ღ كل الحلى ღ خلف الكواليس

فجر ..~
هلا وغلا بكل الحلى
أخبارك ..
إن شاء الله مرتاحه
ما شاء الله فتو كفت وفت بالأسئلة

^^^

عندي سؤال واحد ,,
ما جاكم مطر اليوم ؟؟ فرحانه انه جانا مطر
سلام حبوبة

هلابك زود ياغالية حيا الله هالطلة ^_^

أنا بخير عساك بخير ..~

عادي المطر نحس به كل يوم .. هي نص ساعة تحت الدش و نعيش اللي تعيشونه .. السالفة كلها موية يعني :k:

الله يجعلها أمطار خير وبركة عليكم ,, ويزيدكم من نعيمة ويرزقنا =(

منورة حبوبة ^_^
 
الشيخة ..~



كل الحلى

اميرة تاخذ من الورد عطرها ....

تراقص السحر في بلاطها الراقي ...


لي عودة .. فها هنا غاليتي حلت ضيفة ..

يحمر خد الياسمين ,, وينحني غصن البنفسج لحضورك عزيزتي ..~
ممتنة أنا لروحك الطاهرة .. حيث عطرت بخطواتها هنا مساحاتي ...~
لك من القلب ,, ود ,, ومحبة ,, وفيض عرفان ...~
.............. و أكثر ...!
 
روح مشرقة ..~
اسئلتي:
ماهوالشي الذي تتمنين تحقيقه؟
مالكتب التي تفضلين قرأتها؟
شخصية تأثرتي بها؟
وسلامتك

تمنياتي لكي بحياة سعيدةمليئه بكل بهجة وسرور

حياك الله روح ,, منورتني بحضورك ^_^

أسئلتك :~
ماهوالشي الذي تتمنين تحقيقه؟

جاوبت عليه قبل ^_^ أشياء كثيرة ماقدر أحصرها ( ومنها الأمومة ) ...~

مالكتب التي تفضلين قرأتها ؟
ما أميل للكتب كثير ,, أميل لقراءة المقالات الصحفية أكثر .. و الدواوين الشعرية ..~

شخصية تأثرتي بها؟

مافي شخصية تأثرت فيها ^_^
تعجبني شخصيات كثيرة ,, بس بالنهاية يبقى لي أسلوبي , وقناعاتي الخاصة ,, و طريقتي الخاصة في الحياة ..~

وجودك هنا أسعدني ,, فديتك ^_^
 
عزيزتي كل الحلا اهلا وسهلا بك ضيفه عزيزه علينا
سؤالي الوحيد هو ماذا استفدتي من منتدى عبير؟؟؟؟؟
لا اريد ان اثقل كاهلك بالاسئله
ومرة اخرى مرحبا بك
 
وفاي اكبر خطاي ..~

عزيزتي كل الحلا اهلا وسهلا بك ضيفه عزيزه علينا
سؤالي الوحيد هو ماذا استفدتي من منتدى عبير؟؟؟؟؟
لا اريد ان اثقل كاهلك بالاسئله
ومرة اخرى مرحبا بك

هلابك زود حبوبة ^_^
عبير استفدت منه كثير ...~
أول شي تعلمت كيف أتعامل مع طبقات متفاوتة من الناس .. و عقليات مختلفة .. وجنسيات كثيرة ..~
تعرفت على ناس كثير وكسبت قلوب طيبة وهذا أكبر مكسب لي من عبير ^_^
استفدت من مواضيع كثيرة , ومن خبرات ناس هنا معانا ..~
صقلت فيه قدرتي على الكتابة و استفدت من اراء الأعضاء فيني ..~
ومدري ليه صارت ثقتي في نفسي أكبر من بعده ,, يمكن لاني قدرت أثبت رجليني على الأرض و أستحل لي مساحة بينكم ^_^

منوره ياقلبي ..~ حياك
 




نوفا منورتنا ~

بسألك تذكرين كيف صرت مشرفة ؟ ق1 اعتقد للحين عندي الرسائل اللي بيننا :k:~

السؤال الثاني دايم افكر بجواب له لعلوا يكون عندك الجواب :)

امي حاطه لي حدود او خطوط حمراء ما اتعدها ~

بس في غيرها ما اشاورها ولا استأذنها لانو المجال قدامي مفتوح ~

ابوي عودني من كنت صغيرة ما اشاوره ولا استأذنوا في حاجه ~

وإلى اليوم وانا هذا حالي :b:~

افكر بكرى لما اتزوج كيف بتحمل رجل بيتحكم فيني :l:!!

انتي زيي او لا !

وكيف تصرفتي ؟

احس الوضع بيكون متعب جدا لي ):



 
فتو مرتن اوخرى
22-1.gif



نوفا منورتنا ~
بسألك تذكرين كيف صرت مشرفة ؟ اعتقد للحين عندي الرسائل اللي بيننا ~


هههههههههههههههههه ,, إيوا أتذكر :k:

يومها كنت توني منزلة موضوع في قسم الأداريين وسالتهم إذا ممكن أعينك مشرفة أو لا ..
وأول ماجتني الموافقة جيتك طايرة للخاص أبي أشوف إذا ودك بهالشي ولا ماودك ...
وبس دخلت الخاص لقيتك توك راسلة رسالة تساليني إذا ممكن نعينك مشرفة على القسم :k:
لاني كنت مسوية إعلان في توقيعي عن اللي يبي يتقدم ,, لان القسم كان بحاجة مشرفين :k:
خفت وقتها , قلت بسم الله وش توارد الأفكار هذا :k:
خصوصا إن ماكان بيني وبينك علاقة أبدا ,, مجرد ردود على بعض في المنتدى , مانعرف بعض :k:







افكر بكرى لما اتزوج كيف بتحمل رجل بيتحكم فيني !!




شوفي بقول لك شغلة =)

أنا كنت رافضة فكرة الزواج بتاتا , و كل ماجاني عريس يطق بي عرق و تجيني الغلقه ( عكس البنات )
لاني زي ماقلت لك كنت عايشة عيشة ملكية ,, محد يقول لي ثلث الثلاثة كم !!
وماكنت أتقبل سالفة إنه أحد يتحكم فيني أو يفرض اراؤه علي ,, بالذات إذا كان رجال ق1 مدري ليه سبحان الله !
ما أتوقع في نفرة بالدنيا طبعها صعب مثلي
7-3.gif

أمي كانت مرة متخوفة ,, وكانت دايم تقول خوفي يانوف من ثاني يوم القاك راجعة لي ...~
أبوي يده على قلبه ,, أخواني شايلين هم .. الوضع كان يقلق أكثر مما هو يفرح ...~

بس ربي قال ( وجعلنا بينهم مودة ورحمة ) ...
إذا أراد ربي التوفيق ( يخلق بينكم القدرة على التعايش مع بعض )
ترا وربي محد مصدق اللي قاعد يصير الحين ..
انه نوف تصبر و تتحمل و تمشي أمورها ,, وتتنازل و تضحي بأشياء كثيرة ...~
وفوق كذا ما تنتظر مقابل ...!
ماني مجبورة من أحد , وماني ضاغطة على نفسي ,, فجأة لقيت نفسي كذا ...
ربك إذا بغا يسهلها , يسهلها من عنده .. ودعاء الأم له أكبر الأثر ^_^

بالنهاية كل شي يهون عندي دام الإحترام موجود ,,
ما أقبل أعيش مع رجال يمد يده , أو يسبني , أو يهين أهلي , أو يهمش دوري في العلاقة ...~
ودام هالأشياء كلها مو موجودة الحمد لله , باقي الشغلات مقدور عليها ^_^


الله يوفقك يارب ,, ويسهل أمورك كلها ,, ويسعد قلبك و ينولك كل مأتتمنين ^_^

21-1.gif
 


وبس دخلت الخاص لقيتك توك راسلة رسالة تساليني إذا ممكن نعينك مشرفة على القسم :k:

لا يا حلوه فيه خطأ طلبت اكون فريق عمل :k:~

لاني كنت وقتها مهتمه بالقسم وكنت اعمل نفس عمل فريق العمل thumbs_up~

فقلت ليش ما تطلبي تكوني فريق عمل دامك تسوي نفس شغلهم اقل شيء يتغير لونك :k:~

وتفاجأة لما طلبتيني مشرفة :k:!



~



في سؤال كنت ناسيته وانا اكتب الاسئلة اللي قبل شوي ~

ليه ينفع معك قانون الجذب ولا ينفع مع غيرك ! ق2 عليك سؤال يا فتاة :k:~

لما اطبقه عليك بقصد او بدون قصد ألاقيك تحسي فيني زي ما احس فيك
22-1.gif
!


غيرك اطبقه عليهم بس ما في ادنى احساس ! ق1 اقصد في المنتدى :b:~

امممم مواقف كثيرة صارت لي معاك
22-1.gif
~




 
مساء الخيرات

حي الله العزيز نوف

رغم معرفتي القليله بك ولك انت من الذي يدخلون القلب دون استذان

والف مبروك الزواج الله يسعدك و يوفقك ويرزقك الذريه الصالحه

عندي سؤال : لاهنتي ..

برايك كيف تستطيع الزوجه ان تكسب قلب زوجها ؟

لدجة تحس فيه كل لحظة يشتاق لها ؟

اعذريني على سؤالي اذا محرج
ولك كل الحريه تردي او يحذف
بس في صديقة متزوجه مثل من مدة قصيره بس تعاني بعد زوجها عنها
ولا هي قدره تعرف السبب
مع اني حاولت اساعده بس بدون جدوى

تحياتي لك

واشكر فتو على موضوعها الرائع
 
لا يا حلوه فيه خطأ طلبت اكون فريق عمل ~

لاني كنت وقتها مهتمه بالقسم وكنت اعمل نفس عمل فريق العمل ~

فقلت ليش ما تطلبي تكوني فريق عمل دامك تسوي نفس شغلهم اقل شيء يتغير لونك ~

وتفاجأة لما طلبتيني مشرفة !

طلعت ذاكرتي لك عليها يعني
12-1.gif

المهم انه نفس الفكرة يعني ق1 أقرب مخرج :k:

ليه ينفع معك قانون الجذب ولا ينفع مع غيرك ! عليك سؤال يا فتاة ~

امممممممم يمكن لانه عندنا نفس طريقة التفكير , و نفس نظام التحليل .. ونفس الرؤية بعد ..~
على فكرة ترا فيك غموض الى حد ما ,, يعني لا تشرهين على اللي مايفهمك بسرعة ^_^
بس أنا صقرة أفهم كل شي , الله لايعوقني :k:

غيرك اطبقه عليهم بس ما في ادنى احساس !

ههههههههههههههههه , قوية يافتو :k:
عادي غلاتي ,, بكل مكان تلقين ناس يفهمون عليك ويلقطونها عالطاير ويكون فيه توافق في الأفكار ,,
و ناس صعب إنها تكون معك عالخط ( حتى لو كانت علاقتها فيك قوية )

حياك يابعدهم
21-1.gif
 
مزون ..~

رغم معرفتي القليله بك ولك انت من الذي يدخلون القلب دون استذان

الله يعلي قدرك ,, ولك بالقلب كل معزة و تقدير ^_^

برايك كيف تستطيع الزوجه ان تكسب قلب زوجها ؟

تدور النقاط الإيجابية اللي يتمناها زوجها ويحرص عليها وتلتزم فيها ...
أنا ماقدر أعطيك جواب شافي لانه الرجال يختلفون ...
في أزواج يهمهم مظهر الزوجة و أناقتها أكثر من أي شي ثاني ,,
وفي أزواج يهمه إنها تكون سنعة ببيتها و راعية مطبخ أكثر ...
وفي أزواج يهتمون أكثر بالأسلوب و الشخصية وطريقة التعامل ...
وفي أزواج يهتمون بانها تكون مثقفة ومتعلمة و طموحها عالي ...
في النهاية المفروض الزوجة تحاول توفق بين كل هالأشياء بس تركز على الشي اللي هو يهتم فيه أكثر ..

بس في صديقة متزوجه مثل من مدة قصيره بس تعاني بعد زوجها عنها

بما انه مالها فترة طويلة طبيعي وضعهم .. لاهو أخذ وقت كفاية عشان يفهمها ولا هي عرفت مفاتيحه ...
وصدقيني الصراحة أحسن شي ...~
أشوف لو تواجهه و تساله وتناقشه بتطلع من ورا هالنقاش بأشياء كثيرة تفيدها ..
ولو ماطلعت بيحس باهتمامها فيه , وهالشي بحد ذاته بيقربه منها ^_^

الله يسهل أمورها ...~

منورة ياقلبي حياك
21-1.gif
 
مسساء الزنبق ..

,,,
حي الله كل الحلى ماناقصنا الا ثلاجة القهوة وحنا نتابعك ..:k:

ابيك تقوليلي ياحلوه شي يقهرك في بنات جيلك وودك تغيرنه .. !!
موضه انتشرت بين البنات وماستسغتيها وبقوة !

,,,
عن اذنك وصلت القهوة :i:

لوجودك هنا ..

 
هلا والله

يعطيكي العافيه فتو علي مجهودك .. ووضيفتك الرائعه وننتظر جديدك

كل الحلي
ما ضل اسأله اكثر من اسأله الاعضاء ولكن فرصه حتي اباركلك



x.png
 

يا هلا والله وغلا بك الحلى
تو ما نور الموضوع

1) اشرايك في الصداقه ؟

2 )حادثة حصلت لك وعمرك ماتقدرين تنسينها ؟
x.png


3)برأيك ان سياقة المرأة للسيارة شي ضروري ؟واذا كانت الاجابه نعم وش السبب؟؟

4) ما هو طموحك في الحياة؟؟؟
5)تخيلي لقيتي بالصدفه مصباح علاء الدين وطلع لك المارد السحري وقالك اتمني 3 امنيات شنوو بتتمنين !!؟؟

7). شنو أحلى ذكرى مستحيل تنسينها ؟
 
مسساء الزنبق ..

,,,
حي الله كل الحلى ماناقصنا الا ثلاجة القهوة وحنا نتابعك ..:k:

ابيك تقوليلي ياحلوه شي يقهرك في بنات جيلك ودك تغيرنه .. !!
موضه انتشرت بين البنات وماستسغتيها وبقوة !

,,,
عن اذنك وصلت القهوة :i:

لوجودك هنا ..


مساء الفل والكادي
الله يحييك ,, والقهوة موجودة .. جبت دلة قهوة و علبة رطب و ترمس شاهي تلقيمة ق1 نظام شياب :k:

ابيك تقوليلي ياحلوه شي يقهرك في بنات جيلك ودك تغيرنه ...~
والله اللي بجيلي كبار نسبيا أمداهم يعقلون :k:
بس اللي أصغر مني بخمس سنوات و أكثر ,, أكره فيهم ( التابعية والتقليد )
نادر تلاقين لوحدة منهم شخصيتها و أسلوبها الخاص و قناعاتها اللي تتفرد فيها ..
السالفة صايرة كلها تقليد في تقليد وكل وحدة تتبع الثانية في الزين والشين لين صاروا كلهم كوبي بيست ..!

موضه انتشرت بين البنات وماستسغتيها وبقوة
البلاك بيري :k:
الشي هذا أتعب و أقول لك أكرهه ,يعني غير إنه كبير و يشبه أغطية القدور وما شم ريحة الأناقة ..كرهته بسبب إقبال البنات عليه لدرجة ( القرف ) ...~
أنا سبحان الله الناس اذا طاحت في شي ,, و صار بكل يد يطيح من عيني ويرخص ...
يعني صار موضة أكثر مما هو حاجة .. وصار في مجتمع البنات اللي ماعندها بلاك بيري يعتبرونها متخلفة وقرقر ..
قرقر * اختصار لمصطلح قروية ...~
وتزيد الطين بله تركب له ( cover ) فسفوري و تطق لك روج فسفوري ,, غصب تطقم حتى لو مو لايق على خشتها =(

وأول ماتشترية تطمر للمسن و تحط لنا ببرسونالها : ask me ق1 bb: وتحط لنا الرقم وهي في قمة التشقق :k:
خلاص محد قدها :k: ولاجات الفاتورة اخر الشهر تاكل لها كم كف من أبوها :k:

مرة شفت وحدة في المستشفى تنتظر دورها , البنت قاضيه يالله تتنفس وقاعدة تطقطق بالبي بي :k:
الله يقلع الشفاحة كانك تشاهقين من المرض وطاقة سوالف بهالتجوري اللي بيدك :k:

سوري لكل البنات اللي عندهم بلاك بيري هنا :k:
22-1.gif


حياك نوارتي ,, نورتي الحته ^_^
 
هلا والله

يعطيكي العافيه فتو علي مجهودك .. وضيفتك الرائعه وننتظر جديدك

كل الحلي
ما ضل اسأله اكثر من اسأله الاعضاء ولكن فرصه حتي اباركلك



x.png

الله يسعدك ,, ويبارك فيك قلبو ^_^
حضورك أسعدني فديتك ..~
 
روح مغليها ..~

1) اشرايك في الصداقه ؟

أسمى علاقة ,, بس للأسف نادر تلقين شخص يستحق يوضع في هالمكان =(

2 )حادثة حصلت لك وعمرك ماتقدرين تنسينها ؟

امممممم , يمكن لما تعرضت لحادث سيارة قبل 8 سنوات ,, رغم إني ماتضررت أضرار بالغة ,, بس فكرة إن كان بيني وبين الموت شعرة لحالها تأثر ..~

3)برأيك ان سياقة المرأة للسيارة شي ضروري ؟واذا كانت الاجابه نعم وش السبب؟؟

لا مو شي ضروري , و أنا معارضة سياقة المرأة عندنا في السعودية وبشدة ..~
وش اللي تغير الحين ؟

عشان صار عندنا جرايد فيها مقالات تدعوا للمساواة بين الرجل والمرأة و الود ودهم الدنيا تفلت ويختلط الحابل بالنابل ؟
حريمنا طول عمرهم عايشين بدون ( سياقة ) و أمورنا كلها تمام التمام ... محنا ناقصين فساد وخراب ..

ومهما كان لسياقة المرأة من إيجابيات ,, تبقى نقطة في بحر سلبياتها ...
أولها هجوم عالهيئة وثانيها جامعة متخلطة و ثالثها سياقة نساء ؟ وش ناوين عليه أمة محمد بعد ؟

ونقول ليه جاتنا فيضانات و زلازل و أوبئة ,, يالله نسالك الستر والعافية =(


4) ما هو طموحك في الحياة؟

إني ما أخرج من هالدنيا إلا وربي راضي عني ,, و إني أترك ذكرى حلوة بقلب كل من يمر علي =)

5)تخيلي لقيتي بالصدفه مصباح علاء الدين وطلع لك المارد السحري وقالك اتمني 3 امنيات شنو بتتمنين !!؟؟

إني أنعم بصحتي وراحة بالي العمر كله .. وما أنحد يوم من الأيام على أحد ..~
وإن يرزقني ربي بأطفال يملون علي حياتي =)
وإني ما أفقد أحد أحبه طول ما أنا عايشة ...~

أمنية إضافية ق1 إن البلاك بيري ينقطع من السوق ق1 أبغى البنات ينهارون :k:


7). شنو أحلى ذكرى مستحيل تنسينها ؟

كثير فيه ذكريات حلوة ,,
منها حفلة تخرجي من الثانوية .. سويتها أنا وصديقاتي بقاعة فندق ,, هيصنا وانبسطنا بهبل هذاك اليوم ^_^
... ومنها أيام حلوة قضيتها بالكاميرون ..~

نورتيني حبيبتي ,, وأسعدني حضورك عساني ماعدمك ^_^
 
.

.


ههههههههه من جد الجلسه معاك غير :k:
أسلوبك يعجبني كثير ,



الشي هذا أتعب و أقول لك أكرهه ,يعني غير إنه كبير و يشبه أغطية القدور وما شم ريحة الأناقة

أخيرا في أحد زيي .. مدري كيف يمسكوه جاإي بالعرض غبي وأهبل ..
وبعتين يقولو / يابنات ارجعو ضيفوني اتحذفت المدري ايش هادا الرقم بلا بلا بلا :k:


بس يا ليت التقليد وقف على أجهزه وموبايلات وبس .,
إلا صار التقليد بأشيا ثانيه ما أقدر أذكرها .,
لما أطلع وأشوف بنات المتوسط والثانوي يصدع راسي من المناظر اللي اشوفها ~ على قول امي :k:
ما علينا .. الله يهديهم وبس :k:

.

.

سسؤالي :
كيف حالك ؟ ان شاء الله بخير .! :k:
وشكرا لك كثير ., أمتعتينا بوجودك هنا :)

بس حبيت أعلق .. وأقولك إني كثير استمتعت وأنا أقرأ أجوبتك ., يديك العافيه قلبو

 
علاية مرتن سانيه ..~

ههههههههه من جد الجلسه معاك غير
أسلوبك يعجبني كثير ,

يالبى قلبك ,, وإنتي كلك على بعضك مكعب سكر

أخيرا في أحد زيي .. مدري كيف يمسكوه جاإي بالعرض غبي وأهبل ..

أشوا أحسب عندك بلاك بيري وجاية تهاوشيني :k:

كيف حالك ؟ ان شاء الله بخير .!

مبسوطة دامك طليتي علينا مرة ثانية :k:

بس حبيت أعلق .. وأقولك إني كثير استمتعت وأنا أقرأ أجوبتك ., يديك العافيه قلبو

يسلم لي قلبك ياغالية ,, و أنا بعد انبسطت فيك وبكل اللي مروا علي من هنا ^_^

عساني ماعدم
21-1.gif
 
عودة
أعلى