الحقوني ياحريم زوجي الصهيوني مايبيني ألتزم

المرأة والسعادة في الحياة الاسرية للبنات فقط ارسال إلى Twitter ارسال إلى facebook
  1. ماعاد يغريني" العشق"
    17-07-2010, 09:16 AM

    الحقوني ياحريم زوجي الصهيوني مايبيني ألتزم

    الحقوني ياحريم زوجي الصهيوني مايبيني ألتزم


    مرحبا كيفكم قريت قصه مره اعجبتني مره تضححححححححححححححك
    اتركم معها


    اليوم يابنات بحكيلكم حكاية وحده إسمها مستوره




    مستوره حرمه ضعيفه وتعليمها على قدها تزوجت وهي باقي ماعرفت شي في ذا الدنيا وصارت كل ماصار هواش بينها وبين زوجها ماغير تشاور كل من توجس إنها مثقفه وعندها خبره في الحياه
    وكانت أختها حصه هي مثقفة العايله ماشاء الله عليها مخلصه ثالث ثنوي بتقدير جيد جدا
    مستوره إسم على غير مسمى فاضحه نفسها ورجلها وناشره غسيلها في كل بيت

    وهي طيبه وعلى نياتها ودايم في مشاكل مع رجلها عبيد لأنها بطيبتها الزايده ماتفهمه ولا تعرف وش يبي منها ،،وهو حاس إنها فاضيه وماغير تلاحقه بإتصالتها وخوفها عليه
    جاب لها كل شي ممكن تنشغل فيه وتريحه منها
    جاب دش ،،جرايد،،مجلات
    ومافاد فيها شي
    لا تلفزيون أشغلها عنه ،،ولا جرايد ومجلات فكته منها
    ولا شغل البيت هدها
    دايم قاعدتله ومطفشته
    وسمع عبيد من شلته في الإستراحه إن حريمهم مترززات قدام النت طول اليوم وماعاد يعرفون شي عنهم وطبعا هم فالينها
    هنا فكر عبيد وقرر ورجع البيت ومعاه الكمبيوتر
    وياليته ماسوا كذا ،،لأنها وببساطه بدال ماتنشر غسيلهم عند جاراتها ومعارفها ،،إلحين بتنشر غسيلهم على الهواء مباشره في النت
    على طول طلبت مستوره المساعده من مثقفة العايله حصه
    وجات حصه جري تعلم أختها على الكمبيوتر والنت
    وقالت شوفي ياوخيتي كل ماصار لك مشكله مع عبيد لا تقولين لأحد إكتبي سالفتك للبنات هنا وهم مابيقصرون معك كلهم خبره وحكمهإيه هين أجل حكمه ،،المفروض إذا دخلنا هنا ناخذ معنا قدور علشان نغرف من الحكمهالحقوني ياحريم زوجي الصهيوني مايبيني ألتزم


    الموهييييم قعدت مستوره تفكر وتفكر وتعصر مخها وش المشكله إللي تحتاج تستشير البنات فيها


    إيييييييه تذكرت
    بكتبلهم عن مشكلتي مع عبيد يوم بغيت ألتزم وزعل ياجعله إللي ماني بقايله
    اه بس من ظلم الرجاجيل
    (وقصتها ياطويلات العمر
    إنها قامت من النوم في ظهر الجمعه وزينت ذاك الفطور وصحت عبيد علشان يفطر قبل الصلاه ،،،،قام عبيد مستعجل وعلى طول على المسجد علشان ماتفوته الصلاه
    فجلست مستوره هي وبنتها يفطرون ويتابعون خطبة الجمعه وهي تدعي على ذولا الرجاجيل إللي مايستاهلون
    أجل تسويله فطور ومايجبرخاطرها وياخذ لقمه على الماشي
    اه يالرجاجيل
    وكان الخطيب يتكلم عن إنشغال الناس بالدنيا ومتاع الدنيا وينسون حق الله عليهم
    وهنا تأوهت مستوره كعادتها
    وقررت من غير سابق إنذار إنها بتلتزم
    وقالت في نفسها خلاص لازم أفكر في أخرتي
    وجلست تنتظر عبيد ،،اه متى يجي وأعلمه
    وأول ماجا قلتله شوف ياعبيد أنا ناويه ألتزم خلاص
    قالها عبيد :الله يوفقك ويثبتك
    إلا وش طرا عليك تلتزمين في ذا الظهريه
    قالت :والله مليت ياحظي من ذا العيشه إللي تقصر العمر ،،أبي على الأقل أضمن أخرتي كفايه حياتي كلها عذاب
    ولا لا دنيا ولا أخره
    صاح فيها عبيد :وش تقولين إنتي
    صدق كفارات عشير
    أنا معيشك عيشه تقصر العمر
    وش قصرت عليك فيه ،،مصروفك ويجيك كل شهر ،،يكفيك ويكفي أربع مثلك
    نسيتي ،،نسيتي يوم إني مسفرك لماليزيا ولسوريا وماخليت بلد ماوديتك له ،،وتنكرين
    بس الحق علي إني متزوج وحده جاحده مثلك ،،الظاهر مابتعرفين النعمه إللي إنتي فيها إلا إذا صكيتك بمره ثانيه علشان تتأدبين 000)


    وهنا بدأت مستوره تشكي وتحكي للبنات وتفضح المستور


    العنوان
    إلحقوني ياحريم زوجي الصهيوني مايبيني ألتزم


    وتبدأ مستوره تكتب وطبعا بمساعده المصححه اللغويه حصه الحقوني ياحريم زوجي الصهيوني مايبيني ألتزم


    زوجي ياحريم معيشني في عذاب مايبيني ألتزم يبيني أعيش معه في ظلال وسفور 000زعل مني وهددني إنه بيعرس علي وماعاد يصرف علي ،،لما قلتله إني أبي ألتزم بديني ،،يقول إنه يبي وحده تسافر معه لدول السفور ومايبي وحده ملتزمه زيي لأنها مابتوسع صدره



    ومع ذا العنوان إللي يقطع القلب
    بدأت الردود تهل زي المطر


    تفاحه:الله يهديه ويسخره لك


    مستوره إن شا الله ياتفاحه


    اه يادنيا القهر:
    وش ذا الكلام إللي تقولينوه000شوفي هاذا صهيوني مايخاف الله وش تبين بوه
    تطلقي 000فاهمه إنتي ولا لا 000من بكره تتطلقين فاهمه إنتي


    مستوره :شفتي ياحصه إن ماحد يقدر يصبر على رجل مثل رجلي
    شفتي البنت تصيح بعلو صوتها وتقول تطلقي ،،،إييييييييه هاذا ماينقعد معه


    سيوف إيمانيه: شوفي ياأخت مستوره لكل جواد كبوه
    زوجك غلط بس هاذا زوجك ولازم تتحملينه بعلاته



    حصه :هاه وش ردوا عليك البنات
    مستوره :والله الأخت سيوف تقول يبيلي كبو ،،إمكن أكون وسيعه من تحت وهاذا إللي مهجج رجلي مني 00000
    وتقول زوجك عله00 بس لازم تصبرين عليه وأبشري بالجنه


    حصه :متأكده سيوف قالتلك كذا
    مستوره :إيييييييييه هي قالتلي كذ أجل ما أعرف أقرا أنا


    أم سطام:الله يهديه 00مالك إلا الدعاء والإستغفار


    مستوره :إيه والله إنك صادقه
    والله إني أدعي عليه كل ما أصبحت وأمسيت وأتعوذ بالله من شره
    أستغفر الله بس ولا هاذا رجال ينقعد معه


    زوجة سعد:الله يعينك على ذا الرجال
    إدعيله بالهدايه




    مستوره : إيه دايم أدعيله إن ربي يهديه ولا ياخذه ويريحني منه


    مهره على كف الأقدار :
    إنتي لازم تجلسين معه ..وتفهمين وجهة نظره..وتفهمينه إن الإلتزام بالدين لا يمنع الشخص من التمتع بالحياه





    حصه :هاه وش تقولك
    مستوره :ماأدري ،،أحس الكلام صعب مافهمت الحقوني ياحريم زوجي الصهيوني مايبيني ألتزم


    إييييييييييييييه فهمت تقول لازم أجلس معه دايم وأشوف وجهة نظره وين ،،،،لا يناظر في وحده غيري ياجعل عيونه ال****


    وبدأت مستوره بتنفيذ النصايح الموجهه لها وشرتلها كبو وبدأت تستخدمه بإنتظام
    وفي كل صلاه تدعي على زوجها وتدعي إنه مايشوف غيرها
    وتتعوذ بالله منه في كل وقت
    ودايم في السوق تنتبه لوجهة نظره 0000زي ماقالتلها
    مهره على كف الأقدار
    لكن مافادت النصايح

    هذا الجزاء الاول وباقي جزاء ثاني اذا اعجبتكم اكملها لكم
    بالتوفيق حبايبي
    منقول
  2. ماعاد يغريني" العشق"
    17-07-2010, 12:13 PM

    الحقوني ياحريم زوجي الصهيوني مايبيني ألتزم


    انتظر ردودكم عشان اكمل القصه ..................
    ولا شلون لا يكون ماعجبتكم .....؟؟؟؟
  3. ام الحلوين
    17-07-2010, 12:31 PM

    الحقوني ياحريم زوجي الصهيوني مايبيني ألتزم


    كملي نستناك بالبقيه
  4. فيشو
    17-07-2010, 07:26 PM

    الحقوني ياحريم زوجي الصهيوني مايبيني ألتزم


    تشوووووووووووووووويق
















    تشوووووووووووووويق













    بس بجد مره تضحك ليه مومره وحده عشان نكمل القصه
    ام مستوره خبله ومسكوه كمبيوترهههههههههههههههههههههههههههههههههه


    في انتضار باقي القصه بسرعه لتطولي علينا ويعطيكي العافيه
  5. ماعاد يغريني" العشق"
    18-07-2010, 04:07 AM

    الحقوني ياحريم زوجي الصهيوني مايبيني ألتزم


    فديتكم اتوقعت حماس اكثر من كذا بس بكمل للحلوين الي رود

    ورجعت تشكي من إهمال زوجها في موضوع ثاني وتقول إنه مهملها وهي ماهي مقصره معه في شي دايم تدعي ومواظبه على الإستعاذه والإستغفار وتنتبه لوجهة نظره وهو مايعطيها وجه ولا يداني الجلسه معها

    وبدأت الردود تنهل عليها

    الأميره سنوايت :حاولي تهتمين فيه وتدلعينه وتفهمين إيش منفره منك
    مستوره:

    موزريلا :شوفي ياإختي الزلمه بدوا إللي تطيرلوا طبنات عألوا ،،،حتى مايشوف غيرا

    جزاك الله خير ياموزريلا
    إيه والله إن الوحده لازم تطير عقل رجلها وتخرش قلبه علشان مايقدر يفكر في غيرها

    اه يادنيا القهر:
    يوه منتس ياحرمه 00مو إنتي إللي ماخذتن الصهيوني
    أنا ماقلتلك تطلقي 000إنتي ماتفهمين إنتي



    أم سوسو:اقول يامستوره مو إنتي إللي رجلك صهيوني مسكين إنشهر الصهيوني
    شوفي إمكن رجلك يخاف تلتزمين ثم تهملين حركات الدلع والليالي الحمرا والخضرا والرقص ،،أهم شي الرقص هالله هالله فيه
    إرقصي لرجلك ترى الرقص مو حرام

    مستوره:تدرين ياحصه يقولون الرقص مو حرام ولازم أرقص لرجلي ولا بيناظر غيري

    وثاني يوم تحزمت مستوره وحطت نانسي في المسجل
    (عاد ندري إن الأغاني حرام بس الضرورات تبيح المحظورات)
    هاذي وجهة نظر مستوره أنا مالي دخل
    المهم تحزمت المسكينه وقعدت هي وبنتها ينتظرون عبيد متى يجي
    وإنتظروا وإنتظروا 0000وحست مستوره إنها تعبانه شوي ،،طول اليوم وهي تشتغل وتحظر لذي الليله الحمراء
    فقالت تغمض عيونها شوي وصت بنتها وقالت شوفي يا مايا

    (لاتستغربون من الإسم ،،في الزمن ذا عبيد ومستوره يسمون مايا ،،،ومسفر وخضرا يسمون ليندا اه يازمن العجايب)
    نرجع لموضوعنا

    وصت بنتها وقالت شوفي يامايا أول ماتسمعين صوت باب الشقه ينفتح،، تشغلين نانسي وتصحيني من النوم
    دخلت مستوره في النوم وفجأه ،،،
    صحيت مستوره مفجوعه على صوت نانسي ومايا تصيح فيها ،،
    وصح هي تعبانه بس ماتبي تعبها في تجهيز الليله يروح بلوشي
    وهي خلاص متحزمه جاهزه،،طردت بنتها من الغرفه
    وبدأت تهز مع نانسي
    عبيد شاف مستوره وهي تقوم من النوم مفجوعه وتطرد مايا ورفعت يدينها في السما وهاتيك يارقص IMG]http://cdn.content.*******.com/sim/cpie/emoticons/00020450.gif[/IMG
    ويا طبطب يادلع 0000
    وعاد الرقص شويه تعبيري وشويه عجينة الفلاحه وشويه معلايهضعيفه مع النعاس والفجعه فصل الفيوز

    إنصدم عبيد من المنظر وقعد واقف عند الباب ساكت وخايف ومو قادر يدخل ،،يقول في نفسه إمكن الحرمه دخل فيها شي لأنها مشغله المسجل ونايمه وما تحصنت 000
    وبدأت مستوره تطبق إللي تشوفه في التلفزيون وترقص وهي تقرب من عبيد شويه شويه
    يقالها بتسوي إغراء

    إنخرش قلب عبيد ،،وبدأ يقرأ أية الكرسي والمعوذات
    ويطالع في مستوره ويقول في نفسه 000لابالله هاذي ماهي نظرات مستوره
    وقعد يقرا ويقرا ومستوره تقرب وتقرب
    وبدأ يقرا بصوت عالي وجرا على المسجل وقفله وطبعا القرايه مستمره وهنا إنفجرت مستوره صياح وبكا
    إنت مو عاجبك شي بغيت ألتزم ما عجبك قلبتلك رقاصه وما عجبك
    تطمن عبيد إن إلي قدامه مستوره ومافيها إلا العافيه
    وهي فكت الشال إللي كانت متحزمه فيه ،،ولمت شعرها ونامت

    وقررت إنها ماعاد تسمع نصايح البنات لأن مو كل الرجال زي عبيد ولا كل الحريم زيها

    كل وحده حياتها مختلفه عن الأخرى ومو كل إللي أقدر أطبقه في حياتي يقدرون الباقيات يطبقونه في حياتهم 00تظل لكل حياة خصوصيتها
    ولابد عند قراءه مشكلة إحدى العضوات لابد أن نقرا مابين السطور ونفهم أنها تحكي المشكله من وجهة نظرها هي
    فلازم مانظلم إللي تشتكي منهم سواء زوج أوحماه أو أو
    \
    0000
    اتمنى تنال على اعجابكم
    وابي رايكم بالقصه انتظر ردودكم
    وبالتوفيق
  6. سيرين عبدالنور
    18-07-2010, 05:19 AM

    الحقوني ياحريم زوجي الصهيوني مايبيني ألتزم


    بصراحه







    قصه تهبل وتمنيت انها ماتنتهي عجبتني حيل
    والاسلوب يهبل
    ربي يسلم هالايادي
  7. غرور الصمت
    18-07-2010, 06:40 AM

    الحقوني ياحريم زوجي الصهيوني مايبيني ألتزم


    ههههههههههههههههههههههههههههههههههههههه

    يعطيك العافيه
  8. في منتهى الذوق
    18-07-2010, 07:37 AM

    الحقوني ياحريم زوجي الصهيوني مايبيني ألتزم


    هههههههههههههههههههههههههههه
    رهيبه مسستوره
    تسلمين ع القصه
    تحياتي