12345

ديوان الشاعر عبدالله بن عبدالعزيز العليوي

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. طير القوافي
    12-06-2010, 08:43 PM

    ديوان الشاعر عبدالله بن عبدالعزيز العليوي



    بيدي رميت القلب
    بيدي رميت القلب في وسط نارك....و أقفيت يا ظالم وأنا فيك مفتون
    إنهد حيلي في عذاب إنتظارك....و أخفيت جرحي مابي الناس يدرون
    أرمي سلاحي واعترف بانتصارك....ابكيت من يضحك على اللي يحبون
    متى تخفف لوعتي باعتذارك....اشوفكم مره على الحب تبكون
    أنهيت قصة حبنا باختيارك....وين الصبر يا قاسي القلب وشلون
    يازين قلبي من هواك استجارك....حبك عسرني ماطوى القلب بالهون


    مواري حزين
    تذكرتك وقلبي مسرف الخطوه يبي فرقاك....وفي نفسي بقايا من جروح العام مدفونه
    تذكرتك وفي عيني مواري حزن من ذكراك....تلفت يمك الخافق وجاك خطاه مجنونه
    وجيتك ثاير العبره احبك من يقول انساك....غيابك نار من يقوى يشيل النار بعيونه
    هلا با ايامك السوداء هلا بالحزن في دنياك....رضى قلبي بتعذيبك ابد مايطلب العونه
    متى تفرح بك ايامي متى وشلون كيف القاك....متى هالليل في شمسك يذوب ويختلف لونه
    تعبت من التعب وينك تعال ومد لي يمناك....حياتي لا خلت من شوفتك ماهيب مضمونه
  2. طير القوافي
    12-06-2010, 08:45 PM

    ديوان الشاعر عبدالله بن عبدالعزيز العليوي


    ياللي علينا تشتكي
    ياللي علينا تشتكي طول ليلك....ياما سهرنا ماشكينا لك الليل
    ياما تحملنا عذابك وميلك....وياما زرعنا مارجينا محاصيل
    دامك تقول إن الجفاء هد حيلك....هذا الجفاء ياللي تظنه تعاليل
    منول أنت الروح منهو بديلك....عن هالخطايا كنت أشبهك باسهيل
    من يوم شفت العين ظاقت بشيلك....عذرتها شافت من أيامك الويل
    ماعاد تخدعني بشلال ليلك....لا عاد من حب ولا عاد من ليل


    فات الاوان
    لا تعتذر فات الأوان
    ما عاد أبي نظرة حنان
    مليت من كثر الحلول
    ما باقي إلا نفترق
    مكتوب نبعد عن بعض
    وش فايدة لو نعترض
    مليت من كثر الحلول
    ما بقى إلا نفترق
    طالت مشاوير العذاب
    ماشوف داعي للعتاب
    مليت من كثر الحلول
    ما باقي إلا نفترق
    أول بدايتنا خطاء .......
    وأخر بدايتنا خطاء
    خلاص ملينا الحلول ......
    والحل لازم نفترق

  3. طير القوافي
    12-06-2010, 08:46 PM

    ديوان الشاعر عبدالله بن عبدالعزيز العليوي



    لو ترد ايام
    لو ترد أيام ضاعت في رجاك....ماسهرنا في غيابك نرتجيك
    داري بالجرح جرحي ماخفاك....تدري ان الحل والله في يديك
    خل جرح القلب يرفع مستواك....غيرتنا مثلك الدنيا عليك
    بالجفا والصد يوم الله بلاك....ليت ربي بالموده مبتليك
    لا تعاتب والخطا كله خطاك....بعت منهو في حياته مشتريك
    ابتعد لو كان قلبي مانساك....قلتها مجبور ابعد ما نبيك


    البارحه
    البارحة ماذاقت النوم عيني....فكرت باللي بين ربعي وبيني
    واحترت واحتار القلم في يديني....الا متى أصبر وارتجي راحت البال
    عجزت اميز صاحبي من عدوي....يارب ضاقت حيلتي ويش أسوي
    وأنا على درب الغرابيل توي....أخاف زود الهم يقضي على الحال
    على الوفاء والصدق هلت دموعي....مجبور أطيع الوقت وأعلن خضوعي
    ملزوم اطيعه غصب ماهو بطوعي....أحلامي السوداء رمتني على الجال
    يا ناس وين أهل الوفاء والصداقه....الظلم -لو تدرون- مر مذاقه
    قلبي غدا يا ناس منكم حراقه....مليت فكوني من القيل والقال
    يا ناس مافيني من الهم كافين....قلبي وأعرفه مايبي من يواسين
    اشوف حظي عاثر شوفة العين....والحل بين ايديك ياطيب الفال
    ياناس أنا بالحيل صعبه ضروفي....أبي الأمان اللي ينسين خوفي
    ودي تبين ما بقلبي حروفي....والمشكلة قالو لها ألف حلال
    ابكي على ربع نسوني وراحوا....والحق معهم من شقاي استراحوا
    ما قصروا يا ما الا أخطيت صاحوا....وأنا عنيد وكلمة الحق تنقال
  4. طير القوافي
    12-06-2010, 08:47 PM

    ديوان الشاعر عبدالله بن عبدالعزيز العليوي



    اللي حصل
    اللي حصل وقفة خواطر وطالت....بيني وبينك وأنت زوتها زود
    سحابة مرت سمانا وزالت....هذا اعتقادي كنت لرضاك مشدود
    وأشوف زلاتك علينا توالت....تخطي و أسامح بس ما شفت مردود
    يا ما عليك النفس يازين شالت....هم لجا في خاطري ما له حدود
    معك الليالي يوم صديت مالت....صارت عقب فرقاك أيامنا سود
    رغم الظروف اللي عن القرب حالت....يا زين أحبك والأمل فيك مفقود
  5. طير القوافي
    12-06-2010, 08:49 PM

    ديوان الشاعر عبدالله بن عبدالعزيز العليوي



    قصيدتان الأولى للشاعر الكويتي طلال السعيد والأخرى معارضه من شاعرنا الأكثر من رائع عبدالله العليوي - رحمه الله

    الله يرحم حبنا
    الله يرحم حبنا اللي قتلتيه....جفت دموعي والبقا في حياتك
    ياللاسف كل الاسف مابكيتيه....انتي الغرور اعماك مع حب ذاتك
    انتي بديتي الحب وانتي نهيتيه....اقري عليه الفاتحه في صلاتك
    انتي رعيتي الحب وانتي طعنتيه....توني دريت ان الغدر من صفاتك
    انتي شريت الحب مني وبعتيه....عسى الثمن يكون سبت غناتك
    انتي بنيتي الحب وانتي هدمتيه....الله اكبر من يسوي سواتك
    انتي رسمت الدرب بس مامشيتيه....اعماك عن درب الغرام التفاتك
    انتي كتبت العهد وانتي مسحتيه....محاولة تزوير في ذكرياتك
    مرة لبستي الحب مرة فصختيه....هذا الهوى لاتحسبينه عباتك
    قلتي احفظه تذكار واقول مابيه....تذكار حبي هو شهادة وفاتك
    خلي جمالك ينفعك واستغليه....روحي ورا اللى قال لك ياحلاتك
    اخذي الهوى وياك ليش احتفظ فيه....يمكن يجي له يوم يهدم حياتك
    الشاعر : طلال السعيد



    داويت يالنسيان
    داويت بالنسيان قلب جرحتيه....دفنت أنا حبي وتبقى حياتك
    ياللي قتلتي حبنا مارحمتيه....أنتي تحسبين الهوى حب ذاتك
    ياللي سمعتي بالهوى ماعرفتيه....أنتي تبين الحب درب لغناتك
    نسيت حبك ضاع كل الرجاء فيه....يكفيك عن حب مضى ذكرياتك
    درب النهاية بختيارك مشيتيه....لا تذرفين الدمع هذي سواتك
    عهد الهوى اللي بيننا ماحفظتيه....رماك في بحر الضياع التفاتك
    باقي بقايا حبنا اللي رفضتيه....ترى المحبه ماتوافق صفاتك
    مليت أنا مشوار حب رسمتيه....قلبي يعيش أفراح ذكرى وفاتك
    الشاعر : عبدالله العليوي


    زينك دعاية
    زينك دعاية دام الأخلاق شينه....ما يجتمع بك زين مع شين الأخلاق
    تغيب قصدك قولت الناس وينه....هذا اعتقادك تحسب الناس تشتاق
    أنت الغرور اللي سطا بك بعينه....قالو جمالك موت لشوفتك نشتاق
    اليوم زينك راح واقفت سنينه....يالي دفنت الزين مع شين الأخلاق

    * هذه الأبيات كتبت مشاركه من الشاعرين المرحوم عبد الله بن عبد العزيز العليوي والشاعر الكبير عبد العزيز السناني.
  6. طير القوافي
    12-06-2010, 08:51 PM

    ديوان الشاعر عبدالله بن عبدالعزيز العليوي



    ابيات رثائيه فيه رحمه الله :
    الشاعر سلميان السلامه اللذي قال فيه:
    الموت ما غيبك عنا ولو غبت .…. ذكرك على صفحات الابداع موجود
    ارجي عسى ربي كثر ما تعذبت … يجزيك بالجنة عن ايامك السود

    وقال الشاعر بندر المحاسن :
    يا الله ياللي بخافي القلب تعلم ……. ارحم عيون تالي الليل تبكيه
    عساه في جنتك فايز بمغنم...........عسى المرض تكفير ذنب مشى فيه
    وقيل فيه ايضا بعد رحيله :
    تمت سنه على رحيلك وموتك....أمنت بالله كنك أمس متوفي
    فقدت شوفك عقب فقدي لصوتك....والدمع عيا (يالعليوي) يجفي
    الحكم لله والمصيبه بفوتك....عجزت لا أنسى كفك اللي بكفي

    وقيل ايضا:

    ماعابني دمعي على الخد لو جبت .... عليك دمع وسم بخدي أحدود
    ياللي عليك الدمع لو فاض ماعبت .... عيني ولكن الصبر طبع محمود
    الموت ماغيبك عنا ولو غبت .... ذكرك على صفحات الابداع موجود
    أرجي عسى ربي كثر ماتعذبت ..... يرحمك بالجنة عن ايامك السود
    ماطابت الدنيا بعينك ولا طبت .... مايوم في ساعة فرح كنت محسود
    اول حياتك في همومك تغربت .... واخر حياتك مابقى للعنا زود
    دنيا الشقا ودعتها ماتطربت .... منها بغير الهم والحزن مردود
    صديت عن قاصي وداني وجنبت .... وقتك معزة ماهو برغبة صدود
    وتركت هالدنيا لغيرك وغربت .... مالك محاسيف ولا شئ مفقود
    عسى العوض ياللي من الهم شيبت ..... في جنة الرحمن وبظل ممدود

    صور له رحمه الله :


    صورة للشاعر عبدالله العليوي بأحد أمسياته....

    ديوان الشاعر عبدالله بن عبدالعزيز العليوي
  7. NEXT
    21-09-2010, 05:58 PM

    رد: ديوان الشاعر عبدالله بن عبدالعزيز العليوي

    ديوان الشاعر عبدالله بن عبدالعزيز العليوي


    شكرا

    الله يعطيك العافية
  8. طير القوافي
    21-09-2010, 07:39 PM

    رد: ديوان الشاعر عبدالله بن عبدالعزيز العليوي

    ديوان الشاعر عبدالله بن عبدالعزيز العليوي



    اسعدني تواجدك وحضورك المشرف لي كثير
    طول الله عمرك ياطويل العمر
    الله يعافيك
    حياك الله

    مودتي
    طير القوافي
12345