قصيدة سعدة والعصفور والمدرسة - كريم العراقي

ديوان الشاعر كريم العراقي
  • ارسال إلى Twitter
  • ارسال إلى facebook
  • ارسال إلى google plus
    1. نزف خاطرة
      13-03-2010, 07:10 PM

      قصيدة سعدة والعصفور والمدرسة - كريم العراقي

      قصيدة سعدة والعصفور والمدرسة - كريم العراقي


      سعده بت شارعنه شكره وسعده قارب ما رسه
      راح يسكيهه مطرنه وبرعمت بالمدرسه
      مكلله بجفيه نيلي..والشرايط كمبرات
      تجي كبل الطالبات
      إشما يجيهه بالحلم
      ترسمه بالغبشه رسم
      راسمه نخله طويله ..وبلم مكلوب ونهر
      وراسمه شمس الغروب..شمعه معتلكه إبجرح
      وراسمه رحال بدوي..باديه بكلمة ملح
      تالي ومكمله وجهه.. وذايبه كلمة ملح
      وراسمتني اني عصفور المدينه
      أبيض بلون الصبح..
      المعلمه شافت الدفتر وشكت :
      __ إنتي يرسملج أبوج ..هذا بدوي من صدك
      راح يصعد للعثك
      وهذا عصفورج حقيقي..يريد يحجي..يريد بالمدرسه يطير
      __ ست خطيه.. ست فقير..
      __ أس..أسكتي ولا كلمه..
      __ ست إذا أرسمله نجمه..
      __ تحترك..لا..تحترك..
      __ ست إذا تحضنها غيمة..ست..إذا..
      __ لا تحترك..
      يفتح العصفور جنحه..للسماوات الزرك
      يرفرف العصفور جنحه..وتنطبك
      ..الطفله.. حلت ظفيرتهه
      الطفله صفنت وانحنت
      الطفله..جفيتهه نيلي
      كطعت الدكمه وبجت..
      هي منين إلهه رسام
      عاجز أبوها وساكن بكبة إمام
      الطفله..بالدمعات غركت شهادتهه
      ..اني عصفور الطفوله..وما أكوله :
      هي رسمتني بديها واني شايل علامتهه
      طحت من نخلتهه فحمه ليش شكت معلمتهه..؟
      كريم العراقي
      ليلة 11-12/2/1974
      قطار بغداد_البصرة
      250*300 Second
    2. *عاشق انسانة*
      03-09-2010, 12:43 AM

      رد: قصيدة سعدة والعصفور والمدرسة - كريم العراقي

      قصيدة سعدة والعصفور والمدرسة - كريم العراقي


      تسلمين وردة
    3. MaLeK-3l -Ard
      24-03-2013, 10:28 PM

      رد: قصيدة سعدة والعصفور والمدرسة - كريم العراقي

      قصيدة سعدة والعصفور والمدرسة - كريم العراقي



      حروووف وكلمات اكثر من رائعه ،،

      لشاعر انيق الكلمه ،،

      شكرا لنقل المتميز ،،