وافوح جبدي عزتالي عزتالي

وآفوح جبدي عزتالي عزتالي

وافوح جبدي عزتالي عزتالي
لامنها هبت هبوبن من شمال
.
ياويل ويل كبدي يابري حالي
لامنها هبت هبوبن من شمال
.
وانا في وحدتي وافكر لحالي
واذكره قفا وانا ابرجا كلمة تعال
.
واناشده وصوتي عالي و عالي
يابنت وينك ياغزال اهل الشمال
.
يابنت هالزمن غدابه ميالي
ورغم الصعوبه والجفاوقطع الأوصال
.
لاجيك ياغزال صافي الجمالي
لاجيك ياغزال رغم الزمن طال
.
يابنت انا احبك وكلي بحالي
فدوه ورحي لك ابرسلها بمرسال
.
يالي خذا تفكير عقلي وبالي
يالي سحرني ثم فكر بترحال
.
يالي رحل ولا درى وش جرا لي
واذكره قفا وانا ابرجا كلمة تعال
.
وافوح جبدي عزتالي عزتالي
لامنها هبت هبوبن من شمال
.


وسلامتكم


من حبر قلمي ..
 
الله الله
قصيدة رائعه يالصقر
صح السانك ويسلم بنانك
ويدوم نبضك
وربي يعطيك العافيه
دمت متألق
 
الله الله
قصيدة رائعه يالصقر
صح السانك ويسلم بنانك
ويدوم نبضك
وربي يعطيك العافيه
دمت متألق
الاروع روعتك وروعة مرورك
وصح بدنك ياصاحبة المقام الرفيع
ودام لك غاليك ومغليك
ولاعدمتك يارب
لاخلا ولاعدم
احترامي يامشرفتنا الغاليه
تحياتي..
 
صح لسانك قصيده لك علاها شوي احرص على الوزن والمعنى وتناسقه
لك التوفيق
صح بدنك اخوي
ومشكور عالنصيحه
وصح كلامك راجعت القصيده لقيت فيها كسور
انا من الي يهتمون بالوزن كثير
لكن في هالقصيده ماهتميت به
كتبت القصيده على عجاله وادرجتها على عجاله
لكن
نورت بطلتك يالغالي
كل الشكر
احترامي ومن ثم
تحياتي
 
عودة
أعلى