الجزء [1] من قصة قلبي غاب عني
اليد العود : غيث ( بو بطي ) متوفي [
اليده العوده : نافجه ) ام بطي ) متوفيه
وعندهم ثلاث اولاد ) بطي , معضد , حمد(
العايله الاولى 1
عايلة بطي بن غيث
بطي ) بوشهاب ( وماخذ موزه ( ام شهاب )
وعندهم :
1- شهاب : ماخذ غايه وعندهم:
هزاع 19 .. ثاني سنه في الجامعه ..يدرس طيران
, مبخوت 18 ..اول سنه في الجامعه يدرس اعلام
, هند 17 ..ثانزيه عامه..مدرسة الصفوح
, شوق 15..اول ثانوي.. مدرسة الصفوح
2- شيخه: ماخذنها سعود وعندهم :
مطر 20 ..يشتغل في الشركة
, ثاني 19 ثاني سنة في الجامعه ..ويدرس بزنس
, ميره 18..اول سنه في الجامعه ..تدرس طب
, مهره 17..ثانوية عامة..مدرسة الصفوح
3- عبيد: ماخذ وضحه وعندهم:
سلطان 18.. اول سنة في الجامعه..
, سلامه 17 ..ثانوية عامه..مدرسة الصفوح
, حمده 16..ثاني ثانوي..مدرسة الصفوح
عياله وعيال عياله كلهم متيمعين عسب يروحون بيت خوه[حمد بن غيث
ذياب :انزين ظبيوه قولي نحن مانعرفهم ذاك الزود
ظبيه: شي طبيعي ياحبيبي
مبارك: ليش ان شاء الله
سعيد: الحينه كل هالحشره عسب قلنا لج قوليلنا عن عيال عمي حارب وعمي حامد
ظبيه : والله نحن كل مانسير هناك الخميس حضراتكم تروحون تحوطووون وتهيتوون
وتستهبلون ع خلق الله
عفرا: وحتى ماتوون تسلموون
رفيعه: واليوم اكيد محد بيعرفكم
ظبيه: لا هزيم بيقوول منو هالشباب من وين يايبينهم اكيد سايرين مول من المولات وميمعين المغازلجيين كلهم هنيه ههههههه(تضحك بدون نفس لانها تقصد سهيل بكلامها! )
ظبيه تحب سهيل بس سهيل مغازلجي وانجرحت منه يوم سمعته يرمس بنيه كانت تعرف انه يرمس بس كانت تقص ع عمرها واتاكدت وقررت انها تنساه وتشله من بالها بس وايد صعب لانها دووم تجابله ويتيمعوون بحكم انه ولد خالها والشي اللي ماكانت تعرفه انه سهيل توه بدا يحبها]
رفيعه : يدي حمد بن غيث عنده بس ولدين واللي هم عمي حارب وعمي حامد
عفرا:عمي حامد عنده ولد واللي هوه هزيم معرس وحرمته اسمها عذبه وعندهم سيف واروى... والبنيه عليا عمرها من عمر ظبيووه
ظبيه: وعمي حارب نفس الشي ولد وبنت حمدان معرس وحرمته اسمها حصه وعندهم زايد وريم , والبنيه خلود بعد من عمري
سعيد: اها يعني ماعندهم شباب من عمرنا
عفرا: بس حلوه القعده فياهم ماتنمل
,,,,,,
ونفس الحاله في بيت [بطي بن غيث]..
عياله كلهم متيمعين وعيال عياله لنفس السبب
وطبعا الشباب يسالون عن قوم حمد بن غيث بس هنيه مايسالون البنات ....لا ..يسالون اليد..
ويدهم يحب يطفربهم ...
وفنفس الوقت يريد يادبهم لانهم نفس الشي ..
يظهرون الخميس وماييون بيت حمد بن غيث..
هزاع: انزين يدي قول
اليد(بطي):انزين الله يسلمكم خويه حمد اللي يوم يابته اميه الله يرحمها..
ثاني: الله يرحمها ..يدي الله يهداك.. نحن قلنا لك منو عيالهم مب متى امك يابت يدي حمد
اليد..(مستانس من داخله وهو يطفربهم بس مايبتسم عسب مايخرب ع عمره
هههههه<<يدهم غير شكل بعد..(
سلطان: يلالا يدي كمل
اليد(بطي): انزين خويه حمد عنده ولدين الاول يابته حرمته يوم كنا في رحلة غوص احيد كنا سايرين..
مبخوت: يدي دخيلك خل رحلة الغوص عنك وقول شو اسم هالولد وخوه
اليد(بطي): الولد الاول اسمه حامد والثاني حارب ..(وسكت(
مطر: انزين مو معرسين؟؟
اليد(بطي): لالا وين معرسين وكل واحد منهم يد بعد
هزاع: انزين منو عيالهم
اليد(بطي) : حامد يوم عرس عقب سالفه ال......
وعرفوا انه بيفج سالفه ثانيه وتمووا عنده لين ماخبرهم وطبعا بعد ماطلعت ارواحهم خخخخخخخخ ...
صقر واحد في فريجهم يحب عليا وهي مو معبرتنه بس اتخاف منه لان خلود وعليا
يخافن من الشباب مو انه خوف خوف بس يعني لهم رهبه وخصوصا اذا كانن ظاهرات ومرت عندهم شلة شباب]
...............
شو تتوقعون يسوي صقر؟؟؟ وعليا بتحبه ولا لالا؟؟وهو يحبها صج ولا مصخره؟؟
وجيف بيظهرن البنات؟؟ وشو بيستوي يووم بيون قوم معضد بن غيث وبطي بن غيث؟؟[/SIZE]
عليا: تعرفين منوه في السياره؟
خلود: منو؟
عليا: صقر ,,,
خلود: اويه خليه يولي
عليا:هيه عيل حد قال لج مسوتله سالفه
وكان ماشي في الدكان الا اربع غرش بيبسي دايت !)الحبيبات مخلصنه ههههههه من قبل( وخلود شلتهن حقها وحق عليا وحق هزيم وحرمته
خلود: اقول لج بنخسس بهزيمووه بنيب له بيبسي دايت
عليا: هههههههههههه لا وبنقول له انت قلت بيبسي بس ماحددت
خلود: هههههههه
راعي الدكان: خلود هزا نفر برع (وقال لها ان اللي في السياره يريدون البيبسي وماشي غيره وقالت له هب مشكله قول لهم خلص<<(يعرف اسمها بعد والله حاله..
راعي الدكان:اوكي ...
.. وسار قال لهم وقالوا الشباب اوكي مب مشكله بس طبعا اتريوا قوم علايه يظهرون ههه صج شباب فاصين...
ويرمس بصوت عالي: طالعووا هاه يقول ماشي بيبسي وهاللي في ايدين البشكاره شو؟؟!
خلود وعليا سمعنه بس طاف....
راعي الدكان:لا هزا في اخر هبه
صقر :بس نحن طلبنا قبل بس دام انه الحب شالتنه هب مشكله
خلود حرجت *ها صج سخيف وقليل ادب يعني شو نسويله نحن شدرانّا انه طالب قبل مانشله شو اسوي اسير افر الجيس فويهه والله حاله الله يعينج ياعليوه*
عليا*سبال والله فاضحني في الفريج احبج واحبج والحب حبك برص*
خلود بصوت عالي يسمعه صقر: علايه عادي ارد عليه
علايه: لاتنزلين من مستواج اونه الحب اشكره ماخلالا بنيه في الفريج الا ويحبها حشى مب قلب ها لا ومطرش لي سوّاف يقول انه ربيعه يحبج
خلود:ياسلالالام كملت هو يحبج وربيعه يحبني حبته هنديه ان شاء الله
عليا(تصاصر خلود):ايه عيب يسمعون
خلود: نفاد
وسارن البيت وهاي اول مره عليا وخلود يطولن اصواتهن عسب يسمعهن صقر ومن عقبها ودرهن وعرف انهن مب مال هالسوالف...
وطبعا بدلن ثيابهن عليا لبست مخور [برتقالي] و اتجحلت .....
وخلود لبست مخور بعد [بنفسجي] واتجحلت بعد ...لوووول...
وزقرن ريم واروى عسب بيدلنهن ويكشخنهن وجيه يعني..
عليا: يلسي بسويج باربي.. [ترا اروى لابسه مخور وردي]
خلود:الله محلاتهن بالمخور .. [وريم لابسه شرات اروى لون وردي بس شويه مختلف اللون ..(وكلهن ,خلود وعليا وريم واروى نفس الخوار والقطع بس الالوان غير)..]
خلود:افا يالغالي انته حياتي وعمري وكل شي جيف اتقول جيه جم يد اسمه حمد عندي انا؟ جم يد اسمه حمد شاله اسمه انا من بعد اسم بويه؟ افا عليك اصلا من كثر ماحبك والناس تشهد مايمر يوم الا واشوفك واسولف وياك فديتك انا
اليد(حمد) لوى عليها بيديه :يعلني لاخلا منج يالغلالا
خلود:انزين يدووه انا بسير عند البنات انزين؟
اليده(شيخه):سيري غناتي وعسى الرب حافظنج
[خلود تقدر ع اليد واليده دووم هههه وعليا ع ابوها وعمها لوووووول كل وحده ع حد ..
خلود:بلاج يديته بلاك يدي خير ان شاء الله
اليده(شيخه):هالسبلان يبيعون ثياب مفصخه حق البنيات
اليد(حمد):لا ويلمسون حرمتيه بعد والله حاله
خلود:انزين يدووه خليهم ينجلعون بجلعة ابليس هم ..والثياب.. واللي يشتروون منها
لا تعورين راسج فديتج.. وبعدين يدي خلهم الله يهداك وينطبهم
شرطي:لو سمحتي اطلعي برا من المحل دلوقتي(يقصد اليده) وانته كمان(يقصد اليد(
خلود:انته اشلك احينه انا اهدي فيهم وانته تزيد الله ياخذك
اليد(حمد):تروغنا يامسود الويه
اليده(شيخه):خله يولي ها هله هب مربينه يعله الدحج ان شاء الله
خلود:تعالوا بنسير لاتنزلون مستواكم لهم
والشباب مستانسين ع منطوقهم وسالفتهم ...
وظهروا من المحل...
خلود:اليوم بنرد نحن يعني هاي اخر مره انيي المسبح
هزاع انصدم:بترجعوون ليش؟
خلود:ترا ورانا مذاكره وامتحانات
هزاع وبين الحزن في ويهه :ايوا
وعليا وذياب كانوا عند اروى..
عليا:اليوم بنرد دبي
ذياب:افا ليششششششششش؟
عليا:ورانا امتحانات
ذياب:بالتوفيج ان شاء الله بس حرام استانسنا فياكم والله
عليا: حتى نحن
وساروا يلسووا
وذياب *حرام عقب ماتعلقت بها ...وترجمت شعوري ناحيتها ..وعرفتها وايد.. مع ان المده قصيره... بس احس اني اعرفها من زمان ...بتسير!! لا حرام لاتروحين علايه... والله احبج!.. هيه الحينه اتاكدت من شعوري ..احبج والله.. لا تروحين ياروحي ...دخيلج *
في نفس الوقت ام هزاع(غايه) وام مطر(عذيجه (وام سلطان(وضحه) وام مايد (رابعه) وام راشد(خولة) وام احمد(عذيجه)....
متيمعات ويحددون موعد ملجة وعرس كل من ثاني ومريم ,, مطر ورفيعه,, مبارك وميره,,ومروان ومهره يريدون يعرسونهم كلهم في الاجازه ..
وحددوا طبعا عقب الامتحانات ووقت يردون في ام حمدان وام هزيم وخططوا وكل شي..يوم السبت...
في مدرسه خلود وعليا (مدرسه الصفوح)^^
سارت خلود وعليا فيا شلتهن
)روضه , هند , , سلامة , ظبيه, مهره,ووياهن سبع بنات) <<ماشاء الله نص الصف خخخ
سارن عند ابلة الدين يستعبطن بس مهره ماحدرت
خلود: السلام عليج ابلة
الابلة (جميله) : وعليج السلام والرحمه
سلامة: اشحالج ابلة؟
الابلة (جميله) : الحمدلله
عليا: ابلة وين بندرس في الصف ولا المدرج؟؟<هن دووم يدرسن في المدرج بس سايرات يستعبطن
الابلة (جميله):في المدرج
ظبيه:اوكي
وظهرن عن الابله وهن سايرات صوب المدرج ,
خلود: اقول من زمان ماسوينا لابلة جمووولة مقلب <<اصغر عيالها.
ظبيه: هيه والله
سلالامه: يلا انزين فكرن في شي حلو
وحدرن المدرج..
هند: خيبه حر ... المكيفات والليتات مبنده..
سارت ظبيه تشغل المكيفات.
مهره: يلا ماقلتن شو بنسوي؟
خلود:هيه مابنشغل الليتات وبنندس في مكاننا ورا ولا جنه حد هنيه شو رايكن؟
<<هن اصلا دووم ييلسن ورا اخر شي يعني مكانهن المعتاد..
وركبن خلود وعليا فيا بعض وردن البيت وهن طبعا لازم يتحرطمن
عليا:: حووو انته جيه متاخر
الدريول::انا في انسى يجي شل انته من سكول
خلود::نسانا الموت ان شاء الله
عليا:: امين بس مره ثانيه لاتنسى
الدريول::ان شاء الله
وصلوا البيت
خلود:اوه ظهر موبايليه هب موبايلج
عليا: يلالا ردي
خلود:السلام عليكم والرحمه
المتصل:وعليج السلام والرحمه هلالا والله اشحالج؟؟
خلود*وين تبا شو اشحالج لاتكون ريلي وانا مادري؟؟*
خلود:منو ويايه؟؟
المتصل:حبيبج
خلود:*حبتك اليراده*
خلود:الرقم غلط!!
المتصل: مب انتي خلود بنت حارب بن حمد بن غيث ال...
قاطعته:والعثره تعثرك من وين تعرفني انته ؟؟من وين يايب رقميه؟؟
المتصل: من راعي الدكان
خلود:ياسلالام؟؟!! ومنو انته؟؟
المتصل:انا واحد
خلود:اتحريتك اثنين .,,اقول لوسمحت لاترد تتصل ع هالرقم
المتصل: كيفي بتصل
خلود: اتصل وشوف ...,,,طراخ,,,,.. بندت في ويهه
ومر اليوم والبنات في حجرتهن
يوم اليمعه (باجر السبت اول امتحان(
عليا:: اميييييييييييييييييييييييييي انا خايفه
خلود:الحين خفتي ههههههههههه
عليا: هههههههه
ويرن موبايل خلود
خلود:افف ها بعده يتصل
عليا: سويله طاف نفس كل مره
خلود:لا برد وبخسس به ,,بحطه ع الاسبيكر
خلود وهي تتكلم من خشمها:الو
المتصل: الو
خلود: بونسوار<<فرنسي هههههههه
المتصل: بسم الله من هاي بعد
خلود:؟؟؟
وبند يتحرا عمره مغلط واتحراها غيرت رقمها
..,,,...
صقر:قلت لك ودرها مب مال هالسوالف
عوض:هيه شكلها غيرت رقمها!!
<<وعرفتي تقصين عليه ياخلود هههههههههههههه
..,,..
خلود تباغم : الل ه واخيرا خلصنا...تحيا الحريه
عليا: ههههههههههههههه اي حريه بعد انتي وين تبين
ه،دى (وحده في المدرسه معروفه بعيونها الحاره...(
هدى: خيبه انتي من وين ظهر صوتج طول اليوم صاخه من التعب لا اكل لا رقاد حشى
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.