123456

ديوان الشاعره / جنون الشعر ...

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    25-03-2010, 03:28 PM

    قصيدة /بقايآ العطر بثيابك

    ديوان الشاعره / جنون الشعر ...


    تحسس شوفني يمكن بقايا العطر بثيابك
    بقايا روح عطشانه ، تناظر عمر يرويها

    هواجس من رحل طيفك ابد ما فارقت بابك
    تمني نفسها مره خيالك يحتفي فيها

    عبث تنثر أمانيها رجاوي تقصر اغيابك
    عبث تنظر متى ترفق ؟؟ تحس بشوقها تجيها

    تلم اشتاتها بحضنك /تشم بحضنك اطيابك
    تنسيها الفراق المر مثل م/أعطتك تعطيها

    تعوضها سنين الهم تضم ايديها و تشابك
    تصبحها بعسل شوفك ومن مثله تمسيها

    تراكم حلمهاعندك تعب و استوطن أعتابك
    أمل في قطرة إوصال تبل أرياق راجيها

    تفكر و إحسب الخطوة و عيد و وازن احسابك
    قلوب البعض ما يسوى كما ال (عابر) تعديها

    واذا ما جيت من نفسك و لا فيها الهوى جابك
    تلقى مع هبوب الريح بقايا أطلال ماضيها

    صغيرة كم تمنت لو تحس ابلمة اهدابك
    وكم مره تعود ادراج ما تفضي بما فيها

    خجلها يكبح امنادى الغرام و قول (وش صابك)؟
    بعدت اكثير ماتشعر؟ تهزك ! تعبت ايديها

    طفت لكن بقاياها أثر دسته بثيابك
    على مر الزمن يصحى معا الذكرى و يصحيها
  2. *مزون شمر*
    26-03-2010, 02:30 PM

    قصيدة / يا غيابه

    ديوان الشاعره / جنون الشعر ...


    يا غيابه / خف عن قلبي شوي
    لو خطا حرفي .. بحقه اعذره

    كيف أعاون قسوة احساسه علي
    جاحد بزهري .. رحيقي نثره

    الحقيقة ما بديت بأي شي
    ما قصدت اقسا و منك المعذره

    الملامه دوم للي .. يبتدي
    و التوالي بالرزايا .. مثمره

    شوك غربه في زواياي و بكي
    دمع ثاير من همومي أمطره

    حظ عطري بالمحبة مبتلي
    ليت عطري طال منهو قدره

    اختفى حسه و مني ما خفي
    كم سهيت ايام .. طيفه .. انطره

    ظنتي مأواه حضني و ان بطي
    احسب ان الوقت اخطاو اخره

    و المصيبه ذقت مر الموت حي
    و الألم عدى حدود المقدره

    ولا قصدته كم يسمعني حكي
    كنه ابشوفي غصيب يحضره

    وهذا و الهقوى يحن و ارتجي
    لا راني كبر شوقي يبصره

    اثر باله .. من طيوفي .. مختلي
    اخرة عشقي .. و صبري اخره

    كيف بالله يندمل جرح شقي
    موطنه [حلمي] و حبي خنجره

    جرح من حره كبر و الاه في
    لو بغيت انساه اهي تذكره

    لا تظن ايروح من شكواه/ شي
    ما نسى قلبي لزوم يثأره

    ولا خلا منك و لا جورك / و بي
    عاصفة عصيان جارف مكبره

    في ثنايا الليل يهتاج و يضي
    من جنون الوقت ينفث اكثره

    و يلتقي بالنفس بالعمر اتعدي
    ويسحبه اضغاث عمرن مغبره

    كم يعيبوني على حب وفي
    يوم بعض الخلق مثل المقبره

    مو خطاي ان كان لي قلب ندي
    كم تمنى الخير كم هو يبذره

    وانتظر يوم الحصاد الي عصي
    وارتجى شوفه و لكن / بعثره

    و انثره مطعون و الفاه ايحبي
    و الضحك صداح وسط الجمهره

    و انا ما اكظم جنوني و اكتفي
    بالسكوت اليوم عنه مجبره

    غير اني .. مثل هالدنيا أبي
    اضربه في مقتل/ ثم اكسره
  3. *مزون شمر*
    26-03-2010, 02:31 PM

    قصيدة / ما كان العشم

    ديوان الشاعره / جنون الشعر ...


    ما كان العشم والله ولا اتوقعتها منك
    تخليني على شوقي ... و لا القى منك حنيه

    تعشمني اللقا و اطمح / و لكن الهوى عنك
    بعيد و ما هقيت .. اني اهين الحلم بيديه

    سهرت اشتاق / لكني لقيتك كصخر كنك
    بليد احساس / من جنبك و لكن معك منسيه

    وتخيلتك دوا ال/جرحي لقيت ان الجرح فنك
    لقيت ان ما بجوفك غير افكار انانيه !

    لقيت ان الهوى لعبة / تبررها ابصغر سنك
    كأن السن شماعه ؟ لموت احلام عذريه

    و ظنك تمرق العوبك بكل مره علي ظنك
    تصدق .. ما بقى ابروحي ... ولو فسحة سماوية ؟!

    و لا بي شبر لطعونك / عشاني احتمل طعنك
    و لا عدت اشهق ابذكرك .. و ادور الحب معميه

    تغير كل ما فيني و ما كنت احتري منك
    تشرع للألم قلب .. يحبك / [دون غاريه] !
  4. *مزون شمر*
    26-03-2010, 02:32 PM

    قصيدة / المآسي

    ديوان الشاعره / جنون الشعر ...


    يا جروح(ن) بعثرتني و اشتكى نبضي مصابه
    بعد ما جابه شعور(ن) في الحقيقة ماخذني

    ما هقيت ان الماسي تسرق اقليبي شبابه
    مير ان بعض المناظر يا خويي شيبتني

    و انثرت فيني شظايا و انتثر حبري خضابه
    تملي اركان البسيطة من هموم(ن) ساكنتني

    كيف يهدر حلم طاهر كننا في وسط غابه
    و الكابة شي لازم بعد ما هي حوطتني

    اسئلة ضاعت و حيرة .. بين واقع و اضطرابه
    بين هم بين غربة .. بين حرمان و تجني

    عمر ذاوي و الشوارع تحمل الوان الغرابه
    و القصص يا هي كثيره و الألم بي ذابحني

    الرصاص اللي خبرته جارح فينا جوابه
    و الفكر ضاع اب/متاهه و اغترب بالحيل عني

    كيف يبقى و الغناوي اتلفت سبت ضبابه
    و العنا حنا نعيشه في الحلوم اللي تمني

    نفسنا و نقول باكر ينتبه يرجع صوابه
    بس بالظاهر ثملنا ،، مادرينا ايش يعني

    ان غيرك يستبيحك / المطالب له مجابه
    ينتهك عرضك و يهتك / يا ترى نقدر نغني

    اه ليت القول ينفع / و الفعل نشكي غيابه
    ودي بالالام احكي / بس دمعي مانعني

    صورة يا هي قويه ،، هزت اركان الصلابه
    لو لنا قلب رحوم ،، ما قضيناها تمني
  5. *مزون شمر*
    26-03-2010, 02:34 PM

    قصيدة / أميرة الشوق

    ديوان الشاعره / جنون الشعر ...


    أميرة شوق .. يا سيدي .. و شوقي بان من بدري
    وانا من يومي .. يا هذا ..أسير كل من حولي

    إذا اغتريت في حالي .. لي اسبابي .. و لي عذري
    بعمري ما قصدت الغير .. و لا عزيت مهبولي

    يجيني قاصدين الخير .. بعض من حرفي وعطري
    و أنا بنت الكرام اللي .. أفز لناس .. من طولي

    كبر نفسي على نفسي .. و قدر الغير من قدري
    و لا فيني قساوة قلب .. و لا لي طبع معلولي

    صحيح إن الفخر فيني صفة وإحساس من صغري
    وإذا زاد الحكي والهرج لساني سيف مسلولي

    و لكن هذا ما ينفي .. عفافي .. طيبتي .. وطهري
    و لا يلمس حلا ذاتي بكلمة جارحة و قولي

    أنا ياللي تبي تفهم .. سبب إصراري .. و كبري
    أنا بنت البلاد اللي .. كساها الدان و اللولي

    جرى هالبحر في دمي .. مثل ما الدم بي يسري
    صعب ينساق تفكيري .. لكلمة حب معسولي

    و لا تنفع معي حيلة .. اذا ما النار .. في صدري
    و بركان الوله طاغي على قلبي و مغلولي

    و تفدا ضحكتي الدنيا .. و نهر الود لي .. حصري
    كما غصن اللبان يميل و زهر الحب مبلولي

    أميرة شوق .. يا سيدي .. و شوقي بان من بدري
    وانا من يومي .. يا هذا ..أسير كل من حولي

    إذا اغتريت في حالي .. لي اسبابي .. و لي عذري
    بعمري ما قصدت الغير .. و لا عزيت مهبولي
  6. *مزون شمر*
    26-03-2010, 02:43 PM

    قصيدة / ليل

    ديوان الشاعره / جنون الشعر ...


    الريح تعصف و المشاعر بها تميل
    والقلب خفقاته ، تناهيد و امال

    وأصل الحكايه إرث .. يتناقله جيل
    وأحزان من عين السحب ليل تنهال]

    تشكي بقايا طيف في عتمها يجيل
    و يغير أحوالها من حال لا حال

    وصوت و صدى و اثار في ظلمة الليل
    كنه شتات أرواح في الجوف لا زال

    ينثر عذابه في الزوايا أقاويل
    و لا هواجيس بها الروح يغتال

    و اصغي ال/ صخب انفاس من دون تعليل
    والدرب خاوي و التصاوير أشكال

    واهذي و اتمتم بين رعب و ترتيل
    ربي يزيح الغيم و ان غيها طال

    وياما جرعت الاه .. من كاسة الويل
    لو كان بيدي حيلة كان .. بحتال

    وما عاد لي قدره على الحط و الشيل
    و القلب في حيره و للهم شيال

    و درب مشيته بالعنا هدني .. حيل
    واسندت ظهري بالهوا لينما .. مال

    وحدي و ليلي دونما ضي قنديل
    و الطيف ضيعته .. كأني بالأدغال

    والعتم و اشباح تحوم .. و مواويل
    مصدر خطاها اقرب لي من ظلال

    و أصوات تتبعني .. و تنهال كالسيل
    و تزيد شرهاتي/ تقطع .. بالأوصال

    وين الملا وين السند و الرجاجيل
    ضاقت بي الدنيا على كل لأحوال

    لين الأسى روح و بانت تهاليل
    بانت شموس الود و النور و الجال

    واقصيت همي دونما أي تأجيل
    حلم(ن) و خلف في تجاويفي أطلال
  7. *مزون شمر*
    26-03-2010, 02:47 PM

    قصيدة / النفوس العليلة

    ديوان الشاعره / جنون الشعر ...




    قلي نسيتي ؟ قلت ربي بعوني
    قلي علامج ؟ قلت مالي بحيله

    يومي ذكرت اللي حسافة نسوني
    مالي سوى ربي حسيبي (كفيله)

    قلي انجرحتي ؟ قلت هم جرحوني
    و اللي وجعني كان قلبي حليله

    اغليتهم لكنهم .. بيحوني
    مالي على صد الأعادي وسيلة

    قلي سكتي ؟ قلت (هم) إكتموني
    صابو خفوقي بالنفوس العليله

    من وين يوجع يالهوى صوبوني
    من يومها حزني ليال طويلة

    ابكي هواهم رغم كثرة طعوني
    ما هانت ايامن بعيني جميلة
  8. *مزون شمر*
    26-03-2010, 02:48 PM

    قصيدة / ذابت حروفي

    ديوان الشاعره / جنون الشعر ...


    كلما ذابت حروفي .. إنفضت .. مني حروف
    و ادعت .. إني غريبه .. واني كلي .. مجرمه

    إعذريني يا حروفي .. كلنا .. بحكم الظروف
    ما لنا غير انتصبر ع الجروح المؤلمه

    جادت أفكاري .. بكلمه .. تحتوي كل الصنوف
    الأماني .. و المعاني .. و الدروب المظلمه

    بس يا قلبي .. حسافه .. ما لقت غير الرفوف
    تحمل افكاري عليها .. و الخفايا المبهمه

    وأعلن الحبر .. اكتئابه و انسحابه و العزوف
    يوم الاوهام اعتلتنا .. و النوايا المعتمه

    ياقصيدة شوق ضاعت .. بين أحلام و طيوف
    و إحتويتي.. من عذابي .. الزوايا المعدمه

    إسمعيني و افهميني .. حنا بالدنيا .. ضيوف
    لو حكيتي .. لا تزيدي .. عن كلام الهمهمه

    ولا تلوميني و لومي .. عين ما عادت .. تشوف
    غير الافكار الرديه .. و الهزل .. و اللملمه

    غابت انوار الحقيقه .. و ابتدا وقت الكسوف
    يظلم اوجاني و روحي .. و الهوى هم يظلمه

    ومالي غير الحرف مرسى .. لو كساني كلي خوف
    بس يا حرفي السموحه .. و الله اني مرغمه

    كلما ذابت حروفي .. إنفضت .. مني حروف
    و ادعت .. إني غريبه .. واني كلي .. مجرمه

    إعذريني يا حروفي .. كلنا .. بحكم الظروف
    ما لنا غير انتصبر ع الجروح المؤلمه
  9. *مزون شمر*
    26-03-2010, 02:52 PM

    قصيدة / همهمات النور

    ديوان الشاعره / جنون الشعر ...


    إلى كل من سمع طيفي .. يناجي همهمات النور
    و يروي قصة الأحباب على أعتاب حرماني

    وينثر من بقايا الوجد .. عطور طيبها منثور
    و يرمي من حلى ذاته مرايا حسن رحماني

    يكلمني و انا أسمع حكايا العاشق المغرور
    ويحكي و يا حلو حكيه عجيبه.. كيف حاكاني

    أحس ان الفرح ماليه و لكن قلبه المبتور
    حكا القصه بعلقمها وحكاها القاصي والداني

    يقل له: شفتها مره .. دانه .. في صحن بلور
    بلا إدراك انا مني لقيت احساسي ناداني

    يناشد هذي الريمه ويطلب طرفها المسحور
    و ذاب بناعس النظره يومه طرفها اغواني

    حسنها شي أذهلني ملامح من حنايا الحور
    و ربي.. أحمده .. ربي إذا من قربها اعطاني

    عجيبه !! كيف هالدنيا ؟؟ تغير حالنا بالفور
    لقيت الدانه اللي لي تنهل من عشق ثاني

    تحبينه و انا احبك .. و حبك في الحشا محفور
    بلحظة كنتي الأحلام وصرتي منبع اشجاني

    تصدني من هواها لين أمسى خاطري مكسور
    واردتني نواظرها .. مثل ما حسنها ارداني

    عجزت اني أغيرها .. و احطم بيننا هالسور
    واصارحها بإحساسي واشاركها بألحاني

    قدرنا مختلف يمكن قدر كل(ن) عليه مجبور
    و لكن ظلت الدانه !حلم صافي و أغواني

    زوايا من مرايا الذات سكنها عشقي المغدور
    و باقي ما بقى مني رسمته خادع اوجاني

    كتبت اشواقي في دفتر هواها حرفه المسطور
    و توجته على عرشي بقايا طيش صبياني
  10. *مزون شمر*
    26-03-2010, 02:53 PM

    قصيدة / سنين البرد يستاهل

    ديوان الشاعره / جنون الشعر ...


    تريد انساك بالساهل و أحسبك ماضي [جهله]
    كأني لا طرقت اصبع يزول العشق بالساهل

    كبرت و غربتي أكبر تجرح داخلي [طفله]
    تساوى القرب في عيني مع اللي مبعدن راحل

    مساحة برد .. ذيلها حدود اشواقه الضحله
    و ماها ممتزج دمعي .. و ملح اوقاتها حافل

    سكبني دم في قربة شرابه .. و ابتدى .. رحله
    ثملني شربة سهله .. و مثله للجفا .. حامل

    تركني .. ارض مهجوره .. أماني عمرها حبله
    صغارن للأسى .. تنشد .. يعود الوصل من جافل

    تعض الكم / تكتمها .. و موق العين مبتله
    و منهو جرد اضلوعي] هواها للأسف قاحل

    جرح في الأمل أثره شهر سيف الغدر سله
    اثاري عذب ضحكاته تخبي نابه القاتل

    حذاري ياللذي هقوك يظل النبض في جهله
    اذا انك ناوين ذلي حذاري حيل تتفائل

    مسير السيل وإن طول يعود أضعاف ما قبله
    مسير الود يتحول .. قسا .. ان كافح و قاتل

    تشوف اشلون ينبت شوك من اوراقي / الفله
    و كيف السم من طرفي يهل بضيقته / ماثل ..!!

    رسمت الكحل لعيونك و بيدك سالت الكحله
    تمنت شوفتك منيا و لكن بالهوى .. جاهل

    تخالط ظيمك و حرة جفاك و ماضيك (وهله)
    قساك و محنة .. حطت رحالي .. باخر الساحل

    و عطر(ن) بات لي ذكرى .. أماسي فرحة خجله
    رماد بعدما طفت وراها .. نورها .. الشاعل

    مرد الشين و إن زانت .. دروبه ينتمي لأصله
    رخيت الحبل لك أثري .. رخيت احبال متناحل

    هبوب الريح به يقطع .. الينه فاز .. في نحله
    نها في داخلي وهم .. جرعته/حزن .. متواصل

    زرع بي غرس متبلد .. عطيب الوجد من نسله
    ختم بالشمع قصتنا .. قفلها .. حبره الكاحل

    تهاني للذي أبدع .. غرامه .. و أبدع القفله
    (عطا) و (جفول) معناها ضياع مجمل الحاصل

    لفاني طفلة و اهمل غرامي .. طفلة كهله
    تجاعيد الألم .. حبي نقشها خط متثاقل

    حقيقة صبر وحمولي .. تزيد .. و تخفت الشعله
    بليد الحس ما يسوى يطول بدنيته جادل

    اذا انه استسهل ابعادي تراها بعيني هم سهله
    و منهو يرخص بخله .. سنين البرد .. يستاهل
123456