قصيدة السنيوره - مطلق النومسي

ديوان الشاعر مطلق النومسي
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      13-06-2010, 09:06 AM

      قصيدة السنيوره - مطلق النومسي

      قصيدة السنيوره - مطلق النومسي


      يالكتاب اللى حفظته .. قبل لا أقرا سطوره
      كيف تجهلني سطوره .. والكتاب .. كتابي

      كل كلمة فيه .. بعروقي تجدد دوره
      وكل حرف فيه .. يجمع دمعتي بأهدابي

      يعني الدم وكرياته .. بحالة فورة
      تحتضن جمر الدموع .. وتحترق بأعصابي

      بين دمعة (ضحكتي) في نفسي المسروره
      وبين ضحكة (دمعتي) يوم البكا .. قفى بي

      مدري أحزن .؟؟ من جهل شعري .. وزود قصوره
      وإلا أنا افرح .. من وفا شعرك .. وزود إعجابي

      حال .. خلاني .. أشك .. بقاعدة مشهورة
      التجاذب .. طابع السلبي مع الإيجابي

      لا يبه .. ماهو صحيح .. وكذب .. صوت وصورة
      شوف عيني .. شفتهم .. أصحاب .. مثل أصحابي

      يومك .. أسرفتي .. بتدليل الشعر .. وبحوره
      ويوم انا .. اسرفت بمواعيدي .. وطول غيابي

      سامحيني .. يالجموح .. الحرة .. المستورة
      وإقطعي .. راس الحسود إبن الحسود .. الهابي

      وإقربي لي .. والشعر له .. ليلة مخموره
      تثمل عروق الحروف .. ودمها يصحى بي

      ليلة .. فيها العنب .. تحمر .. شهب جذوره
      لين يروى .. من سواد الما .. ويبقى نابي

      بس .. أنا .. وأنتي .. ونسناس الهوى .. وطيوره
      وإختصاراتك .. لموضوع الحكي .. وإسهابي

      إلتفات .. وهمستين .. ونظرة مخدوره
      وإندفاع .. وضمتين .. وفرفشة متصابي

      جو حالم .. وأمنيات .. ونية منشوره
      بين طيات الغلا .. المستذكي المتغابي

      وإلعبي من فوق جرحي .. وأنتي الدكتوره
      عالجيه .. بضمتك .. لا زاد بي .. وأغمى بي

      لين تصحيني .. بلابل شجرة البندورة
      لا إلتوى بي .. ظلها .. للشرق .. ثم صلا بي

      يا غلاي .. اللى يبشر عن قيام الثوره
      مثل ما ثار .. الإمام محمد الوهابي

      الغلا جاير .. ولا أحد سالم .. من جوره
      خص لا منه .. تولى .. خافق العزابي

      وأنتي .. أدرا .. بالغلا .. يا حضرة السنيورة
      والدليل إن الكتاب اللى معاك .. كتابي
    2. طير القوافي
      22-11-2011, 02:14 PM

      رد: قصيدة السنيوره مطلق النومسي

      قصيدة السنيوره - مطلق النومسي


      يا غلاي .. اللى يبشر عن قيام الثوره
      مثل ما ثار .. الإمام محمد الوهابي

      الغلا جاير .. ولا أحد سالم .. من جوره
      خص لا منه .. تولى .. خافق العزابي

      هههه
      واناشهد ههههههههههه

      صح لسانك مبدع
      ورحم الله شيخنا واماما محمد بن عبدالوهاب
    3. المريسي
      09-09-2015, 02:33 PM

      رد: قصيدة السنيوره مطلق النومسي

      قصيدة السنيوره - مطلق النومسي


      شكرا عالكلمات

      تحياتي