12345

ديوان الشاعر عبدالله بن عبدالعزيز العليوي

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. طير القوافي
    11-06-2010, 05:50 PM

    ديوان الشاعر عبدالله بن عبدالعزيز العليوي



    ردتني الشوفه
    ردتني الشوفه إلى زمان أول
    أيام كنا صغار وأحلامنا أصغر
    ردتني الشوفه إلى بيوت الطين
    وعيال حارتنا والدور والبسطه
    أيام كنا صغار وقلوبنا بيضاء
    ردتني الشوفه إلى زمان أول
    يوم الزعل مايوم بقلوبنا طول
    كنا لبعض نشتاق من غير ماندري ..
    ردتني الشوفه لسوقنا الضيق
    وتفكيرنا المحدود تفكيرنا الضيق
    أيام كنا صغار وقلوبنا بيضاء
    ذيك السنه تدرين مانعرف الغيره
    والحب ما جاله في بالنا سيره
    ردتني الشوفه ورديت للماضي
    لقيت نفسي غصب تبكي على الماضي ...
    تذكري في يوم قلتي نبي نرحل
    نبي نروح بعيد نبعد عن الحاره
    وصرخت دون شعور وشلون لا رحتي
    ياشين هالحاره هذا وحنا صغار
    وأحلامنا أصغر يوم الرحيل أذكر
    نزل علينا السيل ولا فرحنا به
    أول إلا جاء السيل كلن فتح بابه
    اليوم صرنا كبار دار الزمن فينا
    صار العذاب اكبر زاد العناء فينا
    اليوم صرنا كبار وعذابنا أكبر
    تغيرت فينا ملامح الطيبه
    نقول جيل اليوم وقلوبنا سوداء
    من زيفها سوداء حتى بعز الشمس
    ادروبنا سوداء فينا الوفاء ضايع
    فينا الأمل ضايع حتى الزمن ضايع
    ونقول جيل اليوم ياغاليه تدرين
    وش اللي غيرنا الوقت هو بالنفس
    واليوم مثل الأمس حنا على اللي فات
    اللي تغيرنا ياغاليه ياليت
    يرجع لنا الماضي نرجع لدار الطين
    للدور والبسطه لأيام كنا صغار
    وقلوبنا بيضاء

  2. طير القوافي
    11-06-2010, 05:51 PM

    ديوان الشاعر عبدالله بن عبدالعزيز العليوي


    نك انتهينا
    منك انتهينا يا مخيب رجانا....الصبر طال وعذبتنا المشاوير
    في موت حبك يجبر الله عزانا... بيدك رميته لا تقول المقادير
    لولاك حنا ما تبدل غلانا....كل الوفاء منا ولا منك تقدير
    قلنا سحابة صيف تعبر سمانا....وتزول ماله في سماء الحب تأثير
    غدرك على نسيان حبك حدانا....هذي سواتك ماتفيد المعاذير
    عفناك واللي عالم في خفانا....البعد عنك أرحم وقلبك مع الغير
    تبيعنا واليوم تبكي هوانا....لا يا عديم القلب فرقاك لي خير


    عن ديرتي
    عن ديرتي غاب القمر
    ما عاد أشوف بالسماء !
    مدري القمر ؟؟
    رافق حبيبي بسفرته !!
    مدري القمر ...؟؟
    في غيبته يبكي عليه
    الكل منا ياقمر .
    يتمنى والله شوفته .
    والكل منا ياقمر !
    في غيبته يبكي عليه
    في ديرتي ... كل العواطف له ثمن !
    حتى القلوب اليوم صارت من حجر
    والحب بين أثنين ...
    ما والله يكون ...
    عن ديرتي ... غاب القمر
  3. طير القوافي
    11-06-2010, 05:51 PM

    ديوان الشاعر عبدالله بن عبدالعزيز العليوي


    ذكرتني حبك
    ذكرتني حبك وأنا أقول ناسيه....جرحت جرحك يوم قرب يطيبي
    في شوفتك شديت قلبي لماضيه....يوم أنت عني ساعة ماتغيبي
    يا للي تلوم القلب بفراق غاليه....ليتك بدنيا الحب تأخذ نصيبي
    تمشي بدرب ما تحسب تواليه....ماتدري إنك بالنهاية صويبي
    تذكر حبيب راح تبكي لياليه....دار الزمان وكل شمس تغيبي
    بيديه قلبي يا عرب كيف أخليه....من حبه الظالم تعذر طبيبي


    دور بدالي حبايب
    دور بدالي حبايب
    مثلي يحبونك ... ما عاد لي بك رجاء
    اليوم عندي تساوت
    فرقاك ولا رجوعك
    من حبنا وش بقى
    لا تلتفت لي تراعي ... ما شوف للحب داعي
    والحب ذاك إنتهى
    لا تعتذر لا تشره ... يازين شفت المضرة
    ما منك غير الشقاء
    واليوم عندي تساوت
    فرقاك ولا رجوعك
    من حبنا وش بقى
  4. طير القوافي
    11-06-2010, 05:53 PM

    ديوان الشاعر عبدالله بن عبدالعزيز العليوي



    لولا الوفاء
    لولا الوفاء ما شدني لك جمالك....لا يخدعك وقت الندم لو صفالك
    إخلاصك الوهمي كشفناه تالي....هديت كل اللي بنيت بخيالك
    غروك ناس يدعون الوفا لك....حديتن أبعد يالغضي عن مجالك
    ما طاع قلب يبتعد قال وشلون....وشلون قلي تبتعد عن ضلالك
    في عزتي للنفس يا قلبي بعته....ما ظنتي يا قلب يلقا بدالك
    أختار درب الشوق يا قلب خله....يا قلب إنساه واذكر اللي جرالك


    مابي حياتي
    مابي حياتي لا خلت منك تنعاف....وش الليالي لاخلت من قمرها
    جرحتني واليوم ماعاد تنشاف....عيني تمنى شوفتك يانظرها
    ياصاحبي قلبي على جال ميهاف....الروح يالغالي تزايد خطرها
    ماترحم اللي للشقاء صار ميلاف....لك فرحة الدنيا وحنا كدرها
    تبكي عليك الدار يازين الأوصاف....ليت النهاية ماتبين خبرها
    أيام قربك يالغضي مابي خلاف....راحت ليالي حبنا ياقمرها
  5. طير القوافي
    11-06-2010, 05:54 PM

    ديوان الشاعر عبدالله بن عبدالعزيز العليوي


    خايف عليك
    خايف عليك ومنك بالحيل خايف....عزي لقلبي يجمع الحب والخوف
    خليت قلبي والشقاء بك ولايف....قلبي عمى وش عاد لو عيني تشوف
    عمري قضى ماقلت لك واحسايف....عندي نهايه درب الاشواق معروف
    جرحت قلبي يا عديم الوصايف....ماظن تشرح ما بقلبي لك حروف
    قلبي لغيرك لو تغليت عايف....حبك ملك قلبي ونساني الخوف


    لو طال صبري
    لو طال صبري يا هوى البال له حد....ماودي إنك توصل الصبر حده
    رسمت لك شكواي والدمع يشهد....عقبك خطير القلب ينباح سده
    كيف أحتمل ياعزوتي عيشة الصد....أعطيك روحي والشقاء لي تمده
    حاولت كتم الشوق والشوق يشتد....أرحم رحمك الله تراني بشده
    لا تجرح المشتاق في قاسي الرد....قلبي عن الفرحه معك لا تلده
    قلبي معك والله ماخنت لك عهد....ليت الحنان اللي مضى لي ترده
  6. طير القوافي
    11-06-2010, 05:55 PM

    ديوان الشاعر عبدالله بن عبدالعزيز العليوي


    تبين الصدق
    تبين الصدق
    لو كانت محبتنا وفاء وخلاص
    وقصة حب ........... ما مرت على مخلوق
    أنا و ياك ما نقوى نغير صفحة الواقع
    صبرت أكثر من اللازم ...................
    سهرت الليل ................. رعيت سهيل
    وشفت الحل .............


    عفت انا الدنيا
    عفت أنا الدنيا إلا جار الصديق....كل واحد صار بالشكوى يضيق
    من يدور له بذا الغابه رفيق....ينقضي عمره ولا يلحق مناه
    دمعتي تجري ولا أحد لي بكى....عندهم شكواي ماتلقى صدى
    ياوجيه الغدر وين أهل الندى....أبعدوا عني ترا عفت الحياة
    كم انا مخدوع فيكم من سنين....عشت أنا المظلوم وأنتم ظالمين
    لي خفاياكم ورا توه تبين....يوم دار الوقت وأظهر لي رداه
    كنت أشارك في هموم الكل منكم....كم تمنيت أحمل الضيقات عنكم
    لو دريت أن الوفاء وهم بنظركم....ماقضى عمري وأنا أزرع في صفاة
  7. طير القوافي
    11-06-2010, 05:56 PM

    ديوان الشاعر عبدالله بن عبدالعزيز العليوي



    توني عرفتك
    أنا عرفتك بالهوى ألف خداع....وأنا بنظرات الوفاء منك مخدوع
    لا واحسايف عمري اللي معك ضاع....لا صار لك قلب على الغدر مطبوع
    تركتني وحدي على الدرب ملتاع....أخذت عمري والعطاء منك ممنوع
    تبي السموحه وأنت لي صرت بياع....وما زال قلبي من سواياك مفجوع
    يا ما نهيت القلب لاشك ما طاع....وأنا أشهد إني مابعد شفت لك نوع
    ما نيب لا عذار تجي منك سماع....يكفين ماعشته بدنياك مخدوع


    طابت النفس
    مابك رجاء ... من حبكم طابت النفس....ماشفت بك زود على باقي الناس
    جمالك الفتان ماشفت له جنس....وش فايده..ليتك بنيته على ساس
    قلبي عليك اليوم ماهوب مثل أمس....دور وتلقى اللي يشده لك احساس
    ليلك طويل ماتبينت له شمس....عمري قضى بين الرجاء فيك والياس
    حاولت اجاهد عبرتي والخبر همس....اضحك واكذب من يقولون لاباس
    متى ... تعاني لوعت الحب وتحس....في حالتي..ولا أنت معدوم الاحساس
  8. طير القوافي
    11-06-2010, 05:57 PM

    ديوان الشاعر عبدالله بن عبدالعزيز العليوي


    من ليالي زماني
    من ليالي زماني واثق ماهقيت....تخلف الظن وتبدل هناي بشقا
    ابتسم واحسب إنك غافل مادريت....والندم في عيوني بين ماخفا
    يوم شافتك عيني في هواك ابتليت....ليتني ياعلي ماشفت ظبي الشفا
    من زماني وحبك والفراق انتهيت....هد حيلي غيابك نور عيني طفا
    من جروح بقلبي صابر ماشكيت....عن هوى الغير قلبي في هواك اكتفا
    في وداعك -حقيقة- غصب عني بكيت....كيف لابعدت عني وين ابلقى الوفاء


    قالوا ابعد
    قالوا أبعد وش يحدك ترتجيه....شمس من حبيت غابت عن سماك
    قلت أنا ياناس قلبي في يديه....الغلا خلاه بعيوني ملاك
    ياعذولي خايف منه..وعليه....والسبب جرح بقلبي ماخفاك
    لا تلومن .. لو بكت عيني عليه....بالهوى ربي بلاني ما بلاك
    أنت بين يديك كل اللي تبيه....الزمن ليته عطاني ما عطاك
    لو يضيع العمر اصبر وارتجيه....غيبته ياناس للمبلي هلاك
  9. طير القوافي
    11-06-2010, 05:58 PM

    ديوان الشاعر عبدالله بن عبدالعزيز العليوي



    لا وحيت لك طاري
    لاوحيت لك طاري مع الناس فزيت....حبك بقلبي ما طوته الليالي
    كني فطيم فارقت أمه البيت....ولا لقى قلب بداله موالي
    يا منيتي من عقبك الناس مليت....مالي بغيرك يا حسين الدلالي
    بأقرب قريب لي من الناس ضحيت....وارخصت من شانك عزيز وغالي
    الله يشهد ما بحبك تسليت....واليوم قلبك غيرته الليالي
    اشقيتني في عيشتي ما تهنيت....وأنت بعذابي مستريح وخالي
    نسيت حبي كيف عني تخليت.....حطمت قلبي يالغضي عزتالي
    حطمت قلبي في عذابي تماديت....ليتك ترى في غيبتك وش جرالي


    مما جرى
    مما جرى ياصاحبي لا تكدر....حزني طبيعه ماتعودت الأفراح
    الصبر ينفذ والغرابيل تكثر....صار الأمل للياس والهم مفتاح
    ابكي شبابي وأشتكي وأتذكر....وقت مضى ليته توقف ولا راح
    ابكي شره وابكي ندم واتعبر....من حر مابي ليت من مات وارتاح
    طبع الو فاء ياناس فينا تغير....حتى الو فاء مسكين من غدرنا طاح
    الله معك مابيك مني تعذر....يكفين عنك اسهيل والطير لا ناح
    يمك حدان الشوق ما ني مخير.....واللي حداه الشوق معذور لو صاح
  10. طير القوافي
    11-06-2010, 05:59 PM

    ديوان الشاعر عبدالله بن عبدالعزيز العليوي



    ودي بشوفك
    ودي بشوفك يا مطول غيابك....بعدك علي الكون ياعزوتي ضاق
    أسهرت عيني في رجاوي كتابك....يمكن يهدي بين الأضلاع خفاق
    جفت غصون القلب وابطى سحابك....للموت روحي ياهوى البال تنساق
    ناشدتك الله لا يخيب الرجاء بك....عساك لي يامالك الروح مشتاق
    قلبي معك لو تجرحه في عتابك....لا شك من دونك خطاويه تنعاق
    يازين قلبي من هواك التجى بك....لاتجرحه زود على جرح الاشواق


    ابكي هوانا
    ابكي هوانا كلما ناح قمري....واذكرك لا ضاقت على نفسي الدار
    وأنت بجروحي يا هوى البال تدري....ياشايل قلبي على كف الأقدار
    حفرت في ذكراك هم بصدري....لولا الأمل والخوف بيحت الأسرار
    سفينتي في بحر الأحزان تجري....يا زين في عهد مضى صرت غدار
    مهما يطول الليل بتلاه فجري....لا بد من صبح عقب ليل الأكدار
    حبك طوى ياغاية النفس عمري....متى بشمسك ينجلي ليل الأكدار
12345