12345

ديوان الشاعر عبدالله بن عبدالعزيز العليوي

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. طير القوافي
    11-06-2010, 06:00 PM

    ديوان الشاعر عبدالله بن عبدالعزيز العليوي


    راجع تبي قلبي
    راجع تبي قلبي عقب ماتندمت....راجع تبي قلبي على خبرك العام
    العام انادي ياهوى البال وين انت....واليوم حبك ينتظر حكم الإعدام
    على الجفاء من طول صبري تعلمت....والجرح في قلبي تداويه الأيام
    خلك بدربك لو مشيت وتعثرت....مسكين ياباني قصورك بالأحلام
    مجبور أبيعك لو بكيت وتأثرت....وش حيلتي حظي تردى ولا قام
    ما عاد لي بالحب مثلك تغيرت....يا زين حبك ينتظر حكم الإعدام


    ليتك تعيش
    ليتك تعيش بواقع الحب لو يوم....و الا تشوف لوضعنا ذا نهايه
    بالحب أنا يا غاية النفس مظلوم....محتاج يا لغالي لعطف ورعايه
    لي السهر ولعاذلي لذة النوم....من شان حبك ما سهرنا هوايه
    ما صابني من نظرة العين مقسوم....أسير حبك لا تحطم رجايه
    ما كل عين تجرح القلب بسهوم....و ما كل من يرمي يجيد الرمايه
    أنشهد إني منك يا زين محروم....معك ابتديت وفي هواك النهايه
    فات الأوان و لا تزيدون باللوم....الصبر بيدي يوم قلبي معايه
    بالاسم والمعنى و ما قلت مفهوم....يا شمس عمري يا بدر في سمايه
  2. طير القوافي
    11-06-2010, 06:00 PM

    ديوان الشاعر عبدالله بن عبدالعزيز العليوي



    قضى العمر
    قضى العمر يا ظالم وأنا أقول عنك اقفيت....والا شفت زولك بالصدف هلت اعياني
    مشى القلب في ظلك يباريك لو صديت....ولو عفت حبك يوم ما عفته الثاني
    أنا ما قويت أنسى حنانك ولا ظنيت....سألتك بربك ويش كلفك نسياني
    وأنا أشوف زلاتك بعيني إلا زليت....وش اللي يفيد الشوف والقلب عمياني
    أخذت العزاء مني ولا قلب لي خليت....وأنا من هواك اليوم حبيت حرماني
    عطيتك حياتي يا قمرها ولا رديت....أبي منك لو نظرة ترى هجرك أشقاني
    أبي قلبك القاسي وراضي بما سويت....تعاتب وتجرحني وتامر وتنهاني
    لك الحب مشاني أنا في هواك إبليت....أحبك ولو صديت يا كل خلاني


    انا تقبلت العزاء
    أنا تقبلت العزاء بك من العام....كن العزاء في موت حبك تهاني
    ياما سهرت الليل لاغبت مانام....ترقد وأنا أزرع في رجاك الأماني
    وأثر السعادة في رجاء حبك أوهام....لاطاب جرح صابني منك ثاني
    جارت على قلب شقى فيك الأيام....أشكيك للي في غلاك ابتلاني
    سهرت عليك عيون ماظن تنلام....ذاك أمس والا اليوم ماجاء كفاني
    أفرح بطيشك والغرابيل قدام....ياطاك من وقتك مثل ماوطاني
  3. طير القوافي
    11-06-2010, 06:01 PM

    ديوان الشاعر عبدالله بن عبدالعزيز العليوي


    ما بقى بي حيل
    ما بقى بي حيل للجرح الجديد....جرحك اللي فات توه مابرا
    صارت الأيام مثلك ياعنيد....عن جروح القلب قلبك مادرا
    من خطاك العام حاول تستفيد....وادفن الذكرى القديمة بالثرا
    يوم قلبي عنك مايبعد بعيد....وأنت قلبك بالهوى باع وشرا
    ليت من ينساك في حب جديد....ليت حبك ما على بالي طرا


    يا ليتني ما شفت زولك
    ياليتني ماشفت زولك ولا جيت....دربك ولا شافت عيوني عيونك
    ليتي معك بالمعرفة ما تماديت....ليت الظروف وسود الأيام دونك
    من قبل أشوفك ليتني عنك صديت....قبل تمكن بالضماير طعونك
    الوقت ما جالي على ما تمنيت....خلن بحالي ما ترجيت عونك
    يا زين من طول المشاوير مليت....يا مشغل قلب شقا فيك هونك
    وين أنت أنا لك تالي الليل ناديت....حتى السهر ماله حلاة بدونك
  4. طير القوافي
    11-06-2010, 06:01 PM

    ديوان الشاعر عبدالله بن عبدالعزيز العليوي



    محاوله نسيان
    محاولة نسيان حبك وطاريك ....أكبر خطاء فكرت به في حياتي
    حبك سطابي حطني بين أياديك....صار إندفاعي لك من أبرز صفاتي
    ابيع كل الناس يازين وأشريك....وشوف في نظرة عيونك عناتي
    ليت الهموم تصيب قلبي وتخطيك....ما اقول قلي من يسوي سواتي
    يزداد حبي لك بزايد تغليك....حسيت إني فيك حققت ذاتي



    ياللي نسيت الحب
    ياللي نسيت الحب مثلك نسيناه....جرحي يهون ولا مذلة خضوعي
    قصرك بقلبي طاح وانهد مبناه....لاتنتظر مني لحبك رجوعي
    من عافنا ننسى غرامه وذكراه....لا واحسايف في غيابك دموعي
    الغدر في نظراتك اليوم شفناه....اليوم نظراتك لقلبي تروعي
    مليت حب ضاع عمري برجواه....وهديت من زود الغرابيل روعي
    يامن قطع حبل الرجاوي بيمناه....من دمعتك أشعلت طافي شموعي
  5. طير القوافي
    11-06-2010, 06:02 PM

    ديوان الشاعر عبدالله بن عبدالعزيز العليوي


    حاولت اعزي
    حاولت أعزي مثل غيري من الناس....لقيت نفسي أستحق العزاء فيه
    يا موت مالك قلب ما عندك إحساس....ما شفت حال اللي فقد شوف غاليه
    يا موت ما ترحم طوى حالي الياس....قلبي جريح ما لقى من يواسيه
    يا موت لو تشرب من الهم لو كاس....ترحم وحيد هم قلبه يباريه
    قالوا مقدر قلت يا ناس لا باس....أصبر وهمي في حشا القلب مخفيه
    أمر قضاه الله على العين و الراس....خلوني أنسا لا تجيبون طاريه




    بالقلب لك شي كثير
    بالقلب لك شي كثير
    حبك لجا وسط الضمير
    الوضع يالغالي خطير
    ومنين أبلقى العافيه
    حاولت أبشرح لك وأقول
    وأخاف قصتنا تطول
    وأخاف من كثر الحلول
    وأكيد مثلي .. خايفه
    أبني قصور بالهوى
    تعبت أدور لي دوا
    واليوم أنا قلبي نوى
    ينهي فصول السالفه
    مليت من دنيا الشقا
    وين أنت ياظبي الشفا
    اللي بقلبي ماخفا
    واللي بعيونك .. شايفه
  6. طير القوافي
    11-06-2010, 06:02 PM

    ديوان الشاعر عبدالله بن عبدالعزيز العليوي


    منتب على خبري
    منتب على خبري تغيرت بالحيل....مهوب قول الناس شوفة عيوني
    مثلت لي دور المحبين تمثيل....رح كمل المشوار هالحين دوني
    دامه حصل بالوضع يازين تبديل....في عزتي للنفس هجرك يهوني
    ماقلت يوم أقفيت ماطولك ياليل....مابيك دام الغير بك شاركوني
    شكيت جرح من سواياك لسهيل....لاشك نجم سهيل زود شجوني
    مليت أنا ما عاد أبي منك تعليل....خلك مع اللي في هواك إحسدوني


    درب الغلا
    لا تحسبين اللي بقلبي لك شوي....لا تحسبينك زول ..مر ونسيته
    أنت لي الدنيا ولعيوني الضي....وأنت غناتي والرجا اللي رجيته
    حلفت أنا منساك مادامني حي....حتى السهر من شان عينك هويته
    كل الثرى رمضا وقربك هو الفي....قربك رخيص ولو بعمري شريته
    اخطي وردك للخطى وماحصل شي....أنشهد إنك درب ضاع ولقيته
    ولاتحسبين اللي بقلبي لك شوي....درب الغلا توي بعد مابديته
  7. طير القوافي
    12-06-2010, 08:28 PM

    ديوان الشاعر عبدالله بن عبدالعزيز العليوي


    شفتك مع اللي صار
    شفتك مع اللي صار عقبي حبيبك....واحتارت العبره بعيني وصديت
    مدري هي الصدفة لدربي تجيبك....مدري أنا اللي في دروبك تحريت
    ملكتني واقفيت ربي حسيبك....ما تعرف الرحمة بقلب توليت
    يا قلب جرحك سبته من طبيبك....يا قلب ليتك بالوفاء ما تماديت
    من حبنا كل السعادة نصيبك....يا فاقد الإحساس عني تخليت
    وش فايده لو قلت عني حبيبك....وأنت بحياتك يوم ما ظن حبيت


    وداعك
    وداعك كيف أبتحمل وداعك....وداعك موت ياكل الحبايب
    دخيلك لا تلوح في ذراعك....ترى قلبي بنار الشوق ذايب
    دخيلك قبل ماتطوي شراعك....منين الصبر قلي وأنت غايب
    على الفرقا وأنا أشوف اندفاعك....وأقول الله يادنيا العجايب
    شريت الزين ياقلبي وباعك....وراح اليوم وجروحك عطايب
    نهايتنا بكلمة قلتها لك ....وداعك موت ياكل الحبايب
  8. طير القوافي
    12-06-2010, 08:29 PM

    ديوان الشاعر عبدالله بن عبدالعزيز العليوي


    دموع التماسيح
    طبعك تحب بكل جرح التمادي....توي دريت أمسح دموع التماسيح
    أول جروحك زارني قلت عادي....سحابة هلت وزلت مع الريح
    تذلني بالحب وين أنت غادي....عند المذله نرفع الراس ونشيح
    ليت الزمن بيني وبينك حيادي....حتى الزمن و ياك والله ما طيح
    يموت حب ولا تموت المبادي....أبختنق في عبرتي بس ما صيح
    مع اللبن حنا شربنا العنادي....يا ليت تبعد كان ترتاح وتريح


    قلبي بعيد عنك
    قلبي بعيد عنك وين أنت وياه....قلبي عليك اليوم أبعد من أسهيل
    قلبي كفاه من الشقاء منك ماجاه....ما حده الله للشقاء والغرابيل
    قلبي معك ذاك أمس تامر وتنهاه....واليوم عيني منك ماتسهر الليل
    نسيت حبك وأنت ياليت تنساه....أيامنا ضاعت خداع وتمثيل
    عزي لقلب مثل قلبك تولاه....ماعاد ابي للي حصل منك تعليل
    هذا الفراق اللي تبيه وتمناه....خلك بعيد وعلها لك تساهيل
  9. طير القوافي
    12-06-2010, 08:30 PM

    ديوان الشاعر عبدالله بن عبدالعزيز العليوي




    قالوا سعيد
    قالوا سعيد بالهوى قلت بالحيل....سعادتي مايندرى وش وراها
    دربي صعيب وتحسبونه تساهيل....محد شكى من جمرة ماوطاها
    كل مريح ياعرب تالي الليل....وانا بحال يعلم الله شقاها
    فكرت لو يطري على الزين تبديل....كيف اقدر الفرقا واعيش بعناها
    اهواه من قلبي ومن غير تعليل....لا تجبرون الروح تبدي خفاها
    ياماكتبت اسمه على نجمة اسهيل....أصل بنور العين عالي سماها



    وهم وخيال
    اعتبر حب مضى وهم وخيال....واعتبر ما فات كله حلم ليل
    لا تقول فراقنا يصعب عليك.....لا تقول الذكرى ما هانت عليك
    كل ذا منك وهذا اللي بغيت.....اعتبرني أي واحد مر صدفة في طريقك
    واعتبرني لا تقابلنا غريب....كنت أنا في يوم يا ظالم حبيبك
    يا عديم القلب ضيعت الحبيب....كل ذا منك وهذا اللي بغيت
    ابتعد يكفين منك اللي حصل....ما بقى في دربنا شمعة أمل
    ابتعد عني أنا منك انتهيت....كل ذا منك وهذا اللي بغيت
  10. طير القوافي
    12-06-2010, 08:31 PM

    ديوان الشاعر عبدالله بن عبدالعزيز العليوي



    بالليل طيفك
    بالليل طيفك زارني وأنت زعلان....أنشهد إن الطيف بالحيل وافي
    جاني يقول : بنظرة عيونك أحزان....نظرة عيونك بينت كل خافي
    إلى متى تسهر وهو منك سهران....خل العناد وماضي الهم كافي
    ياطيفها .. للصبر حد وميزان....الليل طال وثوب الأحزان ضافي
    ياطيفها .. يستاهل القلب نيشان....ياما على جمره مشى القلب حافي
    عندي تساوى اليوم وصل وهجران....مانلتقي بين الدروب إختلافي


    عيني على اللي مضى
    عيني على اللي مضى هلت عبايرها....فرقاك نار صلتني في سعايرها
    يا من سمع هرج عذالي وعذاله....لك مدة مبتعد وخطاك قاصرها
    ظنيت حبك يدوم ودارت الدنيا....سهراتنا اللي مضت هذي عواقبها
    أنا معك ماشيا بالسمع والطاعة....محبتي ما بها شئ يعذر بها
    وشلون تقفي وقلبي تشتعل ناره....أما انقذ الروح والا فأنت دمرها
    خذ من حياتي حياتي وارجع الماضي....وابعد عن النفس ضيقات تحاصرها
12345