قصيدة المثلثه - ناصر الفراعنه

ديوان الشاعر ناصر الفراعنة - شاعر الجن - شاعر الثقلين
  • ارسال إلى Twitter
  • ارسال إلى facebook
  • ارسال إلى google plus
    1. ح ـكآية
      19-07-2010, 03:28 PM

      قصيدة المثلثه - ناصر الفراعنه

      قصيدة المثلثه - ناصر الفراعنه


      بسم الله الرحمن الرحيم

      السلام عليكم ورحمة الله وبركاته


      اخترت لكم قصيده فخمه لشاعر عملاق
      وهو شاعر ((مضر))
      الشاعر: ناصر الفراعنه

      وقصيدته تسمى المثلثه في الشعر النبطي
      وهي موجوده في الشعر الفصيح ب(مثلثة قطرب)
      وهي مراده بين ناصر الفراعنه و ناقته

      وفكرتها الأساسية انه في كل شطر تقوله الناقة تتكرر نفس الكلمه في ثلاث مواضع
      وفي كل موضع لها معنى مختلف عن الاخر
      ويرد عليها ناصر الفراعنة بتفسير معنى الكلمة في مواضعها الثلاث ..

      أتمنى ان الفكره وصلت


      وراح أكتب كلام الناقة باللون الأحمر, ورد ناصر الفراعنه عليها باللون الأزرق
      عشان مو كل شوي أكتب تقول الناقه وقال ناصر .. حلو

      والبدايه بتكون مع الناقه وتقول:

      ياناصر الفراعنه && وين الظعينه ظاعنه && خل العلوم مطاعنه && من دور الغايب لقاه

      ياناقتي صبرك علي && واليا اعتزيت اصغي إلي && ثم درهمي ثم زرفلي && والثالث الثالث نباه

      أشملت من طول الطوى && عن حروة الوادي طوى && الخاسر اللي ماطوى && كشحه وجافوا من جفاه


      الاوله جوع السباع && والثانيه من البقاع && والثالثه عند الوداع && اليا عطا غيره قفاه

      لالا ولا مالك لوى && وين انت من سقط اللوى && وين انت ياراع اللوا && وين انت من راع العباه

      الاوله ميل اعوجاج && والثانيه دار زراج && والثالثه تحت العجاج && يفرق غزاة من غزاه

      قم خل ممشانا خبب && بين الخباري والخبب && يمكن ورا هاك الخبب && يلقى فؤادك بابغاه

      الاوله ممشا عجل && والثانيه سكة رمل && والثالثه منقع وبل && له مدة ماجف ماه

      اليوم ذا يوم الربوع && ممكن باهل ذيك الربوع && عن الجماعه والربوع && تلقى بهم احمر حصاه

      الاوله يوم اربعه && والثانيه دار وسعه && والثالثه من لي معه && صحبه ولي قرب معاه

      ياجاك من علمه سفر && وارتحت من طول السفر && راحه وكبرت السفر && فرحه ودسمت القناه

      الاوله حل السؤال && والثانيه شد الرحال && والثالثه اكل حلال && في بيت من يندى صخاه

      والا على بنت العصا && ركب وفي يدك العصا && إن العصا لمن عصى && اليا تعصوك العصاه

      الاوله بنت الحصان && والثانيه من خيزران && والثالثه كل ابن جان && على الخطا تركض خطاه

      اليوم حنا في صفر && ناتج تنشدنا صفر && لهل العفر واهل الصفر && والحمر والسود الحماه

      الاوله مفرد علم && والثانيه تعني العدم && والثالثه من النعم && صفر تذاودها الرعاه

      ماجا يبن حربان راح && الوقت نشوة كاس راح && مسرع يطق براح راح && من عزه الوقت وعطاه

      الاوله للذاهبين && والثانيه كرم دفين && والثالثه بطن اليدين && كفعل من فارق اباه

      ياكثر من عنا كما && كسبه وهو يلقط كما && تقول ما يلقى كما && من ضيع الصيده وراه

      الاوله دفن معلوم && ولثانيه رزق محروم && والثالثه تشبيه قوم && بقوم هذا مثل ذاه

      مثل الرشا فوق المحال && كم حال ذي حال محال && محال ان يبقى محال && حال على حال حلاه

      الاوله حبل مرن && والثانيه تأكيد كن && والثالث مالم يكن && ثابت وثبتنا حذاه

      وقت عثر باهل المقام && مافيه للطرقي مقام && لو بين زمزم والمقام && مافي حي ماوطاه

      الاوله قدر رفيع && والثانيه نزل النجيع && والثالثه من كل ريع && جيناه حانين الجباه

      عوايده منذ القدم && ضرب الثنادي من قدم && كم خان من ساق قدم && فيه وكم حر نعاه

      الاوله ماض خفاك && والثانيه بالوجه جاك && والثالث اللي من هناك && اوصل غريب مشتهاه

      كم فيه من حامي عقاب && في مثل جنحان العقاب && اسقاه من نار العقاب && كاس على ماض جناه

      الاوله ادبار عير && والثانيه طير ييطير && والثالثه سوء المصير && من ساء فعله ذا جزاه

      هو ليه ماتطوي رشاك && طوي المخلص من رشاك && لابوه حب ما رشاك && خيره ولا ناشك رشاه

      الاوله من الحبال && والثانيه اسم الغزال && والثالثه كما يقال && ماسر ابو زيد اخاه

      عقب ردي الرابعه && واقطع عليه الرابعه && والشيخ مولى رابعه && ياكبر في عيني خطاه

      الاوله قرب الهدد && والثانيه رابع عدد && والثالثه مدد مدد && بدعة مؤلهة البغاه

      وسلامتكم..

      منقول
    2. ح ـكآية
      19-07-2010, 08:41 PM

      قصيدة المثلثه - ناصر الفراعنه


      وهذا فيديوا للي يبي يشوف ناصر صوت وصورة



      اضغط هنا..*
    3. ح ـكآية
      24-07-2010, 01:52 AM

      قصيدة المثلثه - ناصر الفراعنه


      واللي يبي يحملها


      للجوالات الحديثة MP4


      http://www.4shared.com/file/22211334...______MP4.html



      صوت فقط MP3


      http://www.4shared.com/file/22211333...______MP3.html




      للجوالات القديمة 3GP



      http://www.4shared.com/file/22213929...______3GP.html
    4. طير القوافي
      30-12-2010, 11:04 PM

      رد: قصيدة المثلثه - ناصر الفراعنه

      قصيدة المثلثه - ناصر الفراعنه


      صح لسانه
      برضو في الشعر النبطي يسمونه مربوع ويسمونه خبب مثلوث ( الاسماء كثير في النبطي

      يعطيك الف عافيه
    5. عنيده وبكيفي
      06-02-2011, 05:13 PM

      رد: قصيدة المثلثه - ناصر الفراعنه

      قصيدة المثلثه - ناصر الفراعنه


      صح لسانه

      يسلموو ع الموضوع
    6. Dr.zara
      06-02-2011, 05:14 PM

      رد: قصيدة المثلثه - ناصر الفراعنه

      قصيدة المثلثه - ناصر الفراعنه


      مجهود رائع تتشكرين عليه اختي بهلوله
    7. فرووله
      22-07-2011, 07:39 PM

      رد: قصيدة المثلثه - ناصر الفراعنه

      قصيدة المثلثه - ناصر الفراعنه


      يعطيك الف عأإافيه
    8. ح ـكآية
      13-09-2011, 01:29 PM

      رد: قصيدة المثلثه - ناصر الفراعنه

      قصيدة المثلثه - ناصر الفراعنه


      الله يعافيكم يارب

      مشكورين على المرور
    9. المريسي
      08-09-2015, 10:27 AM

      رد: قصيدة المثلثه - ناصر الفراعنه

      قصيدة المثلثه - ناصر الفراعنه


      يعطيك العافية