مونولوجات مختارة للمرحوم الفنان العراقي عزيز علي

المواضيع الأدبية التي لا تندرج ضمن باقي الأقسام ارسال إلى Twitter ارسال إلى facebook
  1. د .عدنان الطعمة
    13-06-2010, 07:06 PM

    مونولوجات مختارة للمرحوم الفنان العراقي عزيز علي

    مونولوجات مختارة للمرحوم الفنان العراقي عزيز علي


    مونولوجات مختارة للمرحوم الفنان العراقي عزيز علي



    د . عدنان جواد الطعمة




    بدأت في مطلع التسعينات 1990 بإرسال رسائل بالبريد الجوي إلى الإذاعة و التلفزيون العراقية و إلى وزارة الإعلام العراقية و إلى جمعية الموسيقيين العراقية و إلى مؤسسات عراقية أخرى تعنى بالفن و الغناء العراقي لغرض تزويدي بنصوص الأغاني و المنولوجات العراقية و النوطات و بعض سير حياة المطربين و المطربات لغرض إصدار موسوعة موثقة عن التراث الغنائي العراقي ، إلا أن كافة محاولاتي ذهبت إدراج الرياح فلم ترد أية جهة رسمية على طلبي و بالرغم من أني أكدت تحمل كافة المصاريف المترتبة على تهيئة وإرسال الكتب والنصوص .
    فلم أستغرب من ذلك النظام الذي لم يهتم بالإنسان العراقي و كيف يهتم بإنتاجه الأدبي والفني .

    وبعد أن تأكدت من عدم إهتمام النظام المخلوع بتراثنا الشعبي العريق ، قررت شراء بعض الكاسيتات من فرانكفورت و الرياض و الكويت و استعارة بعضها الاخر من الإخوة العراقيين .

    ثم قررت الإستماع إلى أغاني المطربين و المطربات عدة مرات و نقلت نصوصها بواسطة الة التسجيل ، فلم يكن بإمكاني معرفة إسم مؤلف الأغنية و ملحنها إلا نادرا . ولم تكن لدي سيرة حياة أي مطرب و مطربة .

    وقمت بتشكيل نصوص الأغاني و ضبطها بالحركات كالضمة و الفتحة و الكسرة و السكون و التنوين و الشدة إلى اخرها من أجل أن يقرأها القارئ العربي الكريم كما يسمعها .

    طلبت من المطرب الكبير الفنان فؤاد سالم عندما كان يسكن في سوريا الشقيقة برسالة بعثتها إليه عن طريق أقربائي الذين تربطهم و عائلته الكريمة روابط صداقة و سلموه رسالتي فأجابني الأخ فؤاد سالم حفظه الله و وعدني بأنه سيبعث لي كل أغانيه ونوطاته و سيرة حياته و صورة ، إلا أنه لم يفعل ذلك فهو معذور بسبب مرضه .
    وقد التقيت مرتين بالمطرب الشهير الأخ حسين نعمة في حفلتين إحداهما أقيمت في بيت الدكتور عدنان عمران أبي نرمين و هديل في مدينة Selters حضر جمع غفير من الإخوة العراقيين و الأخوات العراقيات و قمت بتصوير المطرب حسين نعمة بعدة لقطات فنية جميلة . ثم جلسنا في الحديقة جنبا إلى جنب مع الإخوة الاخرين و حدثته عن مشروعي الكبير الذي يهدف تخليد و توثيق المطربين و المطربات مع ذكر سير حياتهم و نوطات أغانيهم ورجوته أن يبعث لي كافة نصوص أغانيه مع النوطات و سيرة حياته ، فوعدني بأنه سيرسل لي حال عودته للعراق . ثم إلتقيت به بعد يومين أو ثلاثة أيام في الحفلة الثانية بمدينة فرانكفورت التي أقامها النادي العراقي و قدمت له هدية متواضعة مع ألبوم كامل للصور التي التقطتها له في بيت الأخ الدكتور عدنان عمران . وللأسف الشديد لم يكلف نفسه بإرسال رسالة شكر على الأقل . أما الكتاب الذي أهديته إياه فتركه عند صديق لنا أثناء عودته للعراق .
    ومن حسن الصدف تعرفت على الأستاذ الموسيقار الأخ حميد البصري في هولندا بمدينة لاهاي فسلمني كتابه القديم مشكورا و قمت باستنساخه فورا وأعدته إليه . وفي إحدى الحفلات الموسيقية و عدتني زوجته و هو أيضا بأنهما بانتظار وصول كتاب يحتوي على جميع المطربين و المطربات العراقيين من سوريا ، وحال وصوله فإنهما سيرسلانه لي . و لحد الان لم يصلني شيئ منهما و العذر مع الغايب كما يقول المثل .

    أما إبن المنولوجست الكبير علي الدبو الأخ حسن علي الدبو فقد كلفت أحد إخواني العراقيين الأعزاء طارق ، أبو زيد لأنه يعرفه بأن يكلمه و يرسل لي مصورات أغاني و منولوجات المرحوم والده علي الدبو . وقد أخبر حسن صديقي أبا زيد بأن لديه ملف كامل و سوف يصوره ، إلا أنه لم يفعل .

    و بناءا على هذه التجارب المر يرة صممت الإعتماد فقط على الله و على ذراعي و قمت بنقل كافة نصوص أغاني المطربين و المطربات و المونولوجات بعد الإستماع إليها لعدة شهور ليلا ونهارا و تمكنت و له الحمد من إصدار كتاب بعنوان :

    نبض الوجدان – أغاني عراقية لأشهر المطربين و المطربات ، صدر تحت إشرافي و تنضيدي بألمانيا عام 1997 ، مزينا ببعض الصور ، عدد صفحاته 218 صفحة .

    نشرت المنولوجات التالية للفنان المبدع المرحوم عزيز علي في الصفحات 174 - 186 من كتابي الموسوم نبض الوجدان .
    و بعد صدور كتابي أعلاه حصلت على كتابين أحدهما من الحجم الصغير بعنوان مونولوجات عزيز علي ، عن مطبعة البرهان ، بغداد ، قدم تقريضا للكتاب الأستاذ عبد الرحمن البزاز . والكتاب يقع 134 صفحة ، و لم يذكر تاريخ الطباعة .

    وثانيهما كتاب من الحجم المتوسط بعنوان : عزيز علي تاريخ . . وتراث ، الطبعة الثانية مزيدة و منقحة ، والناشر
    مطبعة مصدق الجنابي ، طبعة 1990 ، يقع في 263 .

    يسعدني أن اقدم لكم هذه المجموعة المختارة من منولوجات الفنان الكبير المرحوم عزيز علي ، املا أن تنال إستحسان الجميع .
    مع أطيب تمنياتي .







    دكتور


    يا ناس مصيبه إمصيبتنه نحجي تفضحنه قضيتنه
    نسكت تكتلنه علتنه بس وين إنولي وجهتنه
    دلينه يا دكتور

    * * * * *
    أنه يا دكتور وعيالي مرتي او ولدي واطفالي
    ما تمرضنه إبكل داء وابدا ما خذنه دواء ولا راجعنه أطباء
    بس من مدة هل جم سنه إتمرضنه و وكعنه إبضنه
    بامراض صارت مزمنه بددنه الراحه و الهنه ، دكتور
    دكتور دخل الله او دخلك مداوينه دكتور
    داء اللي بينه منه او بينه دكتور
    جا تجينه الحمه من رجلينه
    إسكينه العلكم بس شافينه دكتور
    يا ناس مصيبه إمصيبتنه نحجي تفضحنه قضيتنه
    نسكت تكتلنه علتنه بس وين إنولي وجهتنه
    دلينه يا دكتور

    * * * * *

    دكتور أمراض البينه ماتفيد و تشفينه
    او لا يفيد الكالسيوم ولا فوسفات الصوديوم
    وبروميد البوتاسيوم لن يفيدن هذا الجسم
    واحنه مو من هذا القسم أمراض العدنه تنقسم
    أقسام أقسام او ما إلهه إسم دكتور
    دكتور دخل الله او دخلك مداوينه دكتور
    داء اللي بينه منه او بينه دكتور
    جا تجينه الحمه من رجلينه دكتور
    إسكينه العلكم بس شافينه دكتور
    يا ناس مصيبه إمصيبتنه نحجي تفضحنه قضيتنه
    نسكت تكتلنه علتنه بس وين إنولي وجهتنه
    دلينه يا دكتور

    * * * *

    دكتور الجسم معافه ما بيه فد مرض إنخافه
    إلعله علة الروح مجروحه بسبع جروح
    إي لو تكدر داو الروح
    حقق يا دكتور الأمل ثخنت ييزي طال الأجل
    مو بالخطب مو بالزجل إحنه نطلب منك عمل دكتور

    دكتور دخل الله او دخلك مداوينه دكتور
    داء اللي بينه منه او بينه دكتور
    جا تجينه الحمه من رجلينه دكتور
    إسكينه العلكم بس شافينه دكتور
    يا ناس مصيبه إمصيبتنه نحجي تفضحنه قضيتنه
    نسكت تكتلنه علتنه بس وين إنولي وجهتنه
    دلينه يا دكتور

    * * * *


    دكتور إتوكل بالله و اشفينه من هالعله
    ييزي انظل بهالحال دبر فد صورة حال
    إلمرض ويانه طال
    شرح واكطع إيد و رجل كصب واذبح ذبح الإبل
    إعزل أعضاء التنعزل بس خلينه نمشي عدل دكتور
    دكتور دخل الله او دخلك مداوينه دكتور
    داء اللي بينه منه او بينه دكتور
    جا تجينه الحمه من رجلينه دكتور
    إسكينه العلكم بس شافينه دكتور
    يا ناس مصيبه إمصيبتنه نحجي تفضحنه قضيتنه
    نسكت تكتلنه علتنه بس وين إنولي وجهتنه
    دلينه يا دكتور

    * * * * *





  2. د .عدنان الطعمة
    13-06-2010, 07:06 PM

    مونولوجات مختارة للمرحوم الفنان العراقي عزيز علي




    منه منه


    منه منه منه منه كلهه منه
    مصايبنه و طلايبنه كلهه منه
    يا عرب كلمن هب او دب
    ملج و عضاده معذب دا يصب دموع و ينحب
    و مصيبتنه ندري كلنه ساس الفتنه من صاحبنه ( 2 )

    * * * *

    عراقي او سوري او لبناني مصري او أردني او يماني
    والسعوديه إخواني واحد ناصب للثاني
    سبت ولا أحد يسمعنه والرجل فرط جلمتنه
    واحنه فرطنه بسمعتنه
    إحنه يا عالم سبعتنه إخوه ما اختلفت رايتنه
    إشجانه فد نوب إشتتنه
    إشجانه دبت فينه الفتنه
    و العتب على جامعتنه جامعتنه إلما جمعتنه
    منه منه منه منه كلهه منه
    مصايبنه و طلايبنه كلهه منه
    يا عرب كلمن هب او دب
    ملج و عضاده معذب دا يصب دموع و ينحب
    و مصيبتنه ندري كلنه ساس الفتنه من صاحبنه ( 2 )

    * * * * *

    هنا يا عمر إبن الخطاب يا حيدر يا داحي الباب
    إلعرب إتصوبوا بصواب ما ينبت بيه شعر او غاب
    إصفينه لا دين او لا دنيه او لا حميه
    بصيرتنه و الزعامه كاتلتنه والأجنبي قال بصراحتنه
    إتفرج او شوف حالتنه
    و العتب على جامعتنه جامعتنه إلما جمعتنه
    منه منه منه منه كلهه منه
    مصايبنه و طلايبنه كلهه منه
    يا عرب كلمن هب او دب
    ملج و عضاده معذب دا يصب دموع و ينحب
    و مصيبتنه ندري كلنه ساس الفتنه من صاحبنه ( 2 )

    * * * * *
    منانه الفاس و مكناس ناس إصفينه تناحر ناس
    كام الداس يا عباس و الفاس طايح بالراس
    واحنه هل دا تشوفون إحنه
    ملتهين بقال و قلنه
    والرجل كل سادي وزنه
    يا عرب والله حالتنه حاله و مصيبه إمصيبتنه
    تفلنه و لطعنه تفلتنه إكشفنه للعالم عورتنه
    كل عتب على جامعتنه جامعتنه اللي تيهتنه

    منه منه منه منه كلهه منه
    مصايبنه و طلايبنه كلهه منه
    يا عرب كلمن هب او دب
    ملج و عضاده معذب دا يصب دموع و ينحب
    و مصيبتنه ندري كلنه ساس الفتنه من صاحبنه ( 2 )
    * * * * *
    بحيله او دس و سبق اصرار
    فرقوا جلمتنه الأشرار
    للثار إثار إثار أهل الثار يا عرب النار و لا العار
    صرنه للعالم سخريه لا بعد تسوه شاهيه
    صمنه و افطرنه بجريه يا عرب ما هي غلطتنه
    جنه ماشين إبنيتنه لكن جامعتنه خانتنه
    هي شلت كل حركتنه او هم أملنه
    بجامعتنه جامعتنه هي قبلتنه
    منه منه منه منه كلهه منه
    مصايبنه و طلايبنه كلهه منه
    يا عرب كلمن هب او دب
    ملج و عضاده معذب دا يصب دموع و ينحب
    و مصيبتنه ندري كلنه ساس الفتنه من صاحبنه ( 2 )

    * * * * *






    كل حال يزول


    كل حال يزول كل حال يزول
    كل حال يزول ما تظل الدنيه فد حال
    تتحول من حال لحال هذا دوام الحال إمحال
    كل حال يزول كل حال يزول

    * * * * *
    هالعالم مليانه اسرار أسرار تحير الأفكار
    دولاب الدنيه الدوار صاعد نازل باستمرار
    وبكل لحظه و كل مشوار يقبل و يودع زوار صغار كبار
    أطفال يصيرون ارجال و ارجال أنصاف ارجال
    و على هالمنوال تمر الأجيال وكل جيل يقول
    كل حال يزول كل حال يزول
    كل حال يزول ما تظل الدنيه فد حال
    تتحول من حال لحال هذا دوام الحال إمحال
    كل حال يزول كل حال يزول

    * * * * *

    إحنه إبهالعالم خطار قصرت أو طالت الأعمار
    أو على المسرح ليل نهار يمشون بعض الأشرار
    دا يمثلون أدوار أدوار و يرحون و ينزل للثار
    و يلحقهم عار يراون غرور الإنسان
    بالمال أو بالسلطان و شلون يغر الشيطان
    أو يخرج عن طور الإنسان أو كل عالم فان
    أو كل يوم بشان و الناس تقول كل حال يزول
    نفوس العالم بالمقدار مليارين او نصف مليار
    شي عبيد أو شي أحرار أو شي خاضع للإستعمار
    تلقى هنا أو هنا ثوار كل واحد ماشي بتيار
    ماكو إستقرار والناس هم منقسمين بيض سود ملونين
    يمينين او يساريين غربيين و شرقيين
    مو مرتاحين او لا منسجمين شيكول انكول
    كل حال يزول كل حال يزول

    * * * * *






    مونولوج القبول



    هالمرة أرد احجيلكم شي يعجبكم و يسركم
    خلوها بيني و بينكم
    ما لي راحة ببيتي ! بلوة بلتني مرتي !
    أتوسل بالله و بيكم ، دبروني بالله عليكم !
    متعلمة اسوي قبول ، ويجوها شكول شكول.
    يوميا متبهذل ! من بيتي متهجول !
    يوميا بهالمشكل من مرتي متحمل !
    * * * * *
    شحجي شدبر و اكول ؟ غير تكوم ادك لي طبول
    و تكلي هذا الأصول عد كل النسوان!
    الله يجازي النسوان ! الله يجازي النسوان !
    * * * * *
    متعلمتلي هالمرة اتسوي قبول امقرة
    ما تعرف إحنا فقرا !
    كلما اكلها ييزي ! ولج يمعودة جوزي !
    هالنوبة القاط بعشرة تزيدها عن كل مرة

    ميكفي النص دينار ، تكوم و تطلب دينار !
    شسوي ؟ دلوني ! من مرتي خلصوني !
    شسوي ؟ دلوني ! من مرتي خلصوني !

    * * * *
    يوميا تلم النسوان تطلب أشكال والوان :
    من نومي و موز و رمان
    والبسكت لا تنساه ! حب و فستق وياه
    ويكعدولك بالإيوان ، كل وحدة تحجي من مجان
    لغوة ما إلها راس ، أبدا لا إلها أساس !
    وحدة تكول : " لج فرجة ، مو فلانة متزوجة ؟ "
    واخرى تكول : " مو حلوة ! " وذيج تكول : " هم عرجة ! "

    * * * * *
    اتساوت ، يا هالملة إلكرعة وام الكذلة !
    مو هذي محنة و علة ؟
    يا عالم ، اني وين ؟ و هالبلوة هذي منين ؟
    متكلي شنهو محصلة ؟ كل يوم إبيتي فلة !
    جت رايد مرتي عون ، لكن طلعت فرعون !
    عذبتني ، هلكتني ، هالحرمة تبرتني !
    عذبتني ، هلكتني ، هالحرمة تبرتني !

    * * * * *
    مرة كلتلها : " إحنا هالعادة متلوك إلنا ،
    كونن منخلقت إلنا
    لاكت للغربيين ، و بس العدهم تمكين "
    كالت : " ليش إحنا شبينا ؟ إلمن مدينا ايدينا ؟
    فهم الأغا المقصود: الجود من الموجود !
    النسوان ! النسوان ! من يكدر عالنسوان ؟ !
    النسوان ! النسوان ! من يكدر عالنسوان ؟ !

    * * * * *
    هذا القبول بجفة ، واورزدي و حسو بجفة ،
    للمثلي صدك كلفة !
    اخ اليدري يدري ! مرتي تيهت فكري !
    صارت للحسو تعرفه دك يابو طبل بالزفة !
    كلكم مثلي بهالحال ، لو بس اني الحمال ؟
    هلكتني ، تلفتني ، بالإسراف تبرتني !
    هلكتني ، تلفتني ، بالإسراف تبرتني !







    شوباش



    شوباش ! شوباش ! كلفتنا المدنية بلاش !
    جت جامع لي جم دينار بجدي و تعبي ليل نهار
    للعازة لاظل محتار جاني ابني هالبيعار
    فلفسهن ، ضيعهن ، وتلفهن ، و خلاني بأمري محتار
    صرت اني بلاع الموس ، جيه دزيت إبني المنحوس
    اللندن يتلقى دروس راح ورد لي أغا و باش ! شوباش !
    * * * * *
    جاني ناسي العربية ، و يحجي بلهجة فرنجية
    و ناسي حتى القومية ، متزوج له بغربية
    يتحمر ، يتبودر ، يتعطر !
    هذي هي المدنية ؟
    ديحف وجهه تلث أوكات : ربي يكون كمعته و مات !
    تلكى بجيبه هالالات: مرايا و مشط و فد منقاش ! شوباش

    * * * * *
    كلي شتعلم لي بس ؟ بس تعلم يركص دانس ،
    فوكستروت و تانجو و فالس يتمركص هالمال الكرص !
    من يمشي ، ومن يحجي مو فد شي : يحجي بالأورايت و يس !
    ديتخم بالأوتيلات ، ما أدري بيه وين يبات
    واي واي صلوات ! نزرع سمسم يطلع ماش ! شوباش !

    * * * * *

    هي وين و هاي وين ؟ ! ضيع إبني المشيتين ،
    و تشبه بغراب البين جتني هذي البلوة منين ؟
    يعيروني ، يلوموني ، يعيبوني !
    هالناس بو ليدي الشين !
    يستنكف يحجي و يا الناس ، خشمه أعلى من الراس
    شكو ؟ متعلم لي دانس ! هلهوله و صيحوا شوباش ! شوباش

    * * * * *
    جت متأمل بيه امال ، خابت كل ذيج الامال
    ضاع المال و راس المال ! حسبته يطلع رجال ،
    متعلم ، متقدم ، متكلم ، لكن جاني بهذا الحال !
    ربعه جونا متعلمين ، بس هو جاني المسكين !
    ميميز السين من الشين ، و نافخ لك نفسه ببلاش ! شوباش !
    * * * * *
    يا إبني الدنيا يعرفون كل شي و قط ما ينغشون
    جوز ! بطل ! هذا جنون والعالم لو كلما يكون ،
    يحترموه ، و يعظموه ، و يقدروه ، ولأمثالك يحتقرون
    متغرهم هذي الأوضاع طك! فش ! تبدلت بساع ،
    و ما عاد تحملك هالكاع ميصير نهيبي و وحاش ! شوباش !



    ألمانيا في 13 / 11 / 2007
  3. *مزون شمر*
    13-06-2010, 11:23 PM

    مونولوجات مختارة للمرحوم الفنان العراقي عزيز علي


    اختيار رائع
    وطرح اروع
    الله يعطيك العافيه استاذ
    تحياتي لك
  4. د .عدنان الطعمة
    14-06-2010, 12:59 AM

    مونولوجات مختارة للمرحوم الفنان العراقي عزيز علي


    المشاركة الأصلية كتبت بواسطة *مزون شمر*
    اختيار رائع
    وطرح اروع
    الله يعطيك العافيه استاذ
    تحياتي لك


    حضرة ألأخت الغالية مزون شمر المحترمة أسعدك الله و حفظك

    تشرفت بقراءة مشاركتك الأكثر من رائعة كسابقاتها التي تسعدني جدا . بارك الله فيك .

    لك مني كل الشكر و الإمتنان


    تقبلي مني عاطر تحياتي

    د . عدنان

    ألمانيا في 13 حزيران 2010
  5. مزوون
    14-06-2010, 02:20 AM

    مونولوجات مختارة للمرحوم الفنان العراقي عزيز علي


    يعطيك العافيه استاذ عدنان

    مختاراتك روعه

    وتشكر جهودك ::

    متابعه مواضيعك وبكل شوق

    تحياتي لك _( مزون
  6. د .عدنان الطعمة
    15-06-2010, 12:51 PM

    مونولوجات مختارة للمرحوم الفنان العراقي عزيز علي


    المشاركة الأصلية كتبت بواسطة مزون
    يعطيك العافيه استاذ عدنان

    مختاراتك روعه

    وتشكر جهودك ::

    متابعه مواضيعك وبكل شوق

    تحياتي لك _( مزون


    عزيزتي الأخت الكريمة مزون المحترمة طابت أوقاتك

    تسعدني دائما مشاركاتك الموضوعية المفصلة الرائعة و أسلوبك الجميل . بارك الله فيك و حفظك
    لي الشرف بأن تستفيدي و تتمتعي من مقالاتي المتنوعة .
    ما ذكره الفنان الشهير عن وضع أمتنا العربية و الإسلامية منذ أكثر من خمسين سنة حدث للأسف الشديد .

    لك مني فائق إحترامي


    تقبلي مني أزكى تحياتي

    وشكرا لك يا غالية

    د . عدنان

    ألمانيا في 15 حزيران 2010
  7. المشتاقه
    15-06-2010, 12:53 PM

    مونولوجات مختارة للمرحوم الفنان العراقي عزيز علي


    يعطيك العافيه

    ما قصرت
  8. د .عدنان الطعمة
    15-06-2010, 10:02 PM

    مونولوجات مختارة للمرحوم الفنان العراقي عزيز علي


    المشاركة الأصلية كتبت بواسطة المشتاقه
    يعطيك العافيه

    ما قصرت



    حضرة الأخت الكريمة المشتاقة المحترمة حياك الله و حفظك

    الله يعافيك يا اختي . سعدت جدا بمشاركتك الجميلة وحضورك البهي . بارك الله فيك

    لك مني خالص شكري وامتناني


    تقبلي مني عاطر تحياتي

    د . عدنان

    ألمانيا في 15 حزيران 2010
  9. ساحرة القلب
    16-06-2010, 01:23 AM

    مونولوجات مختارة للمرحوم الفنان العراقي عزيز علي


    يعطيك العافيه

    ما قصرت

    مشكووور
  10. د .عدنان الطعمة
    24-06-2010, 03:37 PM

    مونولوجات مختارة للمرحوم الفنان العراقي عزيز علي


    المشاركة الأصلية كتبت بواسطة ساحرة القلب
    يعطيك العافيه

    ما قصرت

    مشكور


    أهلا و مرحبا بالأخت الغالية ساحرة القلب المحترمة و بمشاركتك الرائعة .
    لا شكر على واجب

    لك مني كل الشكر و الإحترام


    دمت بود و عافية

    تقبلي مني عاطر تحياتي

    د .عدنان

    ألمانيا في 24 حزيران 2010