ليت الورق يقرا وش الي كتب فيه

ليت الورق يقرا وش اللي كتب فيه ..
و ليت القلم يدري وش اللي جرا به ..
ان كان ما تمسي ف صدري مشاريه ..
و لا اتضايق لو تضيق الرحابه ..
وا. صوتي اللي عجزت الناس توحيه ..
غريب يوم اصوات غيري تشابه ..
البيت بيتك و المواري مواريه ..
لكن كبرت ولاكبر معك بابه..
و الناي لو نقض جروحك ب أغانيه ..
جروح غيرك نقضتها ربابه ..
ما هو يتيم ان كنت انا اللي مغنيه ..
ولا هوفقير ان كان جرحي زهابه ..
و الغايب اللي يغري الشعر طاريه ..
ماقل قدره لو يطول غيابه ..
كم لي و انا احث القصايد تخليه ..
حتى تلاشت رغبتي في الكتابه ..
و الشعر لو يفقد حروفه و اساميه ..
مدري وش اللي بعدها ينبغابه ..
احترت بين اعتب عليه و اراضيه ..
اخاف لا يجرح رضاه ب عتابه ..
أحيان أقول ابيه , و أحيان مابيه ..
الا ابيه و لو يبي لي عذابه ..
ي اللي تجونه دامني ماقدر اجيه ..
وصوا ذهابه .. لا يشح بأيابه ..
و قولوا له اني من كثر ماني أغليه ..
اشرب سرابه و ارتوي من سرابه ..
و على كثر مانسى اذا قلت ناسيه ..
دار الزمان و جاب عشقه و جابه ..
حنيت ل أيامه و ضحكت لياليه ..
قبله و بعده كل وقتي رتابه ..
ان لمت قلبي عاقبتني محانيه ..
و ان قلت أبرضا عز نفسي رقابه ..
البارحه كنت اكسر الروح و انهيه ..
كان الورق ارض و عيوني سحابه ..
زرعت ماحبه ولا عاد لي فيه ..
وجنيت احبه لو يطول غيابه ..










القصيدة لشاعر // محمد الحويماني..
 
التعديل الأخير بواسطة المشرف:
زرعت ماحبه ولا عاد لي فيه ..
وجنيت احبه لو يطول غيابه ..


الله
الله
الله

قصيده رائعه وصور شعريه تفوق الخيال

كل بيت قصيده
 
و قولوا له اني من كثر ماني أغليه ..
اشرب سرابه و ارتوي من سرابه ..
و على كثر مانسى اذا قلت ناسيه ..
دار الزمان و جاب عشقه و جابه ..

مبدعه
صح لسانك ولسان الشاعر
طرح جميل كثير
 

أحيان أقول ابيه , و أحيان مابيه ..
الا ابيه و لو يبي لي عذابه ..


صح لسانك ولسان شاعرها ,.
سلمت يداك ,.
 
وا. صوتي اللي عجزت الناس توحيه ..
غريب يوم اصوات غيري تشابه ..
البيت بيتك و المواري مواريه ..
لكن كبرت ولاكبر معك بابه



قمة الروعه
 
عودة
أعلى