طلعه بر لأعضاء نسيج***للضحك والكركره***


سلام ...

كيف الحال ياشباب ... وياصبايا...

وشلونكم وشلون العيال...


اليوم جايب لكم موضوع يضحك وبتمنىا محدا يزعل أووكي ..؟؟

بما أن الربيع والخير والمطر جاء ..

نبي نطلع للبر كلنا يالاعضاء شباب وبنات ==>الله يعينا على غثاهم ههههههههههه

وعشان الموضوع موضوعي ابصير انا ملك الرحله ==>مب عاقل ميدووو

وابخلي سادس ولي العهد ==>ماتجي بس تحملو عشان موضووعي

وابخلي لا لا النائبه الثانيه ==>عز الله الرحله رايحه فيها


المهم طبعا ابقوم انا شخصيا بتوزيع المهام على الاعضاء

واللي مايلقى اسمه يقولولي وانا اجيب له شغل لو من تحت الارض هههههههههههههه

اهم شي يرد ويقول ابجي

طبعا على الجميع الحضور وسماع كلام الملك او ولي العهد ==>احسن ياميدووو بتصير قوي هههههههه

1-على الجميع الحضور والالتزام بما اقوله .

2-كل واحد يطلب منه شي لازم يسويه والا نبي نقطع اذانه وبنحطها مع الرز

3-يمنع منعا باتا الخروج من المخيم الا باذن الملك او ولي العهد واذا صار ولي العهد ممشغول

سماع كلام النائب الثاني.

4-مافيه احد يجينا ويقول ابي ارجع للرياض عندي شغل مافيه خلص شغلك من هاللحين عشان ماتزعجونا.

5-اللي يرجع للرياض طبعا بعذر يعني لازم اوافق انا شخصيا عليه

يروح بس لا يجي الا بعذر من مستشفى لا سمح الله

او اي جهه حكوميه ويمنع التقارير الطبيه اللي من المستشفيات الاهليه هههههههههههه

6-اي شخص يذكر اسمه في الموضوع غصب عنه يجي خلاص اعتمدنا

وصعبه على الملك يغير كلامه ههههههههههههههههههههههههههههههه

بس باقي الشروط بعدين اقولكم عنها ..

طبعا الرحله بتكون لاحد الاماكن البريه اللي حول الرياض يعني مانبي نبعد ...

يكمن نخيم في الربع الخالي ولا الدهناء == هههههههههه

وانا شخصيا مختار مكان وحاجزه

يالله خلونا نوزع المهام عليكم

طبعا بما اني الملك صعب شوي اجيب معي اغراض

وعشاني فكرت لكم في هالطلعه منيب جايب شي

وولي العهد ماعليه شي لاننه طفران خلقه ههههههههه

والنائبه الثانيه ((لالا)) تجيب معها العزبه والقدور والدلال

يالله نبدا بك يا في اي بي تروح للمدرسه وتجيب لنا باصين من الباصات الصفر حقت البنات

عشان تشيل الاعضاء تعرف بعض الاعضاء مامعه سياره او بعضهم ما يسوقون مثل البنات ههههههههه

الهامور و عاشق بنت الريف ذولي عليهم ييسوقون الباصات هههههههه

اتحادي مهمتين المحامي في الرحله وهو اللي بيسوق بسيارتي الشخصيه( فياقرا )هههههههه

bmw , حمد , عريبج يروحون ويجيبون 3 هايلوكسات غمره واحد.

سياره bmw يعبيها حطب وسياره حمد يحمل فيها الخيام والمواطير

عريبج يعبي فيها جوالين وتوانك المويه ويروحون للمكان قبل الاعضاء

فيقوو يجيب سياره مليانه زوالي والفرشات عشان بعض الاعضاء مايحب يجلس في الرمل==>ياي

سام6 واكس لارج يروحون ويطقون الخيام طبعا خيام كبيره للاجتماعات والوناسه

وخيمه للبنات ووحده للمطبخ ووحده مستودع للاغراض.

((مافيه احد.......)) عليهم يروحون ويفرشون الفرشات.

طبعا اي شخص بنشوفه سمين ودب نبي نوكله على طبخ الغداء والعشاء . <<< عز الله الي ماكلنا شي

والوعد عليها تقطيع البصل والطماط والثوم وتقوم مطفوقه خطبها نصيب بمساعدتها وتوكيل ميمي

مشرفه المطبخ واعداده ===>ياحظك يا ميمي مشرفه في البر والمنتدى ههههههههه

برورة وريم شغلهم يغسلون المواعين والبيالات

طبعا يكون هناك مساعده من ام اسامة وبعض البنات اللي ملقينا لهم شغل ههههههه

((محتاج بنتين)) يغسلون الكراث والجرجير ==>تخبرون البنات يحبون هالخرابيط

وباقي البنات تشوف لهم ميمي بعض الاعمال.

طبعا اعداد الشاهي والقهوه والحليب والزنجبيل على ruby

بسمة حلوه عليها تقطيع اللحم على الطلب اللي يطلبونه منهم الدببه ==> حقين الطبخ هههههههه


ديمووو يمر على أقرب محطه ويجيب منها كشافات وتانكي مليان ديزل للماطواير

طبعا اكيد فيه اعضاء نسيت ماقلت اسمائهم بس ماعليكم اي واحد يرد ابعطيه شغله

او انه يختار بين الاشغال التاليه

1- احضار 15 خروف عشان نشبع الاعضاء ههههههههه

2- نبي 4 فاضين يمورون ابو ريالين ويجيبون بيالات وكاسات وفناجيل

3- يجيب المناديل والاغراض البلاستيكيه

4- يجيب الصابون والليف والفيري عشان تغسيل اليدين والمواعين

5- يجيب القرصان والبر عشان نسوي قرص الجمر

6- 4 اشخاص نبيهم يمرون اقرب محل خضار ويشترون الفواكه والخضروات.

7-القهوه والشاهي والهيل والزنجبيل والسكر.

8-احضار التلفزيون عشان نخلي الاعضاء يشوفون سبيس تون ===ههههههههه

لا تخافون انا ابجيب اريل وابعلقه في ظروس الهامور عشان اذانه كبار وصافيه ماشاء الله عليهم

9- ==>نائب ثاني ببلاش هههههه

طبعا بيصير المخيم كبير ووسيع وتخبر وبنحط فيه ملعب بيسبول وملعب قولف ==ههههههه

باقي الشروط

يمنع منعا باتا احضار جوالات فيها كميرا او بلوتوث عشان ما ينشغلون الاعضاء

ويرسلون لبعض وتصير الجلسه بايخه ==>يتعقد من هلحركه في الاستراحه

اي شخصين يطلعون يمتشون مع بعض نبي نخليهم وافقين 24 ساعه عشان يعقلون ويصيرون رجال

اكيد بيجي واحد ملقوف ويقول لو اللي طلعو بنات بتخليهم رجال بعد

انا ارد عليه واقوله مهوب شغلك واوقفه مع اللي

يطلعون عشان ما يصر ملقوف مرتن ثانيه هههههههههههه

اي شخص يجي ويشتكي من شخص ثاني راح تكون المساله عند المحامي المراقب

واذا صارت كبيره يرسلها الى هيئه التمييييز او مجلس الشورى ويتكون هالمجلس

مني شخصيا وديمو وسادس واتحادي و لالا والهامور السعودي

طبعا كل صبحيه في تمارين خفيفه مثل تمرين الظغط يتمرن 600 مره (فقط)هههههههه

طبعا كل واحد يجيب معه السليب باك ==>مرقد النوم والفرواه او البشوت

وياويل اللي يجينا ولا بس جنز سواء من العيال او البنات

طبعا في وقت العصر بيكون فيه مباره بين الشباب والبنات طبعا البنات يلعبون وهن متغطيات

عشان نفوز عليهم هههههههههههههههههههههههههه

وفيه مسابقات خفيفه مثل شد الحبل ==>اشين لعبه في العالم توجع اليدين وبس

ولامانع من لعب البلوت والكنكان

والبنات يصلح يجيبون عرايس مثل باربي وفله ويلعبون فيها ههههههههههههههههه

واللي بيزعجنا يبي يرجع للبيت نبي نشغل له هايدي والا سالي وفلونه هذا للبنات

والاولاد نشغل لهم كابتن ماجد وسنشيرو

واذا كان اللي يصيح ولد وبنت بنشغل لهم عدنان ولينا هههههههههههههههههههه

الرحله مدتها 40 يوم ===>> ويييييييين لو أنها الصاعقه على غفله ههههههه





ملاحظه:::::::

ياليت محد من الاعضاء يزعل واللي بيزعل فانا اسفه وترى الموضوع للوناسه والضحك

واسفه على الاطاله