123456

ديوان الشاعره / جنون الشعر ...

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    25-03-2010, 02:29 PM

    ديوان الشاعره / جنون الشعر ...

    ديوان الشاعره / جنون الشعر ...


    ديوان الشاعره / جنون الشعر ...


    مساكم... صباحكم .. كادي ..


    جنون الشعر :


    هي كاتبه و شاعره بحرينيه
    لاعرف عنها اي معلومه غير انها من مملكة البحرين

    تصفحت قصائدها وطابت لي
    فجمعتها لكم لتشاركوني فيها



    اترككم معها




    ديوان الشاعره / جنون الشعر ...
  2. *مزون شمر*
    25-03-2010, 02:33 PM

    قصيدة / صرخة أشباحي

    ديوان الشاعره / جنون الشعر ...


    شفني على كل حال اقاوم الغربه
    شفني من أكوام ترحي أنخل أفراحي

    وأجمع بقايا الفرح وامالي اف/قربه
    منها اتزود وأبقي خافقي ~صاحي~

    واسير و إهمومي ابلحن الأسى طربه
    كم لي ترجيتها يا إهمومي ( إرتاحي)؟

    مالت على كل حد .. ناديتها و(تأبه)
    ما حل فيها كسرني و نتف إجناحي

    صرت أندب الحظ / ألحق بالوهم سربه
    وادور ضفة صفا ماظنها ناحي

    وألفت بوجه السما .. يا صفحته العذبه
    لون يحرض قيودي تطلق إجماحي

    طال السفر وإبن ادم وإن طغى ~ تربه
    في تلة إتراب صدري بدفن إجراحي~

    وادثر الجرح بعضه إيونسه إف/كربه
    وأطلق من أعماق لحده صرخة أشباحي

    يالله كم فيني إل/طرح إلعنا ~رغبه~
    يالله كم مات حلم سبة : " أتراحي "

    يالله كم ملح أكبس ل الوجع (سكبه)؟
    ما شفت غير الألم بالوجه ~ صباحي

    حتى تفاصيل وجهي ل الحزن تشبه
    حتى سكوتي شهق بالاه فضاحي

    جاعد خفوقي ترهل و إنثنت ركبه
    من سلم الحب (طيبه) ~عدة إسلاحي

    ما عاد قاوي الأمل في داخله (نصبه)
    ولا عاد يذكر لفرحي وين مفتاحي ؟؟

    صب الأماني بكاسه و إبتدا شربه
    مع كل كاسة منى..إيطيب له راحي

    ما همني الحزن ينهشني و لا نهبه
    في ذروة البرد ذكرانا معا وشاحي

    و إن كان شد الوشاح و شدني إل قربه
    و إستفحل يزيد فوق إجروحي إقراحي

    مادام أرض الأمل .... ما تحبل وجدبه
    فيها بلا نفع ضايع بذري أفراحي

    باشيل قش(المنى) لين السما الرحبه
    وطفي شموع الرجا واقيد مصباحي

    بكره ألاقي ال حلومي تربة خصبه
    و اليوم بانام يحضن كفي مسباحي
  3. *مزون شمر*
    25-03-2010, 02:36 PM

    قصيدة / غره

    ديوان الشاعره / جنون الشعر ...


    سقالله عمر قضيته ... ينور لي الليالي السود
    سقا الله يوم لي قلبه.. يكن الحب من صغره

    كأن العشق من شاني ورثته من ظهر لجدود
    قبل ما تنبض انفاسي ... و روحي توها بذره

    صغير و شافني طفلة ... تملكها الحلا او زود
    بريئة ! لو تلامسها النسايم تذرف العبره

    تعلق ما هو بيدينه ... يقابل طيشها بصدود
    انوثة في المهد .. لكن حلاها بإنها غره

    يلاعب خدها و تضحك .. و مره تصفعه ببرود
    و مره تتركه/ و الشوق .. يلضي خافقه جمره

    و مره حيل مشتاقه/ تراقص فوق نغم العود
    و مره تختفي منها ردود الفعل بالمره

    و كل اصغير و ان طال الزمن له/ يومه الموعود
    كبر فيها الحلم .. لكن صغر في عينها .. قدره

    تعلم قلبها يجرح ..... تعلم ما يصون عهود
    و انا ادري رغم (نكراني)/ صبر و اتجمل ابصبره

    و لا همه/ الألم يحفر بأيامه كما الأخدود
    و لا هزه قسا زهر / نكر من يمته ... عطره

    يحاول ينبت بجوفي غراسه و يقطف العنقود
    نبت عنقود اماله / حبوب يابسه صفره

    معنيها الظما بافاق ظلمة و الليالي شهود
    على موت الأمل و الحب في ريضانه الخضره

    و لا ادركت كيف ان الصبر مثل العمر محدود
    و لا حسيت به/ ينزف وجع حتى و لو قطره

    توحشت اللقا/ يومي دريت ان الوله/ مفقود
    توشحت الرجا و ادري غرست الهم في صدره

    و بعت الحلم لأيامي .. أمنيها الغرام يعود
    سبقني و ارتحل مني ضياه و ذكره و عمره
  4. *مزون شمر*
    25-03-2010, 02:39 PM

    قصيدة / [[ حكم جبري ]]

    ديوان الشاعره / جنون الشعر ...


    دقيت باب الوله/ و استسمح اعماقك
    ان كان صوت الوله صحاك/ من بدري

    وديت أصبح هوى .. و ابل أرياقك
    من شوق مالك زمام الحكم في صدري

    دقيت كلي رجا يستعطف اشفاقك
    دقيت رد الندا .. شوقي غلب صبري

    اشتاق كلي سواليفك .. عسى شاقك ؟
    نهر يصب الغلا .... من ريقه/ العذري

    مرت ليالي و انا اتصفح ... اوراقك
    سايلت نفسي ؟ مكانك ! و استحى زهري

    احساس طاغي جبرني ابغض افراقك
    كني بلا عمر .. [صدفه] إنساق لي عمري

    و اتنفسك/ مع نسيم الريح و اشتاقك
    في كل ليلة هوى .. من لونها تغري

    يا ورد يا عطر عمري بسكن احداقك
    خذني لأبعد مدى في خاطرك يطري

    خذني لدنيا لهايب .. حد إحراقك
    واحرق كياني .. الين ايفوح بك عطري

    والزهر يفرح ..و يطمح لحظة اعناقك
    لون حياتي أماني ... ابلونها ال/زهري

    ظميا و شديت رحل الشوق لافاقك
    شديت روحي و كل الحب من بدري

    بسلك/ طريق يودي ال/ ضفة إشراقك :
    وين الأماني نديه/ و الهوى [خمري]

    البرد قاسي .. ودفاي ابجوف اعماقك
    بستوطن الروح و افرض حكمي الجبري

    لحف كياني غرامك/ و احكم اوثاقك
    ما عاد أقوى جموح الشوق في صدري
  5. *مزون شمر*
    25-03-2010, 02:48 PM

    قصيدة / الجادل

    ديوان الشاعره / جنون الشعر ...


    تريد انساك بالساهل و أحسبك ماضي [جهله]
    كأني لا طرقت اصبع يزول العشق بالساهل

    كبرت و غربتي أكبر تجرح داخلي [طفله]
    تساوى القرب في عيني مع اللي مبعدن راحل

    مساحة برد .. ذيلها حدود اشواقه الضحله
    و ماها ممتزج دمعي .. و ملح اوقاتها حافل

    سكبني دم في قربة شرابه .. و ابتدى .. رحله
    ثملني شربة سهله .. و مثله للجفا .. حامل

    تركني .. ارض مهجوره .. أماني عمرها حبله
    صغارن للأسى .. تنشد .. يعود الوصل من جافل

    تعض الكم / تكتمها .. و موق العين مبتله
    و منهو جرد اضلوعي] هواها للأسف قاحل

    جرح في الأمل أثره شهر سيف الغدر سله
    اثاري عذب ضحكاته تخبي نابه القاتل

    حذاري ياللذي هقوك يظل النبض في جهله
    اذا انك ناوين ذلي حذاري حيل تتفائل

    مسير السيل وإن طول يعود أضعاف ما قبله
    مسير الود يتحول .. قسا .. ان كافح و قاتل

    تشوف اشلون ينبت شوك من اوراقي / الفله
    و كيف السم من طرفي يهل بضيقته / ماثل ..!!

    رسمت الكحل لعيونك و بيدك سالت الكحله
    تمنت شوفتك منيا و لكن بالهوى .. جاهل

    تخالط ظيمك و حرة جفاك و ماضيك (وهله)
    قساك و محنة .. حطت رحالي .. باخر الساحل

    و عطر(ن) بات لي ذكرى .. أماسي فرحة خجله
    رماد بعدما طفت وراها .. نورها .. الشاعل

    مرد الشين و إن زانت .. دروبه ينتمي لأصله
    رخيت الحبل لك أثري .. رخيت احبال متناحل

    هبوب الريح به يقطع .. الينه فاز .. في نحله
    نها في داخلي وهم .. جرعته/حزن .. متواصل

    زرع بي غرس متبلد .. عطيب الوجد من نسله
    ختم بالشمع قصتنا .. قفلها .. حبره الكاحل

    تهاني للذي أبدع .. غرامه .. و أبدع القفله
    (عطا) و (جفول) معناها ضياع مجمل الحاصل

    لفاني طفلة و اهمل غرامي .. طفلة كهله
    تجاعيد الألم .. حبي نقشها خط متثاقل

    حقيقة صبر وحمولي .. تزيد .. و تخفت الشعله
    بليد الحس ما يسوى يطول بدنيته جادل

    اذا انه استسهل ابعادي تراها بعيني هم سهله
    و منهو يرخص بخله .. سنين البرد .. يستاهل
  6. *مزون شمر*
    25-03-2010, 02:51 PM

    قصيدة / (سوالف صمت)

    ديوان الشاعره / جنون الشعر ...


    سوالف خطها قلبي .. على متن الزمن بسكات
    بعد .. ما شاف هرجاته تبح النبض من صوته

    زمان في الحكي .. ماله تردت في مداه أصوات
    شكت من ضيقته / حظه .. كبيرة محنة اسكوته

    تجمد ما بقى من نثر روحي .. ما بقى [زخات]
    وهن .. لا من دموع الود .. حواها جوف تابوته

    حبسها .. شربة .. تروي .. شقوق الهم و الونات
    جبرها .. تنطوي بينه .. صراخ ارواح مكبوته

    بشدة نزفها ثارت .. عبث .. و تلونت حالات
    حرمها ذوق رمانه .. حرمها من شفا توته

    عطش و الجوع ينهشها بأقسى و أحلك اللحظات
    ترجت ليت رجواها .. منحها .. الفرح فتفوته

    ظلام .. و مسكن الغربة .. تمثل في لهب دمعات
    على خد الورق تسري .. عباير دم .. موقوته

    جفاف سادها .. و احرق نداها .. في غضى جمرات
    حدت بعض الأمل .. يعلن غيابه .. يهجر بيوته

    مرار .. بخنجر صامت .. تودع موطن الزفرات
    تعب .. من حلكة أحواله .. و ضيقة نفسه و قوته

    عذوقي .. حلمها تنهي .. ماسي من حياة أموات
    تلملم .. جرحها .. بدري .. قبل لا يسبقه فوته

    سكون .. و وقتنا ينظر سكوته مثلما دانات
    لزوم نتبع اخطاها .. نخلدها .. ب/ منحوته

    ابحكي من شفاه / الحب .. و انسى ما جرى بالذات
    و كل اللي مضى .. علقم .. و حانت لحظته/موته

    كسرت الهاجس و جوعي ..تسده / سكبة الهمسات
    و خبز .. العشق .. يكفيني .. لجل ابدا .. بأنبوته

    غرامي أرضها .. و الحلم .. اسقيها .. معا الدقات
    و نبضات الهوى نسمة .. بدت في داخلي نوته

    زوايا عاشقه .. و الفكر غامض .. اكثره شطحات
    و حسي رد لي ثاني ..بعد ما كنت مكبوته

    ابيض صفحتي و ابدا .. بعمري .. للهنا ..صفحات
    سوالف خطها قلبي .. تجرح للزمن .. صوته
  7. *مزون شمر*
    25-03-2010, 02:53 PM

    قصيدة / ضيقات القدر

    ديوان الشاعره / جنون الشعر ...


    الهم و الحيرة و ضيقات القدر
    و الدمع في عين المفارق و الهيام

    والجرح و الغمه بأطراف السهر
    و اوقاتي الرثه تساوي انهزام

    يا شين ايامن .. توطاها الكدر
    و دروب كذابه يسموها غرام

    عطرن تعطرته على صدري عمر
    خلته وفي(ن) مير مهرته الكلام

    هاذي الحكاوي ما حكى فيها بشر
    ميقاتها يبدا و خلق الله نيام

    وش حيلة المحروم لا منه انتثر
    دمه على نصل الهقاوي و السلام

    من حيرتي و الهم / و ايام الضجر
    من كل قلبن ما خفا عني ملام

    حزنن كبيرن مثلما عزف الشجر
    لا هاج زلزلني و انا بين الزحام

    حلمن رعيته .. ثم غافلني و فر
    و أقصى جفون لمته حين المنام

    علم عيوني ويش معناه القهر
    وشلون تبكي صمت في جنح الظلام

    اسقيتها عشقن تناثر و احتضر
    عنته أيامه و قاومها .. و قام

    لي حاول ايلمم / غرامن / منكسر
    ما يدري ان الكسر في روحي / مدام

    ان الهوى في جوف ذاتي .. قد صغر
    و الجرح واصل بي الى حد العظام

    و القلب ميت بعد ما ذاق .. و خبر
    طعم الأسى و الحزن في عمق السهام

    الهم و الحيرة و ضيقات القدر
    و الظلم بإسم الحب و صنوف الغرام

    و الحزن لا اخفى .. الهمايل و استتر
    كلي على بعضي مع الحلم (انعدام)
  8. *مزون شمر*
    25-03-2010, 02:55 PM

    قصيدة / عالمي الثاني

    ديوان الشاعره / جنون الشعر ...


    غريب يا زمن قاسي .. حروف الود ملهاته
    تقولبنا كما اللعبة من الواحد الى الميه

    و تتلذذ بنا .. كلمة .. عجزت أوصف بها ذاته
    بعد ما تنهي اللعبة ترد بأرقام سلبيه

    تظن تجي لنا أيام .. و ننسى الشوق .. و أوقاته
    تظن يمر فينا الوقت .. و نلقى مثله و زيه

    نواري نفسنا .. بخيبه .. و منا تهل .. عبراته
    حسايف يا زمن عدى .. على قلب خفت ضيه

    تقول إني غريبة حال .. أسيرة في متاهاته
    و اني قاسية بالحيل .. و لا ارفق به اشويه

    انا يا من تجرحني .. اذوب بصمت نظراته
    و يوم إن البعد نادى .. خفوقي للهجر عيه

    اموت و لا يفارقني .. و لا تهجرني لحظاته
    مكانه دنيتي .. فيني .. قريب امن الهوى ليه

    و لكن قادني الخافي .. لبحر غلق سكراته
    بليد و لا شعور فيه .. و ارضه .. ميته حيه

    اتوه من الوله و اعشق .. كلامه و اعشق سكاته
    و احب العالم بعينه .. و شوقه ساكن فيه

    جبرني وقتي الظالم .. اساير موج .. حالاته
    و ادمر حلمي بيدي .. كأني كنت معميه

    ابيه يرد لي و المس .. غرام ينبض بذاته
    عسى لو كان طيف مر .. بعيني بان و تهيه

    اسرني عالم جارح .. صعيب في ملذاته
    و انا مثل البشر اخطي .. و لاني منه معفيه

    و لكن لي أمل بالله .. بعد اسمه و اياته
    يجردني من ذنوبي .. و اطوي محنتي .. طيه

    طقوس العالم الثاني بأفكاره و نزعاته
    ابد ما عاد تغريني .. و لا تترك أثر .. بيه

    ابي ارجع و اتغير .. و احس بكل نبضاته
    و اعيش بعالمي طفله لها احلام ورديه

    يجيني يلمس كفوفي .. يلملمني بضحكاته
    و ياخذني معه لشوق و يملاني بحنيه

    حياتي مذهله فيني .. بكلماته .. و نبراته
    و اكثر ما يحليها بأنا نصدق .. النيه

    و لو غرر بنا هالكون .. و بعثر فينا اشتاته
    مراسي شوقنا تبقى .. ضلوع الود محميه
  9. *مزون شمر*
    25-03-2010, 03:02 PM

    قصيدة / ما وصلني

    ديوان الشاعره / جنون الشعر ...


    ما وصلني النور حتى .. يوم حاولت الوصول
    ابتدى درب المصاعب و المتاعب اكثرت

    قلبي من صغره صعيب حتى في شوقه خجول
    لو يفيد الزرع في قلبي .. المشاعر ( اثمرت )

    أرض جردا و السما فيها ما يكفي السهول
    العطش منها تمكن و الماسي أمطرت

    ما هي بليله و تعدي صارت بعمري فصول
    والحزن غرب كياني و الهواجس ابذرت

    مدري أضحك مدري أبكي بايش افكر وايش اقول
    ما بقى للقول معنى و المعاني اتبعثرت

    انعمى قلبي بلحظة .. وصابني منها ذهول
    شي فيه الوصف يعجز كيف بس اتصبرت؟

    كانت بموعد غرامي وابتدى بطيب القبول !!
    بس في نص المسافة .. الأماني اتعثرت

    سال منها الدمع لما (صار مدمعها سيول)
    و انطفت ذيك المشاعل و الثنايا اتكسرت

    إنفضت عنها ألمها و اسرعت و الليل يزول
    لجل توصل للأماني .. من عناها اتحررت

    و اسبقت حتى هواها و الفكر يسرح (يجول)
    أثرها كانت تصبر .. روحها اللي إهترت

    كنت أظن إن الألم .. يفني العشق والا يحول ؟؟
    بين مشتاق وشوقه (بس روحي أبصرت) !

    كيف يا قلبي تصدق .. قول كذاب(ن) عذول ؟
    و اتغافل عن حقيقه فيها روحك اجهرت

    العتب ما هو علي .. فكري أنا دايم عجول
    و الحكاية وبصراحه .. في حياتي .. ( أثرت)

    صرت أوزن كل كلمه قبل لا أنطق واقول
    للهوى مليون قصه فينا باعت و اشترت
  10. *مزون شمر*
    25-03-2010, 03:04 PM

    قصيدة / حبست الدمع

    ديوان الشاعره / جنون الشعر ...


    حبست الدمع في جفن .. رحيقه راحة الأوراق/
    يبللها بكلماته.. و يمسحها بمنديله

    و يبكي كثر ما قلنا .. بكى من شوقه الحراق/
    متى يا ناكر العشره.. بتفهم بس و تجي له

    تذوق من عنا أيامه .. ترى حتى العنا أذواق/
    و حظه كان متخاذل .. يذللني و يعطي له

    تعلم إنني أعطي .. كريمه أمنح الأشواق/
    خذا روحي و لا همه.. يموتني بكل ليله

    أنا حبه تملكني .. هواجس هم ما ينطاق/
    و لا حسيت بضلوعي و هي تصدح مواويله

    فقدت احساسي الجارف و لا عاود بي الإشراق/
    اشوفه معتم ذاوي .. كلام تم تأويله

    فرحت و زادت الفرحه .. بعد ما ضاقت الافاق/
    و افنيت الهوى مني .. و ميلته بكل ميله

    بعيني غابت الدمعة .. و ذابت نظرة الإشفاق/
    تعلم قلبي القسوة .. يحط الحب و يشيله

    يعلي به مثل نجمة ..و ينهر لونها البراق/
    و يسحقها بلا رحمة .. بعد ما صابها سيله

    تغير كل ما فيني .. و حتى الخير مني ضاق/
    "اسيرة بعالم حالك" .. حروف جرها ذيله

    نسجها فوق منظاري .. بعدها لي حروفه ساق/
    يحاول ياخذ بيدي .. يبي كلي أنا أشكي له

    خلاص اليوم أنا حره ..و لا لي شي بالعشاق/
    و لا لي عاشق حالم .. اسولف له .. و اغني له

    و لا ظن الهوى يصحى .. و أحس بلهفة المشتاق/
    يناديني تعالي لي .. و أنا بروحي أنادي له

    و إذا حسيت باللهفة ترى هم للهوى أسواق/
    و بدفع مثل كل واحد .. غرامه زاد من ويله

    حبست الدمع في جفن .. رحيقه راحة الأوراق/
    يبللها بكلماته.. و يمسحها بمنديله

    و يبكي كثر ما قلنا .. بكى من شوقه الحراق/
    همايل هلها قلبه خفاها العشق في ليله
123456