في بيت العيلة كان في سطوح

المواضيع الأدبية التي لا تندرج ضمن باقي الأقسام
  • ارسال إلى Twitter
  • ارسال إلى facebook
  • ارسال إلى google plus
    1. جوري الورد
      01-10-2006, 11:30 PM

      في بيت العيلة كان في سطوح

      في بيت العيلة كان في سطوح


      في بيت العيلة كان في سطوح
      وفسحة حلوة ترد الروح
      ياما تلمينا فيها بصفا نية وقلب مشروح
      قليلنا كان يكيفنا لقمة حلوة وهنية
      وقية جبنه تعشينا وفتوتة وحبة مقلية
      وغدانا كان المتيسر أي معرق ورز وخلاص
      وأمي تكسر وتجبر عشان نجيب لحمة راس
      ونحمد ربنا عالموجود ونشكر فضله على النعمة
      ومع ان الخير كان محدود بس كل حاجة كانت طعمة
      وكانت نفسنا قنعانة رغم الحرمان والقلة
      وكانت عيننا مليانة وكنا مخلينها فله
      الفرش حنبل وخزانة مع كده كنا بنتسلى
      والموجب كان الفاصل عرف سائد بين الناس
      وماهو مكتوب الحاصل لافي دفتر ولا قرطاس
      بس ناس كانت تجمعنا فيها عيب ومايسير وفضيحة
      وكل حركة ولها معنى وسمة بين حلوة وقبيحة
      وفي العصرية ياسلام الله يرد لنا أيام
      هادي تكنس 0في الدرجان وهادي تنظف عفش البيت
      إستيتة عليها القهوة الحلوة وأمي تقلي كروبو في زيت
      وأما عمة تلاقيها بتسوي لنا في الشر بيت
      وجدة..الله يرحم جدة كانت فعلا سلوتنا
      كانت زي أجمل وردة مين في الكون زي جدتنا
      كانت في البيت هي النجدة وياما ورى ظهرها دستنا
      وتقرع أبويا وتردو بغضبها لو انو ضربنا
      ومن يدها كنا بنتغدى وياما وياما حكتنا
      أحلى حكايات في الدنيا هي حكايات جدتنا
      كانت تصحى من النسمة قبل ما يفج النور
      عشان تحضر لنا لقمة وتجمعنا على تبسي فطور
      وتصبحنا بدي الكلمة يجعل يومك هنا وسرور
      وتصحي أبويا وتقولوا قوم يا ضنايا الغالي ياعمري
      صلي ركعة وسيب النوم
      وابدأ على رزقك اجري
      أنا أدري انو الرزق مقسوم بس البركة من بدري
      كان يوم زمان مليان نشاط وفاعلية وحركة
      ويوم يبدأ بالقران لابد يتملى بركة
      وتعالو نشوف كيف كانو من يوم الناس ماتصبح
      الواحد يفتح دكانة يافتاح ويسبح
      وأول مايهز ميزانه ولو بقرش يستربح
      يقولك خلاص أنا استفتحت روح خلي جاري يستفتح
      تجي مثلا للفوال وشايل معاك الزبدية
      تبغى فول بربع ريال وتقولوه اتوصى فيا
      تلاقي جنبك رجال ياخدها يمليلو هيا
      بنفس القيمة وراس المال ويزيدو السمنة هدية
      تقولوا ليه ياعم جلال تديلو كتير وأنا شوية
      يرد عليك بأحلى مقال تسمعو كده عالصبحية
      ياولدي هادا أبو عيال وقليلة عندو المادية
      دا راجل مستور الحال وعياله يملوا التكية
      والواحد لو حالوا مال لازم يحس بالأخوية
      كلام حكم كلام أمثال وألسنة حلوة وطرية
      والحقيقة تراثنا عظيم شئ واقع ملموس
      ماهو بس كومة برسيم ولاروشان ولا فانوس
      تراثنا علشان نحصيه مايكفيه ألفين قاموس..

      مكاوي وأفتخر
      250*300 Second
    2. بنت الاكابر
      31-10-2006, 04:12 AM

      رد: :a: في بيت العيلة:a:

      في بيت العيلة كان في سطوح


      يسلمووووووووووو على هالطرح الرائع ويعطيج العافية
    3. احاسيس دافئة
      09-11-2006, 10:56 PM

      رد: :a: في بيت العيلة:a:

      في بيت العيلة كان في سطوح


      قصيدة جدا جميلة

      يسلمووووووووووووووووو
    4. جوري الورد
      06-01-2007, 10:41 PM

      رد : :a: في بيت العيلة:a:

      في بيت العيلة كان في سطوح


      مشكووووووووووووووورين
      عالمرور
      العطر
    5. رغبة المستحيل
      10-01-2007, 10:45 AM

      رد : :a: في بيت العيلة:a:

      في بيت العيلة كان في سطوح


      اهخششششششششششششش
      جاني النوم ,,
      بس صراحه يسلموووووووووو ايديك ورجليك قصدي ايدييييك وايديييك ويعطيكي العافيه
    6. عبيررر
      10-01-2007, 02:02 PM

      رد : :a: في بيت العيلة:a:

      في بيت العيلة كان في سطوح


      تسلم ايديك علي بيت العيلة واتمني ان يعود كما كان في الماضي