يا ليل .. يا ليل العنى جيت ساريك

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. الشادن
      21-05-2010, 01:59 PM

      يا ليل .. يا ليل العنى جيت ساريك

      يا ليل .. يا ليل العنى جيت ساريك


      قوه
      شلونكم؟
      جبتلكم شعر انشاء الله يعجبكم

      يا ليل .. يا ليل العنى جيت ساريك
      ضيعت عشاق الهوا في شتاتك

      جيتك وتعبت خطوتي من خطاويك
      ولا عدت اميز وجهتي من جهاتك

      جيتك من الاشواق تايه واناديك
      اسمع صدى صوتي يردد عناتك

      ان كان هذي خوتك ويش ابي فيك
      قلت لك الله في عيوني حلاتك

      البارحه عيني بكت من غلا ذيك
      الجادل اللي وصفها من صفاتك

      سهران ليلي و المشاعر تغنيك
      ويترجم احساس القصيده غلاتك

      عل وعسى تملا عيونك وترضيك
      لكن اعرف الكبر يملا سماتك

      جيتك وعندي لك وصيه بوصيك
      اتشيلها وياك باقي حياتك

      كانك تبي ترجع ترا القلب شاريك
      واكنك تبي ترحل توكل وجاتك

      وكانك لقيت اللي ينسيك مغليك
      انا لقيت اللي محى ذكرياتك

      ياليل ضاعت خطوتي في مساريك
      ما عدت اميز وجهتي من جهاتك
      250*300 Second
    2. ودعتك الله
      21-05-2010, 02:06 PM

      يا ليل .. يا ليل العنى جيت ساريك



      وكانك لقيت اللي ينسيك مغليك
      انا لقيت اللي محى ذكرياتك

      ياليل ضاعت خطوتي في مساريك
      ما عدت اميز وجهتي من جهاتك


      ,,
      صح لسانك وطاب حالك,}
      ابيات تعزف على الوتر الحساس,}
      كوني بود ,,}