12345

ديوان الشاعر عبدالله بن عبدالعزيز العليوي

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. طير القوافي
    11-06-2010, 05:40 PM

    ديوان الشاعر عبدالله بن عبدالعزيز العليوي

    ديوان الشاعر عبدالله بن عبدالعزيز العليوي


    -

    ديوان الشاعر عبدالله بن عبدالعزيز العليويديوان الشاعر عبدالله بن عبدالعزيز العليوي


    ولد الشاعر عبد الله بن عبد العزيز العليوي عام (1373ه) "يرحمه الله" في مدينة عنيزة ،وتلقى تعليمه الإبتدائي والمتوسط في مديينة عنيزة ، وتخرج من ثانوية عنيزة العامة من قسمها الأدبي . ومن ثم التحق في بداية عمله الوضيفي بأحد البنوك الوطنية (البنك العربي) . وبرز رحمه الله كلاعب كرة قدم في النادي العربي في عنيزة إلا إن موهبته سرقته من معشوقة الملايين .
    - حصل على جائزة القصة القصيرة على مستوى المملكه العربية السعودية في منتصف التسعينات الهجرية ، وجاءت تحت عنوان ( لمحة وفاء ) وتدور فكرتها حول قصة شاب يتيم تبرع بكليته لشقيقه اللذي قرر الزواج .
    - عمل مشرفا ثقافيا في النادي العربي ، وكان شعلة نشاط وحماس ، فحقق ناديه في ذلك الوقت العديد من الإنجازات الثقافية سواء داخل منقطة القصيم أم خارجها .
    - عمل في القطاع الحكومي في مديرية الزراعة والمياه في عنيزة قبل أكثر من سبع سنوات إلا إن معاناته مع الفشل الكلوي أجبرته على الاستقاله قبل أن يكمل عامه الثاني .
    - تم تكريمه من قبل فرع جمعية الثقافه والفنون في منطقة القصيم بصفته شاعرا مبدعا ومثقفا بارزا في المنطقة .
    -صدر له أول ديوان مسموع بصوت الأستاذ محمد الرشيدوأيضا صدر له أول ديوان مطبوع جاء تحت عنوان ( بقايا شوق ) ضم أكثر من (72) قصيدة . وله ايضا محاولات في الشعر الشعبي الحديث .
    - وتغنى له الكثير من الفنانين أمثال ( عبد الله الصريخ ، سلامة العبد الله ، حمد الطيار ،فهد العبد الله ، رباب ، سليمان الهندي ، خالد عبد الرحمن ، صالح الجبري )
    - في بداية شهر شوال للعام الهجري (1424ه) صدر له ديوان مسموع ومرئي بواسطة أقراص ( سي دي ) وشرائط ( الكاسيت ) و ( الفيديو ) . وضم هذا الإنتاج المتميز أكثر من عشرين قصيدة ، وقد أعده وأشرف عليه الشاعر : يوسف بن محمد المطلق ، وقام بهندسته الصوتيه والمؤثرات الشاعر : علي بن مد الله المد الله ، والقاه : إبراهيم بن علي الصيخان ، واخرجه فيديو : عبد الله بن محمد الخيفان ، وحيث قدمة هذه النخبه من الأسماء هدية جميلة للشاعر عبد الله بن عبد العزيز العليوي قبل وفاته " رحمه الله " بشهر ونصف تقريبا وعند عرض هذا العمل المتميز عليه ومشاهدته له ذرفت عيناه واكتفى الشاعر عبد الله العليوي بعد الموافقه في طرح هذا العمل بطبع قبلة حانية على جبين من قدموا له هذا الإهداء والإنتاج المتميز .

    وفي يوم الخميس الموافق 2/11/1424ه في تمام الساعة الثانيه وخمس واربعون دقيقة خيم الحزن على مدينة عنيزة بخبر وفات الشاعر عبد الله بن عبد العزيز العليوي رحمه الله وأسكنه فسيح جناته .
  2. طير القوافي
    11-06-2010, 05:41 PM

    ديوان الشاعر عبدالله بن عبدالعزيز العليوي


    قصائد الشاعر :
    هذا الجزء هو تقريبا زبده الموضوع ..
    ويحتوي على مجموعة ضخمة من قصائده ..
    .
    قلي على الله
    قلي على الله وابتعد عنك وارتاح....قلي على الله بس من غير تجريح
    من شب نار الشوق ياشوق ماصاح....واللي وطاها يشرح الجيب ويصيح
    لولا الغلا ماهانت النفس ياصاح....محبتي لك ماوراها مصاليح
    وشلون تنسى يالغضي كل ماراح....مركب غرمك سار مع وجهت الريح
    القلب في يمينك ياعزوتي طاح....حنا على شط الرجاء بك مجاريح
    جرحتني واحسبك للقلب جراح....اشوف بعيونك على الصد تلميح


    وين انت
    وين أنت يا مشكاي عيني مشقاة.....في حب خل دمعتي يوم عيده
    ودي بنسيانه ونسيان مافات.....وابدا من أول في حياة جديدة
    وأقول ياقلب الشقاء حبنا مات.... مير الله أقوى ذكرياته عنيده
    يخطي واسامح وأذرف الدمع بسكات.....نفس الخطا في كل يوم يعيده
    أدري لقلبه في هوى الغير نوهات.....وما كل نفس تأخذ اللي تريده
    ما تبعد الغالين ... طول المسافات....جسمي بعيد عنه والقلب بيده
  3. طير القوافي
    11-06-2010, 05:42 PM

    ديوان الشاعر عبدالله بن عبدالعزيز العليوي


    قصائد الشاعر :
    هذا الجزء هو تقريبا زبده الموضوع ..
    ويحتوي على مجموعة ضخمة من قصائده ..
    .
    قلي على الله
    قلي على الله وابتعد عنك وارتاح....قلي على الله بس من غير تجريح
    من شب نار الشوق ياشوق ماصاح....واللي وطاها يشرح الجيب ويصيح
    لولا الغلا ماهانت النفس ياصاح....محبتي لك ماوراها مصاليح
    وشلون تنسى يالغضي كل ماراح....مركب غرمك سار مع وجهت الريح
    القلب في يمينك ياعزوتي طاح....حنا على شط الرجاء بك مجاريح
    جرحتني واحسبك للقلب جراح....اشوف بعيونك على الصد تلميح


    وين انت
    وين أنت يا مشكاي عيني مشقاة.....في حب خل دمعتي يوم عيده
    ودي بنسيانه ونسيان مافات.....وابدا من أول في حياة جديدة
    وأقول ياقلب الشقاء حبنا مات.... مير الله أقوى ذكرياته عنيده
    يخطي واسامح وأذرف الدمع بسكات.....نفس الخطا في كل يوم يعيده
    أدري لقلبه في هوى الغير نوهات.....وما كل نفس تأخذ اللي تريده
    ما تبعد الغالين ... طول المسافات....جسمي بعيد عنه والقلب بيده
  4. طير القوافي
    11-06-2010, 05:42 PM

    ديوان الشاعر عبدالله بن عبدالعزيز العليوي



    خلاص لا ترجع
    خلاص لاترجع ترانا سلينا.....ما كنت اصدق يوم اني ابنساك
    في بعدكم ياما عليكم بكينا.....واليوم ما تطري على البال طرياك
    وانا ادري انك رغم صدك تبينا.....لاشك ناس ضدنا تقصر اخطاك
    خل الذي غير حنانك علينا......يعطيك من قلبه ربع ما عطيناك
    وشعاد لا صار السلام بيدينا......قلبي وقلبك بينها درات افلاك
    ودعت ما ضي حبنا وانتهينا......وقلب نسيته يوم لابد ينساك
    من سكرة الحب الصناعي صحينا......حتى المجالس عفتها خوف ذكراك
    حب جديد غير حبك لقينا.......حديتني جعل الليالي تحداك


    قلبي لقى غيرك
    قلبي لقى غيركم شخص يهلي بي.....يشفق علي وأنا بالحيل مبلي به
    أرجوك لا تعتذر يكفيني اللي بي......والله يسامحك منك العذر مالي به
    من واهج بالحشا شقيت أنا جيبي......ومن لامني بالهوى يصلى لواهيبه
    لولاك للناس مابانت عذاريبي.....يا ما تجاهلت حبي وأنت تدريبه
    يوم أنت مرتاح في همي وتعذيبي.....ماقلت لك يوم ... تفقدني وتبكي به
    يازين ماشوف لك عندي مطاليبي.....حبيت غيرك وحبك ويش أسوي به
  5. طير القوافي
    11-06-2010, 05:44 PM

    ديوان الشاعر عبدالله بن عبدالعزيز العليوي



    العهود الوثيقه
    ياللي تناسيت العهود الوثيقة......ماعاش من قبلك بدنياه مرتاح
    لابد من يوم وتلقى الحقيقة......تشوف لوعات الزمن كيف تجتاح
    وتعود لي طير مضيع فريقة......وأقول يا غدار عهد الوفاء راح
    تغيرت حتى الوجيه الصديقة......والقلب الأبيض أصبح اليوم سفاح
    يا ما تحملت الجروح العميقة......والشوق بعيوني الا أقفيت فضاح
    فيما مضى روحي بحبك غريقة......مثل السفينة بالبحر دون ملاح
    واليوم أنا قلبي تغير طريقة.......مايرجع الماضي بالأعذار يا صاح
    في خاطري عبرات هم وضيقة......وشلون مات الحب في عز الأفراح


    عشرة عمر((حاول تقدر موقفي))
    حاول تقدر موقفي لو تكرمت......من شان ماض راح تسمع دفاعي
    قبل الزعل ليتك لوضعي تفهمت......ما بيننا عشرة عمر لو تراعي
    تراك في حكمك علينا تسرعت......خلك حليم ولا تصير اندفاعي
    كان الخطى مني فأنا لك تعذرت.....قلبك عطوف و ما يسرك ضياعي
    دامك بقلبي من إسنين تحكمت.......ما شوف لهروج تجي منك داعي
    كل الهموم أنساه لا من تبينت......أهواك أنا مهما تكون اندفاعي
  6. طير القوافي
    11-06-2010, 05:45 PM

    ديوان الشاعر عبدالله بن عبدالعزيز العليوي



    ما جيت حب لك
    ماجيت حب لك ولا نيب راجيك....ماجيت يمك في رجاء مد يمناك
    جيتك مثل غيري بنفسك أعزيك....مالك وجود اليوم مت ودفناك
    شربت منك المر واكتم وأداريك....حتى عدوي ما يسوي سواياك
    الشاهد الله ما خبر جبت طاريك....وان جاء لك الطاري بخير ذكرناك
    عين بكت لك ما تلد النظر فيك....غصب علينا من سواياك عفناك
    عواذلي قامت تبيعك وتشريك.....ارجوك تبعد عيدنا يوم فرقاك


    لا تزيد الجرح
    لا تزيد الجرح ماقصر زماني....شايل بالقلب أحزان السنين
    لاتزيد الجرح مافيني كفاني....لا تصير اليوم مع وقتي معين
    ياحياة الروح ربي بك بلاني....بالحشاء لك جرح يالغالي مكين
    في زمان فات يالغالي تراني....أخفي الأحزان والعبرة تبين
    مندفع لك جيت شوقي لك حداني....جيت أبي نظرات عطفك والحنين
    عمري اللي ظاع باحلام وأماني....شوفتي لك يوم والفرقا سنين
  7. طير القوافي
    11-06-2010, 05:46 PM

    ديوان الشاعر عبدالله بن عبدالعزيز العليوي



    ما جيت دربك
    ما جيت دربك راضي باختياري....لك خطوتي تنقاد لا عني أبطيت
    أبعد عن اللي لك يجيبون طاري....إن زارني طيفك لزولك تمنيت
    لا نتب بعيد ولا طفت منك ناري....فيك الأمل لاهوب حي ولا ميت
    تخطي وقدم عن خطاك اعتذاري....حتى خطاك أنساه ما كنك أخطيت
    بين الرجاء و الياس طال انتظاري....و الياس رحمة يا شقاء من توليت
    أعلنت بالفرقاء عليك انتصاري....بالقلب أشوفك مثل غيرك تساويت


    وقف وقلي
    وقف وقلي وش سبب هالتحدي....ابي الصراحة واقطع الشك بالياس
    انت وزماني والغرابيل ضدي....ياللي جرحت القلب وينك والإحساس
    قلبي عليك ودمعتي فوق خدي....منك اشتكي لك ياغناتي من الناس
    لولاك غالي ما تعديت حدي....ليتك بنيت الحب مثلي على ساس
    بكيت يوم اقفيت وانباح سدي....شربت منك المر كأس بثر كأس
    ليتك بنظرة من عيونك تلدي....محبتي لك يالغضي ترفع الرأس
  8. طير القوافي
    11-06-2010, 05:47 PM

    ديوان الشاعر عبدالله بن عبدالعزيز العليوي



    احبك ليه
    أحبك ليه ما ادري
    أحبك وانتهى أمري
    أحبك ... لو تروح بعيد
    أحبك ... لو تجي جنبي
    أحبك ... يابعد من غاب
    ولو تبعد وتنساني
    وتنسى أيام عشناها
    أنا ما أقوى على النسيان
    وتسأل ليه
    ما أدري؟
    تعلمني الوفاء وشلون
    وتنسى درس علمته
    تقول أحفظ عهود الحب
    وأنت الحب ضيعته
    وهذا الجرح في قلبي
    نهاية حبك ... الكذاب
  9. طير القوافي
    11-06-2010, 05:48 PM

    ديوان الشاعر عبدالله بن عبدالعزيز العليوي



    شاطر بالتحدى
    انشهد إنك شاطر بالتحدي....وانشهد انه غلطتي يا عشيري
    حطيت قلبي شمعة لك تعدي....واحرقتني يومك عرفت المسيري
    درب يودي يالغضي مايردي....تلقى على طبعك من الناس غيري
    حفظت أنا عهدك وضيعت عهدي....الشوك لي والورد كله لغيري
    أحرقت رسمك يوم يدك بيدي....واليوم ودي عن هواك استخيري
    القلب يعطي مرة مايردي....حبك تحكم واستقر بضميري
    ذكرى سنين في دقايق تعدي....ويلاه من ضيم الحياة المريري


    لو تلتفت
    لو تلتفت ياناوي الصد وتشوف....تلقى بدال فراقنا حل ثاني
    يشدني حبك ويبعدني الخوف....ضيعت في رجوى حنانك زماني
    حاولت أصور ماخفى عنك بحروف....لقيت حبك فوق كل المعاني
    أنا على قربك شفوق وملهوف....أقبل وتبعد خطوتك عن مكاني
    اللي بقلبي لك من الود معروف....حسيبك اللي في هواك ابتلاني
    ياقلب ماظنك على ذاك موقوف.....بليت بالي باعني ماشراني
  10. طير القوافي
    11-06-2010, 05:49 PM

    ديوان الشاعر عبدالله بن عبدالعزيز العليوي




    بعيد هناك
    بعيد هناك يالغالي
    بعيد ... وين أنا وياك
    أنا وش عاد
    وش بيدي
    ما غير أشكي ما غير أبكي
    على قلبي على حبي
    على ذكراك
    كلام الناس يالغالي ...
    يعذبني ويجرحني
    إلا قالو ... نساك وراح
    شغل بالك وهو مشغول
    عنك بواحد ثاني.
12345