاحاشمن نفسه ولاحشم شنبه
واكبر خطا التحقير بإنسانن غريب
ولا عرف وش هو ولاعرف نسبه
مايفهم المقصود ياكود اللبيب
الي يجدف بالفهامه مركبه
والحب كنه لعبه حظ ويانصيب
مرات حظ اوفر ومره تكسبه
 
عودة
أعلى