12345678

ديوان الشاعره نوض ...

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    23-03-2010, 08:56 PM

    ديوان الشاعره نوض ...

    ديوان الشاعره نوض ...


    ديوان الشاعره نوض ...


    صباحكم / مساكم عذب

    تصفحت ديوان الشاعره نوض ...
    وطابت لي قصائدها
    ولكن للاسف لاملك اي معلومه عنها

    كل ماعرفه ان الشاعره نوض هي شاعره اخر غير الشاعره نوض سدير المعروفه
    اترككم مع قصائدها عسى ان تروق لكم كم راقت لي




    ديوان الشاعره نوض ...
  2. *مزون شمر*
    23-03-2010, 08:57 PM

    قصيدة / ( يوم السبت ) !!

    ديوان الشاعره نوض ...


    فديت منهو بيوم (السبت) قابلته
    جاني مع الشوق لعيوني وراضاني

    وأنا تأسفة له يومي مزعلته
    ماكنت اظنه يزعلني ويجفاني

    بس اتضح لي زعل من شي قايلته
    واللي ذبحني مشا عني وخلاني

    لاشك خابر غلاتي له ومنزلته
    وعود لي امن الوله كله على شاني

    مايدري اني هذاك اللييل واصلته
    واقول : (ياليت يرجع نصي الثاني)

    من بد خلق الله الاعيان قابلته
    والله منساه لين الرب ينساني
  3. *مزون شمر*
    23-03-2010, 08:58 PM

    قصيدة ( ابدوي ) !!

    ديوان الشاعره نوض ...


    الزعل لا يقتل الشوق والحب ايهوي
    وانت عارف وش مكانك وماتجهل غلاك


    ادري ان فيك التمدن ونعرات ابدوي
    غيرتك من داخل القلب تحكيها شفاك


    والله ان الشك يذبح ويلويني لوي
    وانزوي عن عالم الشوق في لحظة جفاك


    خابره قلبك من الشوق ياعمري قوي
    لو تبين غيرة الحب عالي مستواك


    ولا انا قلبي على نار شوقي مستوي
    صادقه من صادق الشوق وامشي في هواك
  4. *مزون شمر*
    23-03-2010, 08:59 PM

    قصيدة ( قسوتك ) !!

    ديوان الشاعره نوض ...


    جيت كلي من ضما الشوق وعيوني تبيك
    برتوي شوفك لو الشوف مايروي ضماي

    قلت ابتغلا وابزعل وابرجع بين ايديك
    مادريت انك من اليوم تتحرى خطاي

    لاتعاتبني طلبتك ويرحم والديك
    ماقصرت الواجب اللي يقلل من غلاي

    وافيه بحقوق الاحباب مامعك الشريك
    حافظه حبك عن الناس في لبة حشاي

    لو تبيني بس اعدد حقوقي اللي عليك
    كان والله تعترف لي بتقصيرك معاي

    لكن الحب الحقيقي يخليني اجيك
    واعنيلك بس ادور من الضيقه دواي

    وأتفاخر بين نفسي وحبي واشتريك
    من غلاتك كنك النجم في عالي سماي

    قسوتك فيني كبيره ومدري اشصار فيك !
    لاتجنني بفعلك .. ولاتبحث خفاي
  5. *مزون شمر*
    23-03-2010, 09:01 PM

    قصيدة يا (مها)

    ديوان الشاعره نوض ...


    يا(مها) لو أطالع بالمرايه أشوف
    الدموع الغزيره يوم جفني خدر

    ابتدي من غلاته وانتهي بالوصوف
    وأنتخي في دموعي لو دموعي هدر

    مايفيد التمني لو صفقت الكفوف
    وما تفيد القصايد مع لهيب الصدر

    قلت أعيش العمر قبل الأماني تطوف
    واتحاشا ظروفي لو ظروفي كدر

    من حبيب على وصلي شفوق عطوف
    يوم غيره لقلبي لا حشا ماقدر

    كامل بالمزايا في وفاه امعروف
    والوفى في زمان الحب هذا .. ندر

    عشت معه الهوى مابين غيره وخوف
    اتفادا من التقصير لو ما بدر

    لجل عينه بدعت احساس فكري حروف
    أكتبه للعلا ماهوب للمنحدر

    لكن الحب يذبح والقهر بالظروف
    ويل حالي من أوضاع القضى والقدر
  6. *مزون شمر*
    23-03-2010, 09:05 PM

    قصيدة ( ياسامع الصوت )

    ديوان الشاعره نوض ...


    وشلون اوصيك يا عمري وتنساني؟!؟
    وتحط عذرك على نومك وجوالك

    تقول توي اشتركت ابخطي الثاني
    والصدق : ماجيت يا عمري على بالك

    وشلون؟ مدري! ولكن التعب جاني
    وانا اتحراك واتشفق لمرسالك

    ابحرت في مركبي والشوق وجداني
    وأفكاري امشتته من عقلي الهالك

    واظنوني اللي تموتني وتفناني
    أكبر سبب جابها ياعمري اهمالك

    وعود بي الظن لين الشك وداني
    أبدي معا غيبتك .. وارسي على جالك

    ياسامع الصوت وقف لا تعداني
    حافظ على الحب يوم ان الحشا شالك

    غلاك والله عدا حبي اخواني
    تبقا على الود والتفكير يبقالك

    قلبي ملكته وروحك هزت اركاني
    يعني بعد (شايبي وامي) .. لك الحالك

    لاترخص الروح وتجدد لي احزاني
    وأنا من سنيين كنت أهواك واسعالك

    ان رحت وان جيت يغلا الناس تلقاني
    قدام عينك ,, وياجعل السعد فالك
  7. *مزون شمر*
    23-03-2010, 09:08 PM

    قصيدة (الحاله المستقره )

    ديوان الشاعره نوض ...


    ياصوتي اللي كل قاف يجره
    من هاجس بين المعاليق مكبوت

    اليوم خامس والمقادير مره
    عجزت اسجل بيت في صفحة النوت

    خذيت لي بالفكر فره وفره
    اصوم واحساسي يجي كنه القوت

    رحماك ياخالق نجوم المجره
    يامنجي يونس من الموت بالحوت

    امي غلاها وسط قلبي مقره
    بين من عيوني وبالقلب منحوت

    انك تكافيها مرضها وشره
    يالله ياللي منك الانسان مبهوت

    اليا بكت حره وحره وحره
    الهم حطمنا ولات الحشا لوت

    مليت من ذاك الجناح وممره
    اسج بالافكار والعالم اسكوت

    وان شفتها فالحاله المستقره
    من غير لأشعر يخترق صمتي الصوت

    واقول في قلبي ثلاثين مره
    بيت احفظه يسوى له بيوت وبيوت

    (ياليتني بينج وبين المضره
    من غزة الشوكه الى سكرة الموت)
  8. *مزون شمر*
    23-03-2010, 09:09 PM

    قصيدة (مشة الزور )

    ديوان الشاعره نوض ...


    ياضيق الانسان لامن صار محتاج
    وياحظ الانسان لا من صار ميسور

    اوجيهنا شاحبه والضحك مكياج
    وعبراتنا عالقه في مشة الزور

    لو ينزل الدمع ماسبب لي احراج
    لا صرت متضايقه فالدمع معذور

    يالله يالله يالي منك الافراج
    تلطف بعبدك الا من جاك مكسور

    لا شك ليت المرض نلقاله اعلاج
    ياعالم الغيب يالرزاق مشكور

    بأمرك يطيب المرض ويغيب الازعاج
    والله يصخر لنا بالعلم دكتور
  9. *مزون شمر*
    23-03-2010, 09:10 PM

    قصيدة ( منت رايق )

    ديوان الشاعره نوض ...


    يبه احس بضيقتك لا صرت يغلا الناس .. زعلان
    بين من عيونك ومن وجهك ليا صرت امتضايق

    الله يالدنيا وسبحان الولي .. ياضعف الانسان
    قبل امس تضحك من فرح .. واليوم والله منت رايق

    انا بعد مثلك ترى قلبي من الصدمات .. تعبان
    احاول انسى وان نسيت اذكر .. واغلق في دقايق

    اضحك واجامل واتظاهر بالفرح لفلان .. وفلان
    وانا من الضيقه احس ان الحشا ولع حرايق

    اي والله اني ضايقه بالحيل وأدري فيك عمسان
    لكن ماباليد حيله يايبه هذي ضوايق

    إن كاننا . نزعل من المكتوب .. هذا قل ايمان
    هذ اختبار الله لعبده لو تواجهنا .. عوايق

    لابد نسعى للعلاج وننهي الضيقه والاحزان
    حنا بوجه الله عظيم المقدره رب الخلايق
  10. *مزون شمر*
    23-03-2010, 09:12 PM

    قصيدة ( قناعتي )

    ديوان الشاعره نوض ...


    الصيت غايه وانا (المرقاب) يقنعني
    مارحت ادور على الشهره واتابعها

    قناعتي كنز والتفكير يبدعني
    واسعى ورى فكرتي وتضيع وأجمعها

    ماهمني من يكون إن كان يسمعني
    هذي حياتي وعشت اليوم واقعها

    وصلت للي أبيه وحلمي المعني
    وهمومي الفايته بانت مدامعها

    مافيه مخلوق يسعالي وينفعني
    كلن ورى غايته يرقا وينفعها

    عاداتنا عن كلام الناس تمنعني
    حفظت مضمونها من زود مسمعها

    ياصاحبي إستمع لي لا تقاطعني
    الغيره اللي بقلبك لا تولعها

    ادري تبيني وتغليني وتودعني
    باقصى ضلوعك ونفسي لا تودعها

    ماتدري ان الغلا والشوق لوعني
    والغيره اللي تصارعني واصارعها

    تعال ابايعك . واحلف لك . وبايعني
    وأكتب قصيده وبسم الشوق وزعها

    وان ضقت من غيرتك ياغايتي طعني
    اقرى ردودي . وفصفصها . وراجعها

    حبيبتك شاعره لو قلت : وش يعني؟!
    بقول لك : منتدى المرقاب دلعها

    المنتدى اللي عليه الشوق يدفعني
    ماهيب هي لحية امسك لي وانا اقطعها

    لاشك ماعشت في جو يزعزعني
    واصبر على المشكله والله يقلعها

    هو منتداي الوحيد اللي يمتعني
    ومغنيني الله عن الساحه ومطمعها
12345678