قصيدة الأسامي - نايف صقر

ديوان الشاعر نايف صقر - نايف صقر الدلبحي العتيبي - شاعر كويتي
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      01-06-2010, 02:37 PM

      قصيدة الأسامي - نايف صقر

      قصيدة الأسامي - نايف صقر




      السجة و مقناص معك ياولد سلطان
      تجدد شباب اللي رعت راسه الشيبه


      سبورك قبايل نجد وصقورك العجمان
      مطوعة إلك اللي توحش هناديبه


      وهم شوكتين إن جات للحرب و الميزان
      وعزيز الجناب اللي خواله تماريبه


      وأسميك سيفي لا تذكرت من شامان
      مقاطع شباه و من معزي مضاريبه


      و إذا نب فجهازك دخيل علم سرحان
      عن اللي تبيه وكل رجل واساليبه


      بعدها كفخ حشار و ألا ظهر بدران
      على خايع جول الولع بين اداعيبه


      بوادر حماده تبهج الخاطر العمسان
      لا طارت عصافيره و صرت جناديبه


      لاطارن تحتهن موتر كن له جنحان
      وهو فالوطا كن الوطا في دواليبه


      يعوثن في جول الحبارى جهر واعلان
      وبدران ياظفره وحشار ياطيبه


      وابشرك حالى في سعه واشكر الرحمن
      و حالى تسرك غير قلبي و تعذيبه


      وابارك لعواض العصيمى على السفطان
      بعد خوة اللي ما يظامون اصاحيبه



      و مضحاك كايف ليت شباب بن رمثان
      يعد الورق و إلا يسولف تجاريبه



      عن اللي يعرفه من على سالف الازمان
      وطربات عمره يوم فتال اشانيبه



      و لا و اعذابك فالصحارى يابن سبعان
      تمام العساكر غير شطة معازيبه



      و انا مثل جده ينرثالى من الخلان
      وقلبي تحت صدري وصدري تحت جيبه



      خوي ولا يحتاجنى في ندب سلمان
      وخوي لبن رومى متى ماركب جيبه
      250*300 Second
    2. طير القوافي
      30-07-2010, 03:33 AM

      قصيدة الأسامي - نايف صقر


      و لا و اعذابك فالصحارى يابن سبعان
      تمام العساكر غير شطة معازيبه



      صح لسانكم
    3. رجة بس رزة
      12-08-2010, 10:47 PM

      قصيدة الأسامي - نايف صقر


      يسلمو..
    4. ᵽ¡ҋʞ ║•
      16-12-2011, 01:13 PM

      رد: قصيدة الأسامي - نايف صقر

      قصيدة الأسامي - نايف صقر



      ابيات في قممةة الروعةة ~
      يعطيك الف عافيةة ~
      لاتحرمينا جديدك ~
    5. المريسي
      09-09-2015, 02:59 PM

      رد: قصيدة الأسامي - نايف صقر

      قصيدة الأسامي - نايف صقر


      شكرا عالكلمات

      تحياتي