سجدة الليمون

الشعر, قصيدة , شعراء, القصايد ارسال إلى Twitter ارسال إلى facebook
  1. لعيوونها
    23-06-2010, 12:49 AM

    سجدة الليمون

    سجدة الليمون





    مابعد الجنون اللي فنون جنون
    سوى صبر الكلام اللي يفوح بصمتي الجهري
    على صبح الحروف ورمز عطر الياسمين اللون
    سرى ليل البنفسج وان لمسته ينبلج خمري
    على قبلة فلسطين الجروح وغربة الزيتون
    سجد ليمون يافا اليابسات احزانه بصدري
    هنا: للحزن لون وألف لون و1000 لون و لون
    هنا يا حضرة التاريخ "فصلي واصلي وقبري "
    تقول الناس والا.. ماتقول الناس وش يبغون ؟
    بعد : دم الحروف الموريات القدح من حبري
    حنيني ..والوطن: جمرة سؤال ..؟وقلبي الغليون
    : تولع .. بالجواب اللي يرمدني على صبري
    تشربني شعور من السما بنت و مطر وظنون
    وانا شاعر واحب من السحاب الابيض العذري
    تسائلني عن "البعض الدفين" و "ذنبي المكنون
    " " ...!! ... " ، ".........!!......"
    تقول شلون..؟واسألني .. ؟!أجاوب : ماعرف وشلون!
    .. كذا جيت وربيت بلا هدف من (صغري ل كبري)
    سألت الصبح عن لون الظلام..؟ وقال لي : هاللون
    ..! سألت الليل .. وش معنى نهار ؟ .. وصاح بي : بدري ..!؟
    لعنت الشعر من قلب التراب وصحت يا.. ملعون
    عليك اللي علي .. من الملام ولا معك ..عذري
    أنا الجيل الغرير الغافل المستغفر المغبون
    أثور من الجهل واللي يغوص بخنجري خصري
    كذا.. جيت ولقيت ال ( و ) حرف من الحروف يمون
    نطقت الضاد ظاد.. بظل عصر و ضلني عصري
    تهجيت الحدود .. ولا قريت اظلم من القانون
    على كبر البلاد اللي بعيني .. ملني صغري
    وطن 200 مليون اصمعي تحت اصبعي مدفون
    (عراقي ،مغربي ،شامي ،خليجي ،يمني ،مصري )
    مواطن عربي غربي غبي جدا .. كبرت بدون
    : مزايا تكسر عيوب ومرايا وجهي المزري
    منقووول
  2. طير القوافي
    23-06-2010, 04:10 PM

    سجدة الليمون


    تشربني شعور من السما بنت و مطر وظنون
    وانا شاعر واحب من السحاب الابيض العذري


    صح لسانك ولسان الشاعر
    احترامي لك
  3. *مزون شمر*
    23-06-2010, 08:34 PM

    سجدة الليمون


    قصيدة رائعه
    صح السانك و السان الشاعر
    ولاهنت عالنقل
  4. لعيوونها
    24-06-2010, 07:23 AM

    سجدة الليمون


    المشاركة الأصلية كتبت بواسطة طير القوافي
    تشربني شعور من السما بنت و مطر وظنون
    وانا شاعر واحب من السحاب الابيض العذري


    صح لسانك ولسان الشاعر
    احترامي لك
    صح بدنك عن الشاعر وتحاتي لك طير القوافي
  5. لعيوونها
    24-06-2010, 07:25 AM

    سجدة الليمون


    المشاركة الأصلية كتبت بواسطة *مزون شمر*
    قصيدة رائعه
    صح السانك و السان الشاعر
    ولاهنت عالنقل
    مشكوره وهلابك
    هلا بك مزوون والاروع دائما مرورك