قصيدة الغيرة اللي داخلي ما لها حدود

الرسام

Active member
الغيرة اللي داخلي ما لها حدود ..

أنا اشهد إني بمحبتك أناني ..


لولاي حطيت لشعوري قيود ..

مبطي كوتك بنارها يا حناني ..


أكتم لهبها في صدري المحدود ..

تحرق خفوقي و أحرف لساني ..


و تنزل الدمعة على أبيض خدود ..

سبحان مخرج الما من واهج كياني ..


و لولاي أضمك بقوة المهدود ..

كان ذبحك معانقي من زماني ..


لكن العطف على جوي يسود ..

و لا خير فيني لو يطغى جناني ..


دام العقل زينة يا أم العيون السود ..

باتزين لك فيه و اتنثر معاني ..


معنى يعكس رقتك يا شطي المنشود ..

يا بحر العيون أهديتك أماني ..


العمر ينقص و غلاك انت في زود ..

يا بايقه عمري ما بقى شي ثاني ..


و بصارحك في خطا ما كان مقصود ..

بلحظة شرود يوم حبك غزاني ..


ناديت أنا أختي بإسمك المعهود ..

واقبلت مستغربة و معها أواني ..


من بعدها حسيت بأطرافي جمود ..

وإن الحكي أثقل من كل المباني ..


و إنك تسلطنت وخلق الله شهود ..

لين صارت عيونك لسفني مواني ..


و إن المشاعر من خلفك جنود ..

ترسلها علي و لو ما كنت جاني ..



سلطان روحي أنت أنا مابي أعود ..

خذني معاها لا تتركني بمكاني ..


خذني معاك بدنيا مالها حدود ..

أرجوك في حبي خلك أناني ..





و سلامة أرواحكم ,,,,,
 
رد: الغيرة

الأروع و الأمتع تواجدك ع متصفحي المتواضع ..


الله يعافيك و يسعدك يارب ..


أسعدني مرورك الكريم ..
 
رد: الغيرة

لبى قلبك يالغالي على هالقصيدة الاكثر من رائع



اتمنى لك كل ماهو جديد من ذوقك الرائع




تحياتي واشواقي : سموالامير
 
رد: الغيرة

الله يسلمك
ماشاء الله عليك اخوي صح لسانك ولا هان راسك

دائما مبدع لا عدمناك ولا عدمنا ابداعك وبوح قلمك

تقدير وحترامي لك
 
رد: الغيرة

معنى يعكس رقتك يا شطي المنشود ..

يا بحر العيون أهديتك أماني ..


العمر ينقص و غلاك انت في زود ..

يا بايقه عمري ما بقى شي ثاني ..




صح لسانك ولسان اللشاعر

جميله كثيرة

الله يقويك


احترامي
طير القوافي
 
رد: الغيرة

من جد شوفة ردودكم تشرح النفس ..


أولا و قبل كل رد .. أحب أقول ..


كل عام و انتم بخير يا أصحاب السمو ..


و لمروركم الإمتنان و الشكر و فائق التحايا لشخوصكم الكريمة و العزيزة ع نفسي فردا فردا ..


عاجز عن الشكر لتشريفكم متصفحي المتواضع ..


الله يسعدكم و يحفظكم لغواليكم ..


كل التقدير ..
 
رد: الغيرة

صح لسانك على القصيده
.
.
راقت لي بكل صراحه
.
.
أكتم لهبها في صدري المحدود ..

تحرق خفوقي و أحرف لساني ..


من هناء ابدعت

يعطيك العافيه

لاتحرمنا جديك

ودي

حنايا
 
رد: الغيرة

الغيرة اللي داخلي ما لها حدود ..

أنا اشهد إني بمحبتك أناني ..


رائعة جدا تسلم يمينك على النقل

القصيدة هيجت ذكريات خالدة بذهني
وتستاهل التقييم
 
رد: الغيرة

الأخت حنايا


صح كلك ع الإطلالة المشرقة ..


تشرفت بنيل القصيدة إعجابك ..



الأخت حنين العتيبي ..


للعلم اختي القصيدة بقلمي طال عمرك


و ان شاء الله تكون ذكريات حلوة ..


الله يسعدكم ع المرور ..
 
رد: الغيرة

اعتذر :c: بس انت مو كاتب بقلمي عشان كذا مانتبهت :i:


صح لسانك وسلم بنانك

الكلمات قمة في الروعة
 
رد: الغيرة

بالعكس تشرفت بمرورك مرة أخرى ..


الله يرزقك من حيث لا تحتسبي أختي ..


الف شكر ع الجهد ..



تستاهلي الطيب ..
 
رد: الغيرة

صح كلك أختي مزون ..


و الأروع هو إشراقتك التي اضاءت متصفحي ..



و لاتهوني طال عمرك ..



ألف شكر ..
 
عودة
أعلى