قصيدة تصبيحة سهر -مطلق النومسي


يسعد مساء ( صبحك) عسى ممساك ( تصبيحه ) سهر
ليل .. مصابيحه على الواقع معك متلاشيه



ليل .. يراشيه الصباح .. ويرفض الرشوه جهر
حتى تتوب نجومه اللى من قبل متراشيه




ابيك ليل .. ( ماتصبح به ) صواديف الدهر
وأبيك سر ما تمثناه الصدور الفاشيه




مادام جيتك عشق في صافي نواياه إشتهر
لو كنت متحاشيه .. وأنتي ( يالغلا ) متحاشيه




أبطنت عشقك .. لين ضاقت به حناياي .. وظهر
ولا تخافي .. حافظه عن القلوب الواشيه




أزيد ضحكي مع وشايتهم .. ويزدادوا قهر
وأبشرك نفسي من الواشين ماهي خاشيه




مدام (لحظة من غيابك ) تنحسب عندي شهر
وزلتك تمشي .. لو ماهي ( يا غناتي) ماشيه




وميامنك ضفة نهر .. ومياسرك ضفة نهر
ومظلل ..راسك تحت غر المزون الناشيه




ومعطيك .. راسي نوع جاهية .. ودمي لك مهر
وقلبي معبد لك .. وشرياني رئيس الحاشيه



تطمني يالمزهرية ... كلهم لعبة زهر
والنار ما تحرق سوى رووس اليدين الراشيه



وأنتي وأنا .. عسى هوانا في سمانا يزدهر
وبحق من نزل تبارك .. والحشر .. والغاشيه




وإنسيهم .. وخلي مساك يعلم الصبح .. السهر
ومخاوفك مع الزمن .. متلاشيه .. متلاشيه