جمع اللي ودك تقوله وبعثرني عتب ..

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. البلوي
      25-07-2010, 07:26 PM

      جمع اللي ودك تقوله وبعثرني عتب ..

      جمع اللي ودك تقوله وبعثرني عتب ..



      مساءكم شعر (ن) جزيل ,,




      جمع اللي ودك تقوله وبعثرني عتب
      الملامه شي عادي دامها منك وجاي



      أنت تامر وأنا ألبي ما تبي بليا سبب
      بس كان لجيتي خاطر تلبي لي رجاي



      رجوتي لا تلحق اعيونك مشاريه الهدب
      لا تضايقه بدموعك والتفاتتك وخطاي



      كل شي الا دموعك واعرف انك من شطب
      صفحة الطيش بحياتي وابتدا صفحة شقاي



      سق فديتك كل ما تملك من جنون وغضب
      وابشر بصدر يضمك حيل دام انك هواي



      ولا رويت عتاب ناظرني وقل طاح الحطب
      واسأل شرايك وابنسج لك من الأعماق راي



      باتناثر لك رضا واحساس صادق ما كذب
      وأنت رتبني على كيفك وشكلني برضاي



      وان تلعثم حضورك ثم نطقني لك تعب
      حاول انك تسمع أشواقي وسط تنهيد ناي



      اسمع دموعه وقرب لي وقرب وأقترب
      واسألأ عيوني عن طيوفك وقصتها معاي



      كيف كانت في غيابك فجأه تطري واغترب
      اركض لمنفى خيالي وارمي الواقع وراي



      اوجدك ما بيني وبيني واسولف لك واشب
      ليلة حضورك قصايد تشتكي لك من عناي



      اه لا منه بزغ فجر الحقيقه وانسحب
      طيفك اللي ساكن عيوني وضاقت بي سماي



      وقتها ليتك تحس شعور من حظه ضرب
      اخر اماله بعرض الهم والوحده مداي



      اكتشف وشلون يموت الصوت برماح الطرب
      لحظة جيت أتغنا بك وعاندني غناي



      واكتشف كيف السهل فجأه يتحول لي صعب
      لا نويت ابكيك ثم أزريت القابي بكاي



      أقسم بربي وربك فيني احساس غصب
      كل كلي في غيابك ينجذب لك ياهناي



      ما نسيتك لو نسى التاريخ أمجاد العرب
      وما تركتك الا بين ضلوع صدري وبحشاي



      لأنك أكبر من غلا الشاعر لاخر ما كتب
      ولأنك أقرب لي من سكوتي اذا عانق شفاي



      ولأنك أول من تمكن بي وعلمني أحب
      ولأنك الشخص الوحيد اللي يجي في مستواي



      صاحبي جمع كلامك ثم بعثرني عتب
      والله أن كل شي عادي لا غدى منك وجاي




      منقول
      250*300 Second
    2. *مزون شمر*
      25-07-2010, 08:28 PM

      جمع اللي ودك تقوله وبعثرني عتب ..


      ومساك شعر

      قصيدة طيبه
      طبت وطاب منقولك

      الله لايهينك اكتب اسم الشاعر او منقول عند النقل حسب القوانين هنا
      ولك كل الشكر
    3. الجريح.
      26-07-2010, 07:47 AM

      جمع اللي ودك تقوله وبعثرني عتب ..


      أقسم بربي وربك فيني احساس غصب
      كل كلي في غيابك ينجذب لك ياهناي


      عافاك الله

      صح لسانك

    4. طير القوافي
      26-07-2010, 09:24 AM

      جمع اللي ودك تقوله وبعثرني عتب ..



      اكتشف وشلون يموت الصوت برماح الطرب
      لحظة جيت أتغنا بك وعاندني غناي



      واكتشف كيف السهل فجأه يتحول لي صعب
      لا نويت ابكيك ثم أزريت القابي بكاي


      صح لسانك ولسان الشاعر

      لاهنت

      احترامي
      طير القوافي