ماعاد لي قلب تشفعله مراسيله

طير القوافي

V - I - P, , , ,
ماعاد لي قلب تشفع لك مراسيله


مدري نساه الغلا والا نسا شوقي


اصبحت عم الجفا واسرجت لك خيله

والعفو كان اختلف شكلي ومنطوقي

ودعت حب تغنت لي مواويله

ياكثر مافي طريقه ضاعت احقوقي

لاعاده الله من هذي مداهيله

من بين حدب الضلوع وبين معلوقي

فان كان جيتي سفير الحب قولي له

جوازي الدبلوماسي وسط صندوقي

مادام مالي وطن ماداعي اشيله

حتى فصيلة دمي ماتعرف اعروقي

اهديت جرح سرقني من مضاليله

واخذت بيت من النجمين مسروقي

من كان ذاك الوله واقف على حيله

وانا اعرف الذوق مايطلع على ذوقي

تقول بيت دخلته شب قنديله

وانا معين رواق البيت مفتوقي

مقيالي اليوم بس وماشي الليله
والقاع من تحت رجلي والسما فوقي

ماهي بحيله ولكن سمها حيله

ماقلت لي قفر ماسميه مطروقي

اغيب واعشق هذايانه وتبديله

وانساه وانسى خطاي وقلة وفوقي

واليوم ماعاد تاصلني مراسيله

صكيت باب الغلا وانسيت من شوقي


كلمات وإداء الشاعر / هادي العيافي






للاستماع للقصيدة :...

http://www.fesal.net/voices-action-show-id-5569.htm



مودتي
طير القوافي
 
صح لسان قايلها وسلمت يمينك يا طير

واليوم ماعاد تاصلني مراسيله

صكيت باب الغلا و
انسيت من شوقي
 
مادام مالي وطن ماداعي اشيله

حتى فصيلة دمي ماتعرف اعروقي

اهديت جرح سرقني من مضاليله

واخذت بيت من النجمين مسروقي



صح لسانك ولسان الشاعر /هادي العيافي ويعطيك الف عافيه
 
سيدي

طير القوافي

ابدعت بكلامك وبجمال همسك

وخططت حروفا في غايه الروعه والجمال


تحياتي لك

لاعدمنا الله تواجدك



دمت بود .................. اخي الفاضل
 
عودة
أعلى