... 244294334335336337338339340341342343344345

شخبط شخبيط ..

مدونتي, مدونة يوميات الأعضاء, دون ما ترغب به واسترسل في افكارك بدون ان يقاطعك الاخرون
  • ارسال إلى Twitter
  • ارسال إلى facebook
  • ارسال إلى google plus
    1. * الوسمي *
      03-02-2019, 09:06 AM

      شخبط شخبيط ..




      شخبط شخبيط ..

      صبحكم الله بـ الخير .. وبدايه جديده لصفحه ان شاء الله
      تكون افضل من اللي قبلها !!

      يقال !

      أنه سئل حكيم ذآت مرة :
      مآهو أجمل شيء قد رأيته ؟

      فقآل :

      لم ارى اجمل من شخص رأى جميع عيوبي
      ومآزآل يحبني !!


      يقـولون

      الجيد في الكتاابہ
      انهاا تصبح احياناا حالہ مباادلہ

      ف مرة تكتب شعور غيركك
      ومرة تجد نفسك بين حروف شخص لا تعرفہ !!

      من جـد

      كثيرا ما نحتاج
      أن نتعلم من الصغار

      ، صفاء النوايا ، نقاء القلوب
      ، نسيان الآلم ،
      الفرح بأبسط الآشياء !!


      الشكوى لله

      صغار كنا وكانت آحلامنا كبيره
      واليـوم نــردد يا ليـتـنا ماكبرنا

      كبرنا وتـلاشت آحـلامـنا بحيـره
      مـدري تغـير هـ الزمن ولا تغيرنا

      وبس والله سلامتكم نشوفكم بعد شوي

      ســلآم
      250*300 Second
    2. * الوسمي *
      03-02-2019, 09:17 AM

      شخبط شخبيط ..




      شخبط شخبيط ..

      اليوم ممسكه معاي على الامطار مدري ليه !

      حقيقهـ

      تأكد بأنك عندما تعمل خيرا
      ‏و تلقيه بحرا

      ‏ستجرفه الأمواج إلى شاطئك مجددا
      ‏ولو بعد حين

      ‏فافعل الخير وليقع حيث يقع،

      ‏فلا يخدعوك بقولهم:
      ‏" خيرا تعمل شرا تلقى "

      ‏ولكن قل:

      ‏" خيرا تعمل أجرا تلقى "
      ‏قد ينسى الناس ولكن الله لا ينسى

      ماهي صعبه صح !!
    3. * الوسمي *
      04-02-2019, 09:51 AM

      انتبهي سيدتي !!

      شخبط شخبيط ..



      شخبط شخبيط ..

      اليوم جايكم بصيد ثمين شوي من فتره اقرا بذا الموضوع وابحث
      واتابع بعض الدراسات وكذا لين اخذت اللي ابغاه من الموضوع وقلت بجيبه هنا
      يمكن بعضنا مع الوقت فات عليه بعض الامور وكذا

      وياليت بعد ماتقرون الكلام تخلونه اكثر بروسكم وتروقونا شوي
      لاننا كـ شباب خلاص ملينا وصلنا للحد اللي ودنا انكم تتعدلون وتضبطون اموركم زين

      طبعا هذه دراسات وبعضها كتابات من اصحاب الشآن
      يعني ماجبت لكم اشياء من راسي وبس والله سلامتكم خلونا نشوف ش السالفه بـ الضبط

      اربطــوا الاحزمه !!

      عادات سيئة في الفتيات ماهي ؟!!

      هذه العادات أصبحت منتشرة بشكل كبير إلى الحد الذي
      جعل الكثيرين لا يرونها بأخطاء أو عادات سلبية فقد تعودوا على
      مشاهدتها والعيش معها وهذه هي المشكلة بحد ذاتها

      " التعود على الخطأ" ليصبح أمرا طبيعيا عشان كذا
      بعرض لكن أكثر العادات سوءا عند الفتيات !!

      1- الغيبة والنميمة:

      وهي من أكثر العادات السيئة عند البنات إنتشارا، فلا
      تخلوا جلسة لفتيات من إستغابة صديقاتهن الأخريات، فتجد
      واحدة تنتقد طريقة لباس آخرى، أو طريقة كلامها،جلستها، أكلها
      وشربها وانواع الحشحشه

      طيب ليه !! لييييه !!

      2- الإسراف والتبذير:

      وهذه أيضا من العادات السيئة
      الموجودة عند الكثير من الفتيات،
      فالذهاب إلى السوق يوميا بهدف الشراء لا لإن الفتاة بحاجة
      إلى الثياب أو ما شابه ذلك،لا بل لكي تتباهى أمام صديقاتها
      بثياب أو بإكسسوارات أو غيرها

      والضحيه جيب الاب او الزوج او الاخ

      ليييه !! لييييه !!



      3- الغيرة:

      نرى الفتاة تغار من زميلتها في الدراسة لإنها متفوقة عليها
      أو لإنها جميلة واجمل منها لو بشي بسيط !

      وغيرهن أيضا الكثيرات من النساء المتزوجات تحولت فيهن الغيرة إلى
      مرض تجاه أزواجهن التي تقلب حياتهم رأسا على عقب
      وعاد من زين الرجال بس بعضهم الى تغار لو معها مزعل فرحان

      ليه !! لييييه !!

      4- عدم تحمل المسؤولية :

      يتسم جيل الفتيات الحالي
      بأنه جيل مستهتر ولا يتحمل المسؤولية

      ولا يقوى على مواجهة المصاعب،
      ففي السابق كانت الفتيات أشد قوة على تحمل

      المسؤوليات في سن صغير، و
      لإثبات ذلك إجلسي مع جدتك و دعيها تحدثك عن أيامها السابقة
      وشوفي كيف كانت البنت وتحملها للمسوليه وكذا !!

      يعني بـ النسبه اشوف البنات الان تحملهم للمسؤليه يمكن مايتعدى 20%
      الباقي الله بـ الخير

      وبس والله سلامتكم هذه سلسله ببداها اليوم وبشوف وين اوصل فيها
      للفايده طبعا وعشان تعرفون قد ايش الرجال والشباب صابرين وكذا

      نقطه ونهايه سطور ونتقابل في وقت قريب ونكمل معكم

      شخبط شخبيط ..


      بس انشاء الله تكون الحاله زينه والاضرار ماهي بهذاك الزود
      ســـلآم

    4. * الوسمي *
      06-02-2019, 09:57 AM

      شخبط شخبيط ..



      شخبط شخبيط ..

      ونقول صبحكم الله بـ الخير .. كذا وضعي يوم شفت بعض الناس اليوم
      مبسوط قسم ومالي وجهه شوي مو كثير بس مبسوط على كل حال

      ياخي التفائل زين والكتابه ازين بس العصبيه ليه مدري !!

      ماعليكم اليوم شفت مدونه لصاحبه هذا المكان وامه الروحيه بجد وعرابة التدوين فـ عبير
      حيا الله مرامي البدر يارباااه بجد تواجدها يختلف عن الكثير هنا

      مجرد مرورها على مدونتها وكتابه كم سطر تكفي
      بجد افقتدنا للاقلام اللي تكتب للكتابه فقط وماتدور اي شي ياربااه

      هلا وسهلا مرامي وحياك الله انرت المكان !

      نقطه ونهايه سطر

      بالله خليكم معاي شوي تخيلو تكلم احد عن موضوع عام او شغله هو يسويها
      قلت يابن الحلال خفف من هذه الامور تراها ماتفيدك بشي او اتركها

      مثلا لو كان " مدخن " وحبيت تبين له اضرار التدخين وتسولف معاه عنه وكذا
      وختمت كلامك بنصيحه صغيره ان الدخان مافيه فايده ولو تتركه افضل لك

      خوينا طل فيك بنص عين وقلب وجهه وقعد يكلمك عن اخطاء فيك
      وقعد ينتقد فيك اشياء مالها علاقه بالمضوع اصلا

      وقال لك اصلا نص الشعب يدخن يعني عادي الشغله وفكنا يرحم والدينك وكذا !!

      بـ الله سوال وش بتكون رده فعلك يوم يقول لك هذا الكلام
      وانت مكلمه بكل ادب وبدون ما تقلل منه بشي بس حبيت تبين له شغله يمكن هو تغافل عنها
      او سواها ومع الوقت صار يحسبها شغله عاديه جدا

      وش بتقول له بعد مارد عليك كذا !!

      اغلبنا بيعصب او بيقول الشرهه على اللي جا يكلمك اصلا واخذ مخرج جديد وطلع من السالفه
      ورجعو يتكلمون بالكوره وكلن يصلح سيارته

      سوالي هنا عادي نخلي الموضوع يعدي ولا كان صار شي
      او نرجع ونحاول مع خوينا كمان حتى لو اساء لنا بطريقه غير مباشره لان بعضهم احترافيه

      بالاساءات الغير مباشره يعطيك كتف قانوني على قول حقين الكوره
      يطرحك بدون ما ينحسب عليه فاول

      وبس والله سلامتكم

      هذا اللي عندي اليوم بس قبل اختم بقول كمله

      احيان الصدف هي من تجمعنا مع احدهم لنعطيهم اجزاء كثيره من حياتنا ونخصهم بها
      نكتشف بعد فوات الاوان انهم ماهم اهل لتلك الثقه واحيان تكون العواقب وخيمه
      والضحيه ناس ابرياء

      لانعلم ابدا انها سوف تنتهي الى ذلك الشي لكنها انتهت اليه ربما كانت دروس لنا
      وبنفس الوقت دروس لغيرنا عشان ينتبهون زين

      هذا تعليق على كلام تنهيده في اخر تدونيه لها عن اخيتار الشريك الصح
      وترى اغلبنا نبني شراكاتنا بدون مايكون انتباه لها ذاك الانتباه الصح

      فـ تقع امور احيان جيده ولكن ببعض المرات تسوء للاسف
      هي الدنيا كذا تجارب وتعلم من كل شي فيها ومقدر ومكتوب علينا كل شي حتى سوء اختياراتنا

      او حسنها لا نعلم به دائما وبعضهم للاسف يحترفون في اخفاء عيوبهم عن شركائهم

      وبس والله سلامتكم اعجبني الموضوع وحبيت اشاركم معنا

      ســـلآم
    5. * الوسمي *
      07-02-2019, 09:04 AM

      شخبط شخبيط ..


      شخبط شخبيط ..

      نظره حلوه وكمله احلى ..
      من سنين اول مره اكمل 24 ساعه والمدونه فـ الصداره ياربااه شعور غبي يوم تبقى كذا
      مو حلو النوم فـ المكان الناس صارت قليل تجي هنا !!

      اكلم واحد قبل كم يوم اقول له عقبال ماشوف فلان من رواد المنتديات
      قال عوذه تف من فمك خل المنتديات تولي عنا وعصب عليا كاني قلت له
      شي ماهو زين قال يابن الحلال اغلبهم سرابيت اللي فيها !!

      قسم شوي واحذفه بالجوال قلت من متى تعرفني قال يوه من سنين
      قلت وش رايك لو واحد من العيال جا وقال لك فلان سربوت او داشر وكذا

      قال وربي لاتهاوش معاه ماهو صاحي يوم قال كذا !!

      قلت طيب تراني من المدنين على المنتديات ومن سنين بعد وانت تعرفني
      وتدري عن مدونتي وكذا !!

      قال لا انت غير

      سوبحان الله كيف غير بس عشانه يعرفني برا المنتدى وجوا المنتدى قال انا غير
      يابو الشباب ترا الغالبيه كذا جو المنتديات لانهم شافو فيها اشياء زينه
      وانتم الله يصلحكم ماخذين الفكره الغلط عنها هذه كل السالفه

      قال هاه والله مدري بس ماتشوف ان الفار خرب دورينا هذه السنه
      وغير الموضوع للكوره

      بجد اختلاف الاجيال والثقافات لها دور يمكن اكثر ناس تحسونهم ضايعين ومايدرون وش يسون
      جيلي حقين الثمانينات وبدايه التسعينات هذول رايحين فيها

      بكمل لكم فـ الرد الجاي عن هذول الجيلين بالذات وكيف يعني رايحين فيها !!

      لحد يغير القناه عندي دوره بخلصها الان في موقع اثرائي وراجع
      ســـلآم

      يتبع ...
    6. * الوسمي *
      07-02-2019, 09:18 AM

      شخبط شخبيط ..



      شخبط شخبيط ..

      قبل اكمل معكم جايب لكم موقع تدريب معتمد من الدوله وتابع لمعهد الادارة العامه
      يعني شهاداتهم من اقوى شهادات الدورات في البلد

      انصحكم تسجلون بالموقع وتحضرون الدورات الامور سهله مره
      تسجل برقم السجل المدني ... ورقم الجوال .. والبريد الالكتروني

      تجيك رساله فـ الجوال او البريد لتاكيد التسجيل ويعطونك الرقم السري عشان تدخل
      اول ماتدخلون تلقون اسمكم طالع فـ الموقع اسمك الرباعي لانه حكومي ومعتمد
      بياناتك تطلع كامله وهذه ميزه فيه

      مايشترط انك تكون موظف وعاد تسجل لو كنت بالقطاع الخاص او العام
      ماعندهم مشكله

      ادخل على صفحة الدورات التدريبه واختار منها اللي تبغاه
      وشوف المحاضرات بسيطه تتابع الفيديو بدون اي تقديم او شي اتركه يمشي للاخير
      لان كل فيديو مرتبط باللي بعده ويجيك انه تم المشاهده وكذا

      وقف اذ طفشت وكمل باي وقت لان الموقع يحفظ لك اخر دخول وعادي لو تكمل الدوره في اكثر من يوم
      الخيارات متاحه لك وتطلع لك نسبه التقدم حقتك اذ وصلت لميه فـ الميه

      تقدر تطبع شهادتك وفيها اسمك الرباعي واسم الدوره وتوقيع المعهد ومختومه
      الشهاده خذوها مني متعمده وتنفع الكل فلا تفوتكم الشغله سهله والله

      وبس والله سلامتكم

      وهذا رابط الموقع للي حابين يسجلون فيه

      https://ethrai.sa/#!/

      وبالتوفيق للجميع وتقدرون تقرون اكثر عن الموقع وتراه زي ماقلت لكم معتمد من الدوله
      واللي يطبقه معهد الادارة العامه

      وبس والله سلامتكم

      سـلآم
    7. * الوسمي *
      07-02-2019, 09:38 AM

      شخبط شخبيط ..



      شخبط شخبيط ..

      اول دوره اكملها معهم بعد يومين من الحضور وكذا تقريبا مدتها كانت ساعين الى شوي
      طبعا فـ الشهاده مايكتبون الوقت بس اسم الدوره وشايفينه فوق
      واسمي وطبعا اسم المعهد ومختومه منهم

      بعد ماتكمل متابعه المحاضرات للاخير تدخل على ملفك تلقى الدوره كذا
      وتحمل الشهاده وبس !!

      الحين عطيتكم فكره كامله عن الموقع والامور الطيبه اللي فيه يالله لا يفوتقكم وبالتوفيق

      نقطه ونهايه سطر

      نجي لجيل الثمانينات والتسعينات الميلاديه ذا الجيل اللي اكل هوا لين قال آمين
      احسنا انظلمنا بقوه لا حنا مع الطيبين اللي يتكلمون عنهم ولا حنا مع شيل هشتك بشتك

      حقين الالفيه الاخير !!

      لحقنا على الطيبين واخر عهدهم ومسكنا الخط مع جيل هشتك بشتك
      ضعنا بالطوشه الطيبين يحسبونا مع حقين الهشتكه وحقين الهشكته يحسبونا من الطيبين

      وحنا لنا الله !!

      عشنا ايام برج المملكه والفيصليه والعنيد 7 وطقته
      وايام كابتن ماجد وعدنان ولينا وسالي والرميه الملتهيه وبابا فرحان

      وكملنا مع ان سبعين والدمعه والمدمر والبلوتوث
      وشفنا بدايات الام بي سي والعربيه وال بي سي والمستقبل بعد قنوات السعوديه الاولى
      والثانيه اللي كانت اكبر ترفيه تلفزيون لنا وهي قناتين بس

      لحقنا بدايات الدشوش ايام كانت ممنوعه والجوالات ابو كاميرا ممنوعه يارباااه عمر والله
      ولحقنا بدايه الثوره الجديده بالجوالات

      لحقنا بعد الاتاري >> هذه قليل بقفهم وش اقول هنا

      وجات الالفيه الجديده ودخلنا لها متحمسين وكذا وشفنا الطفره بكل شي
      من الايفون وسامسونج وهواوي والانظمه الاخيره حقتهم

      يارباااااه

      وهيا عاد قعدنا بها والله محد علمنا صح وخلونا مقيدين اكثر
      اقول لكم وضعنا صعب شوي جيلي بيعرف انا وش اقول وبيلف شريطه لفه

      بيرجع لايام الفيديو واشرطته السودا اللي بقد اربع جولات ايفون الحين
      ومكراته السودا وتنظفيه يوم بتشوف لك شي يارباااه

      للكاميرات الفوريه يوم تصور وتقعد لك ابو دقيقه وتطلع الصوره صغيره
      وفرحاني فيها

      ياربااااه

      دنيا قسم شي لو ترجع فينا الايام لها شوي !!
      طبعا جيل هشتك بشتك ماتدرون ش اقول بس خليكم ماعليكم

      جيلكم احسن جيل للان ماخذين حقكم كامل ومكمل واموركم طيبه ودلعكم زايد
      بس عندكم اشياء تافهه واجده والله

      لو بقعد اعدد معكم فيها بنتعب وبتزعلون شوي

      فـ خلونا منها !!

      وبس والله سلامتكم خلوني اخلص شغلي طنشته اليوم بزياده
      يـ الله فـ امان الله وحفظه

      ســـلآم
    8. * الوسمي *
      10-02-2019, 08:36 AM

      شخبط شخبيط ..



      شخبط شخبيط ..

      صبحكم الله بـ الخير .. بدايه جديده ومكان هادئ اشتياق كبير لاصحابه
      كل مدونه هنا يوم تجيها تشوف قد ايش اصحابها تعبانين فيها

      مبدعين وكل واحد بطريقته !!

      من كثر ماني متواجد هنا تقريبا اعرف اغلب تفكير اصحابنا هنا
      ووش يبون يوصلون وطريقه كتاباتهم ما تختلف كثير عن بعض

      يكتبون بنفس الاشياء تقريبا !!

      وهذا ماهو عيب بقد ما انه ثبات للبعض على اشياء يحاول دايم
      يوصلها لنا كـ قراء وكذا ياسبحان الله حتى لو مرت سنوات على

      بعض كتاباتنا نلقى نفس الاشياء تتكرر !!

      احد جرب يفر في مدونته اكثر ويرجع كذا سنه ورا ويشوف كيف
      كان يفكر ووش اغلب اهتمامته بهذيك الفتره ياربااه شي والله

      احيان تقول وش ذا البزرنه !!

      بس تبقى حلوه والله ياليت القى وقت بروح اجيب لكم من مدوناتكم
      بعض كلامكم قبل كم سنه واعلق عليه خلوني اجهز للموضوع

      وبتلقوني جايبه هنا ونعيش معكم اجوائكم !!

      افتقد كثير والله بـ هاليومين هنا في المدونات لهم فقده هذا كبرها
      بقياده المايسترو نفروش وابو العز والله افتقد تواجدكم بقوه الله يردكم سالمين

      افقد طيف وخفايئ وملكه بشموخي وردة الامل هدوء انثى يارباااه افقتدهم بعد
      قلب صافي حنين العتيبي ميمي انثى استثائيه ورود المحبه باقي امل

      شايفين على قد ماتمر الايام الى ما تلقوني اجيب لكم اصحابنا هنا واسمائهم
      احب اجيبهم هنا اقول لهم والله فقدناكم الله يردكم سالمين ويحفظكم وكذا

      حلو تذكر الاصحاب والكلام عنهم ينعش !!

      وبس والله سلامتكم مدوناتنا صايره تقريبا مهجوره الى من قله متواصلين بتواجدهم
      للان بقياده تنهيدهـ وشهرزاد وشمس الشتا ونور الفجر

      صح انهم صايرين يتغلون علينا ويدخلون ويكتبون ويطلعون ومع انهم
      يمرون مدونات بعضهم بس مالهم اي اثر استغرب هذا منهم شكل الشعب ماعاد فاضي
      يترك له اثر فـ المكان مستعجل على طول !!

      تصدقون استحي امر مدونه وانا مسجل دخول وما اترك اثر
      مدري ليه لازم اترك لي اثر !!

      يمكن نفسيه ويمكن لاني ابغى اعطي الناس اللي تكتب شوي اهتمام باللي يكتبونه
      استغرب احيان مرورنا بدون ترك آثار للمرور

      شكلي اكلم نفسي خلوني اطلع بس قبل اجيب العيد والله
      يـ الله لتكوني بخير دائما وابدا وفي كل حين ..

      ســــلآم
    9. * الوسمي *
      11-02-2019, 11:10 AM

      شخبط شخبيط ..



      شخبط شخبيط ..

      ياربآأإأآه

      ونقول صبحكم الله بـ الخير تو اجي الدوام اليوم وتو اصحى اصلا قلتني النوم
      لا وجاي متحمس ابغى اشوف شـ السالفه وكذا !!

      لان من امس اعلانات ومدري ايش ومفاجآاه وخويكم مخفه مايصدق
      على طول تلقونه راز الوجه وجاي يعدي للان ماشفت شي

      يمكن في شي باخر اليوم مدري بـ س للان ماشفت شي نقول يارب
      والله يستر من تالي العلوم وكذا !!

      بس اليوم وامس المدونات فيها حركه حلوه هلا والله بـ طيف حياك الله
      ياهي مستعجله ومطفوقه هـ البنت مغير تجري !!

      ماعليكم خلونا نستني معكم وش ورانا احس الشغله فيها جحفله وكذا

      المهم بويكم السطر اللي حير العلماء ورواد الفضاء والمفكرين والحكماء
      حيرهم كلهم في تفسيره !!

      المشاركة الأصلية كتبت بواسطة
      فنقول عادات سيئة مع التحية والتقدير للاسرة والمجتمع وليس للفتيات
      هذه طبعا من عند اخونا الطيب نور بجد هذا الادمي طيب وما شفته بيوم
      يقلل من احد او ياذي احد بكلامه دايم راقي فـ طرحه لو انه يجيب العيد واجد

      ماعليكم نور يقول العادات السيئه سببها الاسره والمجتمع ومخلي الفتيات ملائكه
      او محصنات من هذا السوء وكذا لا !!

      العادات السيئه تاصل للكل ومع الانفتاح والقدره على الوصول لكل مكان الان وانت
      متربع بمكانك سارت الامور اسهل بكثير للخوص في الامور السيئه على قولتك

      ومحد محصن عنها او بعيد عنها !!

      سهل جدا الان التهرب من الرقابه الاسريه ماعاد فيه انغلاق على الذات او الجلوس
      مكتف اليدين لحالك في غرفه صرنا نقدر نوصل لاي مكان ولد كان او بنت

      الله يعين الاهل على هذا الشي ويستر علينا جميع منه !!

      لا تنزه احد ولا تبري احد من سوء الامور اللي يسويها او تحطها في المجتمع والاسره
      وتترك اللي يفعلون هذه الامور !!

      وشكرا لك والله يابو الانوار مداخله رائعه وفكر اروع كعادتك يوم تحلل
      الامور بمنظورك تخلينا نشوف اشياء كانت غايبه عنا وكذا

      لتكن دائما بخير وبس والله .. سلام

    10. * الوسمي *
      12-02-2019, 09:24 AM

      شخبط شخبيط ..



      شخبط شخبيط ..


      الله يا وقت مضى .. لو هي بايدينا ما يروح
      والله يا عمر قضى .. بين الاماني و الجروح


      اليوم النفسه مطينه بستين طينه على قول المصاريه وملبده بـ الغيوم
      انعن شس نسويه فـ الدوام ان تخدم احد او تعطيه شي

      ويتعود على هذه الخدمه وكل شوي يرز لك وجهه وشوف لي هذه كيف وماني عارف
      طيب تعال اديك الخطوات بالتفصيل الممل بعد بس لا عاد تجي وتقول

      هذه كيف اسويها هنا يطق فيني عرق والله !!

      وبعضهم يتعمد انه ما يعرف ولو يعرف يقول ما اعرف بس عشان مايسوي الشغله
      وهذا بلا ابوك ياعقاب نص اعمال المراجعين تتركن او تصير على جنب

      وتتدكس الامور والضحيه المراجع !!

      وتعالو شوفو اذ رجع بعد كم يوم طبعا بحسب الموعد مع خوينا
      يوم يجي يسال يلقى كل شي نفس مكانه بذاك اليوم وخوينا الله بـ الخير تارك كل شي
      نفس ماهو ولا كلف نفسه يسويه !!

      بجد الشغل الحكومي خلف الكواليس نشوف شغلات ترفع الضغط
      وانواع التصريف والسحبات من بعضهم على المراجعين واللي يقهر بجد

      بعض المراجعين يصدقون اي شي نقوله لهم على نياتهم والله
      وهو مايدري ان الشغله ماتستاهل كل شوي مراجع ومايطلع بشي يرضيه

      يمين انرفع ضغطي مع الصيح اليوم بسب هـ الشي استهتار يقتل يغبن
      يرفع الضغط !!

      جاني شايب كبير معاملتهم منتهيه من سنوات تقريا من 18 سنه
      باقي يدفعون الفلوس وياخذون ارضهم لان حالتهم ماتسمح يدفعون مبلغ قريب
      الميه الف وشوي تركو المعاملة

      والان من خمس سنوات قاعدين يراجعون فيها !!

      لان توفرت معهم الفلوس وكذا لهم خمس سنوات يدورن على المعاملة لانه صعب
      يبدون من جديد بتاخذ سنين عشان تكمل !!

      الشايب من قو التعب بالقوه واقف جلسناه وكم اتصال ولفه ويافلان شوف ويابو
      اخدمنا وكذا بساعه طلعنا المعاملة وقدرنا نطلع ارقامها والقيمه والايصالات والرسوم

      شايفين شغل خمس سنوات على الفاضي شوي اهتمام بساعه طلعت
      والله ناس بجد ماتخاف الله او مهمله !!

      بقى بس يدفعون الفلوس اللي عليهم وياخذون ارضهم

      يقول والله لي خمس سنوات وماحصلت شي يفيديني
      من جدهم كل ذا المده والله قهر وشغلتهم تاااااافهه بس لو حصلت احد يهتم اكثر

      المشكله على شارع مهم وتجاريه الارضيه احس فيه ناس واجد كانت طامعه فيها
      بس الحمد لله على كل حال !!

      الحمد لله اني كنت سبب لو بسيط في اننا نخلص شغلته اليوم وان شاء الله
      ماتتعقد وتتكمل على خير !!

      بجد للان منرفع ضغطي والله حطيت نفسي مكانه !!

      يالله ماعليكم هي باين اليوم الامور من بدري ماش من صحيت

      مدري انا مزعل مين
      يوم النفسيه صايره كذا اليوم

      لانهم يقولون لا تنام وانت مزعل احد ترا تتعب من البكره وكذا
      فـ نصيحه حاولو قبل تنامون تشوفون ليكون احد زعلان منكم وكذا

      المشكله مدري من هو اللي انا مزعله


      لا والنصر يلعب فـ الليل ولو ينهزم عز الله بتكمل
      الله يخارجنا هذه اللي اقوله جاي اتحلطم عليكم والله
      وبقفل الصفحه بذا الحطلمه وبس

      يـ الله فـ امان الله وحفظه .. سلام ..
    ... 244294334335336337338339340341342343344345

    الكلمات الدلالية لهذا الموضوع