لكزس وجوال ...

الشعر, قصيدة , شعراء, القصايد ارسال إلى Twitter ارسال إلى facebook
  1. سلطان الشمال
    08-02-2005, 02:54 PM

    لكزس وجوال ...

    لكزس وجوال ...


    ياقلب كم لك وانت من حال في حال = من شفت (سارة) وانت حالتك حالة

    أنا معك حلوة ونظراتها هبال = بس الغرام الصعب مالك ومالة

    ذي عندها لكزس وسايق وجوال = وأنا كورولا .. لا وبإسم الوكالة

    سواقها في ذمتي ياكل أثقال = كله عضل شف كيف يرفع شماله !!

    تعوذ من إبليس ذي دونها رجال = وأنا مكسر خل منك الهبالة

    تسكن بفلة ماتجيلك على بال = شغل أجنحة .. ماهو مقلط وصالة

    مصروفها يكفي ثمانين رجال = ياشيخ أبوها مادرى كم حلاله

    حتى أمها ياصاحبي حرمة أعمال = واخوانها .. كل غني في مجاله

    إعقل يبو .. بيحلها ألف حلال = أنا أطلب الله وادعيه وأساله

    إسهر وفل حجاج نبضك وإذا طال = فيك السهر .. ارقد مثل منت داله

    وش غيرك ! .. قد كانت أوضاعنا عال = لارحم أبو (روبي) على (البرتقالة)

    خلوك للحسرة والامال حمال = حتى غديت بداخل الصدر عالة

    حتى هلي من شافني منهم قال : = لا يابري حالي وياوجدنا له

    ياقلب تكفى وش معك والتخبال = إلعن ابليس وكب منك الخبالة
  2. *مزون شمر*
    06-10-2008, 06:25 AM

    لكزس وجوال ...


    صح السان الشاعر
    يسلموو عالنقل
  3. °° مجنونة خالد °°
    06-10-2008, 07:37 AM

    لكزس وجوال ...


    ياقلب تكفى وش معك والتخبال = إلعن ابليس وكب منك الخبالة
    كلمات تجننننننننن
    اخوي سلطان الشمال ....
    الله يرسم بو جهك الضحكه مثل ما رسمتها بوجهي
    يعطيك العافية يالغلا
    وبليييز ....
    لا تحرمنا من جديدك
  4. مجنون خالد
    06-10-2008, 09:31 AM

    لكزس وجوال ...


    روووووووووووعة ربي يعطيك الف عافية

    مشكور وما قصرت


    نقل جمييييل


    تحياتو
  5. haN3n
    06-10-2008, 12:07 PM

    لكزس وجوال ...



    سلطان الشمال


    احسنت في طرح هالقصيده الرائعه

    استمتعت جدا بقراتها

    يعطيك الف عافيه

    ولا عدمناك

    دمت بكل خير