كان ياما كان

بوح الخواطر, مشاعر وخواطر من قلبي ارسال إلى Twitter ارسال إلى facebook
  1. ميت بعيوونها
    11-09-2006, 02:09 AM

    كان ياما كان

    كان ياما كان


    كان ياما كان




    كان يا ما كان يا مستمعين الكلام... و ما يحلى الحكي الا بالصلاة على محمد خير الانام...

    زيدوا المصطفى صلاة...

    هاظ يا سادة يا كرام...يا اهل الجود و الإكرام..

    كان في...

    و لما كان في...كان هناك كل شي..

    كان في بلد ما تعرف الشمس غيرها وطن...

    و القمر فيها وجه صبية مليحة..

    و كان فيها ناس...الحب و الخير فيها اساس..

    كان يا ما كان..

    وطن..حب...سلام...أمن..شجر..عمر..قمر..

    كان يا ما كان..

    كان في وطن...اسمه فلسطين...

    و يا احبابي يا سامعين..ما في متلها اتنين.

    ما بدي اكتر عليكم حكي...

    طلع في يوم عليها الصبح..

    هجمت الذيابه....و ما كانت خيابه..

    هجموا على البيوت...على الكروم..ع الخوابي..حرقوا الروابي..

    و قلعوا عين الصبية.

    و طفوا الشمس..

    و صار الشعب الحر ساكن بخيام..

    و ما بكي عليهم حد..لانه البكي بده زلام.

    و في هالعالم ما كان زلام غيرهم..

    سكنوا بالخيام..

    ايش ضل بالقصة..

    طلعوا عليهم بقصة توطين..و اكياس طحين..

    يا ويلي ع المساكين..

    طلع فيهم منادي و قال:

    يا عالم يا هووووو

    يا سامعين الصوت..

    و رب السما و الدنيا..ترابك يا فلسطين ما يهون.

    انا لاجئ ساكن بخيمتى لحتى ارجع او القيامة تقوم..

    ما برضى بالذل..

    راح ابقى عربي فلسطيني..

    عاشق ع طول العمر..

    عشقي فلسطيني

    يا سامعين الصوت..

    انا فلسطيني..

    انا فلسطيني..

    انا فلسطيني

    و هيك يا سادة يا كرام..

    صلوا ع المصطفي قبل منكمل الكلام..

    و بقى الفلسطيني جرح بصدر الزمان..

    حامل جروحه و ين ما كان..

    لسه ما بدت القصة لحتى تنتهي..
    لسه الحكي قدام..

    بس الفلسطيني و صاني ابلغكم السلام..

    و بوصيكم..

    ادعولهم..لحتى ربي يفرج الكرب..و يرجعوا زي زمان....
  2. عالي مستواه
    12-09-2006, 12:26 AM

    كان ياما كان


    كلام متقن

    وهذا لم يأتي من فراغ وإنما

    من واقع تع يشه

    اللله ينصركم ويرجع الكل ع بلده

    ..

    ..

    كل الشكر لك أخ ي

    ..

    ..

    تحيتي
  3. فواكه
    16-09-2006, 02:17 PM

    رد : كان ياما كان

    كان ياما كان


    مشكور ميت بعيونها على هذا الاحساس الصادق ويارب ينصر كل من رفع رايت الاسلام ووحد كلمت المسلمين
  4. الحـ الأول ـلم
    15-10-2006, 12:39 PM

    رد: كان ياما كان

    كان ياما كان


    باركالله فيك

    هذه حكاية أرض وشعب

    كتبت بدماء الشهداء
    وأمهاتهن
    والثمن هو حياة أمة ومستقبلها

    للأسف أخوي
    قطعة من الكيك وتقسمت
    وكل واحد أخذ نصيبه

    طول مافي خيانة
    أخي لا تتوقع شي

    ما نقول غير الله نصرنا على أعدائنا
    وأعداء الأمة العربية


    اخوك
    الحلم الأول
  5. الـoــoــيــj
    22-10-2006, 09:39 PM

    رد: كان ياما كان

    كان ياما كان


    بارك الله فيك ويعطيك العافيه
  6. ~oo×NAWARAH×oo~
    29-03-2010, 08:36 AM

    كان ياما كان


    يعطيك العافيه ..
    ينقل للقسم الأنسب .
  7. AHMAD akkwy
    29-03-2010, 09:43 AM

    كان ياما كان


    فلسطين عربيه ستبقى حر ابيه


    وشعبها حر لايقبل الهوان سيبقى مجهاد


    ومقاتل وستعود القدس ايديهما


    الحرالشريفه وان شاء الله الامه العربيه ما بتقسر


    مشكورين على هذه الكلمه ودمتم بود


    اخوكم احمد عكاوي
  8. همسي
    29-03-2010, 11:17 AM

    كان ياما كان


    اه
    والشعب مهجر وعايش بخيام
    بستنا التوطين
    واللا بستنا شوالات طحين
    والله حكايتنا حكاية
    شعب فلسطين
    انكتب عليه يعيش مهجر
    من بلد لبلد دايرين
    ولا عمرنا رح نستقر او نلاقي مكان يلمنا
    لانه بقلوبنا وطنا
    ومهما عنو بعدنا
    لا بد يوم الو مرجعنا

    حموده

    نقلت لنا حكاية
    دايما قبل لا انام افكر فيها
    واتساءل
    ليه
    ليه احنا بالذات انكتب علينا نكون بعيدين عن لبلاد
    ناس تعيش وناس تموت
    واحنا حتى نشم تراب فلسطين ما صحلنا
    الله بعين ..
    تسلم على الكلمات الرائعة وعلى النقل الجميل ..
    اتركك في امان الله ..