12

من ضيقة الصدر كني ...

الشعر, قصيدة , شعراء, القصايد ارسال إلى Twitter ارسال إلى facebook
  1. قلب وفا
    23-06-2010, 01:49 PM

    من ضيقة الصدر كني ...

    من ضيقة الصدر كني ...



    السلام عليكم
    اليوم قريت قصيدة وعجبتني حبي أشاركم إيها
    إن شاء الله تعجبكم





    ياحظ كثر العنا وشهو على شانه
    ووش هو مصيري معك في وقتي التالي
    من ضيقة الصدر كني وسط زنزانه
    لي عام واكثر وانا متغير ن حالي
    نفسي على الخايع الممطور ولهانه
    وعن زحمة الناس ودي بالخلا الخالي
    تغيب عني هموم القلب واحزانه
    لاغاب عن تغطية لرسال جوالي
    وتوانك الجيب للمطراش مليانه
    لكن وين الخوي اللي على بالي
    اللي اصول الصداقه معه منصانه
    ماهوب مره رخيص ومرة غالي
    بيني وبينه صداقة ود وميانه
    وان ماتهيا قطعة الفرجه الحالي
    مادام نفسي على المنهاج نشطانه
    بهدي لها جل وقتي وارخص ريالي
    واقطع فجوج الخلا واشوف حيانه
    واسج في كل خبت مابه ازوالي
    الخبت عندي ولا السوده وشيبانه
    خص لياجيت روض نبته اشكالي
    وسمعت طير الحمام ايكوسر الحانه
    وشمس العشي مالت وخالفني اضلالي
    وارتاح لارخى ظلام الليل جنحانه
    وجريت جمر المناره تحت معمالي
    اسج واسري بفكري واطلق اعنانه
    يحلالي الليل والتفكير يحلالي
    افكر بصنع رب الكون سبحانه
    ويمضي بي الوقت وانا داله سالي
    يوم ن بعض الاوادم صخر السانه
    لمجالس اهل الخنا والقيل والقالي
    زين له ابليس عرض افلان وافلانه
    يبهت ويهتك عسى مافاله ابفالي
    صحيح بعض المجالس مالها خانه
    والبعد عنها بجو الوحده اشوالي
    تغيب عني هموم القلب واحزانه
    لاغاب عن تغطية لرسال جوالي

  2. طير القوافي
    23-06-2010, 04:09 PM

    من ضيقة الصدر كني ...


    واقطع فجوج الخلا واشوف حيانه
    واسج في كل خبت مابه ازوالي
    الخبت عندي ولا السوده وشيبانه
    خص لياجيت روض نبته اشكالي

    صح لسانك ولسان الشاعر
    قصيده حلوة
    احترامي
    طير القوافي
  3. *مزون شمر*
    23-06-2010, 08:33 PM

    من ضيقة الصدر كني ...


    وعليكم السلام

    قصيدة طيبه
    صح السان الشاعر
    واشكرك على النقل
    تحياتي
  4. حوراء العبدالله
    24-06-2010, 01:11 PM

    من ضيقة الصدر كني ...


    قصيده رائعه للشاعر : محمد صياح ~
    .

    صح لسان الشاعر .. ولاهنت على روعه أنتقائك

    لاعدمناك

  5. قلب وفا
    07-07-2010, 08:26 AM

    من ضيقة الصدر كني ...


    تسلمون إخوي طير وإختي مزون شمر والأخت حوراء العبدالله

    لا عدمنا هالطلة الحلوة ,.,
  6. تلميذة خالد المنيف
    29-09-2010, 07:20 PM

    رد: من ضيقة الصدر كني ...

    من ضيقة الصدر كني ...


    فالك الخير مره حلو
  7. عانقتني حسرتي
    30-09-2010, 04:45 AM

    رد: من ضيقة الصدر كني ...

    من ضيقة الصدر كني ...


    طبت وطاب منقولك

    قصيده رائعه

    تحياتي
  8. أحلى خـبلهـ
    30-09-2010, 07:45 AM

    رد: من ضيقة الصدر كني ...

    من ضيقة الصدر كني ...


    صح السانك..والسان الشاعر

    يسلموؤوؤو ع النقل

    تحياتي ..
    أحلى خبله
  9. queen
    30-09-2010, 08:19 AM

    رد: من ضيقة الصدر كني ...

    من ضيقة الصدر كني ...


    المشاركة الأصلية كتبت بواسطة
    من ضيقة الصدر كني وسط زنزانه
    لي عام واكثر وانا متغير ن حالي
    المشاركة الأصلية كتبت بواسطة
    نفسي على الخايع الممطور ولهانه
    وعن زحمة الناس ودي بالخلا الخالي
    تغيب عني هموم القلب واحزانه
    لاغاب عن تغطية لرسال جوالي

    المشاركة الأصلية كتبت بواسطة
    افكر بصنع رب الكون سبحانه
    ويمضي بي الوقت وانا داله سالي
    يوم ن بعض الاوادم صخر السانه
    لمجالس اهل الخنا والقيل والقالي
    زين له ابليس عرض افلان وافلانه
    يبهت ويهتك عسى مافاله ابفالي
    صحيح بعض المجالس مالها خانه
    والبعد عنها بجو الوحده اشوالي


    تشكر ع الإختيار بجد إختيار جميل شعرت بعض الأبيات
    تصف حالي سبحان الله
    صح لسان الشاعر وتسلم يمن من كتب ونقل
    ومشكورة حوراء العبدالله

    بارك الله فيكم
    .
  10. قلب وفا
    26-10-2010, 02:48 PM

    رد: من ضيقة الصدر كني ...

    من ضيقة الصدر كني ...


    أشكركم ع التواجد الرائع
12